রেলৱে মন্ত্রালয়
দিৱালী অমসুং ছথকী অখন্নবা ত্রেন ১২,০০০+; ওক্তোবর ১৩ দগী ২৬ ফাওবগী ওনৱার্দ জর্নী অমদি নবেম্বর ১৭ তগী দিসেম্বর ১ ফাওবগী রিতর্ন জর্নীগী রিতর্ন তিকেত্তা ২০% দিস্কাউন্ত: অস্বিনি বৈষ্ণব
বিহারদগী দিল্লী, অমৃতসর, অমদি হায়দরবাদ ফাওবগী অনৌবা অমৃত ভারত এক্সপ্রেস ত্রেন মরি: রেলৱে মন্ত্রী
পুর্নিয়া অমদি পত্নাগী মরক্তা বন্দে ভারত এক্সপ্রেস; বাইসলি, হাজিপুর, সোনেপুর, পত্না, রাজগির, গায়া অমদি কোদর্মাগী মরক্তা বুদ্ধিস্ত সর্কিত ত্রেন: অস্বিনি বৈষ্ণব
বিহারগী অচৌবা রেল এক্সপান্সন: বুক্সার-লখিসরাই লাইন মরিগী কোরিদোর, পত্না রিং রেলৱে, সুল্তানগঞ্জ-দিওঘর রেল লিঙ্ক, অমদি পত্না-অয়োধ্যা ত্রেন ওইরগনি
Posted On:
21 AUG 2025 2:09PM by PIB Imphal
দিৱালী অমদি ছথ কুমহৈ মনুংদা পেসেঞ্জরশিংগী খুদোংচানবগীদমক ইন্দিয়ন রেলৱেজনা অখন্নবা ত্রেন ১২,০০০ হেন্না চেলহন্নবা ফিরেপ লৌরে।
রেল ভবন্দা পাউমী মীফম অমদা ৱা ঙাংলদুনা, রেলৱে মন্ত্রী অস্বিনি বৈষ্ণবনা বিহারগী উপ মুখ্য মন্ত্রী সম্রাত চৌধরী, এম.পি. দোক্তর সঞ্জয় জৈস্বাল, কেন্দ্র মন্ত্রী ললন সিংহ, অমদি এম.পি. সঞ্জয় কুমার ঝাগা তানরবা মতুংদা, লাক্কদৌরিবা দিৱালী অমদি ছথ কুমহৈগীদমক অখন্নবা থৌরাং শিন্নবা ফিরেপ লৌখিবনি হায়খি। পেসেঞ্জরশিংদা মখোয়না হল্লকপগী খোঙচত্তসু খুদোংচাবা পীগনি হায়না মহাক্না হায়খি।
মকোক থোংবা মীয়ামগী মীহুৎশিংগা তানরবা মতুংদা, দিৱালী অমদি ছথকী অখন্নবা ত্রেন ১২,০০০ হেন্না চেলহন্নবা ফিরেপ লৌরে। মসিগী মথক্তা, পেসেঞ্জরশিংনা মখোয়গী হল্লকপগী খোঙচত্তা খুদোংচাদবা অমত্তা মায়োক্নদনবা চেকশিন থৌরাংসু লৌখৎকনি হায়না মন্ত্রীনা হায়খি।
মহাক্না মখা তানা, ওক্তোবর ১৩ দগী ২৬ ফাওবগী ওনৱার্দ জর্নী অমদি নবেম্বর ১৭ তগী দিসেম্বর ১ ফাওবগী রিতর্ন জর্নীদা চৎলিবা পেসেঞ্জরশিংগী রিতর্ন তিকেত্তা ২০% দিস্কাউন্তসু পীগনি হায়না মহাক্না লাউথোকখি। থৌশিল অসি কুমহৈগী মতমদা চৎনহনগনি অমদি য়াম্লবা মীওইশিংদা কান্নবা পীগনি।
মসিগী মথক্তা, গায়াদগী দিল্লী, সহর্সাদগী অমৃতসর, ছপ্রাদগী দিল্লী, অমদি মুজফ্ফরপুরদগী হায়দরবাদ ফাওবদা অনৌবা অমৃত ভারত এক্সপ্রেস ত্রেন মরিসু চেনবা হৌরগনি। প্রভু বুদ্ধগা মরী লৈনবা মরুওইবা মফমশিং কোনশিনবা অমদি মিদ্দল-ক্লাস ইমুংশিংদা মরুওইনা খুদোংচাবা পীগদবা অনৌবা সর্কিত ত্রেন অমসু বাইসলি, হাজিপুর, সোনেপুর, পত্না, রাজগির, গায়া, অমদি কোদর্মা কোনশিন্দুনা হৌদোক্লগনি হায়না মন্ত্রীনা লাউথোকখি।
বুক্সার-লখিসরাই রেল সেক্সন ফোর-লাইন কোরিদোর অমা ওইনা পাকথোক চাউথোকহন্দুনা ত্রেন ওপরেসন হেনগৎপা য়াহল্লগনি। পত্নাগী অকোয়বদা রিং রেলৱে সিস্তেম অমা শেমগৎলগনি। সুল্তানগঞ্জ অমদি দিওঘর রেলনা শম্নহল্লগনি। পত্না অমদি অয়োধ্যগী মরক্তসু অনৌবা ত্রেন সর্ভিস অমা চেনবা হৌরগনি। লৌকাহা বজারদা ৱাসিং পিত ফেসিলিতী অমা শেমগৎলগনি, অমদি বিহারগী নৌনাা অয়াবা পীরবা রোদ ওভরব্রিদ্জ কয়াগী থবকসু পায়খৎলগনি, হায়না শ্রী অস্বিনি বৈষ্ণবনা মখা তাখি।
বিহারগী উপ-মুখ্য মন্ত্রী সম্রাত চৌধরী, কেন্দ্র মন্ত্রী রাজিব রঞ্জন সিংহ এলিয়স ললন সিংহ, এম.পি. দোক্তর সঞ্জয় জৈস্বাল, অমদি এক.পি. সঞ্জয় কুমারনা বিহারগী অহেনবা প্রোজেক্তশিং অয়াবা পীবিবগীদমক, অমদি অমৃত ভারত অমসুং বন্দে ভারত য়াওনা অনৌবা ত্রেন কয়ামরুম হৌদোকপিবগীদমক প্রধান মন্ত্রী নরেন্দ্র মোদীগী মফমদা থাগৎপা ফোঙদোকখি।
*****
(Release ID: 2159233)