୧୯୬୦ ଦଶକରୁ ଆଜି ପର୍ଯ୍ୟନ୍ତ, ଯେଉଁମାନେ ନିଜ ଜୀବନକୁ ବଳିଦାନ ଦେଇଛନ୍ତି, ଯେଉଁମାନେ ନିଜ ପ୍ରିୟଜନଙ୍କୁ ହରାଇଛନ୍ତି, ଯେଉଁମାନେ ବାମପନ୍ଥୀ ହିଂସାରେ ଶାରୀରିକ ଏବଂ ମାନସିକ ନିର୍ଯ୍ୟାତନା ଭୋଗିଛନ୍ତି, ମୁଁ ସେମାନଙ୍କୁ ପ୍ରଣାମ କରୁଛି

ଯେଉଁ ଲୋକମାନେ ପ୍ରଚାର କରୁଛନ୍ତି ଯେ ବାମପନ୍ଥୀ ଉଗ୍ରବାଦ ବିକାଶ ହୋଇନଥିବା କାରଣ ପାଇଁ ବ୍ୟାପିଛି, ସେମାନେ ଦେଶକୁ ଭ୍ରମିତ କରୁଛନ୍ତି

ଯେଉଁମାନଙ୍କ ହାତରେ ହତିଆର ରହିଛି, ସେମାନଙ୍କୁ ଆଦିବାସୀଙ୍କ ଚିନ୍ତା ନାହିଁ, ବରଂ ସାରା ଦୁନିଆରୁ ପ୍ରତ୍ୟାଖାତ ହୋଇଥିବା ବାମପନ୍ଥୀ ବିଚାରକୁ ବଞ୍ଚାଇ ରଖିବାର ଚିନ୍ତା ରହିଛି

ପଛୁଆା ଅଞ୍ଚଳ ପର୍ଯ୍ୟନ୍ତ ବିକାଶ ନ ପହଞ୍ଚିବା ପଛରେ ଏକ ମାତ୍ର କାରଣ ନକ୍ସଲବାଦ ଅଟେ

ଯେଉଁ ପର୍ଯ୍ୟନ୍ତ ନକ୍ସଲବାଦ ବିଚାରଧାରାକୁ ସମର୍ଥନ, ଆଇନ୍‍ଗତ ସମର୍ଥନ ଏବଂ ଆର୍ଥିକ ସହାୟତା ଦେଉଥିବା ଲୋକମାନଙ୍କ ମୁଖା ଖେଲା ନଯାଇଛି ସେ ପର୍ଯ୍ୟନ୍ତ ନକ୍ସଲବାଦର ସମସ୍ୟା ଶେଷ ହେବ ନାହିଁ

ଗୋଟିଏ ସମୟରେ ପଶୁପତିନାଥରୁ ତିରୁପତି ପର୍ଯ୍ୟନ୍ତ ରେଡ କରିଡରର ସ୍ଲୋଗାନ ଉଠୁଥିଲା, ଚିନ୍ତା ଥିଲା, କିନ୍ତୁ ଆଜି କେହି ଉଲ୍ଲେଖ କଲେ ଲୋକେ ହସୁଛନ୍ତି

ପଶ୍ଚିମବଙ୍ଗରେ ବାମପନ୍ଥୀ ଦଳଗୁଡ଼ିକ କ୍ଷମତାକୁ ଆସିବା ପର୍ଯ୍ୟନ୍ତ ସେଠାରେ ନକ୍ସଲବାଦ ବୃଦ୍ଧି ପାଇଥିଲା ଏବଂ ସେମାନେ କ୍ଷମତାକୁ ଆସିବା ମାତ୍ରେ ସେଠାରୁ ନକ୍ସଲବାଦ ଅଦୃଶ୍ୟ ହୋଇଯାଇଥିଲା

ଯେଉଁମାନେ ଅସ୍ତ୍ରଶସ୍ତ୍ର ତ୍ୟାଗ କରନ୍ତି ସେମାନଙ୍କ ପାଇଁ ଏକ ରେଡ୍‍ କାର୍ପେଟ ଅଛି, କିନ୍ତୁ ନିର୍ଦ୍ଦୋଷ ଆଦିବାସୀମାନଙ୍କୁ ନକ୍ସଲ ହିଂସାରୁ ରକ୍ଷା କରିବା ହେଉଛି ସରକାରଙ୍କ ଧର୍ମ

ଆତ୍ମସମର୍ପଣର ବୃଦ୍ଧି ପାଉଥିବା ପରିସଂଖ୍ୟାନ ଦର୍ଶାଉଛି ଯେ, ନକ୍ସଲମାନଙ୍କ ପାଖରେ ସମୟ କମ୍ ରହିଛି

ଯେଉଁ ବୁଦ୍ଧିଜୀବୀମାନେ ବଡ଼ ବଡ଼ ପ୍ରବନ୍ଧ ଲେଖି ସରକାରଙ୍କୁ ଉପଦେଶ ଦିଅନ୍ତି, ସେମାନେ ପୀଡ଼ିତ ଆଦିବାସୀଙ୍କ ପାଇଁ କାହିଁକି ପ୍ରବନ୍ଧ ଲେଖନ୍ତି ନାହିଁ? ସେମାନଙ୍କର ସମ୍ବେଦନଶୀଳତା କାହିଁକି ଚୟନଯୋଗ୍ୟ?

ମୋଦୀ ସରକାର ଆତ୍ମସମର୍ପଣ ନୀତିକୁ ପ୍ରୋତ୍ସାହିତ କରନ୍ତି, କିନ୍ତୁ ଗୁଳି ଦ୍ୱାରା ଏହାର ଜବାବ ଦିଆଯିବ

ପଛୁଆ ଅଞ୍ଚଳରେ ବିକାଶର ଅଭାବ ପଛରେ ଏକମାତ୍ର କାରଣ ହେଉଛି ନକ୍ସଲବାଦ

ଅପରେସନ୍ ବ୍ଲାକ୍ ଫରେଷ୍ଟ ସମୟରେ, ବାମପନ୍ଥୀ ରାଜନୈତିକ ଦଳମାନେ ଏହି ଅଭିଯାନକୁ ବନ୍ଦ କରିବା ପାଇଁ ନିବେଦନ କରି ଚିଠି ଲେଖିବା ଆରମ୍ଭ କରିଥିଲେ, ଯାହା ସେମାନଙ୍କର ପ୍ରକୃତ ଚେହେରା ପ୍ରକାଶ କରିଥିଲା

ଯେପର୍ଯ୍ୟନ୍ତ ଛତିଶଗଡ଼ରେ ବିରୋଧୀ ଦଳ ସରକାର ଥିଲା, ମିଳିତ ଅପରେସନରେ ସେତେଟା ସହଯୋଗ ନଥିଲା, ୨୦୨୪ ରେ ଆମ ଦଳ ସରକାର ଗଠନ କରିବାର ଏକ ବର୍ଷ ମଧ୍ୟରେ ୨୯୦ ଜଣ ନକ୍ସଲ ନିହତ ହୋଇଥିଲେ

କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ ଆଜି ନୂଆଦିଲ୍ଲୀରେ 'ଭାରତ ମନ୍ଥନ-୨୦୨୫: ନକ୍ସଲ ମୁକ୍ତ ଭାରତ, ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ଲାଲ ଆତଙ୍କବାଦର ସମାପ୍ତି’ କାର୍ଯ୍ୟକ୍ରମର ଉଦଯାପନୀ ଅଧିବେଶନକୁ ସମ୍ବୋଧିତ କରିଥିଲେ ।

ଏହି ଅବସରରେ ଉଦବୋଧନ ଦେଇ କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ ଶ୍ରୀ ଅମିତ ଶାହ କହିଥିଲେ ଯେ ୨୦୨୬ ମସିହା ମାର୍ଚ୍ଚ ୩୧ ତାରିଖ ସୁଦ୍ଧା ଭାରତ ନକ୍ସଲବାଦରୁ ମୁକ୍ତ ହୋଇଯିବ । ସେ କହିଥିଲେ ଯେ ଭାରତୀୟ ସମାଜ ନକ୍ସଲବାଦର ଆଦର୍ଶଗତ ପୋଷଣ, ଆଇନଗତ ସମର୍ଥନ ଏବଂ ଆର୍ଥିକ ପୋଷଣକୁ ବୁଝିବା ପର୍ଯ୍ୟନ୍ତ ନକ୍ସାଲବାଦ ବିରୋଧରେ ଲଢ଼େଇ ଶେଷ ହେବ ନାହିଁ । ସେ କହିଥିଲେ ଯେ ଆଭ୍ୟନ୍ତରୀଣ ସୁରକ୍ଷା ଏବଂ ଦେଶର ସୀମାର ସୁରକ୍ଷା ସର୍ବଦା ଆମ ବିଚାରଧାରାର ଏକ ପ୍ରମୁଖ ଅଂଶ ହୋଇ ରହିଛି । ସେ କହିଥିଲେ ଯେ ଆମ ଦଳର ମୌଳିକ ଉଦ୍ଦେଶ୍ୟ ମଧ୍ୟରେ ତିନୋଟି ବିଷୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ-ଦେଶର ଆଭ୍ୟନ୍ତରୀଣ ଏବଂ ବାହ୍ୟ ସୁରକ୍ଷା, ସାଂସ୍କୃତିକ ରାଷ୍ଟ୍ରବାଦ ଏବଂ ଭାରତୀୟ ସଂସ୍କୃତିର ସମସ୍ତ ଅଂଶର ପୁନରୁଦ୍ଧାର । କେନ୍ଦ୍ର ଗୃହ ମନ୍ତ୍ରୀ ୧୯୬୦ ଦଶକରୁ ବର୍ତ୍ତମାନ ସୁଦ୍ଧା ବାମପନ୍ତୀ ହିଂସାରେ ଯେଉଁ ଲୋକମାନେ ପ୍ରାଣବଳୀ ଦେଇଛନ୍ତି, ଯେଉଁମାନେ ନିଜ ଲୋକଙ୍କୁ ହରାଇଛନ୍ତି, ଶାରିରୀକ ଓ ମାନସିକ ଭାବେ କ୍ଷତିଗ୍ରସ୍ତ ହୋଇଛନ୍ତି, ସେହି ସବୁ ଲୋକଙ୍କୁ ପ୍ରଣାମ କରିଛନ୍ତି । ସେ କହିଛନ୍ତି ଯେ ଯେପର୍ଯ୍ୟନ୍ତ ବାମପନ୍ଥୀ ଦଳ ପଶ୍ଚିମବଙ୍ଗରେ କ୍ଷମତାକୁ ଆସିନଥିଲେ ସେ ପପର୍ଯ୍ୟନ୍ତ ସେଠାରେ ନକ୍ସଲବାଦ ଥିଲା, କିନ୍ତୁ ଯେତେବେଳେ ସେମାନେ କ୍ଷମତାକୁ ଆସିଲେ ସେତେବେଳେ ନକ୍ସଲବାଦ ଗାଏବ ହୋଇଯାଇଥିଲା ।

ଶ୍ରୀ ଅମିତ ଶାହ କହିଛନ୍ତି ଯେ ଯେତେବେଳେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦାୟିତ୍ୱ ଗ୍ରହଣ କରିଥିଲେ, ସେତେବେଳେ ଦେଶର ଆଭ୍ୟନ୍ତରୀଣ ସୁରକ୍ଷା ଦୃଷ୍ଟିରୁ ତିନୋଟି ଗୁରୁତ୍ୱପୂର୍ଣ୍ଣ କ୍ଷେତ୍ର-ଜାମ୍ମୁ-କାଶ୍ମୀର, ଉତ୍ତର-ପୂର୍ବ ଏବଂ ବାମପନ୍ଥୀ କରିଡର ଦେଶର ଆଭ୍ୟନ୍ତରୀଣ ସୁରକ୍ଷାକୁ ଦୁର୍ବଳ କରି ରଖିଥିଲା । ସେ କହିଥିଲେ ଯେ ପାଖାପାଖି ୪ରୁ ୫ ଦଶନ୍ଧି ଧରି ଏହି ତିନୋଟି ସ୍ଥାନରେ ଦେଖାଦେଇଥିବା ଅସ୍ଥିରତା କାରଣରୁ ହଜାର ହଜାର ଲୋକ ପ୍ରାଣ ହରାଇଥିଲେ, ସମ୍ପତ୍ତିର ବହୁତ କ୍ଷତି ହେଉଥିଲା, ଦେଶର ବଜେଟର ଏକ ବଡ଼ ଅଂଶ ଗରିବଙ୍କ ବିକାଶ ପରିବର୍ତ୍ତେ ଏହି ହଟସ୍ପଟଗୁଡ଼ିକର ପରିଚାଳନା ପାଇଁ ଖର୍ଚ୍ଚ ହେଉଥିଲା, ଏବଂ ସୁରକ୍ଷା ବାହିନୀ ମଧ୍ୟ ବ୍ୟାପକ କ୍ଷୟକ୍ଷତିର ସମ୍ମୁଖୀନ ହେଉଥିଲେ । ସେ କହିଥିଲେ ଯେ ଶ୍ରୀ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହେବା ମାତ୍ରେ ଏହି ତିନୋଟି ହଟସ୍ପଟ ଉପରେ ଧ୍ୟାନ କେନ୍ଦ୍ରିତ କରାଯାଇଥିଲା ଏବଂ ଏକ ସ୍ପଷ୍ଟ ଦୀର୍ଘକାଳୀନ ରଣନୀତି ଆଧାରରେ କାର୍ଯ୍ୟ କରାଯାଇଥିଲା ।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ମୋଦୀ ସରକାରଙ୍କ ୧୦ ବର୍ଷର କାର୍ଯ୍ୟକାଳରେ ଏକ ବଡ଼ ପରିବର୍ତ୍ତନ ଆସିଛି । ସେ କହିଥିଲେ ଯେ ୭୦ ଦଶକର ପ୍ରାରମ୍ଭରେ ହିଁ ନକ୍ସଲବାଦ ଏବଂ ସଶସ୍ତ୍ର ବିଦ୍ରୋହ ଆରମ୍ଭ ହୋଇଥିଲା । ୧୯୭୧ ମସିହାରେ ୩୬୨୦ଟି ହିଂସାତ୍ମକ ଘଟଣା ଘଟିଥିଲା, ଯାହା ସ୍ୱାଧୀନ ଭାରତ ଇତିହାସରେ ସର୍ବାଧିକ ଥିଲା, ଏବଂ ତା 'ପରେ ୮୦ ଦଶକରେ ପିପୁଲ୍ସ ୱାର୍ ଗ୍ରୁପ୍ ମହାରାଷ୍ଟ୍ର, ମଧ୍ୟପ୍ରଦେଶ, ଆନ୍ଧ୍ରପ୍ରଦେଶ, ତେଲେଙ୍ଗାନା, ଛତିଶଗଡ଼, ଉତ୍ତର ପ୍ରଦେଶ, ଝାଡ଼ଖଣ୍ଡ, ବିହାର ଏବଂ କେରଳକୁ ବିସ୍ତାର କରିଥିଲା । ସେ କହିଥିଲେ ଯେ ୮୦ ଦଶକ ପରେ ବାମପନ୍ଥୀ ଗୋଷ୍ଠୀଗୁଡ଼ିକ ପରସ୍ପର ସହ ମିଶିବା ଆରମ୍ଭ କରିଥିଲେ ଏବଂ ୨୦୦୪ରେ ପ୍ରମୁଖ ସି ପି ଆଇ (ମାଓବାଦୀ) ଗୋଷ୍ଠୀ ଗଠନ କରାଯାଇଥିଲା ଏବଂ ନକ୍ସଲବାଦୀ ହିଂସା ଅତ୍ୟନ୍ତ ଗମ୍ଭୀର ରୂପ ନେଇଥିଲା । ସେ କହିଥିଲେ ଯେ ପଶୁପତି-ତିରୁପତି କରିଡର ରେଡ୍ କରିଡର ନାମରେ ପରିଚିତ ଥିଲା ।

ଶ୍ରୀ ଅମିତ ଶାହ କହିଥିଲେ ଯେ ଦେଶର ୧୭ ପ୍ରତିଶତ ଭୂଭାଗ ରେଡ୍ କରିଡର ଥିଲା ଏବଂ ୧୨ କୋଟି ଜନସଂଖ୍ୟା ଏହି ସମସ୍ୟା ଦ୍ୱାରା ପ୍ରଭାବିତ ହୋଇଛନ୍ତି । ସେହି ସମୟରେ, ଜନସଂଖ୍ୟାର ୧୦ ପ୍ରତିଶତ ନକ୍ସଲବାଦର ଅଭିଶାପ ସହିତ ବଞ୍ଚୁଥିଲେ । ଶ୍ରୀ ଶାହ କହିଥିଲେ ଯେ ତୁଳନାତ୍ମକ ଭାବେ, ଅନ୍ୟ ଦୁଇଟି ହଟସ୍ପଟ୍-କାଶ୍ମୀରରେ ଦେଶର ମୋଟ ଭୂଭାଗର ୧ ପ୍ରତିଶତ-ଆତଙ୍କବାଦ ପ୍ରବଣ ଏବଂ ୩ଟି-ଆତଙ୍କବାଦ ପ୍ରବଣ ଦେଶର ଉତ୍ତର-ପୂର୍ବାଞ୍ଚଳର ୩.୩ ପ୍ରତିଶତ ଭୂଭାଗ ଅଶାନ୍ତିର ଶିକାର ହୋଇଥିଲା । ସେ କହିଥିଲେ ଯେ ୨୦୧୪ରେ ଯେତେବେଳେ ଶ୍ରୀ ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ହୋଇଥିଲେ, ସେତେବେଳେ ମୋଦୀ ସରକାର ସମ୍ବାଦ, ସୁରକ୍ଷା ଏବଂ ସମନ୍ୱୟ ଭଳି ତିନୋଟି ଦିଗ ଉପରେ କାର୍ଯ୍ୟ କରିବା ଆରମ୍ଭ କରିଥିଲେ । ଏହାଦ୍ୱାରା ୨୦୨୬ ମସିହା ମାର୍ଚ୍ଚ ୩୧ ତାରିଖରେ ଏହି ଦେଶରୁ ସଶସ୍ତ୍ର ନକ୍ସଲବାଦର ମୂଳୋତ୍ପାଟନ ହୋଇପାରିବ ।

କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ କହିଥିଲେ ଯେ ଯେଉଁଠି ପୂର୍ବରୁ ବିକ୍ଷିପ୍ତ ଆଭିମୁଖ୍ୟରେ କାର୍ଯ୍ୟ କରାଯାଉଥିଲା, ସେଠାରେ ଘଟଣା ଭିତ୍ତିକ ପ୍ରତିକ୍ରିୟା ଥିଲା ଏବଂ କୌଣସି ସ୍ଥାୟୀ ନୀତି ନଥିଲା । ଏକ ପ୍ରକାରରେ, ସରକାରଙ୍କ ପ୍ରତିକ୍ରିୟାର ପରିଚାଳନା ନକ୍ସଲମାନଙ୍କ ହାତରେ ଥିଲା । ଶ୍ରୀ ଶାହ କହିଥିଲେ ଯେ ୨୦୧୪ ମସିହା ପରେ ସରକାରଙ୍କ ଅଭିଯାନ, କାର୍ଯ୍ୟକ୍ରମଗୁଡ଼ିକର ପରିଚାଳନା ଭାରତ ସରକାରଙ୍କ ସ୍ୱରାଷ୍ଟ୍ର ମନ୍ତ୍ରଣାଳୟ ହାତରେ ରହିଛି ଏବଂ ଏହା ଏକ ବଡ଼ ନୀତିଗତ ପରିବର୍ତ୍ତନ । ସେ କହିଥିଲେ ଯେ ମୋଦୀ ସରକାର ବିକ୍ଷିପ୍ତ ଆଭିମୁଖ୍ୟ ପରିବର୍ତ୍ତେ ଏକ ଏକୀକୃତ ଏବଂ କଠୋର ଆଭିମୁଖ୍ୟ ଗ୍ରହଣ କରିବାର କାର୍ଯ୍ୟ କରିଛନ୍ତି । ସେ କହିଥିଲେ ଯେ ଏହା ଆମ ସରକାରଙ୍କ ନୀତି ଯେ ଯେଉଁମାନେ ଅସ୍ତ୍ରଶସ୍ତ୍ର ତ୍ୟାଗ କରି ଆତ୍ମସମର୍ପଣ କରିବାକୁ ଚାହୁଁଛନ୍ତି, ସେମାନଙ୍କ ପାଇଁ ଏକ ରେଡ୍‍ କାର୍ପେଟ ରହିଛି ଏବଂ ସେମାନଙ୍କୁ ସ୍ୱାଗତ କରାଯାଉଛି, କିନ୍ତୁ ଯଦି ସେମାନେ ଅସ୍ତ୍ରଶସ୍ତ୍ର ଉଠାଇ ନିର୍ଦ୍ଦୋଷ ଆଦିବାସୀଙ୍କୁ ହତ୍ୟା କରିବାକୁ ଚାହୁଁଛନ୍ତି, ତେବେ ସରକାରଙ୍କ ଧର୍ମ ହେଉଛି ନିର୍ଦ୍ଦୋଷ ଆଦିବାସୀମାନଙ୍କୁ ବଞ୍ଚାଇବା ଏବଂ ସଶସ୍ତ୍ର ନକ୍ସଲମାନଙ୍କୁ ସାମ୍ନା କରିବା ।

ଶ୍ରୀ ଅମିତ ଶାହ କହିଛନ୍ତି ଯେ ପ୍ରଥମ ଥର ପାଇଁ ଭାରତ ସରକାର ବିନା କୌଣସି ଦ୍ୱନ୍ଦ୍ୱରେ ଏକ ସ୍ପଷ୍ଟ ନୀତି ଗ୍ରହଣ କରିଛନ୍ତି । ସେ କହିଥିଲେ ଯେ ରାଜ୍ୟ ପୁଲିସ ଏବଂ କେନ୍ଦ୍ରୀୟ ବାହିନୀକୁ ସ୍ୱାଧୀନତା ଦିଆଯାଇଥିଲା ଏବଂ ଗୁଇନ୍ଦା, ସୂଚନା ଆଦାନପ୍ରଦାନ ଏବଂ ଅପରେସନରେ ସମନ୍ୱୟ ପାଇଁ ଭାରତ ସରକାର ଏବଂ ରାଜ୍ୟ ସରକାରଙ୍କ ମଧ୍ୟରେ ଏକ ବ୍ୟବହାରିକ ସେତୁ ନିର୍ମାଣ କରାଯାଇଥିଲା । ସେ କହିଛନ୍ତି ଯେ ଅସ୍ତ୍ରଶସ୍ତ୍ର ଏବଂ ଗୁଳିଗୋଳା ଯୋଗାଣ ହ୍ରାସ କରାଯାଇଛି । ୨୦୧୯ ପରେ, ଆମେ ସେମାନଙ୍କ ଯୋଗାଣକୁ ୯୦ ପ୍ରତିଶତରୁ ଅଧିକ ବନ୍ଦ କରିବାରେ ସକ୍ଷମ ହୋଇଛୁ । ସେ କହିଥିଲେ ଯେ ଏନ୍ ଆଇ ଏ ଏବଂ ଇ ଡି ନକ୍ସଲମାନଙ୍କ ଅର୍ଥ ଯୋଗାଣକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିବାବେଳେ, ଆମେ ମଧ୍ୟ ସହରାଞ୍ଚଳ ନକ୍ସଲମାନଙ୍କ ସମର୍ଥନ, ଆଇନଗତ ସହାୟତା ଏବଂ ଗଣମାଧ୍ୟମ ବିବରଣୀ ବିରୋଧରେ ଲଢ଼େଇ କରିଛୁ । ସେ କହିଛନ୍ତି ଯେ ଆମେ କେନ୍ଦ୍ରୀୟ କମିଟିର ସଦସ୍ୟମାନଙ୍କ ଉପରେ ଏକ ଲକ୍ଷ୍ୟବଦ୍ଧ ଢଙ୍ଗରେ କାର୍ଯ୍ୟାନୁଷ୍ଠାନ ଗ୍ରହଣ କରିଛୁ ଏବଂ ଅଗଷ୍ଟ ୧୯ ରୁ ଆଜି ପର୍ଯ୍ୟନ୍ତ ୧୮ ରୁ ଅଧିକ କେନ୍ଦ୍ରୀୟ କମିଟିର ସଦସ୍ୟଙ୍କୁ ନିପାତ କରାଯାଇଛି । ଗୃହ ମନ୍ତ୍ରୀ କହିଛନ୍ତି ଯେ ସୁରକ୍ଷା ଶୂନ୍ୟସ୍ଥାନ ପୂରଣ କାର୍ଯ୍ୟ ମଧ୍ୟ କରାଯାଇଛି ଏବଂ ଅପରେସନ୍ ଅକ୍ଟୋପସ୍ ଏବଂ ଅପରେସନ୍ ଡବଲ୍ ବୁଲ୍ ପରି ଟାର୍ଗେଟେଡ୍ ଅପରେସନ୍ କରାଯାଇଛି । ସେ ଡିଆରଜି, ଏସ୍ ଟି ଏଫ୍, ସି ଆର୍ ପି ଏଫ୍ ଏବଂ କୋବ୍ରା ବାହିନୀ ର ମିଳିତ ପ୍ରଶିକ୍ଷଣର ମଧ୍ୟ ଶୁଭାରମ୍ଭ କରିଥିଲେ । ଏହି ଚାରି ସଂସ୍ଥା ଏବେ ଏକାଠି ଅଭିଯାନ ଚଳାଇଛନ୍ତି ଏବଂ ତାଙ୍କ ଆଦେଶର ଶୃଙ୍ଖଳା ମଧ୍ୟ ଏବେ ସ୍ପଷ୍ଟ ହୋଇଛି । ସେ କହିଥିଲେ ଯେ ସମନ୍ୱିତ ପ୍ରଶିକ୍ଷଣ ଆମର ସଫଳତାରେ ଏକ ବିରାଟ ପରିବର୍ତ୍ତନ ଆଣିଛି । ଏହା ସହିତ, ଫୋରେନସିକ୍ ଅନୁସନ୍ଧାନ ଆରମ୍ଭ କରାଯାଇଥିଲା, ଲୋକେସନ୍ ଟ୍ରାକିଂ ସିଷ୍ଟମ୍ ଉପଲବ୍ଧ କରାଯାଇଥିଲା, ରାଜ୍ୟ ପୋଲିସକୁ ମୋବାଇଲ୍ ଫୋନ୍ ଗତିବିଧି ଉପଲବ୍ଧ କରାଯାଇଥିଲା, ବୈଜ୍ଞାନିକ କଲ୍ ଲଗ୍ ବିଶ୍ଳେଷଣ ପାଇଁ ସଫ୍ଟୱେର୍ ପ୍ରସ୍ତୁତ କରାଯାଇଥିଲା ଏବଂ ସୋସିଆଲ ମିଡିଆ ବିଶ୍ଳେଷଣ ମଧ୍ୟ ସେମାନଙ୍କ ଲୁକ୍କାୟିତ ସମର୍ଥକମାନଙ୍କୁ ଖୋଜିବା ପାଇଁ କାର୍ଯ୍ୟ କରିଥିଲା । ଏହା କେବଳ ନକ୍ସଲ ବିରୋଧୀ ଅଭିଯାନକୁ ତ୍ୱରାନ୍ୱିତ କରିନଥିଲା, ବରଂ ଏହାକୁ ସଫଳ ଏବଂ ଫଳପ୍ରଦ ମଧ୍ୟ କରିଥିଲା ।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ୨୦୧୯ ପରେ ଆମେ ରାଜ୍ୟଗୁଡ଼ିକର କ୍ଷମତା ନିର୍ମାଣ ଉପରେ ମଧ୍ୟ ଗୁରୁତ୍ୱ ଦେଇଛୁ । ଏସ୍ଆରଇ ଏବଂ ଏସ୍ ଆଇ ଏସ୍ ଯୋଜନା ଅଧୀନରେ ପାଖାପାଖି ୩୩୩୧ କୋଟି ଟଙ୍କା ପ୍ରଦାନ କରାଯାଇଛି, ଯାହା ପାଖାପାଖି ୫୫ ପ୍ରତିଶତ ବୃଦ୍ଧି ଦର୍ଶାଉଛି । ଏହା ମାଧ୍ୟମରେ ସୁରକ୍ଷିତ ପୋଲିସ ଷ୍ଟେସନଗୁଡ଼ିକୁ ବୃଦ୍ଧି କରାଯାଇଥିଲା ଏବଂ ଏଥିପାଇଁ ପ୍ରାୟ ୧୭୪୧ କୋଟି ଟଙ୍କା ଖର୍ଚ୍ଚ କରାଯାଇଥିଲା । ସେ କହିଥିଲେ ଯେ ଗତ ୬ ବର୍ଷ ମଧ୍ୟରେ ମୋଦୀ ସରକାର ୩୩୬ଟି ନୂଆ ସି ଏ ପି ଏଫ୍ ଶିବିର ସ୍ଥାପନ କରି ସୁରକ୍ଷା ଶୂନ୍ୟସ୍ଥାନ ପୂରଣ କରିଛନ୍ତି । ଏହାର ଫଳସ୍ୱରୂପ ୨୦୦୪-୧୪ ତୁଳନାରେ ୨୦୧୪-୨୪ ରେ ସୁରକ୍ଷା ବାହିନୀ ମୃତ୍ୟୁରେ ୭୩ ପ୍ରତିଶତ ହ୍ରାସ ଏବଂ ନାଗରିକ ମୃତ୍ୟୁରେ ୭୪ ପ୍ରତିଶତ ହ୍ରାସ ଘଟିଛି । ଶ୍ରୀ ଶାହ କହିଥିଲେ ଯେ ପୂର୍ବରୁ ଆମେ ଛତିଶଗଡ଼ରେ ସଫଳତା ପାଇ ନ ଥିଲୁ କାରଣ ସେଠାରେ ବିରୋଧୀ ଦଳ ସରକାର ଥିଲା । ୨୦୨୪ରେ ଆମ ସରକାର ଗଠନ ହୋଇଥିଲା ଏବଂ ୨୦୨୪ରେ ଗୋଟିଏ ବର୍ଷରେ ସର୍ବାଧିକ ୨୯୦ ଜଣ ନକ୍ସଲଙ୍କୁ ନିପାତ କରାଯାଇଥିଲା ।

ଗୃହମନ୍ତ୍ରୀ କହିଥିଲେ ଯେ ଆମେ କାହାକୁ ହତ୍ୟା କରିବାକୁ ଚାହୁଁନାହୁଁ । ନିପାତ ହୋଇଥିବା ୨୯୦ ଜଣ ନକ୍ସଲଙ୍କ ବିରୋଧରେ ୧୦୯୦ ଜଣ ଗିରଫ ହୋଇଥିଲେ ଏବଂ ୮୮୧ ଜଣ ଆତ୍ମସମର୍ପଣ କରିଥିଲେ । ଏହା ସରକାରଙ୍କ ଆଭିମୁଖ୍ୟକୁ ଦର୍ଶାଉଛି ବୋଲି ସେ କହିଛନ୍ତି । ଆତ୍ମସମର୍ପଣ କରିବା କିମ୍ବା ଗିରଫ ହେବା ପାଇଁ ନକ୍ସଲବାଦୀମାନଙ୍କୁ ପ୍ରତ୍ୟେକ ସୁଯୋଗ ଦେବା ପାଇଁ ଆମେ ସମସ୍ତ ପ୍ରୟାସ କରୁଛୁ । କିନ୍ତୁ ଯେତେବେଳେ ନକ୍ସଲମାନେ ହାତରେ ଅସ୍ତ୍ରଶସ୍ତ୍ର ଧରି ଭାରତର ନିର୍ଦ୍ଦୋଷ ନାଗରିକମାନଙ୍କୁ ହତ୍ୟା କରିବାକୁ ଯାଆନ୍ତି, ସେତେବେଳେ ସୁରକ୍ଷା ବାହିନୀଙ୍କ ପାଖରେ କୌଣସି ବିକଳ୍ପ ନଥାଏ ଏବଂ ଗୁଳି ଦ୍ୱାରା ଏହାର ଜବାବ ଦେବାକୁ ପଡ଼ିଥାଏ । ଶ୍ରୀ ଶାହ କହିଥିଲେ ଯେ ୨୦୨୫ ମସିହାରେ ଏପର୍ଯ୍ୟନ୍ତ ୨୭୦ ଜଣ ନକ୍ସଲଙ୍କୁ ନିପାତ କରାଯାଇଛି, ୬୮୦ ଜଣ ଗିରଫ ହୋଇଛନ୍ତି ଏବଂ ୧୨୨୫ ଜଣ ଆତ୍ମସମର୍ପଣ କରିଛନ୍ତି । ଉଭୟ ବର୍ଷରେ ଆତ୍ମସମର୍ପଣ ଏବଂ ଗିରଫ ସଂଖ୍ୟା ନିପାତ ହୋଇଥିବା ସଂଖ୍ୟାକୁ ଅତିକ୍ରମ କରିଛି । ଆତ୍ମସମର୍ପଣକାରୀଙ୍କ ସଂଖ୍ୟା ସୂଚାଉଛି ଯେ ବର୍ତ୍ତମାନ ନକ୍ସଲମାନଙ୍କ ପାଖରେ ବହୁତ କମ୍ ସମୟ ବାକି ଅଛି ।

ଶ୍ରୀ ଅମିତ ଶାହ କହିଥିଲେ ଯେ ତେଲେଙ୍ଗାନା-ଛତିଶଗଡ଼ ସୀମାରେ କାରେଗୁଟା ପାହାଡ଼ରେ ନକ୍ସଲମାନେ ଏକ ବିଶାଳ ଶିବିର ନିର୍ମାଣ କରିଥିଲେ, ଯେଉଁଠାରେ ବିପୁଳ ପରିମାଣର ଅସ୍ତ୍ରଶସ୍ତ୍ର, ଦୁଇ ବର୍ଷର ରାସନ, ହତିଆର ଏବଂ ଆଇ ଇ ଡି ତିଆରି କରିବା ପାଇଁ କାରଖାନା ଥିଲା ଏବଂ ସେଠାରେ ପହଞ୍ଚିବା ଅତ୍ୟନ୍ତ କଷ୍ଟକର ଥିଲା । ସେ କହିଥିଲେ ଯେ ୨୦୨୫ ମସିହା ମେ ମାସ ୨୩ ତାରିଖରେ ଅପରେସନ ବ୍ଲାକ ଫରେଷ୍ଟରେ ତାଙ୍କ ଶିବିରକୁ ଧ୍ୱଂସ କରାଯାଇଥିଲା ଏବଂ ୨୭ ଜଣ ଦୁର୍ଦ୍ଦାନ୍ତ ନକ୍ସଲ ନିହତ ହୋଇଥିଲେ । ଏହା ବ୍ୟତୀତ, ବିଜାପୁରରେ ୨୫ ଜଣ ଦୁର୍ଦ୍ଦାନ୍ତ ନକ୍ସଲ ନିହତ ହୋଇଛନ୍ତି । ଗୃହ ମନ୍ତ୍ରୀ କହିଥିଲେ ଯେ ଏହି ଅପରେସନ ଜରିଆରେ ଛତିଶଗଡ଼ର ଅବଶିଷ୍ଟ ନକ୍ସଲମାନଙ୍କ ମେରୁଦଣ୍ଡ ଭାଙ୍ଗି ଯାଇଛି । ଶ୍ରୀ ଶାହ କହିଛନ୍ତି ଯେ ଯେଉଁ ନକ୍ସଲମାନଙ୍କୁ ନିପାତ କରାଯାଇଛି ସେମାନଙ୍କ ମଧ୍ୟରେ ଜଣେ ଜୋନାଲ କମିଟି ସଦସ୍ୟ, ୫ ଜଣ ସବ୍-ଜୋନାଲ କମିଟି ସଦସ୍ୟ, ୨ ଜଣ ରାଜ୍ୟ କମିଟି ସଦସ୍ୟ, ୩୧ ଜଣ ଡିଭିଜନାଲ କମିଟି ସଦସ୍ୟ ଏବଂ ୫୯ ଜଣ ଏରିଆ କମିଟି ସଦସ୍ୟ ଅଛନ୍ତି ।

କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ କହିଥିଲେ ଯେ ୧୯୬୦ ରୁ ୨୦୧୪ ମସିହା ମଧ୍ୟରେ ମୋଟ ୬୬ଟି ସୁରକ୍ଷିତ ପୋଲିସ ଷ୍ଟେସନ ଥିଲା ଏବଂ ମୋଦୀ ସରକାରଙ୍କ ୧୦ ବର୍ଷର କାର୍ଯ୍ୟକାଳରେ ୫୭୬ଟି ନୂତନ ସୁରକ୍ଷିତ ପୋଲିସ ଷ୍ଟେସନ ନିର୍ମାଣ ପାଇଁ କାର୍ଯ୍ୟ କରାଯାଇଥିଲା । ୨୦୧୪ରେ ୧୨୬ଟି ନକ୍ସଲ ପ୍ରଭାବିତ ଜିଲ୍ଲା ଥିଲା, ଏବେ କେବଳ ୧୮ ଟି ନକ୍ସଲ ପ୍ରଭାବିତ ଜିଲ୍ଲା ବାକି ରହିଛି । ସର୍ବାଧିକ ପ୍ରଭାବିତ ଜିଲ୍ଲାଗୁଡ଼ିକ ୩୬ରୁ ୬କୁ ହ୍ରାସ ପାଇଛି । ସେଠାରେ ପ୍ରାୟ ୩୩୦ ଟି ପୋଲିସ ଷ୍ଟେସନ ଥିଲା, ବର୍ତ୍ତମାନ ସେଠାରେ ୧୫୧ ଟି ପୋଲିସ ଷ୍ଟେସନ ଅଛି ଏବଂ ଏଥିରେ ୪୧ ଟି ନୂତନ ପୋଲିସ ଷ୍ଟେସନ ମଧ୍ୟ ଅଛି । ଗତ ୬ ବର୍ଷ ମଧ୍ୟରେ ୩୩୬ଟି ସୁରକ୍ଷା ଶିବିର ସ୍ଥାପନ କରାଯାଇଛି ଏବଂ ରାତ୍ରିକାଳୀନ ଅବତରଣ ପାଇଁ ୬୮ଟି ହେଲିପ୍ୟାଡ୍ ନିର୍ମାଣ କରାଯାଇଛି । ଆମେ ଆମର ସି ଆର୍ ପି ଏଫ୍ ଯବାନମାନଙ୍କ ପାଇଁ ୭୬ଟି ରାତ୍ରିକାଳୀନ ଅବତରଣ ହେଲିପ୍ୟାଡ୍ ନିର୍ମାଣ କରିଛୁ । ସେ କହିଥିଲେ ଯେ ଏନ୍ ଆଇ ଏ, ଇ ଡି ଏବଂ ରାଜ୍ୟ ସରକାରମାନେ ନକ୍ସଲମାନଙ୍କ ଆୟ ହ୍ରାସ କରିବା ଉଦ୍ଦେଶ୍ୟରେ କୋଟି କୋଟି ଟଙ୍କାର ସମ୍ପତ୍ତି ଜବତ କରିଛନ୍ତି । ଗୃହ ମନ୍ତ୍ରୀ କହିଥିଲେ ଯେ ତାଙ୍କ ସ୍ତରରେ ମୁଖ୍ୟମନ୍ତ୍ରୀମାନଙ୍କ ସହ ୧୨ଟି ବୈଠକ ହୋଇଛି ଏବଂ ରାଜ୍ୟ ସରକାରଙ୍କ ସମନ୍ୱୟ ପାଇଁ କେବଳ ଛତିଶଗଡ଼ରେ ୮ଟି ବୈଠକ ହୋଇଛି । ଛତିଶଗଡ଼ ସରକାର ନକ୍ସଲମାନଙ୍କ ଆତ୍ମସମର୍ପଣ ପାଇଁ ଲାଭପ୍ରଦ ପ୍ୟାକେଜ ଆଣିଛନ୍ତି । ସେ କହିଥିଲେ ଯେ ବାମପନ୍ଥୀ ଉଗ୍ରବାଦ କ୍ଷେତ୍ରର ବିକାଶ ପାଇଁ ମଧ୍ୟ ଅନେକ କାର୍ଯ୍ୟ କରାଯାଇଛି । ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ ବିଶ୍ୱରେ ଯେଉଁଠାରେ ବାମପନ୍ଥୀ ବିଚାରଧାରା ବିକଶିତ ହୋଇଛି, ସେଠାରେ ବାମପନ୍ଥୀ ବିଚାରଧାରା ଏବଂ ହିଂସା ମଧ୍ୟରେ ଘନିଷ୍ଠ ସମ୍ପର୍କ ରହିଛି ଏବଂ ଏହା ହିଁ ହେଉଛି ନକ୍ସଲବାଦର ମୂଳ ।

ଶ୍ରୀ ଅମିତ ଶାହ କହିଥିଲେ ଯେ ଯେଉଁମାନେ ବାମପନ୍ଥୀ ଉଗ୍ରବାଦର ମୂଳ କାରଣ ବିକାଶ ବୋଲି ପ୍ରଚାର କରୁଛନ୍ତି, ସେମାନେ ଦେଶକୁ ବିଭ୍ରାନ୍ତ କରୁଛନ୍ତି । ସେ କହିଥିଲେ ଯେ ପ୍ରଧାନମନ୍ତ୍ରୀ ମୋଦୀ ୬୦ କୋଟି ଗରିବଙ୍କ ପାଇଁ ଅନେକ ଯୋଜନା ଆଣିଥିଲେ, ଯେଉଁମାନେ ଏହି ଯୋଜନାଗୁଡ଼ିକୁ ନକ୍ସଲ ଅଞ୍ଚଳରେ ପହଞ୍ଚିବାକୁ ଦେଉନାହାନ୍ତି । "ସୁକମା କିମ୍ବା ବିଜାପୁରରେ ବିଦ୍ୟାଳୟକୁ ନ ପହଞ୍ଚିବା ପାଇଁ କାହାକୁ ଦାୟୀ କରାଯିବ? ବାମପନ୍ଥୀ ଅଞ୍ଚଳରେ କାହିଁକି ରାସ୍ତା ନିର୍ମାଣ ହୋଇପାରିଲା ନାହିଁ କାରଣ ନକ୍ସଲମାନେ ଠିକାଦାରମାନଙ୍କୁ ହତ୍ୟା କରିଥିଲେ? ସେ କହିଥିଲେ ଯେ ନକ୍ସଲ ସମର୍ଥକମାନେ ଆଦିବାସୀମାନଙ୍କ ବିକାଶ ଚାହାନ୍ତି ନାହିଁ କିମ୍ବା ସେମାନଙ୍କ ମନରେ ସେମାନଙ୍କ ଚିନ୍ତାଧାରା ନାହିଁ, କିନ୍ତୁ ସେମାନେ ନିଜ ବିଚାରଧାରାକୁ ଜୀବନ୍ତ ରଖିବା ପାଇଁ ଚିନ୍ତିତ, ଯାହାକୁ ସାରା ବିଶ୍ୱରେ ପ୍ରତ୍ୟାଖ୍ୟାନ କରାଯାଉଛି । ଶ୍ରୀ ଶାହ କହିଥିଲେ ଯେ ବିକାଶ ନ ହେବାର ଏକମାତ୍ର କାରଣ ହେଉଛି ବାମପନ୍ଥୀ ବିଚାରଧାରା ।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ, ନକ୍ସଲମାନେ ପ୍ରଥମେ ସମ୍ବିଧାନ ଏବଂ ପରେ ନ୍ୟାୟିକ ବ୍ୟବସ୍ଥାକୁ ଟାର୍ଗେଟ କରିଥିଲେ । ଏହା ଏକ ସାମ୍ବିଧାନିକ ଶୂନ୍ୟସ୍ଥାନ ସୃଷ୍ଟି କରିଥିଲା ଏବଂ ପରେ ରାଜ୍ୟର କଳ୍ପନାକୁ ଲକ୍ଷ୍ୟ କରି ରାଜ୍ୟରେ ଏକ ଶୂନ୍ୟସ୍ଥାନ ସୃଷ୍ଟି କରିଥିଲା । ସେ କହିଥିଲେ ଯେ ଯେଉଁମାନେ ତାଙ୍କ ସହିତ ଯୋଗ ଦେଇନଥିଲେ ସେମାନଙ୍କୁ ରାଜ୍ୟର ସୂଚନାଦାତା କରାଯାଇଥିଲା ଏବଂ ଲୋକଙ୍କ ଅଦାଲତରେ ଫାଶୀ ଦିଆଯିବ ବୋଲି ଘୋଷଣା କରାଯାଇଥିଲା । ସେମାନେ ଏକ ସମାନ୍ତରାଳ ସରକାର ଗଠନ କରିଥିଲେ । ଶ୍ରୀ ଶାହ କହିଥିଲେ ଯେ ଦେଶର କଲ୍ୟାଣ ପାଇଁ ନିଜ ବିଚାରଧାରାରୁ ଉର୍ଦ୍ଧ୍ବକୁ ଉଠିବାର ଆବଶ୍ୟକତା ରହିଛି । ସେ କହିଥିଲେ ଯେ ଶାସନର ଶୂନ୍ୟସ୍ଥାନ କାରଣରୁ ବିକାଶ, ସାକ୍ଷରତା, ସ୍ୱାସ୍ଥ୍ୟ ସୁବିଧା ସେଠାରେ ପହଞ୍ଚି ପାରିନାହିଁ ।

କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ କହିଥିଲେ ଯେ ଅପରେସନ୍ ବ୍ଲାକ୍ ଫରେଷ୍ଟ ସମୟରେ ବାମପନ୍ଥୀ ରାଜନୈତିକ ଦଳମାନେ ଏହି ଅପରେସନ୍ ବନ୍ଦ କରିବାକୁ ନିବେଦନ କରି ଚିଠି ଲେଖିବା ଆରମ୍ଭ କରିଥିଲେ, ଯାହା ସେମାନଙ୍କ ପ୍ରକୃତ ଚେହେରା ପ୍ରକାଶ କରିଥିଲା । ସେ କହିଥିଲେ ଯେ ନକ୍ସଲମାନଙ୍କ ସହ କୌଣସି ଅସ୍ତ୍ରବିରତି ହେବ ନାହିଁ ଯଦି ସେମାନଙ୍କୁ ଆତ୍ମସମର୍ପଣ କରିବାକୁ ପଡ଼େ, ତେବେ ଯୁଦ୍ଧବିରତିର କୌଣସି ଆବଶ୍ୟକତା ନାହିଁ, ସେମାନେ ଅସ୍ତ୍ରଶସ୍ତ୍ର ତ୍ୟାଗ କରିବା ଉଚିତ୍, ପୋଲିସ୍ ଗୋଟିଏ ବି ଗୁଳି ଚଳାଇବ ନାହିଁ ଏବଂ ସେମାନଙ୍କୁ ଥଇଥାନ କରିବ । ସେ କହିଥିଲେ ଯେ ଅପରେସନ ବ୍ଲାକ ଫରେଷ୍ଟ ହେବା ମାତ୍ରେ ନକ୍ସଲ ସମର୍ଥକମାନଙ୍କ ସମସ୍ତ ଛଦ୍ମ-ସହାନୁଭୂତି ଉନ୍ମୋଚିତ ହୋଇଥିଲା ।

