প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা বজেৎকী মতুংদা পাংথোকপা ৱেবিনারশিংদা ৱা ঙাংখ্রে। ৱেবিনারশিং অসি চাউখৎপগী ইঞ্জিন অমা ওইনা এম.এস.এম.ই.; মেন্যুফেকচরিং, এক্সপোর্ত অমসুং ন্যুক্লিয়র ইনর্জী মিসনশিং; রেগুলেতরী, ইনভেস্তমেন্ত অমসুং ইজ ওফ দুইং বিজিনেস রিফোর্মশিংদা পাংথোকখি। মীয়াম তিনখিবা থৌরম অদুদা ৱা ঙাংলদুনা মহাক্না হায়খি মদুদি পোৎচৈ পুথোকপা অমসুং মপান্দা থাদোকপগী মতাংদা বজেৎকী মতুংদা পাংথোকপা ৱেবিনারশিং অসি য়াম্না মরু ওই। মসিগী বজেৎ অসি সরকারগী অহুমশুবা তর্মগী অহানবা মপুং ফাবা বজেৎনি হায়না পল্লদুনা মহাক্না হায়খি মদুদি মসিগী বজেৎ অসিগী খ্বাইদগী মশক থোকপা এস্পেক্ত অসি মদুগী দেলিভরনি, মসিনা মাংজৌননা থাজবা থম্লম্বা কয়া অদুদগী হেনখ্রে। সেক্তর কয়াদা সরকারনা এক্সপর্তশিংনা খল্লম্বদগী হেনবা খোংথাং কয়া লৌখৎলে হায়না শ্রী মোদীনা ফোংদোকখি। বজেৎ অসিদা মেনুফেকচরিং অমসুং এক্সপোর্তকী মতাংদা মরু ওইবা ৱারেপশিং লৌখ্রে হায়নসু মহাক্না ফোংদোকখি।

লৈবাক অসিদা চহী কয়াগী মমাংদগী লৈঙাক্কী চৎন-কাঙলোনশিং চৎনদুনা লাক্লি হায়না পল্লদুনা প্রধান মন্ত্রীনা হায়খি মদুদি হৌখিবা চহী ১০ অসিদা ভারতনা রিফোর্মশিং, ফাইনান্সিএল দিসিপ্লিন, ত্রান্সপরেন্সী অমসুং ইনক্লুসিব গ্রোথকীদমক অচেৎপা ফিরেপ অমা উৎলি। ইন্দস্ত্রী অসিগী মনুংদা অনৌবা থাজবা অমা পুরক্নবা লেপা লৈতবা অমসুং রিফোর্মশিংগী অচেৎপা থাজবা পীরি হায়না মহাক্না অকনবা ৱাফম থমখি। মহাক্না মেনুফেকচরিং অমসুং এক্সপোর্তকী স্তেকহোল্দর খুদিংমক্তা লাক্কদৌরিবা চহিশিংদা অসিগুম্বা মওং অসি মখা তানা লৈহল্লগনি হায়না থাজবা পীখি। স্তেকহোল্দরশিংবু থৌনা ফরবা খোঙথাং লৌখৎনবা অমসুং লৈবাক অসিগীদমক মেনুফেকচরিং অমসুং এক্সপোর্তকী অনৌবা লম্বীশিং হাংদোক্নবা পুক্নিং থৌগৎলদুনা, শ্রী মোদীনা হায়খি মদুদি মালেমগী লৈবাক খুদিংমক্না ভারতকা লোয়ননা মখোয়গী শেন্মিৎলোনগী মরী মপাঙ্গল কনখৎহনবা পাম্মি। মহাক্না মেন্যুফেকচরিং সেক্তরদা পার্তনরশিপ অসিগী মপুং ফানা কান্নবা লৌনবা তকশিল্লি।

"তংদু লৈতাবা পোলিসী অমসুং হেন্না ফবা বিজিনেস এনভাইরনমেন্ত অসি লৈবাক অমা হেক্তনা চাউখৎনবা হোৎনবদা য়াম্না মরু ওই" হায়না প্রধান মন্ত্রীনা হায়খি। চহি খরগী মমাংদা সরকারনা জন বিশ্বাস এক্ত হৌদোকখি অমসুং কমপ্লাইন্স হন্থহন্নবা হোৎনখি। ইজ ওফ দুইং ব্যুজিনেস প্রমোৎ তৌদুনা কেন্দ্র অমসুং রাজ্য অনিমক্কী থাক্তা কমপ্লাইন্স ৪০,০০০ হেন্না মুত্থৎখ্রে হায়না মহাক্না ফোংদোকখি। অসিগুম্বা থবক অসি মখা তানা চত্থগদবনি হায়না পল্লদুনা শ্রী মোদীনা হায়খি মদুদি সরকারনা ইচম চম্বা ইনকম তেক্স প্রোভিজনশিং হৌদোক্লে অমসুং জন বিশ্বাস ২.০ বিলদা থবক তৌরি। নন-ফাইনান্সিএল সেক্তরদা রিগুলেসনশিং য়েংশিন্নবা কম্মিতী অমা শেমখ্রে। মসিগী পান্দমদি মখোয়শিং অসি মোদর্ন, ফ্লেক্সিবল, মীয়ামদা খুদোংচাবা পীবা অমসুং থাজবদা য়ুম্ফম ওইবা ওইহনবনি। মহাক্না স্তেকহোল্দরশিংবু ৱারোইশিন পুরকপদা মতম হেন্না চংলিবা প্রোব্লেমশিং মশক খঙদোক্নবা, প্রোসেসশিং লাইথোকহন্নবগী পাম্বৈশিং পুথোক্নবা অমসুং তেক্নোলোজীবু হেন্না থুনা অমসুং হেন্না ফবা মহৈশিং ফংনবা কদাযইদা শিজিন্নবা য়াবগে হায়বগী লমজিং-লমতাকপীনবা পুক্নিং থৌগৎখি।

হৌজিক মালেম অসি রাজনিতীগী ওইবা অচুম-অরান লৈতবা ফিভম অমদা লৈরি অমসুং মালেম পুম্বনা ভারতপু গ্রোথ সেন্তর অমা ওইনা উরি হায়না শ্রী মোদীনা হায়খি। কোবিদকী অৱাবা মনুংদা মালেমগী শেন্মিৎলোন তপথরকপা মতমদা ভারতনা মালেমগী গ্রোথ য়াঙখৎহনখি হায়না মহাক্না হায়খি। মহাক্না মখা তাখি মদুদি মসি আত্মনির্ভর ভারতকী মিৎয়েং অমসুং রিফোর্মশিং খোংজেল য়াংনা চৎথবনা ফংলে। হায়রিবা হোৎনরিবশিং অসিনা শেন্মিৎলোন্দা কোবিদকী শাফু হন্থহনখ্রে মহাক্না অকনবা ৱাফম থমখি। মসিনা ভারতপু খোংজেল য়াংনা চাউখৎলক্লিবা ইকোনোমীশিংগী মনুংদা অমা ওইহনবদা মতেং পাংলি। মহাক্না হায়খি, "ভারত অসি মালেমগী শেন্মিৎলোনগী গ্রোথ ইঞ্জিন অমা ওইরি অমসুং শিংননীংঙাই ওইবা ফিভমশিংদা মসিগী রেজিলিয়েন্স অসি উৎলি।" সপ্লাই চেনদা থোকপা অশোয়বা অসিনা মালেমগী শেন্মিৎলোনদা অকায়বা পীরি অমসুং মালেম অসিনা অৱাংবা থাক্কী পোত্থোক পুথোকপা অমসুং থাজবা য়াবা সপ্লাই লৈহনগদবা থাজবা য়াবা পার্তনরশিং মথৌ তাই হায়না পল্লদুনা শ্রী মোদীনা হায়খি মদুদি ভারতনা মসিগী মথৌ তাবশিং অসি মপুং ফাহনবা ঙম্মি অমসুং মসিনা লৈবাক অসিগীদমক্তা অচৌবা খুদোংচাবা অমা পীরি। মহাক্না ইন্দস্ত্রীদা মীৎয়েং থম্বদা নত্তনা মখোয়গী থৌদাং অমসুং খুদোংচাবশিং ফংনবা হোৎননবা তকশিনখি। মহাক্না হায়খি মদুদি মমাংগা চাংদম্নবদা ঙসিদি মসি হেন্না লায়না ওইরে, মরমদি লৈবাক অসিদা মরুপ-মপাং ওইবা পোলিসীশিং লৈরে অমসুং সরকারনা ইন্দস্ত্রীগা খুৎশম্নদুনা লেপ্লি। প্রধান মন্ত্রীনা মালেমগী সপ্লাই চেনদা খুদোংচাবশিং ফংনবা হোৎনবা অমসুং শিংনবশিংবু লৌশিনবদা অচেৎপা ৱারেপ লৌনবা হায়খি। মহাক্না অকনবা ৱাফম থমখি মদুদি করিগুম্বা ইন্দস্ত্রী খুদিংমক্না খোংথাং অমা মাংলোমদা চংশিল্লবদি, পুন্না চৎমিন্নরবদি, মখোয়না চাউখৎপা কয়া অমা পুরকপা ঙমগনি।

পি.এল.আই. স্কিমগী মখাদা সেক্তর ১৪দা হৌজিক কান্নবা ফংলিবা অসি পল্লদুনা প্রধান মন্ত্রীনা হায়খি মদুদি স্কিম অসিগী মখাদা য়ুনিৎ ৭৫০ হেন্না অয়াবা পীখ্রে। মসিনা লুপা করোর লাখ ১.৫ হেনবগী ইনভেস্তমেন্ত, লুপা করোর লাখ ১৩ হেনবগী পোত্থোক পুথোকপা অমসুং লুপা করোর লাখ ৫ হেনবগী এক্সপোর্ত তৌবগী মহৈ ফংলে। মহাক্না হায়খি মদুদি মসিনা খুদোংচাবা পীরবদি ওন্ত্রপ্রিন্যুরশিংনা অনৌবা লমশিংদা করম্না খুমাং চাওশিল্লকপা য়াবগে হায়বদু উৎলি। মেনুফেকচরিং অমসুং এক্সপোর্ত প্রমোৎ তৌনবা মিসন অনি হৌদোক্নবা শ্রী মোদীনা ৱারেপ লৌখ্রে। হেন্না ফবা তেক্নোলোজী অমসুং মগুন লৈবা পোত্থোকশিংদা মীৎয়েং থম্লিবা অদুগা লোয়ননা শেল হন্থহন্নবা স্কিলিংদা মীৎয়েং থম্লিবা অসিসু মহাক্না ফোংদোকখি। মহাক্না স্তেকহোল্দর পুম্নমকপু ভারত্তা পুথোকপা য়াবা মালেমগী ওইনা দিমান্দ লৈবা অনৌবা পোত্থোকশিং মশক খঙদোক্নবা তকশিনখি অমসুং এক্সপোর্ত পোতেন্সিএল লৈবা লৈবাকশিংদা স্ত্রেতেজিক ওইনা য়ৌনবা মখোয়বু পুক্নিং থৌগৎখি।

ভারতকী মেন্যুফেকচরিংগী খোঙচৎতা আর অমসুং দিনা মরুওইবা থৌদাং লৌরি অমসুং মখা তানা খুমাং চাওশিলহনবা অমসুং খোংজেল য়াংখৎহনবা মথৌ তাই হায়না প্রধান মন্ত্রীনা হায়খি। মহাক্না হায়খি মদুদি আর এন্দ দিগী খুত্থাংদা, ইনোবেতিব প্রদক্তশিংদা মীৎয়েং চংবা অমসুং হৌজিক লৈরিবা প্রদক্তশিংদা ভেল্যু এদিসন তৌবা য়াই। মালেমনা ভারতকী শান্নপোৎ, লু-নানবগী পোৎলম, অমসুং লেদর ইন্দস্ত্রীগী ওইথোকপা য়াবশিং খঙই অমসুং ত্রেদিস্নেল ক্রাফ্তশিংবু মোদর্ন তেক্নোলোজীগা পুনশিন্দুনা, চাউনা মাই পাকপা ঙমগনি হায়না মহাক্না অকনবা ৱাফম থমখি। মহাক্না হায়খি মদুদি ভারত অসি সেক্তরশিং অসিদা গ্লোবেল চেম্পিয়ন অমা ওইবা ঙম্মি, মসিনা এক্সপোর্তশিং চাউনা হেনগৎহনগনি। শ্রী মোদীনা হায়খি মদুদি চাউখৎলকপা অসিনা লেবর ইন্তেন্সিভ ওইবা সেক্তরশিংদা থবক ফংবগী খুদোংচাবা লাখ কয়া শেমগৎকনি অমসুং এন্ত্রিপ্রেন্যুওরশিপ হেনগৎহনগনি। প্রধান মন্ত্রী বিশ্বকর্মা য়োজনানা ত্রেদিস্নেল আর্তিসানশিংদা এন্দ-টু-এন্দ সপোর্ত পীরি হায়না পল্লদুনা মহাক্না আর্তিসানশিং অসি অনৌবা খুদোংচাবশিংগা শম্নহন্নবা হোৎননবা হায়খি অমসুং সেক্তরশিং অসিদা লৈরিবা পোতেন্সিএল অসি পাকথোক চাউথোকহন্নবা স্তেকহোল্দর পুম্নমকপু মাংলোমদা চংশিলহন্নবা তকশিনখি।

প্রধান মন্ত্রীনা হায়খি, "এম.এস.এম.ই. সেক্তর অসি ভারতকী মেনুফেকচরিং অমসুং ইন্দস্ত্রীএল গ্রোথকী স্পিনবোননি।" মহাক্না হায়খি মদুদি ২০২০দা সরকারনা চহি ১৪গী মতুংদা এম.এস.এম.ই.শিংগী ৱাহন্থোক শেমদোক্নবা মরুওইবা ৱারেপ লৌখি। মসিনা এম.এস.এম.ই.শিংগী মরক্তা মখোয়না চাউখৎলবদি সরকারগী কান্নবশিং মাংহনগনি হায়বগী থাজবা অদু মুত্থৎখি। মহাক্না হায়খি মদুদি লৈবাক অসিদা এম.এস.এম.ই.গী মশিং অসি কোতি ৬ হেনখ্রে, মসিনা কোতি কয়াদা থবক ফংহল্লে। শ্রী মোদীনা অকনবা ৱাফম থমখি মদুদি মসিগী বজেৎ অসিদা, এম.এস.এম.ই.শিংগী দিফিনিসন অসি মখোয়গী লেপ্তনা চাউখৎলকপা অসিদা থাজবা পীনবগীদমক মখা তানা পাকথোক চাউথোকহনখ্রে। মসিনা নহারোলশিংগীদমক থবক ফংবগী খুদোংচাবশিং হেন্না ফংহল্লগনি হায়না মহাক্না হায়খি। এম.এস.এম.ই.শিংনা থেংনরিবা খ্বাইদগী চাউবা খুদোংচাদবা অসি লোন ফংবদা অৱাবা ওইবসিনি হায়না মহাক্না ফোংদোকখি। মহাক্না মখা তাখি মদুদি চহি তরাগী মমাংদা, এম.এস.এম.ই.শিংনা চাউরাক্না লুপা করোর লাখ ১২গী শেনফম ফংখি। হৌজিক্তি মসি চাউরাক্না লুপা করোর লাখ ৩০দা হেনগৎলে। প্রধান মন্ত্রীনা লাওথোকখি মদুদি হায়রিবা বজেৎ অসিদা, এম.এস.এম.ই.গী লোনগী গেরেন্তী কভর অসি শরুক অনি হেনগৎতুনা লুপা কোতি ২০ ওইখ্রে। মসিগী মথক্তা, মথৌ তাবা শেনফম ফংহন্নবা লুপা লাখ ৫গী লিমিৎ লৈবা কস্তমাইজ ক্রেদিৎ কার্দশিংসু পীগনি।

সরকারনা লোনগী খুদোংচাবা ফংহনখ্রে অমসুং অনৌবা মখলগী লোন অমা হৌদোক্লে হায়না পল্লদুনা শ্রী মোদীনা হায়খি মদুদি হৌজিক্তি মীয়াম্না গেরেন্তী অমত্তা য়াওদনা লোন ফংলি। হৌখিবা চহি ১০ অসিদা, মুদ্রাগুম্বা, গেরেন্তী য়াওদনা লোন পীরবা স্কিমশিংনা অপীকপা ইন্দস্ত্রীশিংদা মতেং পাংলি হায়না মহাক্না ফোংদোকখি। ত্রেদস পোর্তেলনা লোনগা মরী লৈনবা ইসু কয়া অমা লোইশিন্নবা হোৎনরি হায়না মহাক্না ফোংদোকখি। প্রধান মন্ত্রীনা এম.এস.এম.ই. খুদিংমক্না মমল হোংবা অমসুং মতম চানা ক্রেদিৎ ফংহনবগীদমক ক্রেদিৎ পীনবগী অনৌবা পাম্বৈশিং শেমগৎপগী তঙাইফদবা অদুদা অকনবা ৱাফম থমখি। মহাক্না নুপী, এস.সি. অমসুং এস.তি. কম্ম্যুনিতীশিংগী অহানবা ওইনা ইন্তরপ্রিনর লাখ মঙাদা লুপা করোর ২গী লোন পীরগনি হায়না লাউথোকখি। মহাক্না হায়খি মদুদি ইহান হানবা ওইনা ইন্তর্প্রিনরশিং অসি ক্রেদিৎ সপোর্ত খক্তা নত্তনা লমজিং-লমতাকপসু মথৌ তাই। মহাক্না ইন্দস্ত্রীদা মীওইশিং অসিবু মতেং পাংনবা মেন্তরশিপ প্রোগ্রাম অমা শেম্নবা হায়খি।

শেল থাদবা হেনগৎহনবদা রাজ্যশিংগী থৌদাং অসি য়াম্না মরু ওই হায়না পল্লদুনা শ্রী মোদীনা হায়খি মদুদি রাজ্য কয়ানা ইজ ওফ দুইং বিজিনেসপু হেন্না খুমাং চাউশিলহনবগা লোয়ননা মখোয়না শেল থাদবা হেনগৎহনগনি। মসিনা মরী লৈনবা রাজ্যশিংদা খ্বাইদগী কান্নবা ফংহল্লগনি হায়না মহাক্না ফোংদোকখি। মহাক্না রাজ্যশিংগী মরক্তা মসিগী বজেৎ অসিদগী খ্বাইদগী হেন্না কান্নবা ফংবা ঙম্নবগীদমক চাংদম্নবা পুক্নিং থৌগৎখি। মহাক্না পনখি মদুদি প্রোগ্রেসিভ পোলিসী লৈবা রাজ্যশিংনা মখোয়গী লমদমশিংদা শেল থাদনবগীদমক্তা কম্পেনীশিংবু পুক্নিং থৌগৎকনি।

শরুক য়ারিবশিং পুম্নমক্না হীরমশিং অসি কুপ্না খন্নরি হায়না থাজবা থম্লদুনা, প্রধান মন্ত্রীনা ৱেবিনার অসিনা থবক ওইনা পাংথোকপা য়াবা থবকশিং খঙদোক্নবা পান্দম থম্লি হায়না অকনবা ৱাফম থমখি। মহাক্না পোলিসীশিং, স্কিমশিং অমসুং গাইদলাইনশিং শেমগৎপদা শরুক য়ারিবশিংগী মতেং পীনবগী মরুওইবা অদু ফোংদোকখি। মহাক্না হায়খি মদুদি মসিনা বজেৎ মতুংদা ইমপ্লিমেন্তেসন স্ত্রাতেজিশিং শেমগৎপদা মতেং পাংগনি। মহাক্না শরুক য়ারিবশিংগী কন্ত্রিব্যুসনশিং অসি য়াম্না কান্নগনি হায়না থাজবা থম্বগা লোইনন লোইশিনখি।

থৌরম অদুদা ভিদিও কনফরেন্সকী খুত্থাংদা কেন্দ্রগী মন্ত্রী কয়ানা শরুক য়াখি।

বেকগ্রাউন্দ

ৱেবিনারশিং অসিনা সরকারগী ওফিসিএলশিং, ইন্দস্ত্রীগী লুচিংবশিং অমসুং ললোন-ইতিক্কী এক্সপর্তশিংগীদমক ভারতকী ইন্দস্ত্রীএল, ললোন-ইতিক অমসুং ইনর্জীগী স্ত্রাতেজিশিংদা খন্ন-নৈনবা তেংবাং পীনবা ফম্বাক অমা পীগনি। খন্ন-নৈনবগী মীৎয়েং অসি পোলিসী ইমপ্লিমেন্ত তৌবা, ইনবেস্তমেন্ত ফেসিলিতী তৌবা, অমসুং তেক্নোলোজী এদোপ্ত তৌবা, বজেৎ অসিগী ত্রান্সফোর্মেতিব ওইবা থৌরাংশিং শোইদনা ইমপ্লিমেন্ত তৌবা হায়বসিদা থমগনি। ৱেবিনারশিং অসিনা প্রাইবেৎ সেক্তরগী এক্সপর্তশিং, ইন্দস্ত্রীগী মীহুৎশিং অমসুং হীরম অসিগী স্পেসিয়েলিস্তশিংবু শরুক য়াহল্লগনি।

***