৭৯শুবা নীংতম নুমিত্তা, প্রধান মন্ত্রী মোদীনা লৈবাক্কী মফমদা ৱা ঙাংলদুনা, ভারতকী মরোমদোম লেপচবা অমদি অওনবা পুরকপগী খোঙচৎপু শিংথাখি। হৌখিবা দেকেদ অসিদা, ভারতনা অওনবা পুরক্লি, থবক পায়খৎলি, অমদি অহোংবা পুরক্লি, অদুবু অহেনবা পাঙ্গলগা লোয়ননা মাঙদা চঙশিন্নবা মতম অদু হৌজিক য়ৌরক্লে হায়না মহাক্না হায়খি। লৈঙাক অসিনা লো, রিগুলেসন, অমদি প্রোসেসশিং লায়থোকহনবা, ওন্ত্রপ্রিন্যুরসিপ্পু পুক্নিং থৌগৎপা, অমদি ভারত মচা খুদিংমক্না বিক্সিত ভারত অমা শেমগৎপদা থৌদাং য়াবা ঙম্বা মতমগা চুনবা, মতিং লৈবা অমদি মীয়ামগা চুনবা ইকোসিস্তেম অমা শেম্ননবা লেপ্লি হায়না মহাক্না ফোঙদোকখি।

লো অমসুং কমপ্লাইএন্স লায়থোকহনবা

মহাক্কী ৱারোলদা, প্রধান মন্ত্রী মোদীনা হৌখিবা চহি খরসিদা লৈঙাক অসিনা পুৱারী ওইগদবা মওংগী রিফোর্ম অমা পায়খত্তুনা, মথৌ তাদবা কমপ্লাইএন্স ৪০,০০০ হেন্না মুত্থৎখ্রে অমদি মতমগা চুনদ্রবা লো ১,৫০০ হেন্না চৎনহনখিদ্রে। অতোপ্পা লো দজন কয়াসু পার্লিয়ামেন্ততা লায়থোকহন্দুনা মীয়ামগী য়াইফনবা হায়বসিনা মতম পুম্বদা মাঙদা থমদুনা চৎলি হায়খি।

হন্দক্কী সেসন অসিখক্তদা, হান্না লৈরম্বা প্রোভিজন ২৮০ হেন্না লৌথোক্তুনা লৈঙাক্লোনবু ভারতকী মচা খুদিংদা হেন্না লায়হেল্লে অমদি লায়না ফংবা য়াহল্লে। প্রধান মন্ত্রী মোদীনা রিফোর্মশিং অসি শেন্মিৎলোনখক্তগী ৱাফম নত্তে, মসি লৈবাক মীয়াম পুম্নমক্কী নুংতিগী পুন্সিদা অহোংবা পুরকপগী ৱাফম্নি।

মহাক্না থমখিবা মরুওইবা ফংবা ঙমখ্রবা খরদি:

• ইনকম তেক্স রিফোর্ম অমদি ফেসলেস এসেসমেন্ত, সিস্তেম অসিবু ত্রান্সপেরেন্ত অমদি ইফিসিএন্ত ওইহন্বা
• চহিগী শেন্থোক লুপা লাখ ১২ ফাওবদা লৈবশিংগী জিরো তেক্স, চহি খরগী মমাঙদা ওইরক্কনি খল্লুদবা কান্নবা অমা
• মতমগা চুনদ্রবা ক্রিমিনেল লোশিংবু ভারতিয় ন্যায় সমহিতানা মহুৎ শিন্দোক্তুনা অচুম্বা ৱাযেল অমদি লিগেল প্রোসিজরশিং লায়থোকহল্লে

হায়রিবা রিফোর্মশিং অসিনা মীচম মীয়াম্না লায়না, অচুম্বা মওংদা, অমদি মপাঙ্গল লৈনা খুদোংচাবা ফংজবা য়াবা মতমগা চুনবা, মীয়ামদা য়ুম্ফম ওইবা লৈঙাক অমগী মায়কৈতা পুরক্লি। প্রধান মন্ত্রী মোদীনা ভারতনা স্ত্রকচরেল, রিগলেতরী, পোলিসীো প্রোসেস, অমদি প্রোসিজরেল রিফোর্ম পুরক্তুনা লৈঙাক্লোন্না মীয়ামগীদমক থবক তৌবা, অদুগা মদুগী ওন্ন-তৈনবা নত্তবা লৈবাক অমা শেমগৎনবা লেপ্লি হায়খি।

ওন্ত্রপ্রিন্যুর অমসুং MSMEs মপাঙ্গল হাপ্পা

লৈঙাক্না পায়খৎলিবা রিফোর্মশিং অসিনা স্তার্তঅপ, MSMEs, অমদি ওন্ত্রপ্রিন্যুরশিংগী কমপ্লাইএন্স কোস্ত হন্থহন্দুনা, মতমগা চুনদ্রবা লিগেল প্রোভিজনশিংনা অকিবা লৈহল্লম্বা অদুদগী মনিং তমহনবনি। মসিনা বিজিনেস চাওখৎহন্নবা, ইনোভেসন পুক্নিং থৌগৎনবা, অমদি শেন্মিৎলোন্দা মরোমদোম লেপচবা ঙমহন্নবা হেন্না চুনবা ফীভম অমা শেম্লি।

নেক্স-জেনেরেসন রিফোর্ম্স অমদি তাস্ক ফোর্স

প্রধান মন্ত্রী মোদীনা শেন্মিৎলোনগী থবক থৌরমশিংগা মরী লৈনবা লো, রুল্স অমদি প্রোসিজর পুম্নমক নৈননবা নেক্স-জেনেরেসর রিফোর্মসকী তাস্ক ফোর্স অমা শেম্নবা ৱাফম লাউথোকখ। তাস্ক ফোর্স অসিনা অপীবা মতম অমগী মনুংদা মখাগীশিং অসি ফংনবা থবক তৌগনি:

• স্তার্তঅপ, MSMEs, অমদি ওন্ত্রপ্রিন্যুরশিংগী কমপ্লাইএন্স কোস্ত হন্থহনবা
• মরম চাদবা লিগেল এক্সনশিংনা পীরম্বা অকিবদগী মনিং তমহনবা
• ইজ ওফ দুইং বিজিনেস মওং মরিল নাইহন্নবা লোশিং থম্বা

হায়রিবা রিফোর্মশিং অসিনা ইনোভেসন, ওন্ত্রপ্রিন্যুরসিপ, অমদি শেন্মিৎলোন চাওখৎহন্নবা ঙাক্লৌ পীবা ঙম্বা ইকোসিস্তেম অমা শেমগৎনবা পান্দম থম্লি।

নেক্স-জেনেরেসন GST রিফোর্ম্স

প্রধান মন্ত্রী মোদীনা নুংতিগী শীজিন্নবা পোৎলমশিংদা লৈরম্বা খাজনাগী চাং হন্থহন্নবা হন্দক্কী দিৱালী ফাওবদা নেক্স-জেনেরেসন GST রিফোর্ম্স পুরক্লগনি হায়না লাউথোকখি। “লৈঙাক অসিনা মীচম মীয়ামদা লৈরম্বা খাজনাগী পোৎলুম হন্থহনগদবা নেক্স-জেনেরেসন GST রিফোর্ম্স পুরক্লগনি। মসিনা অদোমগী দিৱালীগী খুদোল অমা ওইগনি,” হায়রদুনা হায়রিবা রিফোর্মশিং অসিনা মীয়ামদা হকথেংননা কান্নহনগনি অমদি শেন্মিৎলোনগী থবক থৌওংশিং হেনগৎহনগনি হায়না মহাক্না ফোঙদোকখি।

তুংগী মীৎয়েঙ

প্রধান মন্ত্রী মোদীনা অতোপ্পগী তৌবা ঙমদবশিংদা মীৎয়েঙ থম্বগী মহুত্তা, ভারতনা মশাগী খোঙজেলগী ঙমখৈ পাকথোক চাউথোকহনগদবনি হায়বা ৱাফম ফোঙদোকখি। মশাগী কান্ননবা শেন্মিৎলোনগী ৱাখল্লোন ৱাংখৎলক্লিববা মালেম অসিদা থমগদৌরিবা মীৎয়েঙ অসি ভারতকী মতিং হেনগৎহনবা, খুদোংচাবা পাকথোক চাউথোকহনবা, অমদি মীয়ামবু মপাঙ্গল হাপ্পদা ওইগদবনি। হায়রিবা রিফোর্মশিং অসিনা লৈঙাক্লোন্দা অহোংবা পুরক্নবগী খোঙজেল য়াঙ্খৎহল্লবা তাঙ্কক অমগী খোঙহৌ ওইদুনা ভারতপু হেন্না খাঙবা কনবা, পুম্নমক কোনশিনবা, অমদি মালেমগী ওইনা চাংদম্নবা ঙম্বা লৈবাক ওইহনগনি।

*****