ਪ੍ਰਧਾਨ ਮੰਤਰੀ ਸ਼੍ਰੀ ਨਰੇਂਦਰ ਮੋਦੀ ਦੀ ਪ੍ਰਧਾਨਗੀ ਹੇਠ ਹੋਈ ਆਰਥਿਕ ਮਾਮਲਿਆਂ ਦੀ ਕੈਬਨਿਟ ਕਮੇਟੀ (ਸੀਸੀਈਏ) ਨੇ ਅਸਾਮ ਦੇ ਕਾਜ਼ੀਰੰਗਾ ਨੈਸ਼ਨਲ ਪਾਰਕ (ਕੇਐੱਨਪੀ) ਸੈਕਸ਼ਨ 'ਤੇ ਪ੍ਰਸਤਾਵਿਤ ਜੰਗਲੀ ਜੀਵਾਂ ਦੇ-ਅਨੁਕੂਲ ਪੈਮਾਨੇ ਦੇ ਅਨੁਸਾਰ ਲਾਗੂ ਕਰਨ ਦੇ ਨਾਲ, ਰਾਸ਼ਟਰੀ ਰਾਜਮਾਰਗ-715 ਦੇ ਕਾਲੀਬੋਰ-ਨੁਮਾਲੀਗੜ੍ਹ ਸੈਕਸ਼ਨ ਦੇ ਮੌਜੂਦਾ ਕੈਰਿਜਵੇਅ ਨੂੰ ਚੌੜਾ ਕਰਨ ਅਤੇ 4-ਲੇਨ ਕਰਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ। ਇਹ ਪ੍ਰੋਜੈਕਟ ਇੰਜੀਨੀਅਰਿੰਗ, ਖਰੀਦ ਅਤੇ ਨਿਰਮਾਣ (ਈਪੀਸੀ) ਮੋਡ 'ਤੇ ਤਿਆਰ ਕੀਤਾ ਜਾਵੇਗਾ, ਜਿਸ ਦੀ ਕੁੱਲ ਲੰਬਾਈ 85.675 ਕਿਲੋਮੀਟਰ ਹੈ ਅਤੇ ਕੁੱਲ ਪੂੰਜੀ ਲਾਗਤ 6957 ਕਰੋੜ ਰੁਪਏ ਹੋਵੇਗੀ।

NH-715 (ਪੁਰਾਣਾ NH-37) ਦਾ ਮੌਜੂਦਾ ਕਾਲੀਬੋਰ-ਨੁਮਾਲੀਗੜ੍ਹ ਸੈਕਸ਼ਨ ਪੱਕੇ ਮੋਢਿਆਂ  ਦੇ ਨਾਲ/ਬਿਨਾ 2 ਲੇਨ ਦਾ ਹੈ, ਜੋ ਜਾਖਲਾਬੰਧਾ (ਨਾਗਾਓਂ) ਅਤੇ ਬੋਕਾਖਾਟ (ਗੋਲਾਘਾਟ) ਕਸਬਿਆਂ ਦੇ ਸੰਘਣੀ ਆਬਾਦੀ ਵਾਲੇ ਖੇਤਰਾਂ ਵਿੱਚੋਂ ਹੋ ਕੇ ਲੰਘਦਾ ਹੈ। ਮੌਜੂਦਾ ਹਾਈਵੇਅ ਦਾ ਇੱਕ ਵੱਡਾ ਹਿੱਸਾ ਜਾਂ ਤਾਂ ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਵਿੱਚੋਂ ਲੰਘਦਾ ਹੈ ਜਾਂ ਪਾਰਕ ਦੀ ਦੱਖਣੀ ਸੀਮਾ ਦੇ ਨਾਲ-ਨਾਲ 16 ਤੋਂ 32 ਮੀਟਰ ਦੀ ਸੀਮਿਤ ਰਾਈਟ-ਆਫ-ਵੇਅ (ROW) ਚੌੜਾਈ ਦੇ ਨਾਲ,  ਜੋ ਕਾਫੀ ਮਾੜੇ ਜਿਓਮੈਟ੍ਰਿਕ ਰੂਪਾਂ ਕਰਕੇ ਹੋਰ ਵੀ ਬਦਤਰ ਹੋ ਗਿਆ ਹੈ। ਮੌਨਸੂਨ ਦੌਰਾਨ, ਪਾਰਕ ਦੇ ਅੰਦਰ ਦਾ  ਖੇਤਰ ਪਾਣੀ ਨਾਲ ਭਰ ਜਾਂਦਾ ਹੈ, ਜਿਸ ਨਾਲ ਜੰਗਲੀ ਜੀਵਾਂ ਨੂੰ ਮੌਜੂਦਾ ਹਾਈਵੇਅ ਪਾਰ ਕਰਕੇ ਉੱਚੀਆਂ ਕਾਰਬੀ-ਐਂਗਲੌਂਗ ਪਹਾੜੀਆਂ ਵੱਲ ਜਾਣ ਲਈ ਮਜਬੂਰ ਹੋਣਾ ਪੈਂਦਾ ਹੈ। ਹਾਈਵੇਅ 'ਤੇ 24/7 ਭਾਰੀ ਆਵਾਜਾਈ ਕਾਰਨ ਅਕਸਰ ਦੁਰਘਟਨਾਵਾਂ ਅਤੇ ਜੰਗਲੀ ਜਾਨਵਰਾਂ ਦੀ ਮੌਤ ਹੁੰਦੀ ਹੈ।

ਇਨ੍ਹਾਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਲਈ, ਇਸ ਪ੍ਰੋਜੈਕਟ ਵਿੱਚ ਲਗਭਗ 34.5 ਕਿਲੋਮੀਟਰ ਉੱਚੇ ਇੱਕ ਐਲੀਵੇਟਿਡ ਕੌਰੀਡੋਰ ਦਾ ਨਿਰਮਾਣ ਸ਼ਾਮਲ ਹੋਵੇਗਾ, ਜੋ ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਤੋਂ ਕਾਰਬੀ-ਐਂਗਲੌਂਗ ਪਹਾੜੀਆਂ ਤੱਕ ਪੂਰੇ ਜੰਗਲੀ ਜੀਵਾਂ ਦੀ ਸੰਪੂਰਨ ਆਵਾਜਾਈ ਨੂੰ ਕਵਰ ਕਰੇਗਾ, ਤਾਂ ਜੋ ਜੰਗਲੀ ਜੀਵਾਂ ਦੀ ਮੁਕਤ ਅਤੇ ਨਿਰਵਿਘਨ ਆਵਾਜਾਈ ਨੂੰ ਯਕੀਨੀ ਬਣਾਇਆ ਜਾ ਸਕੇ। ਇਸ ਤੋਂ ਇਲਾਵਾ, 30.22 ਕਿਲੋਮੀਟਰ ਲੰਬੀ ਮੌਜੂਦਾ ਸੜਕ ਨੂੰ ਅਪਗ੍ਰੇਡ ਕੀਤਾ ਜਾਵੇਗਾ ਅਤੇ ਜਾਖਲਾਬੰਧਾ ਅਤੇ ਬੋਕਾਖਾਟ ਦੇ ਆਲੇ-ਦੁਆਲੇ 21 ਕਿਲੋਮੀਟਰ ਗ੍ਰੀਨਫੀਲਡ ਬਾਈਪਾਸ ਵੀ ਬਣਾਇਆ ਜਾਵੇਗਾ। ਇਸ ਨਾਲ ਮੌਜੂਦਾ ਕੌਰੀਡੋਰ ‘ਤੇ ਭੀੜ-ਭੜੱਕਾ ਘੱਟ ਹੋਵੇਗਾ, ਸੁਰੱਖਿਆ ਵਿੱਚ ਸੁਧਾਰ ਹੋਵੇਗਾ, ਅਤੇ ਗੁਵਾਹਾਟੀ (ਰਾਜ ਦੀ ਰਾਜਧਾਨੀ), ਕਾਜ਼ੀਰੰਗਾ ਨੈਸ਼ਨਲ ਪਾਰਕ (ਇੱਕ ਸੈਰ-ਸਪਾਟਾ ਸਥਾਨ), ਅਤੇ ਨੁਮਾਲੀਗੜ੍ਹ (ਇੱਕ ਉਦਯੋਗਿਕ ਸ਼ਹਿਰ) ਵਿਚਕਾਰ ਸਿੱਧਾ ਸੰਪਰਕ ਵਧੇਗਾ।

ਇਹ ਪ੍ਰੋਜੈਕਟ ਦੋ ਪ੍ਰਮੁੱਖ ਰਾਸ਼ਟਰੀ ਰਾਜਮਾਰਗਾਂ (NH-127, NH-129) ਅਤੇ ਇੱਕ ਰਾਜ ਮਾਰਗ (SH-35) ਨੂੰ ਜੋੜਦਾ ਹੈ, ਜਿਸ ਨਾਲ ਪੂਰੇ ਅਸਾਮ ਦੇ ਪ੍ਰਮੁੱਖ ਆਰਥਿਕ, ਸਮਾਜਿਕ ਅਤੇ ਲੌਜਿਸਟਿਕ ਕੇਂਦਰਾਂ ਨੂੰ ਨਿਰਵਿਘਨ ਸੰਪਰਕ ਮਿਲਦਾ ਹੈ। ਇਸ ਤੋਂ ਇਲਾਵਾ, ਅੱਪਗ੍ਰੇਡਿਡ ਕੌਰੀਡੋਰ ਤਿੰਨ ਰੇਲਵੇ ਸਟੇਸ਼ਨਾਂ (ਨਾਗਾਓਂ, ਜਾਖਲਾਬੰਧਾ, ਵਿਸ਼ਵਨਾਥ ਚਰਾਲੀ) ਅਤੇ ਤਿੰਨ ਹਵਾਈ ਅੱਡਿਆਂ (ਤੇਜ਼ਪੁਰ, ਲਿਆਬਾਰੀ, ਜੋਰਹਾਟ) ਨੂੰ ਜੋੜ ਕੇ ਮਲਟੀ-ਮਾਡਲ ਏਕੀਕਰਣ ਨੂੰ ਵਧਾਏਗਾ, ਜਿਸ ਨਾਲ ਪੂਰੇ ਖੇਤਰ ਵਿੱਚ ਸਮਾਨ ਅਤੇ ਯਾਤਰੀਆਂ ਦੀ ਤੇਜ਼ ਆਵਾਜਾਈ ਸੰਭਵ ਹੋਵੇਗੀ। ਇਹ ਪ੍ਰੋਜੈਕਟ ਦੋ ਸਮਾਜਿਕ-ਆਰਥਿਕ ਕੇਂਦਰਾਂ ਅਤੇ ਅੱਠ ਟੂਰਿਸਟ ਅਤੇ ਧਾਰਮਿਕ ਸਥਾਨਾਂ ਨਾਲ ਸੰਪਰਕ ਨੂੰ ਵੀ ਬਿਹਤਰ ਬਣਾਏਗਾ, ਜਿਸ ਨਾਲ ਖੇਤਰੀ ਆਰਥਿਕ ਵਿਕਾਸ ਅਤੇ ਧਾਰਮਿਕ ਸੈਰ-ਸਪਾਟੇ ਨੂੰ ਹੁਲਾਰਾ ਮਿਲੇਗਾ।

ਪੂਰਾ ਹੋਣ 'ਤੇ, ਕਾਲੀਬੋਰ-ਨੁਮਾਲੀਗੜ੍ਹ ਸੈਕਸ਼ਨ ਖੇਤਰੀ ਆਰਥਿਕ ਵਿਕਾਸ ਵਿੱਚ, ਪ੍ਰਮੁੱਖ ਭੂਮਿਕਾ ਨਿਭਾਏਗਾ, ਪ੍ਰਮੁੱਖ ਟੂਰਿਜ਼ਮ, ਉਦਯੋਗਿਕ ਅਤੇ ਆਰਥਿਕ ਕੇਂਦਰਾਂ ਵਿਚਕਾਰ ਸੰਪਰਕ ਨੂੰ ਮਜ਼ਬੂਤ ​​ਕਰਨ, ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਵਿੱਚ ਸੈਰ-ਸਪਾਟੇ ਨੂੰ ਹੁਲਾਰਾ ਦੇਵੇਗਾ ਅਤੇ ਵਪਾਰ ਅਤੇ ਉਦਯੋਗਿਕ ਵਿਕਾਸ ਲਈ ਨਵੇਂ ਰਸਤੇ ਖੋਲ੍ਹੇਗਾ। ਇਹ ਪ੍ਰੋਜੈਕਟ ਲਗਭਗ 15.42 ਲੱਖ ਮਨੁੱਖੀ ਦਿਨਾਂ ਦਾ ਸਿੱਧਾ ਰੁਜ਼ਗਾਰ ਅਤੇ 19.19 ਲੱਖ ਮਨੁੱਖੀ ਦਿਨਾਂ ਦਾ ਅਸਿੱਧਾ ਰੁਜ਼ਗਾਰ ਦਾ ਨਿਰਮਾਣ ਕਰੇਗਾ, ਅਤੇ ਆਲੇ ਦੁਆਲੇ ਦੇ ਖੇਤਰਾਂ ਵਿੱਚ ਵਿਕਾਸ, ਤਰੱਕੀ ਅਤੇ ਖੁਸ਼ਹਾਲੀ ਲਈ ਨਵੇਂ ਰਸਤੇ ਖੋਲ੍ਹੇਗਾ।

ਕੌਰੀਡੋਰ ਦਾ ਮੈਪ

*********

ਐੱਮਜੇਪੀਐੱਸ/ਐੱਸਕੇਐੱਸ