প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদীদা গ্রীসকী প্রধান মন্ত্রীনা তেলিফোন তৌরকখ্রে
প্রধান মন্ত্রী মিৎসোতাকিসনা প্রধান মন্ত্রী মোদীগী মপোক নুমিৎকী য়াইফ-পাউজেল পীরকখ্রে
লুচিংবা অনিমক্না ইন্দিয়া-গ্রীস স্ত্রেতেজিক পার্তনরশিপ হেন্না মপাঙ্গল কনখৎহন্নবা অমসুং লমদম অসিদা শান্তি অমসুং চাউখৎপা পুরক্নবা ফিরেপ অমুক হন্না ফোংদোকখ্রে
প্রধান মন্ত্রী মিৎসোতাকিসনা ইন্দিয়া-EU FTA ঙন্না লোইশিন্নবগীদমক মতেং পাংগনি ফোংদোকখ্রে
Posted On:
19 SEP 2025 2:52PM by PIB Imphal
প্রধান মন্ত্রী শ্রী নরেন্দ্র মোদীদা ঙসি হেল্লেনিক রিপব্লিক্কী প্রধান মন্ত্রী ঐচ.ই. মিস্তর কিরিয়াকোস মিৎসোতাকিসনা তেলিফোন তৌরকখ্রে।
প্রধান মন্ত্রী মিৎসোতাকিসনা প্রধান মন্ত্রী মোদীগী মপোক নুমিৎতা মহাক্কী মফমদা য়াইফ-পাউজেল পীখ্রে। প্রধান মন্ত্রী মোদীনা থৌওং অসিগীদমক থাগৎপা ফোংদোকখ্রে।
লুচিংবা অনিনা ত্রেদ, ইনভেস্তমেন্ত, তেক্নোলোজী, শিপ্পিং, দিফেন্স, সেক্যুরিতী, কন্নেক্তিবিতী অমসুং মীয়ামগী মরক্তা লৈনরিবা মরীশিং অসিনচিংবা সেক্তরশিংদা নাকল অনিগী ওইবা মরীশিংদা খুমাং চাউশিল্লকপশিং তরাম্না ওকখি অমসুং ইন্দিয়া-গ্রীসকী স্ত্রেতেজিক পার্তনরশিপ মখা তানা চেৎশিলহন্নবা মখোয়গী ফিরেপ অদু অমুক হন্না ফোংদোকখ্রে।
প্রধান মন্ত্রী মিৎসোতাকিসনা গ্রীসনা ইন্দিয়া-ই.য়ু. ফ্রী ত্রেদ এগ্রীমেন্ত অমা অথুবা মতমদা লোইশিন্নবা অমসুং 2026দা ভারতনা য়ুম্বু ওইদুনা পাংথোক্কদৌরিবা AI ইম্পেক্ত সম্মিৎ মাইপাক্নবগীদমক য়াইফ-মঙ্গোল পীখ্রে।
মখোয়না ম্যুচেল ইন্তরেস্তকী রিজনেল অমসুং গ্লোবেল ইসুশিংদা ৱাখল্লোনশিংসু ফোংদোক্নখ্রে।
লুচিংবশিংনা মখা তানা পাও ফাওন্দুনা লৈনবা য়ানখ্রে।
***
(Release ID: 2168732)
Visitor Counter : 9
Read this release in:
Odia
,
English
,
Urdu
,
Marathi
,
हिन्दी
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam