இன்று மகள்களின் சேவைக்காகவும் அவர்களின் கல்விக்காகவும் ஒரு விடுதி திறக்கப்படுகிறது. இந்த விடுதியில் தங்கும் மகள்களுக்கு ஆசைகளும் கனவுகளும் இருக்கும், அவற்றை நிறைவேற்ற அவர்களுக்கு பல வாய்ப்புகள் கிடைக்கும். இது மட்டுமல்லாமல், இந்த மகள்கள் தங்கள் சொந்தக் காலில் நின்று திறமையானவர்களாக மாறும்போது, அவர்கள் இயல்பாகவே தேசத்தை கட்டியெழுப்புவதில் முக்கிய பங்கு வகிப்பார்கள், மேலும் அவர்களின் குடும்பங்களும் செழிக்கும். 

நண்பர்களே,

பெண்கள் விடுதியின் இரண்டாம் கட்டத்திற்கு அடிக்கல் நாட்ட நீங்கள் எனக்கு வாய்ப்பளித்தது எனது அதிர்ஷ்டம். இன்று, சமூகத்தின் அயராத முயற்சியால், 3 ஆயிரம் சிறுமிகளுக்கு சிறந்த வசதிகளுடன் கூடிய பிரமாண்டமான கட்டிடம் கிடைக்கிறது. பரோடாவிலும், 2 ஆயிரம் மாணவர்களுக்கான விடுதி கட்டுமானப் பணிகள் நடைபெற்று வருவதாகவும், அது நிறைவடையவுள்ளதாகவும் எனக்குச் சொல்லப்பட்டது. சூரத், ராஜ்கோட் மற்றும் மெஹ்சானாவிலும் இந்த வகையான கல்வி, கற்றல் மற்றும் பயிற்சிக்கான பல மையங்கள் கட்டப்பட்டு வருகின்றன. இந்த முயற்சிகளுக்கு பங்களிக்கும் அனைவரையும் பாராட்ட வேண்டும், ஏனென்றால் நமது நாடு சமூகத்தின் வலிமையால் மட்டுமே முன்னேறுகிறது. நான் முதலமைச்சரானபோது, கல்வித் துறையில் மகள்கள் மிகவும் பின்தங்கியிருப்பதை முதன்முறையாகக் கவனித்தேன், அது என் மனதைப் பாதித்தது. 25 ஆண்டுகளுக்கு முன்பு, நீங்கள் அனைவரும் எனக்கு ஆதரவளித்தீர்கள், முழு நிலைமையும் மாறியது. பெண்கள் கல்விக்காக நாங்கள் ரத யாத்திரை மேற்கொண்டதை நீங்கள் அனைவரும் நினைவில் வைத்திருக்கலாம். அதன் காரணமாக, இன்று பள்ளிகளின் உள்கட்டமைப்பு தேவைக்கேற்ப கட்டமைக்கப்பட்டுள்ளது. பள்ளிகள் நவீன வசதிகளைப் பெற்றன, அனைத்து வகையான அமைப்புகளும் உருவாக்கப்பட்டன, ஆசிரியர்கள் பணியமர்த்தப்பட்டனர். மேலும் சமூகமும் மிகுந்த ஆர்வத்துடன் பங்கேற்று அதன் பொறுப்பை நிறைவேற்றியது. இதன் விளைவாக, இன்று நாங்கள் பள்ளியில் சேர்த்த மகன்கள் மற்றும் மகள்கள் மருத்துவர்களாகவும், பொறியாளர்களாகவும் மாறிவிட்டனர், பள்ளி இடைநிற்றல் விகிதம் குறைந்துள்ளது, இது மட்டுமல்லாமல், குஜராத்தின் ஒவ்வொரு மூலையிலும் கல்விக்கான பசி விழித்தெழுந்துள்ளது.

நண்பர்களே,

கல்வியின் மிகப்பெரிய நோக்கம் சமூகத்திற்கு நேர்மறையான பங்களிப்புகளைச் செய்யும் மக்களை உருவாக்குவதும், அத்தகைய மக்களின் திறன்களை அதிகரிப்பதும் ஆகும். இன்று, இவை அனைத்தையும் பற்றி மிக வேகமாகப் பேசும்போது, அது பொருத்தமானதாகிவிட்டது. இப்போது நம்மிடையே திறன்களின் போட்டி இருக்க வேண்டும், திறமையின் போட்டி இருக்க வேண்டும். எப்படியிருந்தாலும், திறமை என்பது ஒரு சமூகத்தின் பலம். இன்று, இந்தியாவின் திறமையான மனிதவளத்திற்கான தேவை உலகம் முழுவதும் அதிகரித்துள்ளது. நாங்கள் செயல்படுத்தியுள்ள புதிய தேசிய கல்விக் கொள்கையில், மிகப்பெரிய முக்கியத்துவம் திறமைக்குத்தான். திறன் இந்தியா திட்டத்தை நாங்கள் தொடங்கியுள்ளோம். இதன் கீழ், பல்வேறு துறைகளில் கோடிக்கணக்கான இளைஞர்களுக்கு திறமையான மனிதவளத்தைத் தயாரிப்பதில் நாங்கள் பணியாற்றி வருகிறோம். 11 ஆண்டுகளுக்கு முன்பு, நம் நாட்டில் ஒரு சில புத்தொழில் நிறுவனங்கள்  மட்டுமே இருந்தன, இன்று இந்தியாவில் அவற்றின் எண்ணிக்கை 2 லட்சத்தை எட்ட உள்ளது. இதிலும், இவை  சிறிய நகரங்களிலும் உருவாகத் தொடங்கியுள்ளன. நாங்கள் முத்ரா திட்டத்தைத் தொடங்கினோம், வங்கிகளில் இருந்து கடன்கள் கிடைத்தன, உத்தரவாதம் இல்லாமல் கடன்கள் கிடைத்தன, இதன் காரணமாக 33 லட்சம் கோடி ரூபாய், இளைஞர்களுக்கு சுயதொழில் செய்வதற்காக வழங்கப்பட்டது.

நண்பர்களே,

இன்று உலகம் இந்தியாவின் உழைப்பையும் இந்தியாவின் திறமையையும் மதிக்கிறது, அதன் முக்கியத்துவத்தையும் புரிந்துகொள்கிறது. அதனால்தான் உலகின் பல்வேறு நாடுகளில் பல வாய்ப்புகள் உருவாக்கப்படுகின்றன. சுகாதாரம், கல்வி மற்றும் விண்வெளி போன்ற பல்வேறு துறைகளில் நமது இளைஞர்கள் தங்கள் சிறப்பைக் கொண்டு உலகை ஆச்சரியப்படுத்துகிறார்கள்.

நண்பர்களே,

நமது சமூகம் இப்போது விவசாயிகளின் சமூகம் மட்டுமல்ல, அது வணிகர்களின் சமூகமாகவும் மாறிவிட்டது என்று வணிகர்களிடம் கேட்டுக்கொள்கிறேன். ஒரு வணிகராக, எனது கடையில் உள்நாட்டுப் பொருட்கள் மட்டுமே கிடைக்கும் என்ற பலகையை வைக்க வேண்டும், உள்நாட்டுப் பொருட்களை வாங்க விரும்புவோர் எங்களிடம் வர வேண்டும், மேலும் உள்நாட்டுப் பொருட்களை மட்டுமே விற்க வேண்டும் என்று நான் கூறுகிறேன்.  ஆபரேஷன் சிந்தூர் மட்டும் தேசபக்தி அல்ல, இதுவும் தேசபக்தி தான். எனது இந்த உணர்வை நான் உங்களுக்கு தெரிவிக்கிறேன்; அதில் பங்களிப்பதன் மூலம் நீங்கள் நிச்சயமாக அதை செய்து முடிப்பீர்கள் என்று நீங்கள் உறுதியளிக்கிறீர்கள். உங்கள் அனைவருடனும் இருக்க எனக்கு வாய்ப்பு கிடைத்ததற்கு நான் மிகவும் நன்றியுள்ளவனாக இருக்கிறேன்.

***

(Release ID: 2160410)

AD/PKV/RJ