প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতী ওন ইকনমি্ এফ্যার্সনা ঙসি বিহারদা NH-139W গী সাহেবগঞ্জ-অরেরাজ-বেতিয়াহ সেক্সন লেন ৪ দা হাইব্রিদ এনুইতী মোদ (HAM) দা অপুনবা প্রোজেক্তকী অশাংবা কিমি ৭৮.৯৪২ লুপা করোর ৩,৮২২.৩১ চঙনা শেম্নবা অয়াবা পীখ্রে।

প্রপোজ তৌরিবা লেন মরিগী গ্রীনফিল্দ প্রোজেক্ত অসি বাইশলি, সরন, সিৱান, গোপালগঞ্জ, মুজফ্ফরপুর, ইস্ত চম্পরন অমদি ৱেস্ত চম্পরন হাইরিবা অৱাং বিহারগী দিস্ত্রিক্তশিংগা ইন্দো-নেপাল ঙমখৈ পরিংদা লৈরিবা মফমশিংগা শম্নহন্দুনা স্তেতকী কোনুং পত্নাগা বেতিয়াহগগী মরক্তা লম্বী থোং ফগৎহন্নবনি। প্রোজেক্ত অসিনা লৌউ-শিংউগী মফমশিং, ইন্দস্ত্রীগী মফমশিং অমদি ঙমখৈ ৱাংমগী লল্লোন ইতিক্কী লম্বীশিংদা লম্বী থোংগী ফীভম ফগৎহন্দুনা অরাপ্পা মফমদা পোৎ পুথোক পুশিন তৌবদা ঙাক্লৌ ওইগনি, মরুওইবা ইনফ্রাস্ত্রকচরশিংদা এক্সেস হেনগৎহনগনি, অমদি লমদমদুগী শেন্মিৎলোন চাওখৎহনগনি।

প্রোজেক্ত অসিনা কেসরিয়া বুদ্ধ স্তুপা (সাহেবগঞ্জ), সোমেস্বরনাথ মন্দির (অরেরাজ), জৈন মন্দির অমসুং বিস্ব শান্তি স্তুপা (বাইশলি), অমদি মহাবির তেম্পল (পত্না) য়াওনা মরুওইবা পারী পুরীগী লনশিং অমদি বুদ্ধিস্ত লমকোয় মফমশিংদা এক্সেস ফগৎহন্দুনা PM গতি শক্তি ইকনমিক নোদ তরেৎ, সোসিএল নোদ তরুক, লোজিস্তিক নোদ নিপান, মেজর তুরিজম অমদি রিলিজিয়স সেক্তর মাপন শম্নহন্দুনা, বিহারগী বুদ্ধিস্ত সর্কিত অমসুং ইন্তরনেস্নেল তুরিজম মপাঙ্গল কনখৎহনগনি।

NH-139W অসি হৌজিক হৌজিক মী য়াম্না চিনবা অমদি জিওমেত্রিক্কী মীৎয়েঙদা মতিক চাদবা লম্বী অসিগী মহুত্তা খোঙজেল য়াঙবা লম্বী থোং অমা পীননবা থৌরাং তৌবনি, অমদি শেমগৎ শাগৎলিবা মফমশিং ফাওরগা চৎলি অমদি NH-31, NH-722, NH-727, NH-27 অমসুং NH-227A গা শম্নবা মরুওইবা লম্বী অমা ওইগনি।

প্রপোজ তৌরিবা গ্রীনফিল্দ পরিং অসিনা দিজাইন তৌরিবা ১০০ km/h অসিদা ৮০ km/h গী চাংদা গারী থৌবা য়াগনি। মসিনা সাহেবগৃঞ্জ অমদি বেতিয়াহগী মরক্তা লৈরম্বা মপুং ওইবা খোঙচৎকী মতম হৌজিক লৈরিবা লম্বীগা চাংদম্নবদা পুং ২.৫ দগী পুং ১ দা হন্থহনবগা লোয়ননা, শাফবা, অথুবা অমদি অপনবা লৈতবা লম্বীগী খুদোংচাবা পেসেঞ্জর অমদি পোৎ পুবা গারী অনিমক্তা পীগনি।

কিমি ৭৮.৯৪ শাংবা প্রপোজ তৌরিবা প্রোজেক্ত অসিনা মেন-দেজ লাখ ১৪.২২ গী ময়াদা হকথেংননা থবক পীগনি অমদি মেন-দেজ লাখ ১৭.৬৯ নাকোয়ননা থবক পীগনি। প্রোজেক্ত অসিনা, প্রপোজ তৌরিবা কোরিদোর অসিগী অনকপদা লৈরিবা মফমশিংদা শেন্মিৎলোনগী থবক থৌওংশিং হেনগৎহন্বনা মরম ওইরবা অহেনবা থবক পীনবগী খুদোংচাবসু পুরক্কনি।

NH-139W গী সাহেবগঞ্জ-অরেরাজ-বেতিয়াহ সেক্সনগী প্রোজেক্ত এলাইনমেন্ত মেপ

***