କେନ୍ଦ୍ର ଗୃହ ଏବଂ ସମବାୟ ମନ୍ତ୍ରୀ କହିଥିଲେ ଯେ ୨୦୧୪-୨୦୨୪ ସମୟରେ ବାମପନ୍ଥୀ ଉଗ୍ରବାଦ ପ୍ରଭାବିତ ରାଜ୍ୟଗୁଡ଼ିକରେ ୧୨ ହଜାର କିଲୋମିଟର ସଡ଼କ ନିର୍ମାଣ କରାଯାଇଛି, ୧୭,୫୦୦ଟି ସଡ଼କ ପାଇଁ ବଜେଟ ଅନୁମୋଦନ କରାଯାଇଛି, ୬୩୦୦ କୋଟି ଟଙ୍କା ବ୍ୟୟରେ ୫୦୦୦ ମୋବାଇଲ ଟାୱାର ସ୍ଥାପନ କରାଯାଇଛି । ସେ କହିଛନ୍ତି ଯେ ୧୦୬୦ଟି ବ୍ୟାଙ୍କ ଶାଖା ଖୋଲାଯାଇଛି, ୯୩୭ଟି ଏଟିଏମ୍ ସ୍ଥାପନ କରାଯାଇଛି, ୩୭,୮୫୦ଟି ବ୍ୟାଙ୍କିଙ୍ଗ୍ କରେସପେଣ୍ଡେଣ୍ଟ ସୃଷ୍ଟି କରାଯାଇଛି, ୫୮୯୯ଟି ଡାକଘର ଖୋଲାଯାଇଛି, ୮୫୦ଟି ବିଦ୍ୟାଳୟ ଏବଂ ୧୮୬ଟି ଉତ୍ତମ ସ୍ୱାସ୍ଥ୍ୟ କେନ୍ଦ୍ର ଖୋଲାଯାଇଛି । ସେ କହିଥିଲେ ଯେ ଛତିଶଗଡ଼ ସରକାର ନିୟାଦ ନେଲ୍ଲାନାର ଯୋଜନା ଅଧୀନରେ ଆୟୁଷ୍ମାନ ଭାରତ କାର୍ଡ, ଆଧାର କାର୍ଡ, ଭୋଟିଂ କାର୍ଡ, ବିଦ୍ୟାଳୟ ପ୍ରତିଷ୍ଠା, ରାସନ ଦୋକାନ, ଅଙ୍ଗନୱାଡ଼ିଗୁଡ଼ିକୁ ମଞ୍ଜୁରୀ ଦେବାରେ ନିୟୋଜିତ ଅଛନ୍ତି ।

ପୂର୍ବାଞ୍ଚଳ ବିଷୟରେ ଉଲ୍ଲେଖ କରି ଗୃହ ମନ୍ତ୍ରୀ କହିଥିଲେ ଯେ ପୂର୍ବାଞ୍ଚଳରେ '୨୦୦୪-୧୫ ତୁଳନାରେ ୨୦୧୪-୨୪ ରେ ସୁରକ୍ଷାକର୍ମୀଙ୍କ ମୃତ୍ୟୁହାର ୭୦ ପ୍ରତିଶତ ହ୍ରାସ ପାଇଛି ସେହିଭଳି, ୨୦୦୪-୧୪ ତୁଳନାରେ ୨୦୧୪-୨୪ ରେ ସାଧାରଣ ନାଗରିକଙ୍କ ମୃତ୍ୟୁରେ ୮୫ ପ୍ରତିଶତ ହ୍ରାସ ଘଟିଛି । ୧୦,୫୦୦ ସଶସ୍ତ୍ର ଯୁବକମାନଙ୍କୁ ମୁଖ୍ୟଧାରାକୁ ଆଣିବା ପାଇଁ ମୋଦୀ ସରକାର ୧୨ଟି ଗୁରୁତ୍ୱପୂର୍ଣ୍ଣ ଶାନ୍ତି ରାଜିନାମା ସ୍ୱାକ୍ଷର କରିଛନ୍ତି । ସେ କହିଥିଲେ ଯେ ଏକ ସମୟରେ ସମଗ୍ର ଉତ୍ତର-ପୂର୍ବ ଦେଶଠାରୁ ବିଚ୍ଛିନ୍ନ ଅନୁଭବ କରୁଥିଲା, କିନ୍ତୁ ଆଜି ଉତ୍ତର-ପୂର୍ବ ରେଳ, ରେଳ ଏବଂ ବିମାନ ଦ୍ୱାରା ସଂଯୁକ୍ତ । ଶ୍ରୀ ଶାହ କହିଥିଲେ ଯେ ଶାରୀରିକ ଦୂରତା ସହିତ ମୋଦୀ ସରକାର ଦିଲ୍ଲୀ ଏବଂ ଉତ୍ତର-ପୂର୍ବ ମଧ୍ୟରେ ଦୂରତା ହ୍ରାସ କରିବା ପାଇଁ ମଧ୍ୟ କାର୍ଯ୍ୟ କରିଛନ୍ତି । ସେ କହିଥିଲେ ଯେ ଆଜି ଉତ୍ତର-ପୂର୍ବାଞ୍ଚଳ ଶାନ୍ତି ଏବଂ ବିକାଶ ପଥରେ ଆଗକୁ ବଢ଼ିଛି ।

କେନ୍ଦ୍ର ଗୃହ ମନ୍ତ୍ରୀ କହିଥିଲେ ଯେ ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ୨୦୧୯ରେ ଜାମ୍ମୁ-କାଶ୍ମୀରରୁ ଧାରା ୩୭୦ ଉଚ୍ଛେଦ କରାଯାଇଥିଲା । ଏହା ପରେ ସରକାର ଯୋଜନାବଦ୍ଧ ଢଙ୍ଗରେ ବିକାଶ, ଶିକ୍ଷା, ସ୍ୱାସ୍ଥ୍ୟ, ଦାରିଦ୍ର୍ୟ ଦୂରୀକରଣ ମାଧ୍ୟମରେ ଲୋକଙ୍କ ବିଶ୍ୱାସ ଅର୍ଜନ କରିଥିଲେ । ସେ କହିଛନ୍ତି ଯେ କାଶ୍ମୀରରେ ପାକିସ୍ତାନ ପ୍ରାୟୋଜିତ ଆତଙ୍କବାଦର ମୁକାବିଲା ପାଇଁ ମୋଦୀ ସରକାର ଏକ ସୁଚିନ୍ତିତ ଯୋଜନାବଦ୍ଧ ନୀତି ଅଧୀନରେ କାର୍ଯ୍ୟ କରିଥିଲେ । ଶ୍ରୀ ଶାହ କହିଥିଲେ ଯେ ୨୦୦୪-୧୪ ରେ ୭୩୦୦ଟି ହିଂସାତ୍ମକ ଘଟଣା ଘଟିଥିବା ବେଳେ ୨୦୧୪-୨୪ ରେ ୧୮୦୦ଟି ହିଂସାତ୍ମକ ଘଟଣା ଘଟିଛି । ସୁରକ୍ଷା କର୍ମୀଙ୍କ ମୃତ୍ୟୁ ୬୫ ପ୍ରତିଶତ ଏବଂ ସାଧାରଣ ନାଗରିକଙ୍କ ମୃତ୍ୟୁ ୭୭ ପ୍ରତିଶତ ହ୍ରାସ ପାଇଛି । ସେ କହିଥିଲେ ଯେ ଦେଶର ପ୍ରତ୍ୟେକ ଆଇନ ଆଜି ସେଠାରେ ବଳବତ୍ତର ରହିଛି । ସ୍ୱାଧୀନତା ପରେ ପ୍ରଥମ ଥର ପାଇଁ ଜାମ୍ମୁ କାଶ୍ମୀରରେ ପଞ୍ଚାୟତ ନିର୍ବାଚନ ଅନୁଷ୍ଠିତ ହୋଇଥିଲା ଏବଂ ମତଦାନ ୯୯.୮% ଥିଲା । ଶ୍ରୀ ଶାହ କହିଥିଲେ ଯେ ଆମେ ଜାମ୍ମୁ-କାଶ୍ମୀରରେ ଆତଙ୍କବାଦ ସମସ୍ୟାର ଧୀରେ ଧୀରେ ସମାଧାନ ଦିଗରେ ଅଗ୍ରସର ହେଉଛୁ ।

HS