ঐগী মন্ত্রী-মন্দলগী মরুপ, দা. জিতেন্দ্র সিংহজী, শ্রী শক্তিকান্তা দাসজী, দা. সোমানাথনজী, অতোপ্পা মকোক থোংবা ওফিসিএলশিং, লৈবাক শিনবা থুংবদগী সিভিল সর্ভিসেসতগী মরুপ পুম্নমক, নুপী অমসুং নুপাশিং!

মরুপশিং,

ময়াম পুম্নমকপু সিভিল সর্ভিসেস দেনা লাকপদা হন্না-হন্না নুংঙাইবা ফোংদোকচরি! চহি অসিগী সিভিল সর্ভিসেস দে অসি মরম কয়াদগী অখন্নবা ওইরি। চহি অসিদা, ঐখোয়না ঐখোয়গী সংবিধানগী ৭৫শুবা চহি পাংথোক্লি, অমসুং মসি সরদার বল্লভভাই পতেলগী ১৫০শুবা মপোক কুমওনসু ওইরি। এপ্রিল ২১, ১৯৪৭তা সরদার বল্লভভাই পতেলনা ময়াম পুম্নমকপু "ভারতকী স্তীল ফ্রেম" হায়না কৌখি। মহাক্না নীংতম্লবা ভারতকী ব্যুরোক্রেসীগী অনৌবা স্তেন্দর্দশিং শেমখি। লৈবাক অসিগী শেবা তৌবনা মখোয়গী খ্বাইদগী ৱাংবা মথৌনি হায়না লৌরিবা সিভিল সর্ভেন্ত অমা। দেমোক্রেতিক ওইবা মওংদা এদমিনিস্ত্রেসন চলাইবা মীওই অমা। পুকচেল শেংবা, দিসিপ্লিন, অমসুং কৎথোকপনা থল্লবা মীওই অমা। লৈবাক অসিগী পান্দমগীদমক্তা অয়ুক-নুমিদাং চুপ্পা থবক তৌরিবা মীওই অমা। ঙসি, ঐখোয়না 'বিক্সিত ভারত' (চাউখৎলবা ভারত) অমা শেমগৎনবা ৱারেপ লৌদুনা মাংলোমদা চংশিল্লি। সরদার বল্লভভাই পতেলগী ৱাহৈশিং অসি হেন্না মরী লৈনরক্লি। ঙসি ঐহাক্না সরদার পতেলগী মীৎয়েং অদুদা ইকায় খুম্নবা উৎচরি অমসুং মহাক্কী মফমদা থম্মোয় শেংনা ইকায় খুম্নবা উৎচরি।

মরুপশিং,

মতম খরগী মমাংদা, ঙসিগী ভারত অসিনা লাক্কদৌরিবা চহি লিশিং কয়াগীদমক মপাঙ্গল কনবা য়ুম্ফম অমা শেমগদবনি হায়না লাল কিল্লাদগী ঐনা হায়খি। করিগুম্বা ঐখোয়না মসিবু অখন্নবা মওংদা য়েংলবদি, মিলেনিয়ম অসিগী চহি ২৫দি হৌখ্রে। মসি অনৌবা চহি চাগী ২৫শুবা চহিনি, অমসুং অনৌবা মিলেনিয়মগী ২৫শুবা চহিসুনি। ঙসি ঐখোয়না পায়খৎলিবা পোলিসীশিং, ঐখোয়না লৌরিবা ৱারেপশিং অসিনা মথংগী চহি লিশিং কয়াগী তুংলমচৎ শেমগনি। ঐখোয়গী বেদশিংনা হায়: য়থা হি একেন চক্রেন ন সথস্য গতির্ভবেদ। এৱ পুরুসকোরেন বিনা দৈন ন সিধ্যাতি।। মসিগী ৱাহন্থোক্তি: চাকা অমা খক্তনা রথ অমা চেনবা য়াদবগুম্না, কন্না থবক তৌদনা, লাইবক্তা মখা পোল্লগা মায়পাকপা ফংবা ঙমলোই। ঐখোয়গী 'বিক্সিত ভারত'কী পান্দম অসি ফংনবগীদমক, প্রোগ্রেসকী রথকী চাকা খুদিংমক পুন্না চৎমিন্নগদবনি। ঐখোয়না নুমিৎ খুদিংগী, মীকুপ খুদিংগী লেপ্পা লৈতনা হোৎনগদবনি। ঐখোয়না পান্দম অসিগীদমক হিংগদবনি, অমসুং মদু ফংনবগীদমক ঐখোয়গী পুন্সি কৎথোক্কদবনি।

মরুপশিং,

ঐখোয়না য়াম্না থুনা হোংলক্লিবা মালেম অমা উবা ফংলি। অদোমগী ইমুং মনুংদসু, করিগুম্বা চহি ১০ নৎত্রগা ১৫ শুরবা অঙাং অমা লৈরবদি, অমসুং নহাক্না মখোয়গা ৱারি শান্নরবদি, নহাক অসি আউৎদেতেদ ওইরে হায়না খনবা য়াই। মসিগী মরমদি মতম অসি য়াম্না থুনা হোংলকপনি। গেজেৎশিং অসি চহি ২-৩ খুদিংগী ইভোলুসন তৌরি। ঐখোয়না করিগুম্বা অমবু মপুং ফানা খঙবা নৎত্রগা তমজবা ঙমদ্রিঙৈদা, অনৌবা অমা লাকই। ঐখোয়গী অঙাংশিং অসি অসিগুম্বা অঙকপা অহোংবশিং অসিগা লোয়ননা চাউখৎলি। ঐখোয়গী ব্যুরোক্রেসী, ঐখোয়গী থবক তৌবগী মওং, ঐখোয়গী পোলিসী শেম্বা অসি মতমগা চুনদ্রবা মওং মতৌশিং অদু মখা চত্থবা য়ারোই। মসিনা মরম ওইদুনা, ২০১৪দগী হৌদুনা লৈবাক অসিদা সিস্তেম অসিগী অচৌবা অহোংবা অমা হৌরকখি। ঐখোয়না খোঙজেল য়াংনা চংশিল্লিবা অসিগা চুনবা হোৎনরি। ঙসি, ভারতকী এস্পিরেস্নেল সোসাইতী - ঐখোয়গী নহারোলশিং, ঐখোয়গী লৌমীশিং, ঐখোয়গী নুপীশিং - মখোয়গী মঙলানশিং অসি অৱাংবা থাক্তা য়ৌরক্লিবা অসি তশেংনা মমাংদা অমুক্তা ওইখিদ্রি। অমসুং অসিগুম্বা অখন্নবা এস্পিরেসনশিং অসি ফংনবগীদমক্তা, অখন্নবা স্পীদসু মথৌ তাই। লাক্কদৌরিবা চহিশিংদা, ভারতনা ইনর্জী সিক্যুরিতী, ক্লিন ইনর্জী, স্পোর্তস, স্পেস অমসুং অতোপ্পা কয়াগা মরী লৈনবা মরুওইবা মাইপাকপগী তাঙ্কক কয়া অমা থেংনরগনি। সেক্তর খুদিংমক্তা, ঐখোয়না লৈবাক অসিগী ফিরালবু অনৌবা অৱাংবা থাক্তা পুখৎকদবনি। অমসুং ঐহাক্না মসিগী মতাংদা ৱা ঙাংলিবা মতমদা, লৈবাক অসিনা মসিগী মতাংদা খল্লকপা মতমদা - মীপুম খুদিংমক্না অদোমদা মীৎয়েং থম্লি, ময়াম পুম্নমক্তা থাজবা থম্লি, অমসুং অচৌবা থৌদাং অমা অদোমগী খুৎতা লৈরে, ঐহাক্কী মরুপশিং। ভারতপু অথুবা মতমদা মালেমগী অহুমশুবা খ্বাইদগী চাউবা ইকোনোমী ওইহনগদবনি। মসিগী পান্দম অসি ফংবদা অথীংবা অমত্তা লৈহন্দবা হায়বসি অদোমগী থৌদাংনি।

মরুপশিং,

চহি অসিগী সিভিল সর্ভিসেস দেগী থিম অসি "ভারতকী হোলিস্তিক দিবেলপমেন্ত"নি হায়বা অসিদা ঐহাক নুংঙাইবা ফাওই। মসি থিম অমখক নত্তে, মসি ঐখোয়গী কম্মিতমেন্তনি, লৈবাক অসিগী মীয়ামদা ঐখোয়গী ৱাশক অমনি। ভারতকী হোলিস্তিক দিবেলপমেন্ত হায়বসিনা হায়রিবদি: খুঙ্গং অমত্তা হুন্দোক্তবা, ইমুং অমত্তা হুন্দোক্তবা, নাগরিক অমত্তা হুন্দোক্তবা। অশেংবা খুমাং চাউশিনবা হায়বসিনা অপীকপা অহোংবা পুরকপা নত্তে - মসিনা মপুং ফাবা ইথিল পীবা হায়বনি। য়ুমথোং খুদিংদা অশেংবা ঈশিং ফংহনবা, অঙাং খুদিংদা ক্বালিতী এজুকেসন ফংহনবা, ওন্তপ্রিন্যুওর খুদিংদা শেল-থুমগী খুদোংচাবা ফংহনবা, অমসুং খুঙ্গং খুদিংদা দিজিতেল ইকোনোমীগী কান্নবা ফংহনবা - মসিদি হোলিস্তিক দিবেলপমেন্ত হায়বসিনি। ঐনা থাজৈ মদুদি গবর্নান্সকী ক্বালিতী অসি স্কিমশিং হৌদোক্তুনা লাকপা নত্তে। মদুগী মহুত্তা, গবর্নান্সকী মগুন অসি স্কিম অমনা মীয়াম্বু মতৌ করম্না য়াম্না কদাই ফাওবা য়ৌহনবগে অমসুং মসিনা তশেংনা করি শাফু পীবগে হায়বসিনা তাকই। ঙসিদি রাজকোৎ, গোমাতি, তিনসুকিয়া নৎত্রগা কোরাপুত ওইগেরা, জিলা কয়াদা মসিগী ইথিল অসি উবা ফংলি। মহৈলোইশঙশিংদা মহৈ তম্বগী চাং হেনগৎহনবদগী হৌরগা সোলর ইনর্জী শিজিন্নবা ফাওবা, দিস্ত্রিক্ত কয়া অমনা মখোয়গী পান্দমশিং ফংনবা মশক থোকপা থবক কয়া পাংথোকখ্রে। হায়রিবা দিস্ত্রিক্তশিং অসিগী মরক্তগী কয়া অমা ঙসি মনা পীখ্রে। ঐহাক্না হায়রিবা দিস্ত্রিক্তশিং অমসুং স্কীমশিং অসিদা য়াওরিবা তীম পুম্নমকপু অখন্নবা মওংদা থাগৎপা ফোংদোকচরি।

মরুপশিং,

হৌখিবা চহি ১০ অসিদা, ভারতনা অহোংবা খরা-খরা লাকপদগী ইম্পেক্তিব ত্রান্সফোর্মেসনগী মায়কৈদা চৎপা অমা উবা ফংখি। ঙসি, ভারতকী গবর্নান্স মোদেল অসি নেক্স জেনরেসন রিফোর্মশিংদা মীৎয়েং থম্লি। তেক্নোলোজী, ইন্নোবেসন, অমসুং ইন্নোবেতিব প্রেক্তিসকী খুত্থাংদা ঐখোয়না সরকার অমসুং নাগরিকশিংগী মরক্তা লৈরিবা খেন্নবা অদু নকশিন্নহল্লি। মসিগী ইম্পেক্ত অসি খুঙ্গং অমসুং সহরগী মফমশিংদা নত্তনা অরাপ্পা মফমশিংদসু উবা ফংই। ঐহাক্না এস্পিরেস্নেল দিস্ত্রিক্তশিংগী মরমদা তোইনা ঙাংখি। অদুম ওইনমক এস্পিরেস্নেল ব্লোক্স প্রোগ্রামগী মাই পাকপা অসিসু মতিক চানা শিংথানীংঙাই ওই। প্রোগ্রাম অসি চহি অনিগী মমাংদা ২০২৩গী জনুৱারীদা হৌদোকখিবনি। অমসুং চহি অনি অসিদা, হায়রিবা ব্লোকশিং অসিদা উবা ফংলিবা অহোংবশিং অসি মমাংদা অমুক্তা ওইখিদ্রি। হায়রিবা ব্লোকশিং অসিনা হকশেল, ন্যুত্রিসন, সোসিএল দিবেলপমেন্ত, অমসুং বেসিক ইনফ্রাস্ত্রকচরগুম্বা ইন্দিকেতরশিংদা চাউনা খুমাং চাউশিল্লি। করিগুম্বা মতাং খরদদি, মখোয়না স্তেতকী এভরেজশিংদগীসু হেল্লি। চহি অনিগী মমাংদা, রাজস্থানগী তোঙ্ক জিলাগী পিপলু ব্লোক্তা, অঙ্গনৱাদি সেন্তরশিংদা লৈরিবা অঙাংশিংগী ২০% খক্তমক্না মওং চুম্না মিজর তৌরি। হৌজিক্তি, হায়রিবা মশীং অসি ৯৯% হেনখ্রে। বিহারগী ভাগলপুরগী জগদিশপুর ব্লোক্তা, অহানবা ত্রাইমস্তরদা মীরোনবী নুপীগী রেজিস্ত্রেসন অসি ২৫% খক্তমক ওইখি। হৌজিক্তি, মসি চাদা ৯০ হেনখ্রে। জম্মু অমসুং কাশ্মীরগী মারৱাহ ব্লোক্তা, ইন্সতিত্যুস্নেল দেলিবরী অসি ৩০%দগী ১০০%দা হেনগৎখ্রে। ঝারখন্দগী গুরদী ব্লোক্তা, তেপ ৱাতর কনেক্সন অসি ১৮%দগী ১০০%দা হেনগৎলে। মসি মশীং খক্তা নত্তে। মসিনা লাস্ত মাইলদা পোৎ-চৈ য়ৌহন্নবগী ঐখোয়গী ৱাশক অদু মপুং ফাহন্নবগী মশক অমনি। মখোয়না তাক্লি মদুদি অচুম্বা ৱাখল্লোন, থৌরাং অমসুং থবক পায়খৎপগা লোইননা, পাম্লিবা অহোংবা অসি খ্বাইদগী অরাপ্পা মফমশিংদা ফাওবা ওইথোকপা য়াই।

মরুপশিং,

হৌখিবা চহি ১০ অসিদা ভারতনা অহোংবা কয়া অমা উবা ফংখ্রে অমসুং মাই পাকপগী অনৌবা থাক অমদা য়ৌরে। ঙসি, ভারত অসি চাউখৎপগীদমক্তা খংনবতা নত্তনা, লৈঙাকপা, ত্রান্সপরেন্সী অমসুং ইন্নোবেসনগী অনৌবা বেঞ্চমার্কশিং শেমগৎপগীদমক্তসু খঙনরি।

ঐখোয়গী জি.২০ প্রসিদেন্সী অসিনা মসিগী অচৌবা খুদম অমনি। জি.২০গী পুৱারীদা অহানবা ওইনা অসিগুম্বা পাক-চাউবা অমসুং ইনক্লুসিব ওইবা ফুতপ্রিন্স অসি জি.২০গী শহর ৬০ হেনবদা মীফম ২০০ হেন্না পাংথোকখি। অমসুং মসিমক্নি হোলিস্তিক এপ্রোচ হায়বদু। মীয়ামগী শরুক য়াবগী ঐখোয়গী মোদেল অসিনা ঐখোয়বু অতোপ্পা লৈবাক কয়াদগী চহি ১০-১১ হেন্না মাংলোমদা থম্লি। হৌখিবা চহি ১১ অসিদা ঐখোয়না দিলেগী চৎনবী অসি মুত্থৎনবা হোৎনখি। ঐখোয়না অনৌবা থৌওংশিং শেমগৎলে অমসুং মতম শাংনা থবক পাংথোক্নবা তেক্নোলোজী শীজিন্নখি। ললোন-ইতিক্কী থবকশিং লায়থোকহন্নবগীদমক, ঐখোয়না আইনগী চৎন-কাঙলোন ৪০,০০০ হেন্না মুত্থৎখ্রে অমসুং আইনগী প্রোভিজন ৩,৪০০ হেন্না দি-ক্রিমিনেলাইজ তৌখ্রে। ঐহাক্না নীংশিংলি মদুদি ঐখোয়না কমপ্লাইএন্সকী পোৎলুম হন্থহন্নবা হোৎনরিঙৈদা, অমসুং মহৌশাগী ওইবা বিজিনেস ওপরেসনশিংগী মনুংদা থোকপা অশোয়বা খরা দি-ক্রিমিনেলাইজ তৌরিঙৈদা, মফম খরদা ওপোজিসনগী মখোল অদুনমক তাবা অসিদা অঙকপা পোকখি। মীওই খরনা হায়রম্মি, "মসি মমাংদা অমুক্তা তৌখিদ্রি, করিগীদমক অদোম্না মসি তৌরিবনো? হান্না লৈবদো অদুম লৈহল্লু। করিগীদমক ৱারিবনো? মীশিংনা কমপ্লাইএন্স তৌদুনা লৈহল্লু। করিগীদমক্তা নহাক্কী ৱার্কলোদ হেনগৎহল্লিবনো?” মীফম অদুদা মীপুম খুদিংমক্না ৱারী শানখি। পাউখুমশিং লাকখি, অদুবু ঐখোয়গী পান্দমশিং ফংনবগী প্রেসর অসি রেজিস্তেন্সকী প্রেসরদগী হেন্না চাউই। মরম অদুনা ঐখোয়না প্রেসরদা চৎখিদে। ঐখোয়না পান্দম অদুদা মীৎয়েং থমখি। করিগুম্বা ঐখোয়না হান্নগী লম্বীদা চৎমিন্নরবদি, অনৌবা মহৈশিং ফংবদা অৱাবা ওইগনি। ঐখোয়না করিগুম্বা অমবু তোঙানবা মওংদা পাংথোকপা মতমদা, ঐখোয়না তোঙানবা মহৈ ফংগনি। অমসুং ঙসি, ৱাখল্লোন অসিনা মরম ওইদুনা, ভারতনা ইজ ওফ দুইং বিজিনেস রেঙ্কিংদা মশক থোক্না ফগৎলক্লি। ঙসিদি, মালেম অসিনা ভারত্তা শেল থাদবা পাম্লি, অমসুং হায়রিবা খুদোংচাবশিং অসি ঐখোয়না মাংহন্দনবা হোৎনবসি ঐখোয়গী থৌদাংনি। ঐখোয়না মখোয়বু মপুং ফানা শীজিন্নগদবনি। স্তেৎ, দিস্ত্রিক্ত, অমসুং ব্লোককী থাক্তা, ঐখোয়না রেদ তেপকী খুদম খুদিংমক মুত্থৎকদবনি। মসি পাংথোক্লবা খক্তদা অদোম্না লেভেল পুম্নমক্তা অদোমগী পান্দমশিং অদু ফংবা ঙমগনি।

মরুপশিং,

হৌখিবা চহি ১০-১১ অসিদা লৈবাক অসিনা ফংখিবা মাইপাকপশিং অসিনা 'ভিক্সিৎ ভারত'কী য়ুম্ফম ওইদুনা মপাঙ্গল কনবা য়ুম্ফম অমা শেম্লে। হৌজিক, লৈবাক অসিনা মসিগী অচেৎপা য়ুম্ফম অসিদা 'ভিক্সিৎ ভারত'কী চাউরবা য়ুম্ফম অমা শেম্বা হৌরে। অদুবু মসি শাবদা ঐখোয়না অৱাবা কয়া মায়োক্নখি। ভারত অসি হৌজিক মালেমগী খ্বাইদগী মীশিং য়াম্বা লৈবাক ওইরে। অসিগুম্বা ফীভম অমদা, তঙাই ফদবা পোৎলমশিং ফংহনবা অসি ঐখোয়গী খ্বাইদগী মরুওইবা থৌদাং ওইগদবনি। অদোম্না লেপ্পা লৈতনা লাস্ত মাইলগী দেলিভরীদা মীৎয়েং থমগদবনি। মতমগী মতুং ইন্না, ঐখোয়গী নাগরিকশিংগী মথৌ তাবশিং অমসুং অপাম্বশিং অনিমক য়াম্না থুনা হোংলক্লি। সিভিল সর্ভিসেসনা হৌজিক্কী মতমগী শিংনবশিংগা চুনবা মথৌ তাই। মসিদগী খক্তনা মখোয়না মতমগা চুনবা ঙমগনি। ঐখোয়না ঐখোয়গীদমক চাং নাইনা অনৌবা বেঞ্চমার্কশিং থমগদবনি অমসুং মখোয়শিং অদু মপুং ফাহনগদবনি অমসুং হেন্না হেলহনগদবনি। মায় পাক্নবগী খ্বাইদগী চাউবা মরুওইবা মরমদি অদোম ‌ইশামকপু চেলেঞ্জ তৌদুনা লৈবনি। ঙরাং ফংখিবা অদু নুংঙাইবা পোকপগী তানফম অমা ওইরোইদবনি। মসি ঐখোয় ইশামকপু হেন্না চেলেঞ্জ তৌনবা মরম অমা ওইগদবনি, মরম অদুনা হয়েং ঐখোয়না হেন্না হেন্না ফংলগনি। ঐখোয়না হান্নগী লৈঙাকশিংগা ঐখোয়গী পরফোর্মেন্স চাংদম্নদুনা লৈবা য়াদ্রে। “দিস্ত্রিক্ত অসিদা ঐহাক্কী মমাংদা লৈরম্বা মীওইনা অসিগুম্বা থবক কয়া তৌরম্মি অমসুং ঐহাক্না মসিদগী হেন্না তৌখ্রে” মসিনা য়াবা নত্তে। হৌজিক ঐখোয়না ঐখোয়গী স্তেন্দর্দশিং শেমগদবনি। ঐখোয়না ৱাহং অসি হংগদবনি: ২০৪৭ ফাওবদা 'ভিক্সিৎ ভারত'কী পান্দমশিং অসিদগী ঐখোয়না কয়া য়াম্না লাপ্না লৈবগে? মাংলোমদা চংশিনবা অমসুং খন্ন-নৈনবগী মতম অসি লোইখ্রে। হৌজিক লাক্লিবা ৱাহংদি: ঙসি ঐনা লৈরিবা মফম অসিদগী ঐনা কয়া য়াম্না চৎকদগে হায়বসিনি। ঐহাক্না মসিগী অরাপ্পা অসি কোকহন্নবগীদমক ঐহাক্কী রোদমেপ অদু করিনো? ঐগী খোঙজেল অসি করিনো? ২০৪৭গী পান্দম অদু ঐনা অতোপ্পশিংদগী হেন্না থুনা করম্না ফংবা ঙমগনি? মসি ঐখোয়গী মঙলান, ঐখোয়গী থৌদাং অমসুং ঐখোয়গী পান্দম ওইগদবনি।

ঐখোয়না সেক্তর খুদিংমক য়েংশিনবা তাই: ঐখোয়না লেপ্লিবা পান্দমশিং অসি ফংনবগীদমক্তা হৌজিক লৈরিবা ঐখোয়গী খোঙজেল অসি মতিক চাব্রা? করিগুম্বা মতিক চাদ্রবদি, ঐখোয়না খোঙজেল য়াংশিনগদবনি। ঐখোয়না নীংশিংগদবনি মদুদি হৌজিক্তি ঐখোয়না হান্ননা লৈরমদবা তেক্নোলোজীশিং ফংলে। ঐখোয়না তেক্নোলোজীগী পাৱরগা লোয়ননা মাংলোমদা চংশিনগদবনি। চহি ১০দা ঐখোয়না লায়রবশিংগীদমক্তা মতম চুপ্পগী ওইবা য়ুম করোর ৪ শঙ্গাখি। অদুবু হৌজিক্তি, ঐখোয়না য়ুম করোর ৩ হেন্না শাবগী পান্দম থম্লি। চহী ৫-৬তা, ঐখোয়না খুঙ্গংগী ইমুং করোর ১২দা থক্নবা ঈশিং ফংহল্লে। হৌজিক ঐখোয়না খুঙ্গংগী য়ুমথোং খুদিংমক অথুবা মতমদা শম্নহনগদবনি। চহি ১০দা ঐখোয়না লায়রবশিংগীদমক তোইলেৎ করোর ১১ হেন্না শাখি। হৌজিক ঐখোয়না ৱেস্ত মেনেজমেন্তকা মরী লৈনবা অনৌবা পান্দমশিং ফংগদবনি। লায়রবা মীওই লাখ কয়াদা লুপা লাখ ৫ ফাওবগী ওইবা মেদিকেলগী লায়েং অসি লেম্না ফংলগনি হায়বসি কনাগুম্বা অমত্তনা খল্লমদে। হৌজিক্তি, ঐখোয়না লৈবাক শীনবা থুংনা ন্যুত্রিসনগীদমক অনৌবা কম্মিতমেন্তশিং মপুং ফাহনগদবনি। ঐখোয়গী অমত্তা ঙাইরবা পান্দমদি: ১০০% কভরেজ, ১০০% ইম্পেক্ত ওইগদবনি। হায়রিবা খোঙথাং অসিনা হৌখিবা চহি ১০দা মীওই করোর ২৫বু লায়রবা ফিবমদগী কোকহনবদা মতেং পাংলি। অমসুং হায়রিবা খোঙথাং অসিমক্না লায়রবা লৈতবা ভারত অমা ওইহল্লগনি।

