মেরিতাইম সেক্তরগী স্ত্রেতেজিক অমদি শেন্মিৎলোনগী মরুওইব শকখঙদুনা, প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা ঙসি লুপা করোর ৬৯,৭২৫ গী কমপ্রিহেন্সিব পেকেজ অমা ভারতকী সিপবিল্দিং অমদি মেরিতাইম ইকোসিস্তেমদা নৌনা মতিং হাপ্নবা অয়াবা পীখ্রে। পেকেজ অসিনা দোমেস্তিক কেপাসিতী মপাঙ্গল কনখৎহন্নবা, লোং-তর্ম ফাইনেন্সিং ফগৎহন্নবা, গ্রীনফিল্দ অমদি ব্রাউনফিল্দ সিপয়ার্দ য়োকখৎনবা, তেক্নিকেল কেপেবিলিতীশিং অমদি স্কিলিং হেনগৎহন্নবা, অমদি অচৌবা মেরিতাইম ইনফ্রাস্ত্রকচর অমা শেমগৎনবা লিগেল, তেক্সেসন, অমদি পোলিসী রিফোর্মশিং পায়খৎনবা য়ুম্বী মরিগী থৌওং অমা পুথোক্লি।

পেকেজ অসিগী মখাদা, সিপবিল্দিং ফাইনেন্সিএল এসিস্তেন্স স্কিম (SBFAS) লুপা করোর ২৪,৭৩৬ কী অপুনবা কোর্পস অমগা লোয়ননা মার্চ ৩১, ২০৩৬ ফাওবা শাংদোক্লগনি। স্কীম অসিনা ভারত্তা জহাজ শাবদা ইন্সেন্তিভাইজ তৌনবা পান্দম থম্লি অমদি লুপা করোর ৪,০০১ গী চাকথুং অমা য়াওবা সিপব্রেকিং ক্রেদিত নোত অমা য়াওরি। থৌশিল পুম্নমক পায়খৎপগী থবক থৌওংশিং য়েংশিন্নবা নেস্নেল সিপবিল্দিং মিসন অমসু লিংখৎলগনি।

মসিগী মথক্তা, মেরিতাইম দিভেলপমেন্ত ফন্দ (MDF) সু লুপা করোর ২৫,০০০ গী কোর্পসকা লোয়ননা সেক্তর অসিদা লোং-তর্ম ফাইনেন্সিং ফংহন্নবা অয়াবা পীখ্রে। মসিদা ভারত লৈঙাক্তগী ৪৯% শরুক য়াবা অমদি শেন্দোলগী ইফেক্তিব কোস্ত হন্থহন্নবা অমদি প্রোজেক্ত বেঙ্কেবিলিতী হেনগৎহন্নবা লুপা করোর ৫,০০০ গী ইন্তরেস্ত ইন্সেন্তিভাইজেসন ফন্দ অমগা লোয়ননা লুপা করোর ২০,০০০ গী মেরিতাইম ইনভেস্তমেন্ত ফন্দ অমা য়াওরি। মখা তানা, সিপবিল্দিং দিভেলপমেন্ত স্কিম (SbDS) না, লুপা করোর ১৯,৯৮৯ গী বজেতকী শেনফম অমগা লোয়ননা, দোমেস্তিক সিপবিল্দিং কেপাসিতী চহিদা গ্রোস তোন্নেজ মিলিয়ন ৪.৫ দা পাকথোক চাউথোকহন্নবা, মেগা সিপবিল্দং ক্লস্তরদা ঙাক্লৌ পীননবা, ইনফ্রাস্ত্রকচর পাকথোক চাউথোকহন্নবা, ইন্দিয়ন মেরিতাইম য়ুনিভর্সিতীগী মখাদা ইন্দিয়া সিপ তেক্নোলোজী সেন্তর লিংখৎনবা, অমদি সিপবিল্দিং প্রোজেক্তশিংগী ইন্স্যুরেন্স সপ্পোর্ত য়াওনা রিস্ক কভরেজ পীননবা পান্দম থম্লি।

মপুং ওইবা পেকেজ অসিনা গ্রোস তোন্নেজ মিলিয়ন ৪.৫ ফংহনগনি, থবক লাখ ৩০ রোম পীগনি, অমদি ভারতকী মেরিতাইম সেক্তরদা লুপা করোর লাখ ৪.৫ রোমগী ইনভেস্তমেন্ত পুরক্কনি হায়না থাজবা থম্লি। মসিনা শেন্মিৎলোন্দা পীগদবা ইথিলগী মথক্তা, থৌশিল অসিনা ক্রিতিকেল সপ্লাই চেনশিং অমদি মেরিতাইম রুতশিংদা রেজিলিএন্স পুরক্তুনা লৈবাক অসিগী, ইনর্জী, অমদি ফুদ সিক্যুরিতীগী মপাঙ্গল কনখৎহনগনি। মসিনা ভারতকী জিওপোলিতিকেল রেজিলিএন্স অমদি স্ত্রেতেজিক সেল্ফ-রিলাইএন্স হেন্না চেৎশিনহন্দুনা, আত্মনিরভর ভারতকী মঙলান খুমাঙ চাওশিলহনগনি অমদি ভারতপু মালেমগী সিপ্পিং অমদি সিপবিল্দিংগী লমদা হিদান্নবা ঙম্বা শাফু অমা ওইনা থমগনি।

ভারতকী মফমদা, সবকন্তিনেন্ত অসিবু মালেমগী শম্নহল্লিবা চহিচা কয়াগী লল্লোন ইতিক অমদি সমুদ্রগী খোঙচৎকা লোয়ননা মতম শাংলবা অমদি শিংথানিংঙাই ওইরবা মেরিতাইমগী পুৱারী অমা লৈ। ঙসি মেরিতাইম সেক্তর অসিনা, লৈবাক্কী লল্লোন ইতিক্কী ভোল্যুমগী ৯৫% অমদি শেল ওইনা পাথোকপদনা ৭০% ঙাক্লৌ পীদুনা ভারতকী শেন্মিৎলোনগী য়াংলেন শরু ওইদুনা লৈরি। মসিগী নুংদা লৈরিবসিনা থবক পীবা অমদি শেল থাদবদা মশক থোক্না থৌদাং য়াবতা নত্তনা নেস্নেল সিক্যুরিতী, স্ত্রেতেজিক ইন্দিপেন্দেন্স, অমদি ত্রেদ অমসুং ইনর্জী সপ্লাই চেনগী রেজিলিএন্দ ফগৎহল্লিবা, “মাদর ওফ হেভী ইঞ্জিনিয়রিং” হায়না হেক হেক হাইনরিবা সিপবিল্দিং অসি লৈ।

***