প্রধান মন্ত্রী শ্রী নরেন্দ্র মোদী অমসুং জপানগী প্রধান মন্ত্রী ঐচ.ই. মিস্তর শিগেরু ইশিবানা 2025গী ওগস্ত 29দা তোকিওদা কনফেদরেসন ওফ ইন্দিয়ন ইন্দস্ত্রী এন্দ কেদানরেন্না [জাপান বিজিনেস ফেদরেসন] শিন্দুনা পাংথোকখিবা ইন্দিয়া-জপান ইকনোমিক ফোরমদা শরুক য়াখি। ইন্দিয়া-জপান বিজিনেস লিদর্স ফোরমগী CEOশিং য়াওনা ভারত অমসুং জপানগী ইন্দস্ত্রীগী মকোক থোংবা মীওইশিংনা মীফম অসিদা শরুক য়াখি।

মহাক্কী ৱারোলদা প্রধান মন্ত্রীনা ভারত-জপান স্পেসিএল স্ত্রেতেজিক এন্দ গ্লোবেল পার্তনরশিপ, মরুওইনা ইনভেস্তমেন্ত, মেন্যুফেকচরিং অমসুং তেক্নোলোজীগী লমশিংদা লৈবাক অনিগী ওইবা মতেং পীনবগী মায়পাকপা অদু পনখি। ভারত্তা মখোয়গী ফুৎপ্রিন্ত মখা তানা হেনগৎহন্নবা জাপানিজ কম্পনীশিংদা বর্তন তৌরদুনা মহাক্না হায়খি মদুদি ভারতকী গ্রোথ স্তোরি অসিনা মখোয়গীদমক য়াম্না অফবা খুদোংচাবশিং পীরি। মহাক্না হায়খি মদুদি হৌজিক মালেমগী শেন্মিৎলোনগী অৱাবা ওইরিবা ফিভম অসিদা থাজবা থম্বা মরুপশিংগী মরক্তা শেন্মিৎলোনগী ওইবা পার্তনরশিপ হেন্না চেৎশিলহনবা অসি মরুওই। পোলিতিকেল স্তেবিলিতী, পোলিসী প্রিদিক্তেবিলিতী, রিফোর্মশিং অমসুং ইজ ওফ দুইং বিজিনেসকীদমক অচেৎপা ফিরেপ্না ভারতকী মার্কেত্তা ইনভেস্তরশিংদা অনৌবা থাজবা অমা পীরক্লি হায়না প্রধান মন্ত্রীনা অকনবা ৱাফম থমখি। মসি মালেমগী এজেন্সীশিংনা ভারতকী ক্রেদিৎ রেতিং নৌনা অপগ্রেদ তৌবদা ময়েক শেংনা উৎলি।

ভারত অমসুং জপানগী মরক্তা অৱাংবা থাক্কী তেক্নোলোজী, মেন্যুফেকচরিং, ইনভেস্তমেন্ত অমসুং হ্যুমেন রিসোর্স একচেঞ্জশিংদা তেংবাং পীনবগী মরুওইবা পোতেন্সিএল অদু পল্লদুনা প্রধান মন্ত্রীনা হায়খি মদুদি ভারতনা মালেমগী চাউখৎ-থৌরাংদা চাউরাক্না 18% শরুক তম্মি অমসুং চহি খরগী মনুংদা মালেমগী খ্বাইদগী চাউবা ইকনোমীগী অহুমশুবা মফমদা লৈনবা হোৎনরি। শেন্মিৎলোন অনিগী তেংবাং পীনবা অসি য়েংলগা মহাক্না মেক ইন ইন্দিয়া অমসুং অতোপ্পা ইনিসিএতিবশিংগী মায়কৈদা জপান অমসুং ভারতকী মরক্তা ললোন-ইতিক্কী মরী হেন্না চেৎশিলহন্নবা মরুওইবা হিরম মঙা থমখি। মখোয়শিং অদুদি: i) মেন্যুনফেকচরিং - বেতরী, রোবোতিক্স, সেমিকন্দক্তর, শিপ-বিল্দিং অমসুং ন্যুক্লিয়র ইনর্জীগী লমদা; ii) AI, ক্বান্তম কম্প্যুতিং, স্পেস অমসুং বাইওতেক য়াওনা তেক্নোলোজী অমসুং ইন্নোবেসনদা মতেং পীনবা; iii) গ্রীন ইনর্জী ত্রাঞ্জিসন; iv) মোবিলিতী, হাই স্পীদ রেল অমসুং লোজিতিক্স য়াওনা নেক্স জেন ইনফ্রাস্ত্রকচর; অমসুং iv) স্কিল দিবেলপমেন্ত অমসুং পিপল-তু-পিলগী মরীশিং। প্রধান মন্ত্রীগী মপুংফাবা ৱারোলশিং মসিদা য়েংবা য়াগনি [Link]

প্রধান মন্ত্রী ইশিবানা মহাক্কী ৱারোলদা, জাপানিজ কম্পনীশিংনা ভারতকী তেলেন্ত অমসুং জাপানিজ তেক্নোলোজীগী মরক্তা পার্তনরশিপ শেমগৎনবা অমসুং রেসিলিয়েন্ত সপ্লাই চেন শেমগৎনবা হোৎনবদা অপাম্বা ফোংদোকখি। মহাক্না ভারত অমসুং জপানগী মরক্তা মরুওইবা ৱাফম অহুম থমখি: P2P পার্তনরশিপশিং মপাঙ্গল কনখৎহনবা, তেক্নোলোজী পুনশিনবা, গ্রীন ইনিসিএতিবশিং অমসুং কৈথেল, অমসুং হায় অমসুং ইমর্জিং তেক্নোলোজীশিংগী মরুওইবা সেক্তরশিংদা, মরুওইনা সেমিকন্দক্তরশিংদা তেংবাং পীনবা।

12শুবা ইন্দিয়া জপান বিজিনেস লিদর্স ফোরম (IJBLF) গী রিপোর্ত অদু IJBLFকী কো-চেয়রশিংনা লুচিংবা অনিমক্তা পীখি। ভারত অমসুং জপানগী ইন্দস্ত্রীগী মরক্তা চাউখৎলক্লিবা পার্তনরশিপকী মতাংদা পল্লদুনা শ্রী মোদীনা হায়খি, জপান এক্সতর্নেল ত্রেদ ওর্গনাইজেসন (JETRO) গী চেয়রমেন অমসুং CEO নোরিহিকো ইশিগুরোনা স্তীল, AI, স্পেস, এজুকেসন অমসুং স্কিল, ক্লিন ইনর্জী অমসুং হ্যুমেন রিসোর্স একচেঞ্জগুম্বা সেক্তর কয়াদা ভারত অমসুং জপানগী কম্পনীশিংগী মরক্তা খুৎয়েক পীনখিবা B2B MoU কয়ামরুম লাউথোকখি।

***