প্রধানমন্ত্রীগী লোইশঙ
চাইনাগী ফোরেন মিনিষ্টর ৱাং য়িনা প্রধান মন্ত্রী নরেন্দ্র মোদী উনখ্রে
লৈবাক অনিগী মরীশিংগীদমক ঙমখৈদা শান্তি অমসুং ইং-তপ্পা পুরকপগী মরুওইবা প্রধান মন্ত্রীনা ফোঙদোকখ্রে
হৌখিবা চহিদা কজান্দা মহাক্না রাষ্ট্রপতি সিগা উনবদগী লৈবাক অনিগী মরীশিং ফিবম ফগৎলকপদা প্রধান মন্ত্রীনা তরাম্না ওকখ্রে
এস.সি.ও সম্মিৎ শরুক য়ানবা রাষ্ট্রপতি সিনা পীরকপা চেপাউ প্রধান মন্ত্রীনা য়ারে
প্রধান মন্ত্রীনা হায়খি তংদু-লৈতাবা, তম্বা ঙম্বা অমসুং অফবা লৈবাক অনিগী মরীশিংনা লমদম অসিগী অমসুং মালেমগী শান্তি অমসুং নুংঙাই য়াইফবা পুরকপদা মপুংফানা মতেং পাংগনি
Posted On:
19 AUG 2025 7:38PM by PIB Imphal
ঙসি প্রধান মন্ত্রী শ্রী নরেন্দ্র মোদীনা কম্মুনিষ্ট পার্তিগী পোলিতবুরোগী মেম্বর অমসুং চাইনাগী ফোরেন মিনিষ্টর ৱাং য়ি তরাম্না ওকখ্রে।
তিয়াঞ্জিন্দা পাংথোক্কদৌরিবা এস.সি.ও সম্মিৎগীদমক রাষ্ট্রপতি সিনা পীরকপা পাউজেল অমসুং চেপাউ ৱাং য়িনা খুৎশীন্নখি। মপান থৌরমগী মন্ত্রী দোক্তর এস. জয়সঙ্করগা লোয়ননা পাংথোকখিবা লৈবাক অনিগী মীফমদা খন্নখিবা ৱাফমশিং অমসুং নেসনেল সেকুরিতি এদভাইজর অজিৎ দোবালগী খোঙচৎ মনুংদা মহাক্না কো-চিয়ার ওইদুনা পাংথোকখিবা অখন্নবা মীহুৎশিংগী ২৪শুবা মীফমদা খন্নখিবশিংসু মহাক্না পাউদমখি।
ঙমখৈদা শান্তি অমসুং ইং-তপ্পা পুরকপগী মরুওইবা প্রধান মন্ত্রীনা ফোঙদোকখ্রে অমসুং ঙমখৈগী মতাংদা ফজবা, মরম চাবা অমসুং নাকল অনিমক্না য়ানবা ৱারোইশিন পুরকপদা ভারতনা থম্লিবা থাজবা অদু অমুক হন্না ফোঙদোকখি।
কাইলাস মনসরোবর যাত্রা য়াওনা, অমনা অমবু ইকায়খুম্নবা, লৈবাক অনিমক্না ৱাখল তামিন্নবনা লমজিংদুনা, হৌখিবা চহিদা কজান্দা মহাক্না রাষ্ট্রপতি সিগা উনবদগী লৈবাক অনিগী মরীশিং ফিবম ফগৎলকপদা প্রধান মন্ত্রীনা তরাম্না ওকখ্রে।
এস.সি.ও সম্মিৎ শরুক য়ানবা রাষ্ট্রপতি সিনা চেপাউ পীরকপগীদমক প্রধান মন্ত্রীনা রাষ্ট্রপতি সি থাগৎপা ফোঙদোকখি অমসুং মহাক্না য়ারে হায়না ফোঙদোকখি। চাইনানা এস.সি.ও সম্মিৎকী প্রসিদেন্ত ওইবা অদু শৌগৎপা ফোঙদোক্লদুনা, প্রধান মন্ত্রীনা হায়খি তিয়াঞ্জিন্দা রাষ্ট্রপতি সিগা মহাক্কা উনগনি। প্রধান মন্ত্রীনা হায়খি তংদু-লৈতাবা, তম্বা ঙম্বা অমসুং অফবা লৈবাক অনিগী মরীশিংনা লমদম অসিগী অমসুং মালেমগী শান্তি অমসুং নুংঙাই য়াইফবা পুরকপদা মপুংফানা মতেং পাংগনি।
***
(Release ID: 2158236)
Read this release in:
Odia
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam