প্রধান মন্ত্রী শ্রী নরেন্দ্র মোদী সেপ্তেম্বর ১৩ দগী ১৫ ফাওবা মিজোরাম, মনিপুর, অসম, ৱেস্ত বেঙ্গল অমসুং বিহারদা চৎকনি।

সেপ্তেম্বর ১৩দা, প্রধান মন্ত্রী মিজোরামদা চৎকনি অমসুং অয়ুক পুং ১০ রোম তাবদা আইজোলদা লুপা কোতি ৯,০০০ হেনবগী দিবেলপমেন্ত প্রোজেক্ত কয়াগী উরেপ উয়ুং তমগনি অমসুং শঙ্গাগনি। মহাক্না মীয়ামগী থৌরম অমদসু ৱা ঙাংগনি।

মসিগী মতুংদা প্রধান মন্ত্রীনা মনিপুরদা চৎকনি অমসুং নুমিৎ য়ুংবা পুং ১২.৩০ রোম তাবদা চুরাচান্দপুরদা লুপা করোর ৭,৩০০ হেনবগী দিবেলপমেন্ত প্রোজেক্ত কয়াগী উরেপ উয়ুং তমগনি। থৌরম অসিদা মহাক্না মীয়ামদা ৱা ঙাংগনি। মখা তানা, মহাক্না ইম্ফলদা নুংথিল পুং ২.৩০ রোম তাবদা লুপা করোর ১,২০০ হেনবগী প্রোজেক্ত কয়া শঙ্গাগনি অমসুং মীয়ামগী থৌরম অমদা ৱা ঙাংগনি।

মসিগী মতুংদা প্রধান মন্ত্রীনা অসমদা চৎকনি অমসুং নুমিদাংৱাইরম পুং ৫ রোম তাবদা গুৱাহাতিদা ভারত রত্ন দাক্তর ভুপেন হাজারিকাগী ১০০ শুবা মপোক কুমওন থৌরমদা শরুক য়াগনি। থৌরম অসিদা মহাক্না মীয়ামদা ৱা ঙাংগনি।

সেপ্তেম্বর ১৪ দা প্রধান মন্ত্রীনা অসমদা লুপা করোর ১৮,৫৩০ হেনবগী মরুওইবা ইনফ্রাস্ত্রকচর অমসুং ইন্দস্ত্রীএল দিবেলপমেন্ত প্রোজেক্তশিংগী উরেপ উয়ুং তমগনি অমসুং খরা অমনা শঙ্গাগনি। মহাক্না দরংদা অয়ুক পুং ১১ রোম তাবদা তোঙানন-তোঙানবা প্রোজেক্তশিংগী উরেপ উয়ুং তমগনি অমসুং মীয়ামগী থৌরম অমদা ৱা ঙাংগনি। মসিগী মতুংদা মহাক্না নুংথিল পুং ১:৪৫ রোম তাবদা ঘোলাঘাততা অসম বাইও-ইথানোল প্রাইবেৎ লিমিতেদ, নুমালিগর রিফাইনরী প্লান্ত শঙ্গাগনি। মহাক্না ঘোলাঘাততা পোলিপ্রোপিলিন প্লান্তকী উরেপ উয়ুংসু তমগনি।

সেপ্তেম্বর ১৫দা প্রধান মন্ত্রীনা নোংচুপ বেঙ্গলদা চৎকনি অমসুং কোলকতাদা অয়ুক পুং ৯.৩০ রোম তাবদা ১৬ শুবা কম্বাইন কমান্দরশিংগী কনফরেন্স-২০২৫ হৌদোক্কনি।

মসিগী মতুংদা প্রধান মন্ত্রীনা বিহারদা চৎকনি অমসুং নুংথিল পুং ২:৪৫ রোম তাবদা পুর্নেয়া এয়রপোর্তকী অনৌবা তর্মিনেল বিলদিং শঙ্গাগনি। মখা তানা, মহাক্না পুর্নেয়াদা চাউরাকপা লুপা করোর ৩৬,০০০গী চাউখৎ থৌরাংগী প্রোজেক্ত কয়াগী উরেপ উয়ুংসু তমগনি অমসুং খরা অমনা শঙ্গাগনি অমসুং থৌরম অদুসি মীয়ামদা ৱা ঙাংগনি। মহাক্না বিহারদা নেস্নেল মখানা বোর্দসু হৌদোক্কনি।

মিজোরামদা পি.এম.

প্রধান মন্ত্রীনা আইজোলদা লুপা কোতি ৯০০০ হেনবগী চাউখৎ থৌরাংগী প্রোজেক্ত কয়াগী উরেপ উয়ুং তমগনি অমসুং খয়া অমনা শঙ্গাগনি। প্রোজেক্তশিং অসিনা রেলৱেজ, রোদৱেজ, ইনর্জী, স্পোর্তস য়াওনা অতোপ্পা সেক্তর কয়াদা কান্নবা পীগনি।

মালেমগী থাক্কী ইনফ্রাস্ত্রকচর অমসুং অরোইবা মাইলগী কনেক্তিবিতীগীদমক মহাক্কী অচেৎপা ফিরেপকী মতুং ইন্না, প্রধান মন্ত্রীনা মিজোরমগী কোনুং অসি ইন্দিয়ন রেলৱেজ নেতৱার্ককা অহানবা ওইনা শম্নহন্নবা লুপা কোতি ৮,০৭০ হেন্না চংবা বাইরাবি-সাইরোং অনৌবা রেল লাইন শঙ্গাগনি। শিংননিংঙাই ওইবা চীংগী মফম অমদা শাগৎলিবা রেল লাইন প্রোজেক্ত অসিদা অরুবা জিওলোজিকেল কন্দিসনশিংগী মাইয়োক্নদুনা তনেল ৪৫ শাগৎলি। মসিগী মথক্তা, মসিদা অচৌবা থোং ৫৫ অমসুং অপীকপা থোং ৮৮সু য়াওরি। মিজোরাম অমসুং লৈবাক অসিগী অতৈ মফমশিংগা হকথেংননা রেলদা শম্নবনা লমদম অসিগী মীয়ামদা সেফ, ইফিসিএন্ত অমসুং কোস্ত ইফেক্তিব ওইবা চৎথোক-চৎশিনগী অপাম্বশিং ফংহল্লগনি। মসিনা চিঞ্জাক্কী শঙ্গোম, ফর্টিলাইজর অমসুং অতৈ তঙাই ফদবা পোৎলমশিংগী মতম চানা পীগনি অমসুং থাজবা য়াবা সপ্লাইসু লৈহল্লগনি। মসিনা অপুনবা লোজিস্তিক ইফিসেন্সী অমসুং রিজনেল এক্সেসিবিলিতি হেনগৎহল্লগনি।

প্রধান মন্ত্রীনা অনৌবা এক্সপ্রেস ত্রেন অহুম, সাইরোং (আইজৌল) - দিল্লী (অনন্দ বিহার তর্মিনেল) রাজধানী এক্সপ্রেস, সাইরোং-গুৱাহাতি এক্সপ্রেস অমসুং সাইরোং-কলকাতা এক্সপ্রেসসু থৌরম অসিদা লমথাগনি তৌগনি। আইজোল অসি হৌজিক রাজধানী এক্সপ্রেসকী খুত্থাংদা দিল্লীগা হকথেংননা শম্নরগনি। সাইরোং-গুৱাহতি এক্সপ্রেসনা মিজোরম অমসুং অসমগী মরক্তা চৎথোক-চৎশিনদা মতেং পাংগনি। সাইরোং-কোলকতা এক্সপ্রেসনা মিজোরমবু কোলকতাগা হকথেংননা শম্নহল্লগনি। হেন্না ফরবা কনেক্তিবিতী অসিনা হোস্পিতালশিং, য়ুনিভর্সিতীশিং, অমসুং কৈথেলশিং চত্থোক চৎশিন তৌবদা হেন্না নুংঙাইহল্লগনি। মসিনা লমদম অসিদা এজুকেস্নেল, কলচরেল অমসুং ইকোনোমিক লিঙ্কশিং মপাঙ্গল কনখৎহল্লগনি। মসিনা থবক ফংহন্নবা খুদোংচাবশিংসু পীগনি অমসুং লমদম অসিদা তুরিজম চাউখৎহনগনি।

লম্বীগী ইনফ্রাস্ত্রকচরদা মপাঙ্গল লৈহন্নবগীদমক, প্রধান মন্ত্রীনা লম্বীগী প্রোজেক্ত কয়াগী উরেপ উয়ুংসু তমগনি। মসিদা আইজোল বাইপাস রোদ, থেনজোল-সিয়ালসুক রোদ অমসুং খানকান-রোঙ্গুরা রোদ য়াওরি।

প্রধান মন্ত্রীগী দিবেলপমেন্ত ইনিসিএতিব ফোর নোর্থ ইস্ত রিজন (পি.এম.-দিবাইন) স্কিমগী মখাদা লুপা কোতি ৫০০ হেনবগী কিলোমিতর ৪৫ শাংবা আইজোল বাইপাস রোদ অসি আইজোল শহরদা মী চিনবা হন্থহন্নবা, লুংলৈ, সিয়াহা, লোংতলাই, লেংপুই এয়রপোর্ত অমসুং সাইরাং রেলৱে স্তেসনগা মরী ফগৎহন্নবা পান্দম থম্লি। মসিনা খা থংবা জিলাশিংদগী আইজোল ফাওবগী খোঙচৎকী মতম পুং 1.5 হন্থহল্লগনি। মসিনা লমদম অসিগী মীয়ামদা কান্নবা ফংহল্লগনি। অৱাং-নোংপোক্কী স্পিসিএল ইনফ্রাস্ত্রকচর দিবেলপমেন্ত স্কিম এন.ই.এস.আই.দি.এস. (সরক) গী মখাদা থেনজাউল সিয়ালসুক রোদনা হোর্টিকলচর ফার্মর, দ্রাগন ফ্রুত থাবশিং, ফৌ থাবশিং অমসুং শিং প্রোসেসর কয়াদা কান্নবা পীগনি। সেরচিপ দিস্ত্রিক্তকী এন.ই.এস.আই.দি.এস. (রুদ) গী মখাদা খানকান রোংগুরা রোদনা কৈথেলশিংদা হেন্না ফবা খুদোংচাবা ফংহল্লগনি অমসুং লমদম অসিগী তোঙান তোঙানবা হোর্টিকলচর লৌমীশিং অমসুং অতোপ্পা মীওইশিংদা কান্নবা ফংহল্লগনি।

প্রধান মন্ত্রীনা লোংতলাই সিয়াহা রোদতা লৈবা ছিমতুইপু তুরেলগী থোংগী উরেপ উয়ুংসু তমগনি। মসিনা কুম খুদিংমক্তা কনেক্তিবিতী ফংহল্লগনি অমসুং চৎথোক-চৎশিন তৌবগী মতম পুং অনি হন্থহল্লগনি। থোং অসিনা কালাদান মল্তিমোদেল ত্রাঞ্জিৎ ফ্রেমৱার্ককী মখাদা ঙমখৈ লান্না ললোন-ইতিক তৌবদা মতেং পাংগনি।

প্রধান মন্ত্রীনা শান্ন-খোৎনবগী চাউখৎ-থৌরাংগীদমক খেলো ইন্দিয়া মলতিপরপস ইন্দোর হোলগী উরেপ উয়ুংসু তমগনি। তুইকুৱালদা লৈরিবা হোল অসিদা মোদর্ন স্পোর্তস ফেসিলিতীশিং য়াওনা মল্তি-পরপস ইন্দোর এরেনা অমা লৈরগনি। মসিনা নেস্নেল অমসুং ইন্তরনেস্নেল কম্পিতিতিবশিংদা মিজোরমগী নহাশিংবু কান্নহল্লগনি।

লমদম অসিদা ইনর্জী ইনফ্রাস্ত্রকচর মপাঙ্গল কনখৎহন্দুনা, প্রধান মন্ত্রীনা আইজোলগী মুলখোংদা তি.এম.তি.পি.এ. (চহিদা মেত্রিক তোন লিশিং অমা) এল.পি.জি. বোতল্লিং প্লান্ত ৩০ গী উরেপ উয়ুং তমগনি। মসিনা মিজোরম অমসুং য়ুম্লোন্নরিবা রাজ্যশিংদা এল.পি.জি.গী অতৎ অখম লৈতবা অমসুং থাজবা য়াবা সপ্লাই অমা লৈহন্নবা পান্দম থমগনি। মসিনা লোকেলগী ওইবা থবক পীবগী খুদোংচাবসু পীগনি।

প্রধান মন্ত্রী জন বিকাস কর্মক্রম (পি.এম.জে.ভি.কে.) স্কিমগী মখাদা কৱর্থাদা রেসিদেন্সিয়েল স্কুলসু প্রধান মন্ত্রীনা শঙ্গাগনি। মমিত এস্পিরেস্নেল দিস্ত্রিক্তকী স্কুল অসিদা মোদর্ন ক্লাসরুমশিং, হোস্তেলশিং অমসুং আর্তিফিসিএল ফুটবোল তর্ফ য়াওনা স্পোর্তস ফেসিলিতীশিং ফংহনগনি। মসিনা অঙাং অমসুং নহারোল 10,000 হেনবদা কান্নবা পীগনি, মসিনা মতম শাংনা সোসিএল অমসুং এজুকেসনেল প্রোগ্রেসকী য়ুম্ফম ওইগনি।

পুম্নমক্কীদমক মগুন লৈবা এজুকেসনগী মহাক্কী মঙলান মখা চত্থদুনা, প্রধান মন্ত্রীনা তলাংনুৱামদা এক্লব্যা মোদেল রেসিদেন্সিএল স্কুলসু শঙ্গাগনি। স্কুল অসিনা রেজিস্ত্রেসন হেনগৎহল্লগনি, স্কুল থাদোকপগী চাং হন্থহল্লগনি অমসুং ত্রাইবেল নহারোলশিংদা অপুনবা এজুকেসনগী খুদোংচাবা ফংহল্লগনি।

প্রধান মন্ত্রীনা মনিপুরদা

মনিপুরগী অপুনবা, তুং কোইনা চৎপা য়াবা অমসুং মপুং ওইবা চাউখৎপা পুরক্নবগীদমক মঙজরিবা মহাক্কী মঙলানগা তুননা চৎলদুনা প্রধান মন্ত্রীনা চুরাচান্দপুরদা লুপা কোতি ৭,৩০০ হেনবগী মখল কয়াগী দিবেলপমেন্ত প্রোজেক্তশিংগী উরেপ উয়ুং তমগনি। প্রোজেক্তশিং অদুগী মনুংদা লুপা কোতি ৩৬০০ হেনবগী মনিপুর অর্বান রোদ, দ্রেনেজ অমসুং এসেৎ মেনেজমেন্ত ফগৎহনবগী প্রোজেক্ত; লুপা কোতি ২৫০০ হেনবগী নেস্নেল হায়ৱে প্রোজেক্ত ৫; মনিপুর ইনফোতেক দিবেলপমেন্ত (এম.আই.এন.দি.) প্রোজেক্ত, মফম ৯দা ৱার্কিং ৱুমেন হোস্তেলশিংসু য়াওরি।

প্রধান মন্ত্রীনা ইম্ফালদা লুপা কোতি ১,২০০ হেনবগী দিবেলপমেন্ত প্রোজেক্ত কয়া অমসু শঙ্গাগনি। মখোয়শিং অদুদি মন্ত্রিপুখ্রিদা লৈবা সিবিল সেক্রেতরিয়েৎ, মন্ত্রিপুখ্রিদা লৈবা আই.তি. এস.ই.জেদ বিল্দিং অমসুং অনৌবা পুলিস হেদক্বার্তর, দিল্লী অমসুং কোলকতাদা লৈবা মনিপুর ভবনশিং অমসুং জিলা মরিদা লৈবা নুপীশিং খক্তগী ওইবা ইমা কৈথেলশিংনি।

প্রধান মন্ত্রী আসামদা

সেপ্তেম্বর ১৩দা, প্রধান মন্ত্রীনা গুৱাহাতিদা ভারত রত্ন দাক্তর ভুপেন হাজারিকাগী ১০০ শুবা মপোক কুমওন থৌরমদা শরুক য়াগনি। পালন অসিনা দাক্তর হজারিকাগী পুন্সি অমসুং  অসমগী ঈশৈ-নোংমাই, সাহিত্য অমসুং কলচরদা মহাক্না লৌবীরম্বা থৌদাংশিং কাই খুম্নবা উৎকনি।

সেপ্তেম্বর ১৪দা প্রধান মন্ত্রীনা অসমদা লুপা কোতি ১৮,৫৩০ হেনবগী মরুওইবা ইনফ্রাস্ত্রকচর অমসুং ইন্দস্ত্রীএল দিবেলপমেন্ত প্রোজেক্তশিং শঙ্গাগনি অমসুং উরেপ উয়ুং তমগনি।

দরংদা, প্রধান মন্ত্রীনা প্রোজেক্ত কয়া অমগী উরেপ উয়ুংসু তমগনি। প্রোজেক্তশিং অদুদা দরং মেদিকেল কোলেজ অমসুং হোস্পিতাল অমসুং জি.এন.এম. স্কুল অমসুং বি.এস.সি. লমদম অসিদা মেদিকেল এজুকেসন অমসুং হেল্থকেয়র দেলিভরী মপাঙ্গল কনখৎহন্নবা নর্সিং কোলেজ; অর্বান মোবিলিতী হেঙ্গৎহন্নবা, ত্রাফিক হন্থহন্নবা অমসুং কোনুং শহর অমসুং মসিগী অকোইবদা কনেক্তিবিতী ফগৎহন্নবা গুৱাহাতি রিং রোদ প্রোজেক্ত; অমসুং লমদম অসিদা কনেক্তিবিতী ফগৎহন্নবা অমসুং সোসিও-ইকোনোমিক দিবেলপমেন্ত প্রমোৎ তৌনবা ব্রহ্মপুত্র তুরেলগী মথক্তা কুরুৱা-নারেঙ্গি ব্রিজ য়াওরি।

ঘোলাঘাতকী নুমালিগরদা, প্রধান মন্ত্রীনা নুমালিগর রিফাইনরী লিমিতেদ (এন.আর.এল.) দা সম বাইওইথানোল প্লান্ত শঙ্গাগনি। মসিগী পান্দমদি ক্লিন ইনর্জী প্রমোৎ তৌবা অমসুং ফোসিল ফ্যুএলশিংদা মখা পোনবা হন্থহনবনি।

প্রধান মন্ত্রীনা অসমগী পেত্রো কেমিকেল সেক্তরদা মশিং য়াম্লবা ভেল্যু এদিং অমা ওইগদবা নুমালীগর রিফাইনরী লিমিতেদ (এন.আর.এল.) দা পোলিপ্রোপিলিন প্লান্তকী উরেপ উয়ুংসু তমগনি। মসিনা থবক ফংহনবগী খুদোংচাবসু পীরগনি অমসুং লমদম অসিগী অপুনবা সোসিও ইকোনোমিক দিবেলপমেন্তসু পুরক্লগনি।

প্রধান মন্ত্রীনা নোংচুপ বেঙ্গলদা

মপাঙ্গল কনবা, সেক্যুর ওইবা অমসুং মশা-মরোমদোম লেপচবা ভারত অমা শেমগৎনবা মহাক্কী ফিরেপকী মতুং ইন্না প্রধান মন্ত্রীনা সেপ্তেম্বর ১৫দা কোলকতাদা ১৬শুবা কম্বাইন্দ কমান্দরশিংগী কনফরেন্স ২০২৫ হৌদোক্লগনি অমসুং ৱা ঙাংগনি। মসি আর্মদ ফোর্সেসকী মকোক থোংবা থাক্কী ব্রেইন স্তোরমিং ফোরমনি, মসিনা লৈবাক অসিগী মকোক থোংবা সিবিলিয়ন অমসুং মিলিতরী লুচিংবশিংবু ৱাখল্লোনশিং হোংদোক-হোংজিন তৌনবা অমসুং ভারতকী মিলিতরীগী শেম-শারিবা অসিগী তুংগী দিবেলপমেন্তকীদমক য়ুম্ফম শেম্নবা পুন্সিল্লি।

চহি অনিগী মনুংদা অমুক্তমক পাংথোকপা, ১৬শুবা কম্বাইন্দ কমান্দরশিংগী কনফরেন্স সেপ্তেম্বরগী ১৫ দগী ১৭ ফাওবা কলকতাদা পাংথোক্কনি। চহি অসিগী কনফরেন্সকী থিমদি "ইয়র ওফ রিফোর্মস - ত্রান্সফোর্মিং ফোর দি ফ্যুচর"নি।

প্রধান মন্ত্রীনা বিহারদা

প্রধান মন্ত্রীনা বিহারদা নেস্নেল মখানা বোর্দ হৌদোক্কনি। বোর্দনা পোত্থোক পুথোকপা অমসুং অনৌবা তেক্নোলোজী দিবেলপমেন্ত প্রমোৎ তৌগনি, মহৈ-মরোং লোক্লবা মতুংদা মেনেজমেন্ত মপাঙ্গল কনখৎহল্লগনি, ভেল্যু এদিসন অমসুং প্রোসেসিং প্রমোৎ তৌগনি অমসুং কৈথেল, এক্সপোর্ত অমসুং ব্রান্দ দিবেলপমেন্তদা মতেং পাংলগনি। মসিনা বিহার অমসুং লৈবাক অসিগী মখানা লৌমীশিংদা কান্নবা ফংহল্লগনি।

বিহারনা লৈবাক অসিগী অপুনবা মখানা পুথোকপগী চাউরাক্না ৯০% ওইরি। মধুবানী, দরভঙ্গা, সিতামারহি, সহর্সা, কাতিহার, পুর্নেয়া, সুপোল, কিশানগঞ্জ অমসুং আরারিয়াগুম্বা মরুওইবা জিলাশিং অসি মরুওইবা হবশিং ওইনা মথৌ তৌই মরমদি মখোয়দা নুংঙাইবা অইং-অশাগী ফিভম অমসুং মহৈ-মরোং ফবা লৈহাউ লৈবনা মখানা পুথোকপদা অৱাংবা থাক্তা মতেং পাংই। বিহারদা মখানা বোর্দ লিংখৎপা অসিনা রাজ্য অমসুং লৈবাক অসিদা মখানা পুথোকপদা চাউনা মতেং পাংগনি অমসুং সেক্তর অসিগী মালেমগী মেপতা বিহারগী মফম হেন্না মশক থোকহনগনি।

প্রধান মন্ত্রীনা পুর্নেয়া এয়রপোর্তকী অনৌবা সিভিল এনক্লেবতা মরক্কী ওইবা তর্মিনেল বিলদিং শঙ্গাগনি। মসিনা লমদম অসিদা পেসেঞ্জর হেন্দলিং কেপাসিতী হেঙ্গৎহল্লগনি।

প্রধান মন্ত্রীনা পুর্নেয়াদা লুপা করোর ৩৬,০০০গী চাউরাকপা দিবেলপমেন্ত প্রোজেক্ত কয়াগী উরেপ উয়ুং তমগনি অমসুং শঙ্গাগনি।

প্রধান মন্ত্রীনা ভগলপুরগী পীরপাইন্তিদা ৩x৮০০ মেগাৱাৎকী থর্মেল পাৱর প্রোজেক্ত  উরেপ উয়ুং তমগনি। মসি বিহারগী খ্বাইদগী চাউবা প্রাইবেৎ সেক্তর ইনবেস্তমেন্ত ওইগনি অমসুং লুপা করোর ২৫,০০০গী শেনফম ওইগনি। মসি অলত্রা-সুপর ক্রিতিকেল, লো-এমিসন তেক্নোলোজীদা দিজাইন তৌই। প্রোজেক্ত অসিনা দেদিকেতেদ পাৱর ফংহল্লগনি অমসুং বিহারগী ইনর্জী সেক্যুরিতী মপাঙ্গল কনখৎহল্লগনি।

প্রধান মন্ত্রীনা লুপা কোতি ২৬৮০ হেনবগী কোসী-মেচী ইন্ত্রা-স্তেৎ রিভর লিঙ্ক প্রোজেক্তকী ফেজ ১গী উরেপ উয়ুংসু তমগনি। মসিনা কেনেল অসি অপগ্রেদ তৌবদা মিৎয়েং থমগনি। মসিগী মনুংদা দিসিল্তিং, শোকহল্লবা স্ত্রকচরশিং অমুক হন্না শেমগৎপা অমসুং সেত্তলিং বেসিন নৌহৌনা শেমগৎপা য়াওরি। মসিগী দিসচার্জ তৌবা ঙম্বগী কেপাসিতী অসিসু ক্যুসেক ১৫,০০০দগী ২০,০০০দা হেনগৎহনগনি। মসিনা ইরিগেসন পাকথোক চাউথোকহনবা, ঈশিং-ঈচাউ লাকশিন্নবা অমসুং লৌউ-শিংউগী লমদা মপাঙ্গল হাপ্পদা অৱাং-নোংপোক বিহারগী জিলা কয়াদা কান্নবা ফংহল্লগনি।

রেল কনেক্তিবিতী ফগৎহন্নবা মহাক্কী অচেৎপা ফিরেপকী মখা চত্থরকপা ওইনা প্রধান মন্ত্রীনা রেল প্রোজেক্ত কয়া শঙ্গাগনি অমসুং উরেপ উয়ুং তমগনি অমসুং বিহারদা ত্রেন কয়া অমা লমথাগনি।

প্রধান মন্ত্রীনা গঙ্গা তুরেলগী মরক্তা হকথেংননা রেলগী লম্বী শম্নহন্নবা বিক্রমশিলা অমসুং কতারিয়াগী মরক্তা লুপা কোতি ২,১৭০ হেন্না চংবা রেল লাইন অমগী উরেপ উয়ুংসু তমগনি। মসিনা গঙ্গাদা হকথেংননা রেল লিঙ্ক অমা ফংহল্লগনি। মসিনা লমদম অসিগী মীয়ামদা কান্নবা ফংহল্লগনি।

লুপা কোতি ৪,৪১০ হেন্না চংগদবা আরারিয়া-গালগালিয়া (থাখুরগঞ্জ) গী মরক্তা অনৌবা রেল লাইন অমা প্রধান মন্ত্রীনা শঙ্গাগনি।

প্রধান মন্ত্রীনা আরারিয়া অমসুং কিশানগঞ্জ জিলাগী মরক্তা হকথেংননা রেলগী কনেক্তিবিতী লৈহন্নবা আরারিয়া-গালগলিয়া (থাকুরগঞ্জ) সেক্সন্দা ত্রেন লমথাগনি। মসিনা অৱাং নোংপোক বিহারগী মফম কয়াদা কান্নবা ফংহল্লগনি। মহাক্না জোগবানি অমসুং দানাপুরগী মরক্তা ভন্দে ভারত এক্সপ্রেস ত্রেন ফ্লেগ তৌরগনি। ত্রেন অসিনা আরারিয়া, পুর্নেয়া, মাধেপুরা, সহর্সা, খাগরিয়া, বেগুসরাই, সমস্তিপুর, মুজফরপুর, বৈশালী অমসুং পৎনাগুম্বা জিলাশিংদা হকথেংননা কান্নবা ফংহল্লগনি। মহাক্না সাহর্সা অমসুং ছহেহর্তা (অমৃতসর) অমসুং জোগবানী অমসুং ইরোদকী মরক্তা অমৃত ভারত এক্সপ্রেস ত্রেনশিং লমথাগনি তৌগনি। হায়রিবা ত্রেনশিং অসিনা মোদর্ন ইন্তরিয়রশিং, হেন্না ফবা ফেসিলিতীশিং অমসুং হেন্না থুনা চৎথোক-চৎশিন তৌবা ঙম্বগী খুদোংচাবশিং ফংহল্লগনি। মসিনা লমদমশিংগী মরক্তা ইকোনোমিক, কলচরেল অমসুং সোসিএল ইন্তিগ্রেসন হেঙ্গৎহল্লগনি।

প্রধান মন্ত্রীনা পুরনিয়াদা সেক্স সোর্তেদ সেমেন ফেসিলিতীসু শঙ্গাগনি। মসি রাস্ত্রিয় গোকুল মিসনগী মখাদা লৈবা অনৌবা সেমেন স্তেসন ওইরি। মসি চহি খুদিংগী সেক্স-সোর্টেদ সেমেন দোজ লাখ ৫ পুথোকপা ঙম্মী। ভারতকী নোংপোক অমসুং অৱাং-নোংপোক্তা অসিগুম্বা মখলগী অহানবা ফেসিলিতী অসিনা মেক ইন ইন্দিয়া অমসুং আত্মনির্ভর ভারতকী মিৎয়েংগা লোয়ননা ওক্তোবর, ২০২৪দা হৌদোকখিবা লৈবাক অসিদা শেমগৎপা তেক্নোলোজী শীজিন্নরি। নুপী মচা পোকপগী চাং হেনগৎহন্দুনা, তেক্নোলোজী অসিনা অপীকপা, মাইন, মার্জিনেল ফার্মরশিং অমসুং লম লৈতবা শিন্মীশিংদা মহুৎ শিনবা য়াবা উহৈশিং হেন্না ফংহনবদা, শেন্মিৎলোনগী অৱাবা হন্থহনবদা, অমসুং হেন্না ফবা শোঙ্গোম পুথোকপগী খুত্থাংদা ইনকম হেনগৎহনবদা মতেং পাংগনি।

পি.এম.এ.ৱাই. (আর) গী মখাদা খুঙ্গংগী খুদোংচাবা ফংগদবা মীওই ৩৫,০০০ গীদমক অমসুং পি.এম.এ.ৱাই. (য়ু) গী মখাদা অর্বান বেনিফিসরি ৫,৯২০ গীদমক পাঙথোক্লিবাপি. গৃহ প্রবেশ থৌরমদসু প্রধান মন্ত্রীনা শরুক য়াগনি অমসুং বেনিফিসরি খরদা শো খুৎশিন্নগনি।

প্রধান মন্ত্রীনা লুপা করোর ৫০০ রোমগী ওইগদবা কম্ম্যুনিতী ইনভেস্তমেন্ত ফন্দসু বিহারদা দি.এ.ৱাই.-এন.আর.এল.এম.গী মখাদা লৈবা ক্লস্তর লেভেল ফেদরেসনশিংদা য়েন্থোক্কনি অমসুং সি.এল.এফ. প্রেজিদেন্ত খরদা চেক খুৎশিন্নগনি।

***