नवी दिल्ली, 15 सप्टेंबर 2025

झारखंडमधील हजारीबाग येथे आज झालेल्या नक्षलविरोधी कारवाईत मोठे यश मिळवल्याबद्दल केंद्रीय गृहमंत्री आणि सहकार मंत्री अमित शाह यांनी केंद्रीय राखीव पोलीस दलाच्या (सीआरपीएफ) कोब्रा तुकडीचे आणि झारखंड पोलिसांचे कौतुक केले आहे.

एक्स मंचावर लिहिलेल्या संदेशात केंद्रीय गृहमंत्री अमित शाह म्हणाले की केंद्रीय राखीव पोलीस दलाची (सीआरपीएफ) कोब्रा तुकडी आणि झारखंड पोलिस यांनी आज झारखंडमधील हजारीबाग येथे केलेल्या नक्षलविरोधी कारवाईत फार मोठे यश मिळवले. या कारवाईदरम्यान,सीपीआय(एम)चा सीसीएम सहदेव सोरेन उर्फ परवेश या 1 कोटी रुपयांचे बक्षीस असलेला  कुख्यात नक्षल कमांडर ठार झाला. रघुनाथ हेंब्राम उर्फ चंचल आणि बीरसेन गंझू उर्फ रामखिलावन या  आणखी दोन नक्षलवाद्यांना देखील सुरक्षा दलांनी कंठस्नान घातले.या दोघांवरही इनाम लावले होते. केंद्रीय मंत्री शाह पुढे म्हणाले या नक्षलवाद विरोधी कारवाईनंतर उत्तर झारखंडमधील बोकारो क्षेत्रातून नक्षलवादाचे समूळ उच्चाटन झाले आहे. लवकरच,संपूर्ण देश या नक्षलवादाच्या संकटातून मुक्त होईल.

आज झारखंड के हजारीबाग में CRPF की कोबरा बटालियन और राज्य पुलिस की जॉइंट टीम को एंटी नक्सल ऑपरेशन में बड़ी कामयाबी मिली है। इस अभियान में ₹1 करोड़ का इनामी, कुख्यात नक्सली कमांडर सीसीएम सहदेव सोरेन उर्फ परवेश को ढ़ेर कर दिया गया है। साथ ही, दो अन्य इनामी नक्सलियों- रघुनाथ…

— Amit Shah (@AmitShah) September 15, 2025

 
निलीमा चितळे/संजना चिटणीस/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai