بھارت ماں کی جئے! بھارت ماں کی جئے! بھارت ماں کی جئے!

جے ہند! جے ہند! جے ہند!

اروناچل پردیش کے گورنر جناب کے۔ ٹی۔ پرنائک جی ، ریاست کے مقبول نوجوان وزیر اعلی پیما کھانڈو جی ، مرکزی کابینہ میں میرے ساتھی کرن رجیجو جی ، ریاستی حکومت کے وزراء ، پارلیمنٹ میں میرے ساتھی ، نابم ریبیا جی ، تاپیر گاؤ جی ، تمام  اراکین اسمبلی ساتھی ، دیگر عوامی نمائندے ، اروناچل کے میرے پیارے بھائیو اور بہنو!

بام-ییرُنگ ، بام-ییُرنگ دونی پولو! ہر چیز پر قادر دونی پولو ہم سب  کو آشیرواد دے!

ساتھیوں ،
ہیلی پیڈ سے اس  میدان تک آنا ، راستے میں اتنے لوگوں سے ملنا ، بچوں کے ہاتھ میں ترنگا ، بیٹوں بیٹیوں کے ہاتھ میں ترنگا ، اروناچل کا یہ احترام اور مہمان نوازی فخر سے بھر دیتی ہے ۔ اور استقبالیہ اتنا زبردست تھا کہ مجھے پہنچنے میں دیر ہو گئی ، اور اس کے لیے بھی میں آپ سب سے معافی چاہتا ہوں ۔ اروناچل کی یہ سرزمین نہ صرف طلوع آفتاب کی سرزمین ہے بلکہ حب الوطنی کے عروج کی سرزمین بھی ہے ۔ جس طرح ترنگا کا پہلا رنگ زعفران ہے ، اسی طرح اروناچل کا پہلا رنگ زعفران ہے ۔ یہاں کا ہر شخص بہادری کی علامت ہے ، سادگی کی علامت ہے ۔ اور اسی لیے میں کئی بار اروناچل آیا ہوں ، تب بھی جب میں سیاست میں اقتدار کی راہداریوںمیں نہیں تھا ، اور اسی لیے یہاں میرے ساتھ بہت سی یادیں جڑی ہوئی ہیں ، اور مجھے اسے یاد کرنا بھی بہت پسند ہے ۔ آپ کے ساتھ گزارا ہوا ہر لمحہ میرے لیے یادگار ہے ۔ جتنا آپ مجھ سے پیار کرتے ہو ، میں سمجھتا ہوں زندگی میں اس سے  زیادہ خوش قسمتی  اور کوئی نہیں ہے۔ توانگ مٹھ سے لے کر نمسائی کے گولڈن پگوڑا تک ، اروناچل امن اور ثقافت کا سنگم ہے ۔ ماں بھارتی کا فخر ہے،  میں اس مقدس سرزمین کو  عقیدت کے ساتھ سلام پیش کرتا ہوں ۔

ساتھیوں ،
آج میرا اروناچل آنا تین-تین وجوہات سے بہت خاص ہو گیا ہے ۔ پہلے  تو یہ  آج نوراتری کے پہلے دن مجھے ایسے ہی خوبصورت پہاڑوں کا نظارہ  کرنے کا اعزاز حاصل ہوا ۔ نوراتری کے اس دن ہم ہمالیہ کی بیٹی ماں شیل پتری کی پوجا کرتے ہیں ۔ دوسری وجہ یہ ہے کہ آج سے ملک میں نیکسٹ جنریشن جی ایس ٹی اصلاحات نافذ ہوےہیں۔  جی ایس ٹی بچت اتسو شروع ہوا ہے ۔ اس تہوار کے موسم میں عوام کو یہ دوہری سوغات ملی ہے۔ اور تیسری وجہ اس مقدس دن اروناچل میں ترقی کے یہ بہت سے نئے منصوبے ہیں ۔ آج اروناچل پردیش کو بجلی ، کنیکٹیویٹی ، سیاحت اور صحت سمیت کئی شعبوں سے متعلق پروجیکٹ ملے ہیں ۔ یہ بی جے پی کی ڈبل انجن حکومت کے ڈبل بینیفٹ کی بہترین مثال ہے ۔ میں ان پروجیکٹوں کے لیے اروناچل کے لوگوں کو مبارکباد دیتا ہوں ۔ یہاں اسٹیج پر آنے سے پہلے مجھے یہاں کے تمام چھوٹے-موٹے تاجروں سے بات چیت کرنے ، ان کی دکانوں پر ان کی مصنوعات کو دیکھنے کا موقع ملا اور اس سے بھی بڑھ کر میں نے ان کے جوش کو محسوس کیا ۔ اور اس بچت اتسو میں ، میں وہاں کے تاجروں میں ، مختلف قسم کی چیزیں بنانے والوں میں ، اور آج عوام کی اتنی بڑی شکل میں ، میں اسے واضح طور پر دیکھ رہا ہوں ۔

ساتھیوں ،
ہمارے اروناچل پردیش میں سورج کی کرنیں سب سے پہلے آتی ہیں ، لیکن بدقسمتی سے تیز رفتار ترقی کی کرنیں یہاں تک پہنچنے میں کئی دہائیاں لگ گئیں ۔ میں یہاں 2014 سے پہلے بھی کئی بار آیا ہوں ، میں آپ کے درمیان رہا ہوں ، قدرت نے اروناچل کو بہت کچھ دیا ہے ، یہ سرزمین ، یہاں کے محنتی لوگ ، یہاں کی صلاحیت ، یہاں بہت کچھ ہے ۔ لیکن پھر جو لوگ دہلی میں بیٹھ کر ملک چلاتے تھے ، انہوں نے ہمیشہ اروناچل کو نظر انداز کیا ۔ کانگریس جیسی جماعتیں سوچتی تھیں کہ اروناچل میں اتنے کم لوگ ہیں ، لوک سبھا کی صرف دو نشستیں ہیں ، تو اروناچل پر توجہ کیوں ؟ کانگریس کی اس سوچ نے اروناچل اور پورے شمال مشرق کو بہت نقصان پہنچایا ۔ ہمارا پورا شمال مشرق ترقی میں بہت پیچھے رہ گیا تھا ۔

ساتھیوں ،
2014 میں جب آپ نے مجھے ملک کی خدمت کرنے کا موقع دیا تو میں نے ملک کو کانگریس کی ذہنیت سے آزاد کرانے کا فیصلہ کیا ۔ ریاست میں ووٹوں اور نشستوں کی تعداد نہیں بلکہ ہمارا محرک قوم پہلے ، ملک پہلے کا جذبہ ہے ۔ ہمارے پاس صرف ایک منتر ہے-ناگرک دیوو بھاو ۔ مودی ان لوگوں کی پوجا کرتا ہے جنہیں کبھی کسی نے نہیں پوچھا ۔ اس لیے شمال مشرق ، جسے کانگریس کے دور میں فراموش کر دیا گیا تھا ، 2014 کے بعد ترقیاتی ترجیحات کا مرکز بن گیا ہے ۔ ہم نے پورے شمال مشرق کی ترقی کے لیے بجٹ میں کئی گنا اضافہ کیا ، ہم نے صف آخرتک کنیکٹیویٹی اور صف آخر تک ڈیلیوری کو اپنی حکومت کی شناخت بنایا اور اتنا ہی نہیں ، ہم نے اس بات کو یقینی بنایا کہ حکومت دہلی میں بیٹھ کر نہ چلے ۔ افسران اور وزرا کو جتنا ممکن ہو شمال مشرق آنا پڑے گا اور رات کو قیام کرنا پڑے گا ۔

ساتھیوں ،
کانگریس حکومت کے دور میں  دو-تین مہینے میں ایک آدھ بار کوئی وزیر  شمال مشرق آتا تھا ۔ بی جے پی حکومت میں مرکزی وزرا اب تک 800 سے زیادہ بار شمال مشرق میں آ چکے ہیں ۔ اور یہ صرف آنا اور جانا نہیں ہے ۔ ہمارے وزرا آتے ہیں ، تو یہ کوشش ہوتی ہے کہ دور دراز کے علاقوں میں جائیں ، اضلاع میں جائیں ، بلاکس میں جائیں ، اتنا ہی نہیں ، کم از کم ایک رات قیام کریں ۔ میں خود وزیر اعظم کے طور پر 70 سے زیادہ بار شمال مشرق کا دورہ کر چکا ہوں ۔ ابھی پچھلے ہفتے ہی میں میزورم ، منی پور اور آسام گیا اور رات گوہاٹی میں گزاری ۔ مجھے شمال مشرق مجھے دل سے پسند ہے اور اسی لیے ہم نے دل کا فاصلہ بھی مٹایا ہے اور دہلی کو آپ کے پاس لایا ہے ۔

ساتھیوں ،
ہم شمال مشرق کی تمام آٹھ ریاستوں کو اشٹ  لکشمی کے طور پر پوجتے ہیں ۔ اس لیے اس علاقے کو ترقی میں پیچھے نہیں چھوڑا جا سکتا ۔ مرکزی حکومت ترقی کے لیے بہت زیادہ رقم خرچ کر رہی ہے ۔ میں آپ کو ایک مثال دیتا ہوں ۔ آپ میں سے کچھ لوگوں کو معلوم ہوگا کہ ملک میں جمع کیے جانے والے ٹیکس کا ایک حصہ ریاستوں کو جاتا ہے ۔ جب کانگریس اقتدار میں تھی تو اروناچل پردیش کو 10 سالوں میں مرکزی ٹیکس کے طور پر صرف 6,000 کروڑ روپے ملے تھے ۔ جبکہ ہماری بی جے پی حکومت کے دس سالوں میں اروناچل کو ایک لاکھ کروڑ روپے سے زیادہ کی رقم ملی ہے ۔ یعنی بی جے پی حکومت نے اروناچل کو 16 گنا زیادہ رقم دی ہے ۔ اور یہ صرف ٹیکس ہے ۔ اس کے علاوہ حکومت ہند مختلف اسکیموں کے تحت جو خرچ کر رہی ہے ، جو بڑے پروجیکٹ یہاں بنائے جا رہے ہیں ، وہ مختلف ہیں ۔ اس لیے آج آپ اروناچل میں اتنی وسیع ، اتنی تیزی سے ترقی ہوتے ہوئے دیکھ رہے ہیں ۔

ساتھیوں ،
جب نیک نیت  سے کام ہوتا ہے ، جب کوششوں میں ایمانداری ہوتی ہے تو اس کے نتائج بھی نظر آتے ہیں ۔ آج ہمارا شمال مشرق ملک کی ترقی کی محرک بن رہا ہے ۔ اور یہاں سب سے زیادہ توجہ بہتر حکمرانی پر ہے، گڈ گورننس پر ہے ۔ ہماری حکومت کے لیے شہریوں کے مفادات سے بڑا کچھ نہیں ہے ۔ زندگی گزارنے میں آسانی ، سفر میں آسانی ، علاج میں آسانی ، طبی علاج میں آسانی ، تعلیم میں آسانی ، کاروبار میں آسانی ، کاروبار کرنے میں آسانی ، ڈبل انجن بی جے پی حکومت ان اہداف کے لیے کام کر رہی ہے ۔ آج ایسے علاقوں میں اچھی شاہراہیں بنائی جا رہی ہیں جہاں پہلے سڑکوں کے بارے میں کوئی سوچ بھی نہیں سکتا تھا ۔ سیلا ٹنل جیسا بنیادی ڈھانچہ کچھ سال پہلے تک ناقابل تصور تھا ، لیکن آج سیلا ٹنل اروناچل کی شناخت بن گئی ہے ۔

ساتھیوں ،
مرکزی حکومت کی اروناچل سمیت شمال مشرق کے دور دراز علاقوں میں ہیلی پورٹس بنانے کی کوشش ہے ، اس لیے ان علاقوں کو اڑان اسکیم سے جوڑا گیا ہے ۔ ہولونگی ہوائی اڈے پر نئی ٹرمینل عمارت بھی تعمیر کی گئی ہے ۔ اب یہاں سے دہلی کے لیے براہ راست پرواز ہے ۔ اس سے نہ صرف عام مسافروں ، طلباء ، سیاحوں بلکہ یہاں کے کسانوں اور چھوٹی صنعتوں کو بھی فائدہ ہو رہا ہے ۔ یہاں سے ملک کے بڑے بازاروں میں پھل اور سبزیاں پہنچانا آسان ہو گیا ہے ۔

ساتھیوں ،
ہم سب 2047 تک اپنے ملک کو ترقی یافتہ بنانے کے ہدف کی طرف بڑھ رہے ہیں ۔ اور ہندوستان تب ہی ترقی کرے گا جب ملک کی ہر ریاست ترقی کرے گی ۔ ہندوستان تب ہی ترقی کرے گا جب ملک کی ریاست ملک کے اہداف کے ساتھ کندھے سے کندھا ملا کر چلے گی ۔ مجھے خوشی ہے کہ ملک کے بڑے بڑے اہداف کو پورا کرنے میں شمال مشرق بڑا کردار ادا کر رہا ہے ، بجلی کا شعبہ اس کی ایک بہترین مثال ہے ۔ ہندوستان نے 2030 تک غیر روایتی ذرائع سے 500 گیگاواٹ بجلی پیدا کرنے کا ہدف مقرر کیا ہے ۔ یہ ہدف شمسی توانائی ، ہوا سے چلنے والی توانائی ، پانی سے بجلی پیدا کرکے پورا کیا جائے گا ۔ ہمارا اروناچل پردیش اس میں ملک کے ساتھ چل رہا ہے ۔ آج جن دو بجلی منصوبوں کا سنگ بنیاد رکھا گیا ہے ، وہ بجلی پیدا کرنے والے کے طور پر اروناچل کی پوزیشن کو مزید مضبوط کریں گے ۔ اس سے اروناچل کے ہزاروں نوجوانوں کو روزگار ملے گا اور یہاں ترقیاتی کاموں کے لیے سستی بجلی بھی دستیاب ہوگی ۔ کانگریس کی ایک پرانی عادت ہے کہ ترقی کا جو بھی کام مشکل ہے ، وہ اس کام کو کبھی نہیں چھوتے ، وہ بھاگ جاتے ہیں ۔ کانگریس کی اس عادت نے شمال مشرق اور اروناچل کو بھی بہت نقصان پہنچایا ۔ جو علاقے مشکل تھے ، جو پہاڑوں میں تھے ، جنگلوں کے بیچ میں تھے ، جہاں ترقیاتی کام کرنا مشکل تھا ، ان علاقوں کو کانگریس نے پسماندہ قرار دے کر بھلا دیا ۔ اس میں ملک کے قبائلی علاقے ، شمال مشرق کے اضلاع سب سے زیادہ تھے ۔ وہ گاؤں جو سرحد سے متصل تھے ، انہیں کانگریس نے ملک کا آخری گاؤں کہہ کر پلہ جھاڑ لیتی تھی ۔ اور ایسا کرکے کانگریس اپنی ناکامیوں کو چھپاتی تھی ۔ یہی وجہ ہے کہ قبائلی علاقوں سے ، سرحدی علاقوں سے لوگوں کی مسلسل نقل مکانی ہوتی رہی ۔

ساتھیوں ،
ہماری حکومت ، بی جے پی نے بھی اس نقطہ نظر کو تبدیل کر دیا ۔ جن کو کانگریس پسماندہ اضلاع کہتی تھی ، ہم نے انہیں امنگوں والے اضلاع بنائے اور وہاں ترقی کو ترجیح دی گئی ۔ سرحد پر جن گاؤوں کو کانگریس آخری گاؤں کہتی تھی ،  انہیں ہم نے  ملک کا پہلا گاؤں مانا ۔ آج ہم اچھے نتائج دیکھ رہے ہیں ۔ آج سرحدی گاؤں میں ترقی کی نئی رفتار نظر آ رہی ہے ، وائبرینٹ ولیج پروگرام کی کامیابی نے لوگوں کی زندگیوں کو آسان بنا دیا ہے ۔ اروناچل پردیش کے ایسے چار سو پچاس سے زیادہ سرحدی دیہاتوں میں اضافہ ہوا ہے ۔ وہاں سڑکوں ، بجلی اور انٹرنیٹ  جیسی سہولتیں پہنچی ہیں ۔ پہلے سرحد سے شہروں کی طرف نقل مکانی ہوتی تھی لیکن اب سرحدی گاؤں سیاحت کے نئے مراکز بن رہے ہیں ۔

ساتھیوں ،
اروناچل میں سیاحت کے بہت زیادہ امکانات ہیں ۔ جیسے جیسے کنکٹیوٹی نئے علاقوں کو جوڑ رہی ہے ، یہاں سیاحت بڑھ رہی ہے ۔ مجھے خوشی ہے کہ گزشتہ دہائی میں سیاحوں کی تعداد دوگنی ہو گئی ہے ۔ لیکن اروناچل کی صلاحیت فطرت اور ثقافت سے متعلق سیاحت سے کہیں زیادہ ہے ۔ آج کل دنیا میں کانفرنس اور کنسرٹ ٹورزم کا بہت زیادہ سیلاب  آ رہاہے ۔ اس لیے توانگ میں بننے والا جدید کنونشن سینٹر اروناچل کی سیاحت میں ایک نئی جہت کا اضافہ کرے گا ۔ حکومت ہند کی وائبرینٹ ولیج مہم سے بھی اروناچل کو کافی مدد ملے گی ۔ یہ مہم ہمارے سرحدی دیہاتوں کے لیے ایک سنگ میل ثابت ہو رہی ہے ۔

ساتھیوں ،
آج اروناچل میں تیز رفتار ترقی  اس لیے دکھ رہی ہے کیونکہ دہلی اور ایٹا نگر دونوں میں بی جے پی کی حکومت ہے ۔ مرکز اور ریاستوں دونوں کی توانائی کو ترقی میں استعمال کیا جا رہا ہے ۔ اب جیسے یہاں کینسر انسٹی ٹیوٹ کا کام شروع ہوا ہے ، یہاں میڈیکل کالج بن رہے ہیں ، آیوشمان اسکیم کے تحت یہاں بہت سے ساتھیوں کو مفت علاج مل چکا ہے ۔ یہ مرکز اور ریاست کے ڈبل انجن سے ممکن ہو رہا ہے ۔

ساتھیوں ،
ڈبل انجن والی حکومت کی کوششوں کی وجہ سے ہی اروناچل اب زراعت اور باغبانی میں آگے بڑھ رہا ہے ۔ یہاں کے  کیوی ، سنترے ، الائچی ، انناس اروناچل کو نئی شناخت دے رہے ہیں ۔ پی ایم کسان سمان ندھی کا پیسہ بھی یہاں کے کسانوں کے  بہت کام آ رہا ہے ۔

ساتھیوں ،
ماؤں ، بہنوں اور بیٹیوں کو بااختیار بنانا ہماری سب سے بڑی ترجیح ہے ۔ ملک میں تین کروڑ لکھ پتی دیدیاں بنانا ایک بہت بڑا مشن ہے ، لیکن یہ مودی کا مشن ہے ۔ مجھے خوشی ہے کہ پیما کھانڈو جی اور ان کی ٹیم اس مشن کو بھی رفتار دے رہی ہے ۔ یہاں بڑی تعداد میں کام کرنے والی خواتین کے ہاسٹل بنانے کا جو کام شروع ہوا ہے ، اس سے بیٹیوں کو  کافی سہولت ہوگی۔

ساتھیوں ،
یہاں بڑی تعداد میں مائیں اور بہنیں آئی ہیں ، میں ایک بار پھر آپ کو جی ایس ٹی بچت اتسو کی مبارکباد دوں گا ۔  انہیں نیکسٹ جینریشن کی جی ایس ٹی اصلاحات کا بھی بڑا فائدہ ہونے والا ہے ۔ اب آپ کو ہر ماہ گھریلو بجٹ میں کافی راحت ملنے والی ہے ۔ چاہے وہ باورچی خانے کی اشیا ہوں ، بچوں کی پڑھائی کی اشیا ہوں ، جوتے اور کپڑے ہوں ، اب وہ زیادہ سستے ہو گئے ہیں ۔

ساتھیوں ،
آپ کو 2014 کا پہلا دن یاد ہوگا ، بہت سارے مسائل تھے ۔ مہنگائی آسمان چھو رہی تھی ، چاروں طرف گھپلے ہو رہے تھے ، اور اس وقت کی کانگریس حکومت لوگوں پر ٹیکس کا بوجھ بڑھا رہی تھی ۔ اس وقت سال میں دو لاکھ روپے کمانے پر بھی انکم ٹیکس لگایا جاتا تھا ، میں 11 سال پہلے کی بات کر رہا ہوں ۔ اگر آپ 2 لاکھ روپے کماتے ہیں تو آپ کو انکم ٹیکس ادا کرنا پڑتا ہے ۔ اور عام ضرورت کی بہت سی اشیا پر کانگریس حکومت تیس فیصد سے زیادہ ٹیکس وصول کرتی تھی ، بچوں کی ٹافی پر بھی اتنا ٹیکس لگایا جاتا تھا ۔

ساتھیوں ،
پھر میں نے کہا ، میں آپ کی آمدنی اور آپ کی بچت دونوں کو بڑھانے کے لیے کام کروں گا ۔ حالیہ ماضی میں ملک کو بہت سے چیلنجوں کا سامنا کرنا پڑا ہے ۔ لیکن ہم انکم ٹیکس کو کم کرتے گئے ، اس سال اب ہم اس بات پر غور کرتے ہیں کہ 11 سال پہلے 2 لاکھ ، اس سال ہم نے 12 لاکھ روپے تک کی سالانہ آمدنی پر انکم ٹیکس کو صفر کر دیا ۔ اور آج سے ہم نے جی ایس ٹی کو بھی صرف دو سلیب یعنی 5 فیصد اور 18 فیصد تک محدود کر دیا ہے ۔ بہت سی چیزیں اب ٹیکس فری ہو چکی ہیں ، دیگر اشیا پر ٹیکس بھی بہت کم کر دیا گیا ہے ۔ آپ اب آرام سے اپنا نیا گھر بنا سکتے ہیں ، اسکوٹر بائیک خریدنا  ہے، کھانے-پینے کے لیے باہر جا نا ہے ، کہیں گھومنے-پھرنے جانا ہے، یہ سب پہلے سے زیادہ سستے ہو چکے ہیں ۔ یہ جی ایس ٹی بچت اتسو آپ کے لیے بہت یادگار بننے والا ہے ۔

ساتھیوں ،
میں ہمیشہ اروناچل پردیش کی اس بات کے لیے تعریف کرتا ہوں کہ آپ سب نمسکار سے پہلے ہی جئے ہند کہتے ہیں ، آپ وہ لوگ ہیں جنہوں نے ملک کو خود سے پہلے رکھا ۔ آج جب ہم سب ایک  وکست بھارت کی تعمیر کے لیے اتنی محنت کر رہے ہیں ، تب ملک کو بھی ہم سے ایک امید ہے ۔ یہ آتم نربھرتا کی توقع ہے ۔ ہندوستان تب ہی ترقی کرے گا جب وہ خود کفیل ہوگا ۔ اور ہندوستان کی خود کفالت کے لیے ، یہ ضروری ہے-سودیشی کا منتر ۔ آج یہ وقت کا مطالبہ ہے ، ملک کا مطالبہ ہے کہ ہم سودیشی کو اپنائیں ۔ جو ملک میں بنایا جاتا ہے اسے خریدیں ، جو ملک میں بنایا جاتا ہے اسے فروخت کریں ، فخر سے کہیں-یہ سودیشی ہے ۔ میرے ساتھ بولیں گے ؟   آپ میرے ساتھ بولیں گے ؟ میں کہوں گا ،  فخر سے کہیں ، آپ کہیں گے ، یہ سودیشی ہے - فخر سے کہیں-یہ سودیشی ہے ، فخر سے کہیں-یہ سودیشی ہے ، فخر سے کہیں-یہ سودیشی ہے ۔ اس منتر پر چلتے ہوئے ملک کی ترقی ، اروناچل اور شمال مشرق کی ترقی میں تیزی آئے گی ۔ ایک بار پھر ، میں آپ کو ان ترقیاتی منصوبوں کے لیے نیک خواہشات پیش کرتا ہوں ۔ آج بچت کا تہوار ، نوراتری کا مقدس تہوار بھی ہے ۔ میری دیو اتسو میں شرکت کی آپ سے  درخواست ہے۔  آپ ، اپنا موبائل فون نکالیں ، اور موبائل فون کی ٹارچ لائٹ آن کریں ، سب اپنے موبائل کی ٹارچ لائٹ آن کریں ، سب کے موبائل کی ٹارچ لائٹ آن کریں ، اور اپنے ہاتھ اٹھائیں ۔ یہ بچت اتسو کی طاقت ہے ، یہ نوراتری کا پہلا دن ہے ۔ دیکھئے، روشنی ہی روشنی ہے ، اور اروناچل کی روشنی پورے ملک میں پھیل جاتی ہے ۔ دیکھئے،  چاروں طرف نظارہ دیکھئے، چاروں طرف نظارہ دیکھئے،  روشنی ہی روشنی چمکتے تاروں کی طرح ۔ آپ سب کو میری نیک خواہشات ۔ بہت بہت شکریہ!

********

ش ح۔ض  ر۔ ا ک م

U No. 6406