প্ৰধান মন্ত্রী শ্ৰী নরেন্দ্র মোদীনা ঙসি উত্তর প্রদেশকী গ্রেতর নোইদাদা উত্তর প্রদেশকী ইন্তরনেস্নেল ত্ৰেদ সো ২০২৫ হৌদোক্তুনা ৱা ঙাংখ্রে। থৌরম অসিদা ৱা ঙাঙলদুনা প্ৰধান মন্ত্রীনা য়ু.পি.গী ইন্তরনেস্নেল ত্ৰেদ সো অসিদা শরুক য়ারিবা ত্ৰেদর, ইনভেস্তর, ওন্ত্রপ্রিন্যুর, অমসুং নহা ওইরিবা শরুক য়ারিবশিং পুম্নমকপু তরাম্না ওকখি। মহাক্না থৌরম অসিদা একজিবিতর ২২০০ হেনবনা মখোয়গী পোত্থোকশিং অমসুং সর্ভিসশিং উৎলিবা অসিদা নুংঙাইবা ফোঙদোকখি। শ্ৰী মোদীনা ত্ৰেদ সো অসিগী ইদিসন অসিগীদমক রসিয়া লৈবাক্না পাত্নরনি হায়না ফোঙদোকখি, মতম কুইনা চাংয়েং তৌরবা খোঙবু অমা মপাঙ্গল কনখৎহনবদা অকনবা ৱাফম থমখি। মহাক্না থৌরম অসি পাঙথোকপগীদমক মুখ্য মন্ত্রী যোগী আদিত্যনাথ, লৈঙাক্কী মরুপসিং, অমসুং অতোপ্পা স্তেকহোল্দরশিংগী মফমদ নুংঙাইবা ফোঙদোকখি। প্ৰধান মন্ত্ৰীনা থৌরম অসি অন্ত্যোদয়াগী লম্বীদা জাতি অসিবু লমজিংবিখ্রিখিবা পরিংগী মমৈদা লেপ্লিবা মীশক্তুবু মাঙদা পুখৎপিরম্বা পণ্ডিত দীনদয়াল উপাধ্যায়গী মপোক কুমওনগা ফাংজিন্নরি হায়খি। অন্ত্যোদয়া হায়বসি চাওখৎ-থৌরাং অসি খ্বাইদগী লায়রবশিংদা য়ৌহনবা, খেন্নবা মখল খুদিংমক মুত্থৎপা হায়বনি হায়না ফোঙদোকখি। ভারতনা হৌজিক মালেমদা ইনক্লুসিভ দিভেলপমেন্তকী ফিদম অদুমক ওইরি হায়না মহাক্না মখা তানা ফোঙদোকখি।

খুদম অমা পীরদুনা প্রধান মন্ত্রীনা ভারতকী ফিনতেক সেক্তরবু মালেমগী ওইনা শকখঙনরিবা অদু পনখি। মসিগী খ্বাইদগী মরুওইবা মশক অসি ইনক্লুসিভ দিভেলপমেন্ততা মসিনা লৌরিবাথৌদং অসিনি হায়খি। শ্রী মোদীনা ভারতনা – য়ু.পি.আই., আধার, দিজিলোকর, অমসুং ও.এন.দি.সি.গুম্বা মীপুম খুদিংমক্কা লোয়নদুনা চৎপা ওপন প্লেতফোর্নশিং শেমগত্তুনা পুম্নমকপু চপ মান্নবা খুদোংচাবা ফংহল্লি হায়খি। মহাক্না “পুম্নমক্কী প্লেতফোর্মশিং, পুম্নমক্কী প্রোগ্রেস” হায়বা ৱাখল্লোন অদুগী মরুওইবা ৱাফমশিং ফোংদোকখি। প্রধান মন্ত্রীনা প্লেতফোর্মশিং অসিগী ইম্পেক্ট অসি মোল সোপ্পরসিং অমসুং স্ত্রিত-সাইদ চা য়োল্লিবসিং অনিমক্না য়ু.পি.আই. শীজিন্নদুনা ভারত শিনবা থুংনা উবা ফংই হায়খি। মতম অমদা অচৌবা কম্পেনিশিং খক্তনা ফংলমবা ফোর্মেল ক্রেদিট অসি হৌজিক্তি প্রধান মন্ত্রী স্বানিধি স্কীমগী খুত্থাঙদা লম্বীগী পোৎফম ফম্বা মীওইশিংনসু ফংলে হায়খি।

গভর্নমেন্ত ই-মার্কেতপ্লেস (জি.ই.এম.) অসি অতোপ্পা ত্রান্সফোর্মেতিবকী খুদম অমা ওইনা পল্লদুনা, শ্রী মোদীনা লৈঙাক্কী মফমদা পোৎ-চৈ য়োনবা অসি অচৌবা প্লেয়রশিং খক্তনা ঙম্লম্মি হায়খি। ঙসিদি সেল্লর অমসুং সরবিস প্রোভাইদর লাখ ২৫ রোমদি জি.ই.এম.গী পোর্তেলগা শম্নরে। মসিগী মনুংদা অপিকপা ললোনবসিং, ওন্ত্রপ্রিন্যুরসিং, অমসুং দুকান ফম্বসিং য়াওরি, মখোয়না হৌজিক ভারত লৈঙাক্তা হকথেংননা য়োনবা ঙম্লে। প্রধান মন্ত্রীনা লৈঙাক্না হৌজিক ফাওবদা জি.ই.এম. গী মনুংদা চাউরাক্না লুপা করোর লাখ ৭ কী শেনফম এম.এস.এম.ই.শিং অমসুং অপিকপা ইন্দস্ত্রীসিংদগী পরচেজ তৌখ্রে হায়খি। অসিগুম্বা ফিভম অসি মমাংগী লৈঙাক্কী মখাদা খনবদা লাম্বা ফংলমদে হায়না মহাক্না হায়খি। হৌজিক লৈবাক অসিগী মনুং হঞ্জিনবা মফম অমদা লৈবা অপিকপা দুকান ফম্বী অমনসু জি.ই.এম.গী পোর্তেলদা পোত্থোকশিং য়োল্লি। মসি অন্ত্যোদয়াগী মরুওইবা অমদি ভারতকী চাওখৎ-থৌরাংগী মোদেলগী য়ুম্বিনী হায়না প্রধান মন্ত্রীনা হায়খি।

২০৪৭ ফাওবদা ভারতনা চাওখৎপা লৈবাক অমা ওইবগী পান্দম অদুগী মায়কৈদা মাংলোমদা চংশিল্লি হায়না ফোঙদোক্লদুনা প্রধান মন্ত্রীনা “মালেমগী ওইনা অপনবা অমসুং তম্বা ঙমদবা ফীভম লৈরবসু ভারতকী গ্রোথ অসি শিংথানিংঙশই ওইনা লৈরি” হায়খি। অপনবা কয়ানা ভারতপু লম্বী লম্ফাংনহন্দে-মখোয়না অনৌবা মাইকৈশিং উত্থোকই। হায়রিবা শিংনবশিং অসিগী মরক্তা ভারতনা লাক্কদৌরিবা চহী দেকেদ কয়াগীদমক অচেৎপা য়ুমফম অমা থম্লি। শ্রী মোদীনা অমুক হন্না হায়খি মদুদি জাতি অসিগী ৱারেপ অমসুং লমজিং-লমতাকপা লাইৱাদি আত্মনির্ভর ভারতনি। অতোপ্পগী মখা পোনবা অসিদগী হেন্না তোনবা অমা লৈতে। হোংলক্লিবা মালেম অসিদা লৈবাক অমনা অতোপ্পদা হেন্না তাংজরিবমখৈ চাওখৎপগী খোজেলদা হেন্না শোকহল্লি। “ভারত অসি মসা মরোদোম লেপচবা ঙম্বা ওইগদবনি, ভারত্তা শাবা য়াবা পোত্থোক খুদিংমক ভারত্তা পুথোক্কদবনি” হায়না প্রধান মন্ত্রীনা অকনবা ৱাফম থমখি। ওন্ত্রপ্রিন্যুর, ত্রেদর, অমসুং ইনোবেতর মশিং য়াম্না তিল্লিবা অদুদা ৱা ঙাঙলদুনা প্রধান মন্ত্রীনা মখোয় অসি আত্মনির্ভর ভারতকী খোঙজঙদা মরু ওইবা স্তেকহোল্দরসিংনি হায়রদুনা, মখোয়দা ভারতকী মশা মরোমদোম লেপচবা ঙম্নবা মপাঙগল কনখৎহনবা ঙমবা বিজিনেস মোদেলসিং দিজাইন তৌনবা তকশিনখি।

লৈঙাক্না মেক ইন ইন্দিয়া অমসুং দোমেস্তিক মেন্যুফেকচরিং হেঙ্গৎহনবদা কন্না মিত্য়েং চংলি হায়রদুনা প্রধান মন্ত্রীনা লৈবাক মনুংদা চিপ্সতগী হৌরগা জহাজ ফাওবা পুথোকনবা ৱাফম থমখি। মসিবু মতেং পাংনবা লৈঙাক্না ইজ ওফ দুইং বিজিনেস হেঙ্গৎহন্নবা লেপ্তনা থবক পায়খৎলি। শ্রী মোদীনা ফোঙদোকখি মদুদি কম্প্লাইএন্স ৪০,০০০ হেন্না লৌথোকখ্রে, অমসুং মমাংদা অপিকপা বিজিনেসকী অশোয়বশিংগী মতাংদা আইনগী ওইবা কেসসিং থোকহনখিবা রুল লিসিং কয়া দিক্রিমিনেলাইজ তৌখ্রে। লৈঙাক অসিনা ওন্ত্রপ্রিন্যুরশিংগা খুৎশম্নদুনা লেপ্লি হায়খি। অদুম ওইমক মহাক্না মরুওইবা এক্সপেকতেসনশিংসু শেয়র তৌরদুনা, মেন্যুফেকচরিং প্র্রদক্ত পুম্নমক খ্বায়দগী ৱাংবা ক্বালিতিগী ওইগদবনি হায়খি। প্রধান মন্ত্রীনা মীয়াম্না লমদমসিগী পোত্থোকশিংগী ক্বালিতি লেপ্তনা হেনগৎহল্লি হায়রদুনা, অমসুং ক্বালিতিদা কম্প্রোমাইজ তৌরোইদবনি হায়না অকনবা ৱাফম থমখি। ভারত মচা খুদিংমক হৌজিক স্বাদেশীগা শম্নরে অমসুং লমদমসিগী পোত্থোকসিং লৈবা পাম্ল হায়খি। চাওথোকচনা “মসি স্বাদেশীনি” হায়বা সেন্তিমেন্ত অসি লৈবাক শিনবা থুংনা ফাওরি। মহাক্না ললোনবসিংদা লাইৱা অসি লৌনবা অমসুং ভারততা শাবা পোত্থোকসিংবু মরু ওইনা শীজিন্ননবা ৱাফম থমখি।

প্রধান মন্ত্রীনা রিসর্চকী মরু ওইবা মরুওইবা অদু ফোঙদোক্লদুনা, দোমেন অসিদা শেল থাদবা অসি মশিং য়াম্না হেনগৎহনগদবনি হায়খি। মসি পাকথোক চাওথোকপদা মতেং পাংনবা লৈঙাক্না হান্নদগী মথৌ তাবা খোঙথাংসিং লৌখৎখ্রে হায়না মহাক্না ফোঙদোকখি। শ্রী মোদীনা রিসর্চতা প্রাইভেট ইনভেস্তমেন্ত অসি হৌজিক তঙাইফদবা ওইরে অমসুং মসি একটিভ ওইনা পায়খৎকদবনি হায়খি। মহাক্না মসিবু মতম অসিগী দিমান্দ অমনি হায়না ফোঙদোকখি অমসুং ইন্দিজেনস রিসর্চ, দিজাইন, অমসুং দিভেলপমেন্তকীদমক অপুনবা ইকোসিস্টেম অমা শেম্নবা ৱাফম থমখি।

উত্তর প্রদেশ অসি তোপ তোপ্পা ইনভেস্টমেন্ত পোতেনসিয়েলনা থল্লবা মফম অমনি হায়না ফোঙদোক্লদুনা প্রধান মন্ত্রীনা হৌখিবা চহী খরসিদা কনেক্তিবিতীগী রিভোল্যুসন অসিনা লোজিস্তিক্সকী মমল য়াম্না হন্থহল্লে হায়খি। উত্তর প্রদেশতা হৌজিক লৈবাক অসিদা খ্বায়দগী য়াম্না এক্সপ্রেসৱে লৈরে অমসুং ইন্তরনেস্নেল এয়রপোর্ত মশিংদা মাংজিল থারি। মসিনা অচৌবা অখন্নবা ফ্রৈৎ কোরিদোর অনিগী হব অমা ওইনা থবক তৌরি। শ্রী মোদীনা পনখি মদুদি য়ু.পি.না হেরিটেজ তুরিজমদা মকোক থোংলি, অমসুং নমামি গঙ্গেগুমবা থৌশিলশিংনা স্তেত অসিবু ক্রুইজ তুরিজমগী মেপতা থম্লে হায়খি। ৱন দিস্ত্রিক্ত ৱন প্র্দক্ত স্কিম অসিনা য়ু.পি.গী তোঙান তোঙানবা দিস্ত্রিক্তশিংগী পোত্থোকশিং অসি মালেমগী কৈথেলদা য়ৌবা ঙমহল্লে। মেন্যুফেকচরিংদা য়ু.পি.না অনৌবা রেকোডসিং থম্লি, মরুওইনা ইলেকত্রোনিক্স অমসুং মোবাইল পুথোকপদা। প্রধান মন্ত্রীনা হায়খি মদুদি হৌখিবা চহী দেকেদ অসিদা ভারত অসি মালেমগী অনিসুবা খ্বায়দগী চাওবা মোবাইল পুথোকপা লৈবাক অমা ওইরে, মসিদা য়ু.পি.না অচৌবা থৌদাং অমা লৌরি- লৈবাক অসিদা শাবা মোবাইল ফোন পুম্নমক্কী চাউরাক্না চাদা ৫৫ পুথোক্লি। মহাক্না মখা তানা হায়খি মদুদি য়ু.পি.না সেমিকন্দক্তর সেক্তরদা ভারতকী মশা-মরোমদোম লেপচবা ঙমবদসু মপাঙ্গল কনখৎহল্লগনি, মসিদা শুপ্নতগী কিলোমিতর খরখক্তা চৎলগা অচৌবা সেমিকন্দক্তর ফেসিলিটি অমা থবক হৌনবা শেম শাখ্রে হায়খি।

শ্রী মোদীনা দিফেন্স সেক্তরবু অতোপ্পা মরুওইবা খুদম অমা ওইনা পনখি, ভারতকী আর্ম ফোর্সশিংনা ইন্দিজিনস সোল্যুসনসিং থিরি অমসুং মপান্দগী পুশিল্লকপা পোৎলমশিংগী মখা পোনবা হন্থহন্নবা পান্দম থম্লি হায়খি। “ভারত্তা ঐখোয়না ইচঙথৌবা দিফেন্স সেক্তর অমা শেমগৎলি, কম্পোনেন্ত খুদিংমক্তা ‘মেদ ইন ইন্দিয়া’গী খুদম য়াওবা ইকোসিস্তেম অমা শেমগৎলি”, হায়না প্রধান মন্ত্রীনা ত্রান্সফোর্মেশন অসিদা উত্তর প্রদেশকী মরুওইবা থৌদাং অদু ফোঙদোক্লদুনা অকনবা ৱাফম থমখি, অমদি রসিয়াগা পুন্না থবক তৌমিন্নদুনা লিংখৎপা ফেক্তরী অমদা এ.কে.-২০৩ রাইফলসিং পুথোকপা অথুবা মতমদা হৌরগনি হায়না ফোঙদোকখি। মহাক্না মখা তানা হায়খি মদুদি য়ু.পি.দা দিফেন্স কোরিদোর অমা শেমগৎলি, মফম অদুদা ব্রহ্মোস মিসাইলশিং অমসুং অতোপ্পা খুৎলায়শিংগী সিস্তেমশিং শাবা হৌখ্রে। প্রধান মন্ত্রীনা স্তেকহোল্দর পুম্নমক্তা এম.এস.এম.ই. মিলিয়ন কয়াগী নেতৱর্ক লৈরবা উত্তর প্রদেশতা শেল থাদবা অমসুং মেন্যুফেকচরিং তৌনবা তকশিনখি। মহাক্না মখোয়গী তৌবা ঙম্বসিং শীজিন্নদুনা স্তেত অসিগী মনুংদা মপুং ফাবা পোত্থোকশিং পুথোকপদা পুক্নিং থৌগৎখি। উত্তর প্রদেশ লৈঙাক অমসুং ভারত লৈঙাক অনিমক মপুং ফানা মতেং পাংনবা শেম শাদুনা লৈরি হায়না মহাক্না থাজবা পীখি।

রিফোর্ম, পরফোর্ম, অমসুং ত্রান্সফোর্মগী ৱাসক অদুনা থৌনা হাপ্তুনা ভারতনা মাগী ইন্দস্ত্রীশিং, ত্রেদরশিং, অমসুং মীয়ামগা লোয়ননা খোঙফম চেৎনা লেপ্লি হায়বা ৱাফম ফোঙদোক্লদুনা শ্রী মোদীনা শুপ্নতগী নুমিৎ হুম্নিগী মমাংদা মথংগী মীরোলগী জি.এস.তি. রিফোর্ম অসিনা জি.এস.তি.গী রেজিস্ত্রেসন লায়থোকহল্লগনি, তেক্সকী ৱাথোকশিং হন্থহল্লগনি, অমসুং এম.এস.এম.ই.শিংগী রিফন্দসিং খোংজেল য়াংশিনহল্লগনি, মসিনা সেক্তর খুদিংমক্তা কান্নবা ফংহনগনি। প্রধান মন্ত্রীনা স্তেকহোল্দরসিংনা মান্নদবা ফেজ অহুম – প্রি-জি.এস.তি., পোস্ত-জি.এস.তি., অমসুং হৌজিক মথংগী জেনরেসনগী জি.এস.তি. থেংনরিবশিং খুদমশিংগা লোয়ননা উলদুনা, মহাক্না হায়খি মদুদি ২০১৪গী মমাংদা তেক্সকী মশিং য়াম্লমবা অসিনা বিজিনেসকী শেঞ্জং অমসুং য়ুমথোংগী বজেত অনিমক মেনেজ তৌবদা অৱাবা ওইহনখি। লুপা ১০০০ পীবা ফুরিৎ অমদা ২০১৪গী মমাংদা চাউরাক্না লুপা ১৭০গী তেক্স লৌরম্মি। ২০১৭তা জি.এস.তি. চৎনরবা মতুংদা লুপা ৫০ দা হন্থখি। সেপ্তেম্বর ২২ দগী নৌনা শেমদোক্লবা রেত চৎনবা হৌখ্রবা মতুংদা লুপা ১০০০ পীবা ফউরিৎ অমদা হৌজিক্তি লুপা ৩৫ খক্তমক তেক্স ওইরগনি হায়খি।

মখা তানা শন্দোক্না তাক্লদুনা প্রধান মন্ত্রীনা খুদম অমগা লোয়ননা জি.এস.তি. রিফোরম্না পীগদবা কান্নবশিং তাকখি। ২০১৪দা তুথপেস্ত, সেম্পু, হেয়ার ওইল, অমসুং সেভিং ক্রিমগুম্বা তঙাই ফদবা পোৎলমশিংদা লুপা ১০০ চাদিঙ তৌবদা তেক্সতা লুপা ৩১ চঙখি, মসিনা বিল অসি ₹ ১৩১ ওইহনখি, ২০১৭তা জি.এস.তি. চৎনরবা মতুংদা লুপা ১০০ পীবা চপ মান্নবা পোৎলমশিংদু লুপা ১১৮ পীদুনা লুপা ১৩ ওইজহল্লে। খ্বাইদগী নৌবা জেনরেসনগী জি.এস.তি. অসিদা লুপা ১০৫ খক্তমক ওইদুনা লুপা ২৬ ওইজহল্লে। মসিনা ইমুং অমদা শেল শাথিনা ওইজহল্লি হায়না মহাক্না ফোদোকখি। মহাক্না ফোঙদোকখি মদুদি ২০১৪দা চহীদা লুপা লাখ ১ চাদিঙ তৌবা য়ুমথোং অমনা তেক্স ওইনা লুপা ২০,০০০– লুপা ২৫,০০০ পীরম্মি। ঙসিদি অনৌবা জি.এস.তি.গী থৌরাংগী মখাদা চপ মান্নবা ইমুং অদুনা চহীদা লুপা ৫,০০০–৬,০০০ খক্তমক পীরি, মরমদি হৌজিক্তি অয়ামবা তঙাই ফদবা পোৎলমশিংদা শুপ্নতগী চাদা ৫ খক্তমক জি.এস.তি. লৌরে।

ভারতকী খুঙ্গংগী শেন্মিৎলোন্দা ত্রেক্তরগী মরুওইবা থৌদাংদা অকনবা ৱাফম থমলদুনা প্রধান মন্ত্রীনা হায়খি মদুদি ২০১৪গী মমাংদা ত্রেক্তর অমা লৌবদা তেক্স লুপা ৭০,০০০ হেন্না চঙখি। ঙসিদি চপ মান্নবা ত্রেক্তর অসিদা তেক্সতা লুপা ৩০,০০০ খক্তমক লৌরি, মসিনা মরম ওইদুনা লৌমিসিংদা লুপা ৪০,০০০ হেন্না ওইজহল্লে হায়খি। মহাক্না ফোঙদোকখি মদুদি লায়রবশিংগী থবক পীবগী অচৌবা পাম্বৈ অমা ওইরিবা থ্রী-হুইলরশিংদা মমাংদা তেক্স লুপা ৫৫,০০০ লৌরম্মি, মসি হৌজিক্তি লুপা ৩৫,০০০ দা হন্থরে - মসিনা লুপা ২০,০০০ওইজহল্লে। মতৌ অসুম্না জি.এস.তি.গী চাং হন্থরকপনা মরম ওইদুনা স্কুতর অসি ২০১৪ গা চংদম্নবদা হৌজিক লুপা ৮,০০০ হেন্না হোংলে অমসুং মোতোরসাইকলনা লুপা ৯,০০০ হেন্না হোংলে হায়না শ্রী মোদীনা ফোঙদোকখি। প্রধান মন্ত্রীনা হায়খি মদুদি ওইজরিবা অসিনা লায়রবা, নিও-মিদল ক্লাস, অমসুং মিদল ক্লাসতা চাউনা কান্নবা পীরি। মসি ওইরবসু, অকক্নবা রাজনীতি পার্তীশিংনা মীয়ামবু লান্না লমজিংনবা হোৎনরি হায়না মহাক্না চেকশিনৱা থমখি। মহাক্না ওপোজিসন পার্তীশিংনা মখোয় মশাগী লৈঙাক্কী অশোন্বশিং লোৎশিন্নবা অরানবা ৱাফমসিং শন্দোকপগী মতাংদা ৱা ঙাঙলদুনা, মখোয়গী মতমদা তেক্স য়াম্না লৌবনা ইচম চম্বা মীয়ামদা পোৎলুম পীখি হায়না ফোঙদোকখি। প্রধান মন্ত্রীনা ফোঙদোকখি মদুদি মহাক্কী লৈঙাকনা তেক্সসিং চাউনা হন্থহল্লে, ইনফ্লেসন থিংজিনখ্রে, অমসুং মীয়ামগীদমক ইনকম অমসুং সেভিং অনিমক হেনগৎহল্লে। মহাক্না হায়খি মদুদি লুপা লাখ ১২ ফাওবগী ইনকম তেক্স ফ্রী ওইহন্দুনা অমসুং অনৌবা জি.এস.তি. চৎনহন্দুনা মীয়াম্না চহি অসিখক্তদা লুপা করোর লাখ ২.৫ হেন্না ওইজহল্লে। লৈবাক অসিনা জি.এস.তি.গী সেভিং ফেস্তিভেল পাংথোক্লি অমসুং মীয়ামগী মতেংগা লোয়ননা জি.এস.তি. রিফোর্ম মখা তানা তৌখিগনি হায়না লাউথোকখি।

প্রধান মন্ত্রীনা ফোঙদোকখি মদুদি পোলিসি প্রিদিক্তেবিলিতীগা লোয়ননা দিমোক্রেতিক অমসুং পোলিতিকেল স্তেবিলিতীনা মতেং পাংদুনা রিফোর্মসিংগীদমক ঙসি ভারতনা অচেৎপা ফিরেপ অমা লৌরি। ভারত্তা চাউরবা, হৈথোই-শিংথোইরবা ৱর্কফোর্স অমদি দাইনামিক ওইবা নহা ওইরিবা কঞ্জুমর বেজ অমা লৈরি- মসি মালেমগী ওইনা অতোপ্পা লমদম অমত্তদা পুন্না ফংদবা কোম্বিনেসন অমনি হায়না মহাক্না হায়খি। শ্রী মোদীনা ফোঙদোকখি মদুদি মখোয়গী গ্রোথ হেনগৎহন্নবা হোৎনরিবা ইনভেস্তর নত্রগা কম্পেনী অমগীদমক ভারত্তা শেল থাদবা অসিনা খ্বায়দগী পুক্নিং চিংশিন্নিংঙাই ওইবা খুদোংচাবা অমা পীরি। ভারত্তা, অমসুং মরুওইনা উত্তর প্রদেশতা শেল থাদবা অসি অমসু অমসু মায় পাকমিন্নবগী ফিভম অমনি হায়না মহাক্না হায়খি। প্রধান মন্ত্রীনা পুন্না হোৎনমিন্নদুনা চাওখৎপা ভারত অমদি চাওখৎপা উত্তর প্রদেশ অমা ওইবা ঙম্লগনি হায়না ফোঙদোক্লদুনা মহাক্কী ৱারোল লোইশিনখি মহাক্না ইন্তরনেস্নেল ত্রেদ সো অসিদা শরুক য়ারিবা পুম্নমক্তা মহাক্কী য়াইফ-পাওজেল পীখি।

থৌরম অদুদা অতোপ্পা মীওই কয়াগা লোয়ননা উত্তর প্রদেশকী মুখ্য মন্ত্রী শ্রী য়োগী আদিত্যনাথসু শরুক য়াখি।

বেকগ্রাউন্দ:

আত্মনির্ভর ভারতকী মহাক্কী ৱাশক অদুগী পরিংদা প্রধান মন্ত্রীনা গৌতম বুদ্ধ নগর দিস্ত্রিক্তকী গ্রেতর নোইদাদা উত্তর প্রদেশ ইন্তরনেস্নেল ত্রেদ সো-২০২৫ (য়ু.পি.আই.তি.এস.-২০২৫) হৌদোকখি।

“অল্তিমেত সোর্সিং বিগিন্স হিয়র” হায়বা থিমগী মখাদা পাঙথোকপা ত্রেদ সো অসি সেপ্তেম্বর ২৫ দগী ২৯ ফাওবা পাঙথোক্কনি। মসিগী মরুওইবা পান্দম অহুম - ইনোভেসন, ইন্তিগ্রেসন, অমসুং ইন্তরনেস্নেলাইজেসন হায়না লৈ। মায়কৈ অহুমগী বাইয়র স্ত্রেতেজী অমনা ইন্তরনেস্নেল বাইয়রশিং, দোমেস্তিক বিজিনেস-তু-বিজিনেস (বি.২.বি.) বাইয়রশিং, অমসুং দোমেস্তিক বিজিনেস-তু-কঞ্জুমর (বি.২.সি.) বাইয়রশিংদা পান্দম থমদুনা, এক্সপোর্তরশিং, অপিকপা বিজিনেসশিং, অমসুং কঞ্জুমরশিংগীদমক্তা অমত্তা ওইনা খুদোংচাবা পীগনি।

য়ু.পি.আই.তি.এস.-২০২৫না স্তেত অসিগী তোপ তোপ্পা ক্রাফ্ত ত্রেদিসনশিং, মোদর্ন ইন্দস্ত্রীশিং, মপাঙ্গল কনবা এম.এস.এম.ই.শিং, অমসুং থোরক্লিবা ওন্ত্রপ্রিন্যুরশিং অসি প্লেতফোর্ম অমখক্তদা পুনশিনগনি। শরুক য়াগদৌরিবা মরু ওইবা সেক্তরশিংগী মনুংদা হেন্দিক্রাফ্ত, তেক্সতাইল, লেদর, এগ্রিকলচর, ফুদ প্রোসোসিং, আই.তি., ইলেক্ত্রোনিক্স, আয়ুস অসিনচিংবা য়াওরি। মসিদা উত্তর প্রদেশকী ইনাক খুল্লবা আর্ত, কলচর, অমসুং মথেলশিংসু উবা ফংগনি

রুসিয়ানা পার্ত্নর লৈবাক অমা ওইনা শরুক য়াদুনা নাকল অনিগী লল্লোন-ইতিক, তেক্নোলোজী এক্সচেঞ্জ, অমসুং মতম শাংনা তেংবাং পীনবগী লম্বী হাঙদোক্তুনা স্ত্রেতেজিক ওইবা মরুওইবা ফীভম অমা পুরক্কনি। একজিবিতর ২৪০০ হেন্না; বি.২.বি. ভিজিতর ১,২৫,০০০; অমসুং বি.২.সি. ভিজিতর ৪,৫০,০০০ না ত্রেদ সো অসিদা শরুক য়াগনি।

Speaking at the Uttar Pradesh International Trade Show in Greater Noida, which showcases the state's rich heritage, robust MSMEs and fast-emerging industries. https://t.co/Ak5W0CWy5E

— Narendra Modi (@narendramodi) September 25, 2025

Platforms for All, Progress for All. pic.twitter.com/DuZe3M2vyL

— PMO India (@PMOIndia) September 25, 2025

Despite global disruptions and uncertainty, India's growth remains remarkable. pic.twitter.com/O8jgovHPzi

— PMO India (@PMOIndia) September 25, 2025

India must become self-reliant. Every product that can be made in India should be made in India. pic.twitter.com/1eDK1mPQB2

— PMO India (@PMOIndia) September 25, 2025

In India, we are developing a vibrant defence sector, creating an ecosystem where every component bears the mark of 'Made in India.' pic.twitter.com/G1dDTA2OrO

— PMO India (@PMOIndia) September 25, 2025

The structural reforms in GST are set to give new wings to India's growth story. pic.twitter.com/ZRBZ7rNjsi

— PMO India (@PMOIndia) September 25, 2025

***