প্রধানমন্ত্রীগী লোইশঙ
প্রধান মন্ত্রীনা রসিয়ন ফেদরেশনগী প্রেসিদেন্তকা উনখ্রে
Posted On:
01 SEP 2025 1:08PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি চাইনাগী তিয়াঞ্জিনদা শঙঘাই কোওপরেশন ওর্গনাইজেশন সম্মিতকা ইরোইননা রসিয়ন ফেদরেশনগী পরেসিদেন্ত, হিস এক্সেলেন্সী শ্রী ব্লাদিমির পুতিনগা উনখ্রে।
লুচিংবশিং অদুনা লৈবাক অনিগী মরক্তা ইকোনোমিক, ফাইনান্সিয়েল অমসুং ইনর্জী সেক্তরশিং য়াওনা খুৎশম্ন্দুনা থবক তৌমিন্ননবগী মতাংদা খন্নখি অমসুং লমশিং অসিদা লৈবাক অনি অসিগী মরক্তা লৈরিবা মরি অসি লিশাং-শিৎনা লাকপা অমসুং চাউখৎমিন্নরকপা অসিদা অপেনবা ফোংদোকখি।
লুচিংবা অনি অদুনা য়ুক্রেনগা মরি লৈননা নৌহৌননা লাক্লিবা অহোংবশিং অদুবুশু য়াওনা রিজনেল অমসুং গ্লোবল ইশুশিংগী মতাংদা খন্নখি। প্রধান মন্ত্রীনা য়ুক্রেনদা থোক্লিবা কনফ্লিক্ত অদুবু লোইশিন্ননবা লৌখৎলিবা অনৌবা থৌরাংশিং অদুবু শোগৎলি হায়না মহাক্না অমুক্কশু হন্না ফোংদোকখি অমসুং কনফ্লিক্ত অদুবু অথুবা মতমদা লোইশিন্ননবা থবক-ধৌরমশিং পাইখৎনবা অমসুং তুং-কোইনা চৎকদবা মওংদা শান্তি পুরক্নবা ৱারোইশিন অমা পুরক্নবা হায়খি।
লুচিংবা অনি অদুনা লৈবাক অনি অসিগী মরক্তা স্পেসিয়েল অমসুং প্রিভিলেজদ স্ত্রেতেজিক পার্তনরশিপ অদুবু হেন্না চেৎশিনহন্নবগীদমক্তা মখোয়গী সপোর্ত অদু উৎখি। প্রধান মন্ত্রীনা প্রেসিদেন্ত পুতিনদা হন্দক্কী চহি অসিগী লোইশিল্লকপদা 23শুবা অন্যুৱল সম্মিতকীদমক্তা ভারত্তা মহাকপু ওক্ননবগীদমক্তা খৌরাংনা ঙাইরি হায়নশু ফোংদোকখি।
***
(Release ID: 2162694)
Visitor Counter : 2
Read this release in:
English
,
Urdu
,
Marathi
,
Hindi
,
Bengali
,
Bengali-TR
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam