प्रधानमन्त्री श्री नरेन्द्र मोदीले आज अरुणाचल प्रदेशको इटानगरमा 5,100 करोड रुपियाँभन्दा अधिक लागतका विभिन्न विकास कार्यहरूको शिलान्यास र उद्घाटन गरेका छन्। यस अवसरमा उपस्थित जनसमूहलाई सम्बोधन गर्दै उनले सर्वशक्तिमान डोनयी पोलोप्रति श्रद्धाञ्जली व्यक्त गरे तथा सबैको आशीर्वादको लागि प्रार्थना गरे।

प्रधानमन्त्रीले हेलिप्याडदेखि जमिनसम्मको यात्रामा बाटोमा अनगिन्ती मानिसहरूसित भेटघाट  गरे तथा राष्ट्रिय झण्डा बोकेका बालबालिका र युवाहरूबाट अरुणाचल प्रदेशको न्यानो आतिथ्यका कारण गर्वले भरिएको टिप्पणी गरे। उनले अरुणाचल उदाउँदो सूर्यको भूमि मात्र नभई उत्कट देशभक्तिको भूमि पनि हो भन्ने कुरामा प्रकाश पारे। जसरी राष्ट्रिय झण्डाको पहिलो रङ गेरुवा हो, त्यसरी नै अरुणाचलको आत्मा पनि गेरुवा रङबाट शुरु हुन्छ। श्री मोदीले अरुणाचलका प्रत्येक व्यक्ति वीरता र सरलताको प्रतीक भएको उल्लेख गरे। उनले राज्यप्रति आफ्नो गहिरो स्नेह व्यक्त गर्दै प्रत्येक भ्रमणले आफूलाई अपार आनन्द दिएको र जनतासँग बिताएको हरेक क्षण अविस्मरणीय रहेको बताए। उनले आफूप्रति देखाइएको प्रेम र स्नेहलाई एक ठूलो सम्मानको रूपमा स्वीकार गरे। प्रधानमन्त्रीले यस पवित्र भूमिलाई नमन गर्दै भने, “तवाङ मठदेखि नामसाईको स्वर्ण शिवालयसम्म, अरुणाचल प्रदेशले शान्ति र संस्कृतिको सङ्गमलाई प्रतिनिधित्व गर्दछ।” उनले यस पवित्र भूमिलाई भारत माताको गौरव बताए।

प्रधानमन्त्रीले आज अरुणाचल प्रदेशको आफ्नो भ्रमणलाई तीन अलग-अलग कारणले विशेष रहेको कुरा प्रकाश पार्दै भने, पहिलो, नवरात्रिको पावन पहिलो दिवसमा उनलाई सुन्दर पर्वत शृङ्खलाहरूको दर्शन गर्ने सौभाग्य प्राप्त भयो। उनले भने अनुसार यस दिन भक्तजनले हिमालयकी पुत्री माँ शैलपुत्रीको पूजा गर्छन्। दोस्रो, उनले देशभरिमा अघिल्लो पुस्ताका जीएसटी सुधारहरूको कार्यान्वयन गर्ने र जीएसटी बचत महोत्सवको शुभारम्भ गर्ने घोषणा गरे। श्री मोदीले उत्सवको मौसममा नागरिकहरूले दोहोरो लाभ पाएको उल्लेख गरे। तेस्रो, उनले अरुणाचल प्रदेशमा बिजुली, कनेक्टिभिटी, पर्यटन र स्वास्थ्य लगायतका क्षेत्रहरूमा रहेका असङ्ख्य विकास परियोजनाहरूको उद्घाटनमा जोड दिए। प्रधानमन्त्रीले भने अनुसार यसले केन्द्र र राज्य सरकारहरूको दोहोरो लाभलाई प्रतिबिम्बित गर्दछ र यी परियोजनाहरूका लागि अरुणाचल प्रदेशका जनतालाई हार्दिक बधाई दिए। उनले जनाए अनुसार जीएसटी बचत महोत्सवले भारतका जनताका लागि आनन्द, समृद्धि र सफलता ल्याउनेछ।

अरुणाचल प्रदेश सूर्यको किरण प्राप्त गर्ने पहिलो राज्य भए तापनि तीव्र विकासका किरणहरू यस क्षेत्रमा पुग्न धेरै दशक लाग्नु दुर्भाग्यपूर्ण थियो भन्ने कुरा उल्लेख गरे। श्री मोदीले 2014 अघि धेरैपटक अरुणाचल भ्रमण गरेको र यसका जनतामाझ रहेको सम्झना गर्दै भने अनुसार यो राज्यलाई प्रकृतिले भरपूर आशीर्वाद दिएको छ - आफ्नो भूमि, मेहनती नागरिकहरू र अपार सम्भावनाले भरिपूर्ण छ। प्रधानमन्त्रीले यी सम्भावनाहरूको बाबजुद पनि, पहिलेका समयमा दिल्लीबाट शासन गर्नेहरूले अरुणाचललाई निरन्तर बेवास्ता गरेको कुरामा जोड दिए। उनले केही राजनीतिक दलहरूको मानसिकताको आलोचना गरे कि अरुणाचल, यसको कम आबादी र केवल दुई लोकसभा सीट भएको कारण ध्यान दिने आवश्यकता ठानेनन्। उनले भने अनुसार यो दृष्टिकोणले अरुणाचल र सम्पूर्ण पूर्वोत्तरलाई धेरै हानि पुगेको छ, जुन विकासको यात्रामा धेरै पछाडि छोडिएको छ।

श्री मोदीले भने अनुसार 2014 मा राष्ट्रको सेवा गर्ने अवसर दिइएपछि आफूले देशलाई अघिल्लो व्यवस्थाको मानसिकताबाट मुक्त गर्ने सङ्कल्प गरे। उनले के कुरामा जोड दिए भने उनको सरकारको मार्गदर्शक प्रेरणा कुनै पनि राज्यमा भोट वा सीटहरूको सङ्ख्या होइन, तर ‘राष्ट्र प्रथम’ को सिद्धान्त हो। उनले सरकारको मूल मन्त्र – ‘नागरिक देवः भवः’ लाई दोहोऱ्याए। प्रधानमन्त्रीले जनाए अनुसार जुन नागरिकहरूलाई पहिला कहिल्यै सम्मान प्राप्त भएन, अहिले मोदीले उनीहरूलाई सम्मान दिइरहेका छन्। उनले के कुरामा जोड़ दिए भने विपक्षको शासनकालमा उपेक्षित रहेको पूर्वोत्तर 2014 पछि विकास प्राथमिकताहरूको केन्द्र बिन्दु बनेको छ। क्षेत्रको विकासको लागि बजेटमा धेरै गुणा वृद्धि भएको छ र अन्तिम पङ्क्तिसम्म कनेक्टिभिटी र सेवा प्रदान गर्नु हाम्रो प्रशासनको पहिचान बनेको छ। उनले थप जोड दिँदै भने अनुसार शासन अहिले दिल्लीसम्म मात्र सीमित रहने छैन; अधिकारी र मन्त्रीहरूलाई नियमित रूपमा पूर्वोत्तरको दौड़ाहा गर्नुपर्छ र त्यहाँ बस्नुपर्छ।

अघिल्लो सरकारको शासनकालमा केन्द्रीय मन्त्रीले दुईदेखि तीन महिनामा एक पटक मात्र पूर्वोत्तरको भ्रमण गर्ने गरेको कुरामा जोड दिँदै श्री मोदीले भने, “यसको विपरीत हाम्रो सरकारको अधीनमा केन्द्रीय मन्त्रीहरूले 800 भन्दा धेरै पटक पूर्वोत्तरको भ्रमण गरेका छन्।” उनले जोड दिए अनुसार यी भ्रमणहरू प्रतीकात्मक छैनन्; मन्त्रीहरूले रातभर बस्न र यस क्षेत्रसँग सार्थक रूपमा जोड़िने प्रयास गरेका छन्। प्रधानमन्त्रीले भने अनुसार उनी आफैले 70 पटक भन्दा अधिक पूर्वोत्तरको भ्रमण गरिसकेका छन्। उनले थप बताए अनुसार गत हप्ता मात्र उनले मिजोरम, मणिपुर र असमको यात्रा गरे अनि गुवाहाटीमा रात बिताए। उनले पूर्वोत्तरप्रति आफ्नो गहिरो स्नेह व्यक्त गर्दै भने अनुसार उनको सरकारले भावनात्मक दुरीलाई कम गरेको छ र दिल्लीलाई जनताको नजिक ल्याएको छ।

पूर्वोत्तरका आठ राज्यहरूलाई अष्टलक्ष्मीको रूपमा सम्मान गरिने कुरामा जोड दिँदै प्रधानमन्त्रीले भने, त्यसैले यिनीहरूलाई विकासको यात्रामा पछाडि छोड्न सकिँदैन। उनले जोड दिँदै भने, केन्द्र सरकारले क्षेत्रको प्रगतिको लागि पर्याप्त धनराशि विनियोजन गरिरहेको छ। एक उदाहरण दिँदै उनले हताए अनुसार केन्द्रले सङ्कलन गरेको करको एक हिस्सा राज्यहरूलाई वितरण गरिन्छ। अघिल्लो शासनकालमा अरुणाचल प्रदेशलाई दश वर्षमा केन्द्रीय करबाट केवल 6,000 करोड रुपियाँ मात्र प्राप्त गरेको थियो। यसको विपरीत, श्री मोदीले जोड दिँदै भने, हाम्रो सरकारको अधीनमा, अरुणाचलले सोही अवधिमा 1 लाख करोड रुपियाँभन्दा अधिक प्राप्त गरेको छ - 16 गुणा अधिक। उनले स्पष्ट पारे अनुसार यो तथ्याङ्क केवल कर साझेदारीसँग सम्बन्धित छ अनि यसमा राज्यमा कार्यान्वयन भइरहेका विभिन्न योजनाहरू र प्रमुख पूर्वाधार परियोजनाहरू अन्तर्गत अतिरिक्त व्यय सामेल गरिएको छैन। प्रधानमन्त्रीले टिप्पणी गरे अनुसार यही कारणले गर्दा आज अरुणाचल प्रदेशले यति व्यापक तथा तीव्र विकास देखिरहेको छ।

जब नियत स्वच्छ हुन्छ र प्रयासहरू इमानदार हुन्छन्, तब परिणामहरू स्पष्ट रूपमा देखिने कुरामा जोड दिँदै श्री मोदीले भने, पूर्वोत्तर सुशासनमा बलियो ध्यान केन्द्रित गर्दै राष्ट्रको विकासमा प्रेरक शक्तिको रूपमा उदाइरहेको छ। उनले पुष्टि गरे अनुसार उनको सरकारको लागि नागरिकहरूको कल्याणभन्दा अधिक केही महत्त्वपूर्ण छैन। श्री मोदीले के कुरामा जोड दिए भने जीवनलाई सजिलो बनाउनका लागि सरकारले जीवनलाई सहज बनाउने दिशामा काम गरिरहेको छ; यात्राका कठिनाइहरू कम गर्नका लागि, यात्रालाई सहज बनाउनमा; स्वास्थ्य सेवाको पहुँचमा सुधार गर्नका लागि, चिकित्सा उपचारलाई सहज बनाउनमा; शिक्षालाई बढ़ावा दिनका लागि, शिक्षाको सहज बनाउनमा र व्यापारलाई सुगम बनाउनका लागि, व्यापारलाई सहज बनाउने दिशामा काम गरिरहेको छ। प्रधानमन्त्रीले केन्द्र र राज्यका सरकारहरूले यी लक्ष्यहरूलाई प्राप्त गर्नका लागि सक्रिय रूपमा प्रयास गरिरहेको कुरामा जोड दिए। जुन क्षेत्रमा कुनै समय सडकहरू अकल्पनीय थिए, त्यहाँ अहिले गुणस्तरीय राजमार्गहरूको निर्माण भइरहेका छन्। “पहिले असम्भव मानिने सेला शुरुङ जस्तो पूर्वाधार अहिले अरुणाचलको प्रगतिको प्रतीक बनेको छ”, प्रधानमन्त्रीले भने।

केन्द्र सरकारले अरुणाचल प्रदेश र पूर्वोत्तरका दुर्गम क्षेत्रहरूमा हेलिकप्टर स्थापना गर्ने यी क्षेत्रहरूलाई उड़ान योजना अन्तर्गत एकीकृत गर्नका लागि काम गरिरहेको कुरामाथि प्रकाश पार्दै श्री मोदीले होलोंगी हवाई अड्डामा एक नयाँ टर्मिनल भवन निर्माण गरिएको उल्लेख गरे, जसले अब दिल्लीको लागि सिधा उडानहरू प्रदान गर्दछ। यो विकासले नियमित यात्रु, विद्यार्थी र पर्यटकहरूलाई मात्र नभई स्थानीय किसान र साना उद्योगहरूलाई पनि फाइदा पुग्ने उनले बताए। प्रधानमन्त्रीले देशभरका प्रमुख बजारहरूमा फलफूल, सब्जी र अन्य उत्पादहरू ढुवानी गर्न अब धेरै सजिलो भएको टिप्पणी गरे।

प्रधानमन्त्रीले भने अनुसार राष्ट्र 2047 सम्ममा एक विकसित देश बन्ने लक्ष्यको दिशामा राष्ट्र सामूहिक रूपमा काम गरिरहेको छ र यो लक्ष्य तब मात्र साकार हुन सक्छ जब प्रत्येक राज्यले राष्ट्रिय उद्देश्यहरू अनुरूप प्रगति गर्दछन्। उनले के कुरामा सन्तोष व्यक्त गरे भने पूर्वोत्तरले यी लक्ष्यहरू प्राप्त गर्नमा महत्त्वपूर्ण भूमिका निर्वाह गरिरहेको छ। विद्युत् क्षेत्रलाई एक प्रमुख उदाहरणको रूपमा उद्धृत गर्दै प्रधानमन्त्रीले भने, भारतले 2030 सम्ममा सौर्य, पवन र जल विद्युत् सहित गैर-परम्परागत स्रोतहरूबाट 500 गिगावाट बिजुली उत्पादन गर्ने लक्ष्य राखेको छ। श्री मोदीले अरुणाचल प्रदेशले यस अभियानमा सक्रिय रूपमा योगदान गरिरहेको कुरा प्रकाश पारे। उनले दुई नयाँ विद्युत् परियोजनाहरूको शिलान्यास गरे, जसले अरुणाचलको एक बिजुली उत्पादकको रूपमा स्थितिलाई बलियो बनाउनेछ, हजारौँ युवाहरूको लागि रोजगारी सिर्जना गर्नेछ र विकासात्मक गतिविधिहरूको लागि किफायती बिजुली प्रदान गर्नेछ। प्रधानमन्त्रीले कठिन विकास कार्यहरू बेवास्ता गर्ने विपक्षी दलको लामो समयदेखिको प्रवृत्तिको लागि आलोचना गरे, जसले अरुणाचल र सम्पूर्ण पूर्वोत्तरमा प्रतिकूल असर पारेको थियो। उनले उल्लेख गरे अनुसार चुनौतीपूर्ण भू-भागहरू - पहाडी क्षेत्र, वन क्षेत्रहरू - लाई प्रायः विपक्षी दलले पछौटे र उपोक्षित घोषित गरेको थियो। श्री मोदीले अघि जनाए अनुसार पूर्वोत्तरका आदिवासी क्षेत्रहरू र जिल्लाहरूले सबैभन्दा अधिक क्षति भोगे र सीमा नजिकका गाउँहरूलाई अन्तिम गाउँको रूपमा खारेज गरियो, जसले अघिल्ला सरकारहरूलाई जिम्मेवारीबाट बच्न र आफ्नो विसफलतालाई लुकाउने मौका प्राप्त भयो। यो उपेक्षाको कारण आदिवासी र सीमावर्ती क्षेत्रहरूबाट निरन्तर पलायन शुरु भयो।

आफ्नो सरकारले क्षेत्रीय विकासको लागि पहिलेको दृष्टिकोणलाई परिवर्तन गरेको बताउँदै श्री मोदीले भने अनुसार पहिलेका सरकारहरूले पिछडिएको भनेर संज्ञा दिएका जिल्लाहरूलाई आकांक्षी जिल्लाको रूपमा पुन: परिभाषित गरिएको छ र विकासको लागि प्राथमिकता दिइएको छ। पहिले अन्तिम गाउँ भनेर खारेज गरिएका सीमावर्ती गाउँहरूलाई अहिले राष्ट्रको पहिलो गाउँको रूपमा मान्यता दिइएको छ। प्रधानमन्त्रीले यस परिवर्तनका सकारात्मक परिणामहरूमाथि प्रकाश पार्दै सीमावर्ती क्षेत्रहरूमा विकासको तीव्र गतिलाई उल्लेख गरे। भाइब्रेन्ट भिलेज कार्यक्रमको सफलताले जीवनको गुणस्तरमा उल्लेखनीय सुधार आएको छ। अरुणाचल प्रदेशमा मात्र, यस्ता 450 भन्दा अधिक सीमावर्ती गाउँहरूले तीव्र प्रगति देखेका छन्, जसमा सडक, बिजुली र इन्टरनेट जस्ता आवश्यक पूर्वाधारहरू अब यी क्षेत्रहरूमा पुगिरहेका छन्। प्रधानमन्त्रीले टिप्पणी गरे अनुसार सीमावर्ती क्षेत्रहरूबाट शहरहरूमा पलायन पहिले सामान्य कुरा थियो, तर अहिले यी गाउँहरू पर्यटनको नयाँ केन्द्रको रूपमा उदाइरहेका छन्।

अरुणाचल प्रदेशमा पर्यटनको अपार सम्भावनामाथि प्रकाश पार्दै प्रधानमन्त्रीले उल्लेख गरे अनुसार जसो-जसो नयाँ क्षेत्रहरूमा कनेक्टिभिटीको विस्तार भइरहेको छ, पर्यटनमा लगातार वृद्घि भइरहेको छ। उनले पछिल्लो एक दशकमा अरुणाचल भ्रमण गर्ने पर्यटकहरूको सङ्ख्या दोब्बर भएकोमा सन्तुष्टि व्यक्त गरे। उनले सम्मेलन र कन्सर्ट पर्यटनको वैश्विक उदयलाई औँल्याउँदै अरुणाचलको पर्यटन शक्ति प्रकृति र संस्कृतिभन्दा धेरै अगाड़ि रहेको कुरामा जोड दिए। यस सन्दर्भमा श्री मोदीले तवाङमा बन्ने आगामी आधुनिक सम्मेलन केन्द्रले राज्यको पर्यटन परिदृश्यमा एक नयाँ आयाम थप्ने घोषणा गरे। उनले अघि जनाए अनुसार भारत सरकारले शुरु गरेको भाइब्रेन्ट भिलेज कार्यक्रम सीमामा अवस्थित गाउँहरूका लागि एक माइलखुट्टी साबित भइरहेको छ, जसले अरुणाचलको विकासमा महत्त्वपूर्ण योगदान दिइरहेको छ।

आज अरुणाचल प्रदेशमा देखिने तीव्र विकास दिल्ली र इटानगर दुवै ठाउँमा काम गर्ने उनीहरूको सरकारको परिणाम रहेको कुरामा जोड दिँदै प्रधानमन्त्रीले केन्द्र र राज्यको संयुक्त ऊर्जा विकासमा परिणत भइरहेको टिप्पणी गरे। उनले क्यान्सर संस्थानको निर्माण काम शुभारम्भ भएको र यस क्षेत्रमा मेडिकल कलेज स्थापना भएको उल्लेख गरे। श्री मोदीले थप जनाए अनुसार आयुष्मान भारत योजना अन्तर्गत, धेरै नागरिकहरूले नि:शुल्क चिकित्सा उपचार पाएका छन्। उनले यी उपलब्धिहरू केन्द्र र राज्यका सरकारहरूको प्रयासको कारण सम्भव भएको पुष्टि गरे।

केन्द्र र राज्यका सरकारहरूको प्रयासका कारण नै अरुणाचल प्रदेशले कृषि र बागवानी क्षेत्रमा उल्लेखनीय प्रगति गरिरहेको कुरामा पनि प्रधानमन्त्रीले जोड़ दिए। उनले किवी, सुन्तला, अलैँची र अनानास जस्ता स्थानीय उत्पादहरूले राज्यलाई नयाँ पहिचान दिइरहेको कुरा उल्लेख गरे। उनले भने, प्रधानमन्त्री-किसान सम्मान निधि योजना यस क्षेत्रका किसानहरूका लागि अत्यधिक लाभदायक साबित भइरहेको छ।

प्रधानमन्त्रीले आमा, दिदीबहिनी र छोरीहरूलाई सशक्त बनाउनु आफ्नो सरकारको प्रमुख प्राथमिकता भएको कुरामा जोड दिए। उनले देशभरिमा तीन करोड लखपति दिदी बनाउने आफ्नो मिशनलाई दोहोऱ्याए तथा मुख्यमन्त्री पेमा खान्डु र उनको टोलीले यस लक्ष्यलाई सक्रिय रूपमा अगाडि बढाइरहेकोमा सन्तुष्टि व्यक्त गरे। उनले राज्यमा असङ्ख्य कामकाजी महिला छात्रावासको शुरुआतको पनि जिकिर गरे, जसले युवतीहरूलाई धेरै फाइदा पुऱ्याउनेछ।

यस कार्यक्रममा महिलाहरूको ठूलो उपस्थितिलाई स्वीकार गर्दै र जीएसटी बचत महोत्सवको लागि फेरि एक पटक बधाई दिँदै श्री मोदीले के कुरामा जोड दिए भने अघिल्लो पुस्ताको जीएसटी सुधारको फाइदाले उनीहरूलाई उल्लेखनीय रूपमा प्रभाव पार्नेछ। उनले भने, अब परिवारहरूले आफ्नो मासिक बजेटमा पर्याप्त राहत अनुभव गर्नेछन्। “भान्साको सामान, बालबालिकाका लागि शैक्षिक सामग्री अनि जुत्ता र लुगा जस्ता आवश्यक वस्तुहरू अझ किफायती भएका छन्”, प्रधानमन्त्रीले भने।

नागरिकहरूलाई 2014 भन्दा पहिलेको अवधिळआई सम्झना गर्न आग्रह गर्दै त्यस समयमा सामना गरिएका असङ्ख्य चुनौतीहरूलाई उजागर गर्दै प्रधानमन्त्रीले मुद्रास्फीतिले आकाश छुइरहेको थियो, ठूल्ठूला घोटालाहरू भइरहेका थिए र तत्कालीन सरकारले जनतामाथि करको भार लगातार बढाइरहेको टिप्पणी गरे। उनले औँल्याए अनुसार वार्षिक 2 लाख रुपियाँको आम्दानीमा पनि आयकर लाग्ने गर्थ्यो अनि 2014 भन्दा पहिलेको शासनकालमा धेरै आवश्यक वस्तुहरूमा 30 प्रतिशतभन्दा अधिक दरमा कर लगाइएको थियो।

नागरिकहरूको आय र बचत दुवैलाई बढाउने आफ्नो प्रतिबद्धतालाई स्मरण गर्दै श्री मोदीले उल्लेख गरे अनुसार वर्षौंदेखि ठूला चुनौतीहरूको सामना गर्नु परे तापनि उनको सरकारले आयकर दरहरूमा लगातार कमी ल्याइरहेको छ। यस वर्ष, 12 लाख रुपियाँसम्मको वार्षिक आम्दानीलाई पूर्ण रूपमा करमुक्त गरिएको छ। उनले घोषणा गरे अनुसार जीएसटीलाई अब केवल दुई स्ल्याब - 5 प्रतिशत र 18 प्रतिशतमा सरलीकृत गरिएको छ। श्री मोदीले के कुरामा जोड दिए भने धेरै वस्तुहरू करमुक्त भएका छन् र अन्य सामानहरूमा करमा उल्लेखनीय रूपमा घटाइएको छ। उनले घर बनाउने, स्कुटर वा बाइक खरिद गर्ने, बाहिर खाना खाने र यात्रा गर्ने सबै किफायती भएको कुरामाथि प्रकाश पारे। उनले भने अनुसार जीएसटी बचत महोत्सव जनताको लागि एक यादगार माइलखुट्टी साबित हुनेछ।

अरुणाचल प्रदेशको देशभक्तिको भावनाको प्रशंसा गर्दै श्री मोदीले यहाँका मानिसहरूले नमस्कारभन्दा पहिला पनि जय हिन्द भन्ने गरेको उल्लेख गरे, जसले राष्ट्रलाई आफूभन्दा माथि राख्दछ। उनले जोड दिए अनुसार देशले सामूहिक रूपमा विकसित भारत निर्माण गर्न प्रयासरत हुँदा आत्मनिर्भरताको राष्ट्रिय अपेक्षा पनि बढ़िरहेको छ। उनले धारणा राखे अनुसार भारत तब मात्र विकसित हुनेछ, जब स्वयं आत्मनिर्भर बन्नेछ र त्यसको लागि स्वदेशीको मन्त्र आवश्यक छ। प्रधानमन्त्रीले नागरिकहरूलाई स्वदेशी अपनाउन आग्रह गरे तथा भारतमा बनेका उत्पादहरू मात्र किन्ने र बेच्ने महत्त्वमा जोड दिनुका साथै यसलाई गर्वका साथ स्वदेशी घोषणा गरे। उनले यो मन्त्र पालना गर्नाले राष्ट्र, अरुणाचल प्रदेश र सम्पूर्ण पूर्वोत्तरको विकासलाई तीव्र बनाउने कुरामा जोड दिए। उनले भर्खरै मात्र शुरु गरिएका विकास परियोजनाहरूको लागि शुभकामना व्यक्त गर्दै आफ्नो भाषण समाप्त गरे।

यस कार्यक्रममा अरुणाचल प्रदेशका राज्यपाल लेफ्टिनेन्ट जेनरल के. टी. परनाइक (सेवानिवृत्त), अरुणाचल प्रदेशका मुख्यमन्त्री श्री पेमा खान्डु, केन्द्रीय मन्त्री श्री किरेन रिजिजु सहित अन्य गणमान्य व्यक्तिहरू उपस्थित थिए।

पृष्ठभूमि

यस क्षेत्रमा रहेको विशाल जल विद्युत् क्षमताको दोहन र सतत ऊर्जा उत्पादनलाई बढ़ावा दिने उद्देश्यले प्रधानमन्त्रीले इटानगरमा 3,700 करोड रुपियाँभन्दा अधिक मूल्यका दुई प्रमुख जल विद्युत् परियोजनाहरूको शिलान्यास गरे। अरुणाचल प्रदेशको सियोम उप-बेसिनमा हियो जल विद्युत् परियोजना (240 मेगावाट) र तातो-I जल विद्युत् परियोजना (186 मेगावाट) विकास गरिनेछ।

प्रधानमन्त्रीले तवाङमा एक अत्याधुनिक कन्भेन्शन सेन्टरको पनि शिलान्यास गरे। सीमावर्ती जिल्ला तवाङमा 9,820 फिटभन्दा अधिक उँचाइमा अवस्थित यो केन्द्र राष्ट्रिय तथा अन्तर्राष्ट्रिय सम्मेलन, सांस्कृतिक महोत्सव र प्रदर्शनीहरूको आयोजना गर्नका लागि एक महत्त्वपूर्ण सुविधाको रूपमा काम गर्नेछ। 1,500 भन्दा अधिक प्रतिनिधिहरूलाई मेजबानी गर्ने क्षमता भएको यस केन्द्रले वैश्विक मानकहरूलाई पूरा गर्नेछ र यस क्षेत्रको पर्यटन र सांस्कृतिक क्षमतालाई बढ़ावा दिनेछ।

प्रधानमन्त्रीले 1,290 करोड रुपियाँभन्दा अधिक मूल्यका धेरै प्रमुख पूर्वाधार परियोजनाहरू पनि शुभारम्भ गरे, जसले कनेक्टिभिटी, स्वास्थ्य, अग्नि सुरक्षा, कामकाजी महिलाहरूको छात्रावास लगायतका विभिन्न क्षेत्रहरूलाई लाभान्वित बनाउनेछन्। यी पहलहरूले क्षेत्रमा आर्थिक गतिविधिलाई उत्प्रेरित गर्ने, जीवन स्तरमा सुधार गर्ने र क्षेत्रमा कनेक्टिभिटी सुधार गर्ने अपेक्षा गरिएको छ।

व्यापार गर्न सहजता सुनिश्चित गर्ने र एक जीवन्त उद्यमशीलता पारिस्थितिकी तन्त्रलाई बढावा दिने आफ्नो दृष्टिकोण अनुरूप, प्रधानमन्त्रीले हालैका जीएसटी दरहरूलाई युक्तिसङ्गत बनाउने प्रभावबारे चर्चा गर्नका लागि स्थानीय करदाता, व्यापारी र उद्योग प्रतिनिधिहरूसँग पनि अन्तरक्रिया गरे।

******