মরুপশিং,

মতম অমদা, ব্যুরোক্রেসীগী থৌদাং অসি মরুওইনা ইন্দস্ত্রীলাইজেসন অমসুং ওন্তপ্রিন্যুওরশিপকী খোঙজেল লাকশিনবা রেগ্যুলেতর অমগী থৌদাং ওইরম্মি। অদুবু লৈবাক অসিনা হৌজিক অসিগুম্বা ৱাখল্লোন অসিদগী য়াম্না হেন্দোকখ্রে। ঙসিদি, ঐখোয়না নাগরিকশিংগী মরক্তা ওন্তপ্রিন্যুওরশিপপু পুক্নিং থৌগৎলিবা অমসুং মখোয়দা অথিংবা খুদিংমক কোকহনবদা মতেং পাংলিবা অকোয়বগী ফিভম অমা শেমগৎলি। মরম অদুনা, পব্লিক সর্ভিস অসি রুল বুকশিং ঙাকপা খক্তা নত্তনা, চাউখৎপগী এক্তিব ফেসিলিতেতর অমা ওইহনগদবনি। ঐহাক্না এম.এস.এম.ই. সেক্তরগী খুদম পীজরি। অদোম্না খংবগুম্না লৈবাক অসিনা মিসন মেনুফেকচরিং ইনিসিয়েতিব হৌদোক্লে। মিসন অসিগী মায় পাকপা অসি ঐখোয়গী এম.এস.এম.ই. সেক্তরদা য়াম্না চাউনা মখা পোল্লি। মালেমগী ওইনা অহোংবা লাক্লিবা অসিদা, ঐখোয়গী এম.এস.এম.ই.শিং, স্তার্ত-অপশিং অমসুং নহা ওইরিবা ওন্তপ্রিন্যুওরশিংনা হৌজিক পুৱারী ওইরবা অমসুং মমাংদা অমুক্তা ওইখিদ্রিবা খুদোংচাবা অমা ফংলি। অসিগুম্বা ফিভম অমদা, মালেমগী সপ্লাই চেনদা ঐখোয়না হেন্না কম্পিতিতিব ওইহনবা অসি য়াম্না মরু ওই। এম.এস.এম.ই.শিংনা অপীকপা ওন্তপ্রিন্যুওরশিংগা খক্তা কম্পিতিসন তৌদে, মখোয়না মালেমগী থাক্তা কম্পিতিসন তৌই হায়বসি ঐখোয়না নীংশিংগদবনি।  করিগুম্বা অপীকপা লৈবাক অমনা মাগী ইন্দস্ত্রীশিংদা কমপ্লাইএন্স হেন্না লায়থোকহনবা ঙম্লবদি, মসিনা ঐখোয়গী লৈবাক অসিগী স্তার্ত-অপশিংগা চাংদম্নবদা হেন্না ফবা ফীভমদা লৈগনি। মসিনা মরম ওইদুনা ঐখোয়না মালেমগী খ্বাইদগী ফবা থৌওংশিংগী মরক্তা ঐখোয়না করম্বা মফমদা লৈবগে হায়বদু লেপ্পা লৈতনা য়েংশিনগদবনি। ভারতকী ইন্দস্ত্রীশিংনা মালেমগী থাক্তা খ্বাইদগী ফবা পোৎথোকশিং পুথোক্নবা পান্দম থম্লবদি, ভারতকী ব্যুরোক্রেসীনা মালেমদা খ্বাইদগী ফবা ইজ-ওফ-কম্প্লাইএন্স এনভাইরনমেন্ত ফংহন্নবা পান্দম থমগদবনি।

মরুপশিং,

ঙসিগী তেক্নোলোজীনা লমজিংবা মালেম অসিদা, সিভিল সেক্যুরিতীশিংদা তেক্নোলোজী খঙবদা মতেং পাংবতা নত্তনা, মসিবু স্মার্ত অমসুং ইনক্লুসিব গবর্নান্সকীদমক শীজিন্ননবা স্কিলশিং মথৌ তাই। “তেক্নোলোজীগী মতম অসিদা, গবর্নান্স হায়বসি সিস্তেমশিং মেনেজ তৌবা নত্তে, মসিদি ওইথোকপা য়াবশিংবু মশিং হেনগৎহনবনি।“ ঐখোয়না তেক্নোলোজীগী লমদা খুমাং চাউশিল্লক্কদবনি, মসিনা মরম ওইদুনা পোলিসী অমসুং স্কিম খুদিংমক তেক্নোলোজীগী মতেংনা হেন্না ইফিসিএন্ত অমসুং এক্সেসিব ওইহনগনি। পোলিসী দিজাইন অমসুং ইমপ্লিমেন্তেসন অসি হেন্না চুম্না পাংথোক্নবা ঐখোয়না দেতা-দাইরেস্ত দিসিজন মেকিং তৌবদা এক্সপর্ত ওইগদবনি। আর্তিফিসিএল ইন্তেলিজেন্স অমসুং ক্বান্তম ফিজিক্সনা কয়া য়াম্না থুনা চাউখৎলিবগে হায়বদু অদোম্না উবা ফংলি। অথুবা মতমদা, তেক্নোলোজী শীজিন্নবদা অনৌবা রিভোলুসন অমা লাক্কনি - ঙসি ঐখোয়না খঙনরিবা দিজিতেল অমসুং ইনফোর্মেসনগী মতমদগী হেনবা রিভোলুসন অমা। অদোম্না অদোম ইশামকপু অমসুং অপুনবা সিস্তেম অসিবু তুংলমচৎকী তেক্নোলোজীগী রিভোলুসন অসিগীদমক্তা শেম-শাবা তাই, মরম অদুনা ঐখোয়না নাগরিকশিংদা খ্বাইদগী ফবা সর্ভিসশিং পীবা ঙমগনি অমসুং মখোয়গী এস্পিরেসনশিং মপুং ফাহনগনি। ঐখোয়না ঐখোয়গী সিভিল সর্ভিসশিংগী কেপাসিতীশিং হেনগৎহনগদবনি, মরম অদুনা ঐখোয়না তুংলমচৎকীদমক শেম-শারবা সিভিল সর্ভিস অমা শেম্বা ঙমগনি। মসিনা মরম ওইদুনা ঐহাক্না মিসন কর্ময়োগী অমসুং সিবিল সর্ভিস কেপাসিতী বিল্দিং প্রোগ্রামদা য়াম্না মরুওইবা পীরি।

মরুপশিং,

খোঙজেল য়াংনা হোংলক্লিবা অসিগুম্লবা মতম অসিদা, ঐখোয়না মালেমগী ওইবা শিংনবশিং অসি কুপ্না য়েংশিনগদবনি। অদোম্না উবা ফংগনি, চিঞ্জাক, ঈশিং অমসুং ইনর্জী সেক্যুরিতীনা মরুওইনা গ্লোবেল সাউথকী মফমশিংদা, হায়রিবা ইসুশিং অসি অরুবা ক্রাইসিস অমা ওইরক্লিবা মফমশিংদা, মশক থোকপা শিংনবশিং ওইদুনা লৈরি। মালেমগী ওইনা চত্থরিবা লানশিংনা লৈবাক কয়াদা ফিভম হেন্না ফৎহল্লে। মসিনা মীওইশিংদা অকায়বা পীরি অমসুং মখোয়গী নুমিৎ খুদিংগী পুন্সিদা খুদোংচাদবা থোকহল্লি। ঐখোয়না দোমেস্তিক অমসুং এক্সতর্নেল এফিয়র্সকী মরক্তা হেনগৎলক্লিবা মরী অসি খঙমিন্নবা তাই, অমসুং মসিগী মতুং ইন্না ঐখোয়গী পোলিসীশিং অমসুং স্ত্রেতেজীশিং অসি এদাপ্ত তৌগদবনি। ক্লাইমেৎ চেঞ্জ, নেচরেল দিজাস্তর, পেন্দেমিক নৎত্রগা সাইবর থ্রেৎ ওইরো, ভারতনা থবক পায়খৎপদা খোঙকাপ তরা হেনগৎনা লৌখৎকদবনি। ঐখোয়না লোকেল লেভেল স্ত্রেতেজিশিং দিজাইন তৌগদবনি অমসুং রেসিলিয়েন্ত দিবেলপমেন্ত মোদেলশিং শেমগদবনি।

মরুপশিং,

ঐহাক্না লাল কিলাদগী 'পঞ্চ প্রন'গী মতাংদা ৱা ঙাংখি। ৱা ঙাংখিবশিং অদুদি: 'ভিক্সিৎ ভারত'কী ৱারেপ লৌবা; মীখা পোনবগী ৱাখল্লোনদগী নীংতমহনবা; ঐখোয়গী হেরিতেজ অসিদা চাউথোকচবা; অমত্তা ওইবা অমসুং সোলিদরিতীগী ৱাখল্লোন; অমসুং ইকাই খুম্নবগা লোয়ননা ঐখোয়গী মথৌশিং পাংথোকপা অসিনি। নখোয় পুম্নমক অসি অচেৎপা ৱারেপ মঙা অসিগী চীফ কেরিয়রশিংনি। অদোম্না খুদোংচাবদগী ইন্তিগ্রিতী, ইনর্সিয়াদগী ইন্নোবেসন, নৎত্রগা স্তেতসতগী সর্ভিসতা অহেনবা মরুওইবা পীরকপা মতম খুদিংদা, অদোম্না লৈবাক অসিবু মাংলোমদা পুখৎলি। ঐহাক্না ময়াম পুম্নমক্তা মপুং ফানা থাজবা থম্লি। মখোয়গী প্রোফেস্নেল খোঙচৎ হৌরক্লিবা নহা ওইরিবা ওফিসরশিংদা ঐনা অতোপ্পা ৱাফম অমা হায়জনীংই: খুন্নাই অসিদা কম্ম্যুনিতীগী মতেং য়াওদনা মাই পাকপা ঙমখিবা মীওই অমত্তা লৈতে। খুন্নাইগী তেংবাং য়াওদনা, কনাগুম্বা অমনা খোংথাং অমা হেক্তা মাংলোমদা চংশিনবা হায়বসি অরুবা অমনি। মসিনা মরম ওইদুনা মীপুম খুদিংমক্না খুন্নাইদা মখোয়গী তৌবা ঙম্বগী মতুং ইন্না মতেং পাংনবা পাম্মি। ময়াম পুম্নমক য়াম্না লাইবক ফবা মীওইশিংনি, মরমদি অদোমদা তৌগদবা অচৌবা খুদোংচাবা অমা লৈরি। লৈবাক অসিনা, খুন্নাই অসিনা অদোমদা মীয়ামগী সেবা তৌনবা অমসুং মীয়ামদা খ্বাইদগী হেন্না কান্নবা ফংহন্নবা অচৌবা থৌদাং অসি পীরি।

মরুপশিং,

হৌজিক অসি সিভিল সর্ভিসেসকী রিফোর্মশিং অমুক হন্না খনবা মতম্নি। ঐখোয়না রিফোর্মশিংগী খোঙজেল য়াংখৎপা মথৌ তাই, অমসুং মখোয়বু পাকথোক চাউথোকহনগদবনি। ইনফ্রাস্ত্রকচর ওইগেরা, রিন্যুএবল ইনর্জীগী পান্দম ওইগেরা, ইন্তরনেল সেক্যুরিতী ওইগেরা, করপসন মুত্থৎনবা ঐখোয়গী মিসন ওইগেরা, সোসিএল ৱেলফেয়র স্কিম ওইগেরা, নত্ত্রগা সেক্তর খুদিংমক্তা স্পোর্তস অমসুং ওলিম্পিক্কী পান্দম ওইগেরা, ঐখোয়না অনৌবা রিফোর্মশিং পুরকপা তাই। হৌজিক ফাওবদা ঐখোয়না ফংলিবা অসি থাগৎনিংঙাইনি, অদুবু হৌজিক্তি ঐখোয়না মদুদগী শরুক কয়া হেন্না ফংহনগদবনি। অমসুং মসি পুম্নমক্কী মরক্তা, ঐখোয়না করিগুম্বা অমবু মতম পুম্নমক্তা নীংশিংগদবনি: “মালেম অসি তেক্নোলোজীনা ফনা লমজিংলবসু, ঐখোয়না মীওইবগী ৱাখল্লোনগী মরুওইবা অদু কৈদৌঙৈদসু কাউরোইদবনি।" সেন্সিতিব ওইনা লৈবীয়ু, লায়রবশিংগীদমক ৱা ঙাংবীয়ু, মখোয়গী অৱাবা খঙবীয়ু, অমসুং মখোয়গী সমস্যাশিং কোকহন্নবা হোৎনবীয়ু। ঐখোয়না 'অতিথি দেবো ভাবা' (অতিথি অসি ঈশ্বরনি) হায়বগী মতৌগুম্না, ঐখোয়না 'নাগরিক দেবো ভাবা' (নাগরিক অসি ঈশ্বরনি) হায়বা মন্ত্র অসিগা লোয়ননা মাংলোমদা চংশিনগদবনি। অদোম্না ইশামকপু সিবিল সর্বেন্ত অমা ওইনা খক্তা শেম শাবতা নত্তনা "ভিক্সিত ভারত" অমগী আর্কিতেক্ত অমা ওইনা শেম শাবীগদবনি।

কনাগুম্বা অমনা সিভিল সর্ভেন্ত অমা ওইরকপা, থৌদাং অদুদা চাউখৎপা, অমসুং চপ মান্নবা কেপাসিতী অদুদা মখা তানা থবক তৌরকপা মতম অমা লৈরম্মি। অদুবু মতম অসি হোংখ্রে, মরুপশিং। ভারতকীদমক ঐহাক্না থম্লিবা পান্দম, ভারত মচা করোর ১৪০গী মীৎয়েংদা উরিবা মঙলানশিং অসিনা ঐহাকপু মসি হায়নবা পুক্নিং থৌগৎলি: অদোম্না হৌজিক্তি সিভিল সর্ভেন্তশিং খক্তা নত্তে। নখোয় অসি অনৌবা ভারতকী আর্কিতেক্তশিংনি। আর্কিতেকশিং ওইনা মসিগী থৌদাং অসি মপুং ফাহনবগীদমক, ঐখোয়না ঐখোয় মশাবু মপাঙ্গল কনখৎহনগদবনি, ঐখোয়গী মতম অসি লৈবাক্কী পান্দমশিংদা কত্থোক্কদবনি, অমসুং মীপুম খুদিংমক্কী মংলানশিংবু ঐখোয়গী ওইহনগদবনি। ঐখোয়না মসি পাংথোকপা মতমদা, ঐখোয়না ঐখোয়গী মীৎয়েংগা লোয়ননা 'ভিক্সিৎ ভারত'কী হৌগৎলকপা উবা ফংলগনি। ঙসি ঐনা ৱা ঙাংলিঙৈদা, ঐগী মীৎয়েং অসি মফম অসিদা লৈরিবী নহা ওইরিবা নুপীমচা অমদা তারে – অপীকপা লাইথিবী মানবা নুপীমচা অমা। ২০৪৭ য়ৌরকপদা মহাক্না নখোয়না ফম্লিবা মফম অদুদা ফমগনি। মসি ঐখোয়না শাগৎকদবা মঙলানশিংনি। মসি ঐখোয়গী 'ভিক্সিৎ ভারত'কী পান্দম ওইগদবনি। ময়াম পুম্নমকপু য়াইফ-পাউজেল পীজরি। হন্না-হন্না থাগৎচরি!

খঙহঞ্জবা: মসি পি.এম.গী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখি।

***