नवी दिल्ली, 8 सप्टेंबर 2025

सशस्त्र दलांतर्फे 15 ते 17 सप्टेंबर 2025 दरम्यान पश्चिम बंगालमधील कोलकाता येथे संयुक्त कमांडर्स परिषद  2025 चे आयोजन करण्यात आले असून या वर्षीच्या परिषदेची संकल्पना 'सुधारणांचे वर्ष - भविष्यासाठी परिवर्तन' अशी आहे.

या परिषदेचे उद्घाटन पंतप्रधानांच्या हस्ते होईल आणि संरक्षण मंत्री, राष्ट्रीय सुरक्षा सल्लागार, संरक्षण राज्यमंत्री, संरक्षण प्रमुख आणि संरक्षण सचिव देखील या परिषदेला उपस्थित राहतील. तिन्ही सेवा आणि एकात्मिक संरक्षण कर्मचाऱ्यांच्या अधिकाऱ्यांव्यतिरिक्त इतर मंत्रालयांचे सचिव देखील उपस्थित राहण्याची शक्यता आहे.

सुधारणा, परिवर्तन व बदल आणि कार्यान्वयन तयारी यावर सीसीसी 2025 चा भर असेल. उच्च पातळीची मल्टी-डोमेन कार्यान्वयन तयारी टिकवून ठेवत हे संस्थात्मक सुधारणा, सखोल एकात्मता आणि तांत्रिक आधुनिकीकरणासाठी सशस्त्र दलांची वचनबद्धता एकत्रितपणे प्रतिबिंबित करते. चपळ आणि निर्णायक असलेल्या सशस्त्र दलांना वाढत्या गुंतागुंतीच्या भू-सामरिक परिस्थितीत अधिक बळकट करण्याचा प्रयत्न या चर्चासत्रांमध्ये केला जाईल.

समावेशक सहभागाच्या परंपरेला पुढे नेत या परिषदेत सशस्त्र दलातील अधिकारी आणि विविध पदांवरील कर्मचाऱ्यांशी संवादात्मक सत्रे आयोजित केली जातील, ज्यायोगे क्षेत्रीय दृष्टिकोन उच्च स्तरावरील चर्चेला समृद्ध करतील याची खात्री होईल.

सीसीसी हा सशस्त्र दलांचा सर्वोच्च-स्तरीय विचारमंथन मंच आहे, जो विचारांची देवाणघेवाण करण्यासाठी देशाच्या सर्वोच्च नागरी आणि लष्करी नेतृत्वाला वैचारिक आणि धोरणात्मक पातळीवर एकत्र आणतो.

सुषमा काणे/नंदिनी मथुरे/प्रिती मालंडकर

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai