প্রধানমন্ত্রীগী লোইশঙ
জপান অমসুং চাইনা খোঙচৎকী মাংওইননা প্রধান মন্ত্রীনা থমখিবা চৎলমদাইগী ৱারোল
Posted On:
28 AUG 2025 8:41PM by PIB Imphal
প্রধান মন্ত্রী শিগেরু ইশিবানা বর্তন তৌরকপদগী ঐহাক্না 15শুবা এন্যুএল সম্মিৎকীদমক জপানদা নুমিৎ নিনিগী ওইবা খোঙচৎ অমা চৎলি।
ঐহাক্কী খোঙচৎ মনুংদা, হৌখিবা চহি 11 অসিদা লেপ্পা লৈতনা অমসুং মশক থোক্না খুমাং চাউশিল্লকখিবা ঐখোয়গী অখন্নবা স্ত্রেতেজিক অমসুং গ্লোবেল পার্তনরশিপকী মথংগী তাঙ্কক শেমগৎপদা ঐখোয়না মীৎয়েং থমগনি। ঐখোয়না ঐখোয়গী কোলাবোরেসনদা অনৌবা শাফু পীনবা হোৎনগনি, ঐখোয়গী ইকনোমিক অমসুং ইনভেস্তমেন্তকী মরীশিং পাকথোক চাউথোকহল্লগনি অমসুং AI অমসুং সেমিকন্দক্তরশিং য়াওনা অনৌবা অমসুং থোরক্লিবা তেক্নোলোজীশিংদা মতেং পীনবা হেনগৎহল্লগনি। খোঙচৎ অসিনা ঐখোয়গী সিভিলাইজেস্নেল বোন্দশিং অমসুং ঐখোয়গী মীয়াম্বু শম্নহল্লিবা কলচরেল বোন্দশিং মপাঙ্গল কনখৎহন্নবা খুদোংচাবা অমা ওইরগনি।
জপানদগী, ঐহাক্না রাস্ত্রপতি শী জিনপিংনা কৌরকপদা তিয়ানজিনদা শংঘাই কোওপরেসন ওর্গনাইজেসন সম্মিৎতা শরুক য়ানবা চাইনাদা চৎকনি। ভারত অসি SCOগী এক্তিব অমসুং কন্সত্রক্তিব মেম্বর অমনি। ঐখোয়গী প্রসিদেন্সীগী মতমদা, ঐখোয়না অনৌবা ৱাখল্লোনশিং পুথোকখি অমসুং ইন্নোবেসন, হকশেল অমসুং কলচরেল একচেঞ্জশিংগী লমদা পুন্না থবক তৌমিন্নবা হৌরকখি। ভারতনা SCOগী মেম্বরশিংগা লোয়ননা পুন্না থবক তৌমিন্নবা অমসুং লমদমসিগী ওইবা মতেং পীনবা হেনগৎহন্নবা লেপ্পা লৈতনা হোৎনরি। সম্মিৎ অসিগী নাকলদা রাস্ত্রপতি শী জিনপিং, রাস্ত্রপতি পুতিন অমসুং অতোপ্পা লুচিংবশিংগা উননবা ঐহাক্না আশা তৌরি।
ঐহাক্না থাজবা থম্লি মদুদি ঐহাক্কী জপান অমসুং চাইনা খোঙচৎ অসিনা ঐখোয়গী নেস্নেল ইন্তরেস্ত অমসুং প্রাইওরিতিশিং হেন্না খুমাং চাউশিলহল্লগনি অমসুং রিজনেল অমসুং গ্লোবেল শান্তি, সেক্যুরিতী অমসুং সস্তেনেবল দিবেলপমেন্তদা মাংলোমদা চঙশিনবদা মহৈ য়ানবা কোওপরেসন অমা শেমগৎপদা মতেং ওইরগনি।
***
(Release ID: 2161735)
Visitor Counter : 145
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam