প্রধান মন্ত্রী শ্রী নরেন্দ্র মোদীনা ঙসি দিল্লীগী লাল কিলাগী লানবনদগী ৭৯শুবা নীংতম নুমিৎকী থৌরমদা জাতিদা ৱা ঙাংখ্রে। শ্রী  মোদীনা লাল কিলাদগী জাতিদা ৱা ঙাংখিবা অদু মিনিৎ ১০৩ শাংবা, ২০৪৭ ফাওবদা ভিক্সিৎ ভারত অমা ওইনবগীদমক অচৌবা রোদমেপ অমা য়াৎলিবা খ্বাইদগী শাংবা অমসুং খ্বাইদগী অচৌবা ৱারোল পীবা ওইখি। প্রধান মন্ত্রীগী ৱারোল অদুনা মশা মরোমদোম লেচবা, ইন্নোভেসন অমসুং প্রজাদা শক্তি পীবদা মীৎয়েং থমদুনা মসিনা অতোপ্পদা মীপাল তাংলম্বা লৈবাক অমদগী মালেমগী থাক্তা থাজবা লৈবা, তেক্নোলোজীদা খুমাং চাউশিনবা অমসুং শেন্মীৎলোনদা মপাঙ্গল কনবা লৈবাম অমা ওইরকপগী ভারতকী খোঙচৎ অদু উৎলি।

শ্রী মোদীনা ভিক্সিৎ ভারত ২০৪৭ অমগীদমক ভিজন অদু থম্লদুনা ভারতকী খুমাং চাউশিনবা অসি মশা মরোমদোম লেপচবা, ইন্নোভেসন অমসুং প্রজাদা শক্তি পীবদা য়ুম্ফম ওই হায়বদা মীৎয়েং চংখি। মহাক্না হায়খি মদুদি স্ত্রেতেজিক দিফেন্সতগী হৌরগা সেমিকন্দক্তরশিং, ক্লীন ইনর্জীদগী লৌউ-শিংউ অমসুং দিজিতেল সোভরেন্তীদগী নহারোলদা শক্তি পীবা লম কয়ামরুম অসিদা রোদমেপ অসিনা ভারতপু মালেমগী থাক্তা লম্বা তৌনবা ঙম্বা, সোসিএল্লী ইনক্লুসিব ওইবা অমসুং ত্রেতেজিকেল্লী ওতোনোমস ওইবা ওইহন্দুনা ভারতপু ত্রিলিয়ন দোল্লর ১০গী ইকনোমী অমদা ২০২৭ ফাওবদা ওন্থোক্নবা পান্দম থম্মি।

প্রধান মন্ত্রীগী ৱারোল অদুদগী মরু ওইবা ৱাফমশিং মখাদা পীরি।

১. জেনরেল

• নীংতম্বা ফংবগী অচৌবা কুহ্মৈ অসি ঐখোয়গী মীওই কোতি ১৪০গী ফিরেপশিংগী কুহ্মৈ অমনি।
• লৈবাক অসিনা অমত্তা ওইবগী ৱাখল্লোন অসিবু লেপ্পা লৈতনা মপাঙ্গল কনখৎহল্লি।
• চহি ৭৫গী মমাংদগী ভারতকী সংবিধান্না ঐখোয়দা লমজিং মৈরা অমা ওইনা লমজিংদুনা লাক্লি।
• ভারতকী সংবিধানগীদমক মহাক্কী পুন্সি কত্থোকখিবা লৈবাক অসিগী অহানবা শক্নাইরবা মীওই অসি দা. শ্যামা প্রসাদ মকর্জীনি।
• মহৌশা অসিনা ঐখোয় পুম্নমকপু চাংয়েং তৌরি। হৌখিবা নুমিৎ খরনি অসিদা, ঐখোয়না মহৌশাগী খুদোংথিবা কয়া মায়োক্নখি – চীং নীংখাইবা, ক্লাউদব্রস্ত অমসুং মশিং লাকঙমদ্রবা খুদোংথিবশিং।
• ঙসি অসি ঐহাক্না লাল কিলাগী লানবনদগী ওপরেসন সিন্দুরগী থৌনা ফরবা লান্মীশিংবু ইকায় খুম্নবা উৎনবগী খুদোংচাবা অমা ওইরি।
• ভারতনা হৌজিক ৱারেপ লৌরে মদুদি ঐখোয়না মতম শাংনা খাংদুনা লাকখিবা ন্যুক্লিয়র থ্রেতশিং অসিবু মখা তানা খাংদুনা লৈররোই।
• করিগুম্বা ঐখোয়গী য়েক্নবশিংনা তুংলমচৎতা তেরোরিজমগী থৌওং চত্থনবা হোৎনরকপা তারবদি, ঐখোয়গী লান্মীনা মখোয়গী মশাগী তর্মশিংদা, মখোয়না খঞ্জবা মতমদা, মতিক চাবা মওংদা, অমসুং মখোয়না খনগৎলবা পান্দমশিং অদু তার্গেৎ তৌগনি অমসুং ঐখোয়না মদুগী মতুং ইন্না থবক তৌগনি। ঐখোয়না মতিক চাবা অমসুং অকিবা লৈতবা পাউখুম অমা পীরগনি।
• ভারতনা হৌজিক ৱারেপ লৌরে মদুদি ঈ অমসুং ঈশিং পুন্না চেলহল্লোই। ইন্দস ৱাতর্স ত্রিতি অসি কয়া য়াম্না অরানবনি হায়বসি লৈবাক অসিগী মীয়াম্না হৌজিক মপুং ফানা খঙলে। ইন্দস রিভর সিস্তেমগী ঈশিংনা য়েক্নবগী লমশিংগী ইরিগেসনদা শীজিন্নরি অমরোমদা ঐখোয়গী লৌমীশিংনা অৱাবা মায়োক্নরি।
• ঐখোয়গী লৌমীশিংগী অমসুং লৈবাক অসিগী য়েংলগা ইন্দস ৱাতর ত্রিতি অসি ঐখোয়না য়াবা ঙমলোই।
• ভিক্সিৎ ভারত অমগী য়ুম্ফম অসি আত্মনিভর ভারত অমসুনি।
• মীপাল তাংবা অসি হৈনবী ওইরকপা মতমদা, অমসধং ঐখোয়না ইশানা ফাওবা খঙহৌদনা মীপাল তাংদবা ওইরম্বা অদু থাদোক্তুনা অতোপ্পগী মখা পোনবা হৌরকপা মতমদা খুদোংথীবা লাকই।
• মশা-মরোমদোম লেপচবা ঙম্বা অসি ঐখোয়গী তৌবা ঙম্বগা মরী লৈনৈ, অমসুং করিগুম্বা মশা-মরোমদোম লেপচবা ঙম্বা অসিনা হন্থরকপা হৌরক্লবদি, তৌবা ঙম্বসু লেপ্তনা হন্থরকই। মরম অদুনা, ঐখোয়গী তৌবা ঙম্বশিং ঙাক-শেন্দুনা থম্নবা অমসুং হেন্না ফগৎহন্নবগীদমক, ঐখোয় মশা-মরোমদোম লেপচবা ঙম্বা হায়বসি তঙাইফদে।
• ভারতনা সেক্তর খুদিংমক্তা মোদর্ন ইকোসিস্তেম অমা শেমগৎলি অমসুং মোদর্ন ইকোসিস্তেম অসিনা লম খুদিংমক্তা ঐখোয়গী লৈবাক অসিবু মশা-মরোমদোম লেপচবা ঙমহনগনি।
• “ঐহাক্না লৈবাক অসিগ নহাশিংদা মখোয়গী ইন্নোভেতিব আইদিয়াশিং পুথোক্নবা হায়জরি। ঙসিগী আইদিয়ানা তুংগী মীরোলগী তুংলমচৎ শেম্বা ঙমগনি। খোঙচৎ অসিদা নখোয়গা লোয়ননা ঐহাক্না পুন্না চৎমিন্নগনি”, হায়না শ্রী মোদীনা ফোংদোকখি
• মালেম শিনবা থুংবদা ইন্দিজিনস ভেক্সিনশিং অমসুং কোৱিনগুম্বা প্লেতফোর্মশিং য়াওবা ভারতকী কোবিদ-১৯ রেস্পোন্দতগী ইথিল লৌদুনা ঐখোয়না ইন্নোভেসনগী ৱাখল্লোন অসি পাকথোক চাউথোকহনগদবনি।
• ঐখোয়গী সাইন্তিস্তশিং অমসুং নহারোলশিংনা হকথেংননা শীংনবা অমা ওইনা লৌদুনা মশাগী জেৎ ইঞ্জিনশিং শাগদবনি।
• রিসর্চরশিং অমসুং ওন্তপ্রিন্যুওরশিংনা অনৌবা দ্রগশিং অমসুং মেদিকেল তেক্নোলোজীশিংগীদমক পেতেন্তশিং শেমগৎক্তুনা ভারতনা মশাগী হেল্থকিয়রগী মথৌ তাবশিং থুংহনবা ঙম্বা ওইহনবতা নত্তনা মেদিকেলদা মশা মরোমদোম লেপচবা ঙম্বা অমসুং ইন্নোভেসনগী গ্লোবেল অমসু ওইহন্দুনা লৈবাক অসিনা সাইন্স, তেক্নোলোজী অমসুং মীওইবগী য়াইফনবগী লমদা লমজিংবা ঙম্বগী লৈবাক্কী মতিক অদু উৎসি।
• নেস্নেল মেনুফেকচরিং মিসন অসি য়াম্না থুনা খুমাং চাউশিল্লি।
• ভারতকী বজেৎকী য়াম্লবা শরুক অমা মপালদগী পেত্রোল, দিজল অমসুং গ্যাস পুশিল্লকপদা চৎলি। নেস্নেল দীপৱাতর এক্সপ্লোরেসন মিসন অসি ভারতকী সমুদ্র খোঙবানগী ইনর্জী রিসোর্সশিং শিজিন্ননবা হৌদোক্কনি, মসিনা মপালগী ফ্যুএল ইম্পোর্তশিংদা মীপাল তাংবা হন্থহনগনু অমসুং ইনর্জীদা মশা মরোমদোম লেপচনবা পুক্নিং থৌগৎতুনা মপুং ফানা মীপাল তাংবা অমসুং শক্তি লৈবা  ভারত অমা ওইহন্নবা মাইকৈদা খোঙথাং অমা ওইরগনি।
• প্রজাশিং অমসুং দুকান মপুশিংনা “ভোকেল ফোর লোকেল” ইনিসিএতিবকী মখাদা ভারত্তা শাবা পোৎশিং পুক্নিং থৌগৎকদবনি।
• স্বাদেশী অসি চাউথোকচবা অমসুং মপাঙ্গদলগী লাক্কদবনি, কমপলজন ওইহল্লোইদবনি।
• ঐখোয়না মশা মরোমদোম লেপচনবা, ওন্তপ্রিন্যুওরশিও থৌগৎনবা অমসুং ভারতকী ইকনোমিক অমসুং ইন্দস্ত্রিএল বেজ মপাঙ্গল কনখৎহন্নবা ভিজিবল প্রমোসনগীদমক হোৎনগদবনি।
• ভারতকী মপাঙ্গল অসি মাগী মীয়াম, ইন্নোভেসন অমসুং মশা মরোমদোম লেপচবা ঙম্নবা ফিরেপতা য়ুম্ফম ওই।
• হৌখিবা চহি তরা অসিদা রিফোর্ম, পর্ফোর্ম, অমসুং ত্রান্সফোর্ম তৌখি। অদুবু হৌজিক্তি, ঐখোয়না ঐখোয়গী হোৎনবা অসিদা অনৌবা পাঙ্গল হাপকদবনি।
• ঐখোয়গী সরকারনা লো, রিগুলেসন, প্রোসেস অসি হেন্না লাইথোকপা, ওন্তপ্রিন্যুওরশিপ অসি পুক্নিং থৌগৎপা অমসুং ভারত মচা খুদিংমক্না ভিক্সিৎ ভারত অমা শেমগৎপদা শরুক তম্বা, মোদর্ন, ইফিসিএন্ত অমসুং সিতিজেন-ফ্রেন্দলী ইকোসিস্তেম অমা শেম্নবা হোৎনরি।
• মথংগী জেনরেসনগী রিফোর্মশিংগীদমক্তা ঐখোয়না তাস্ক ফোর্স অমা শেম্নবা ৱারেপ লৌরে। হায়রিবা তাস্ক ফোর্স অসিনা হৌজিক লৈরিবা কাংলোনশিং, আইনশিং, পোলিসীশিং অমসুং থৌওংশিং অসি য়েংশিনগনি। তাস্ক ফোর্স অসিনা অকক্নবা মতমগী মনুংদা থবক তৌগনি, থবক অদুদি:
  • স্তার্তঅপশিং, এম.এস.এম.ই.শিং অমসুং ওন্তপ্রিন্যুওরশিংগীদমক কমপ্লায়েন্সকী শেনফম হন্থহনবা
  • আর্বিত্রেরী লিগেল এক্সনশিংগী অকিবদগী নীংতম্বা ফংহনবা
  • ইজ ওফ দুইং বিজিনেসকীদমক স্ত্রীমলাইন তৌনবা লোশিং থম্বা
• রিফোর্মশিং অসিনা ইন্নোভেসন, ওন্তপ্রিন্যুওরশিপ অমসুং ইকনোমিক গ্রোথকীদমক সপ্পোর্তিব ইকোসিস্তেম অমা শেম্নবা পান্দম থম্মি।
• সোসিএল জস্তিস ফংহন্নবা সেচুরেসন এপ্রোচ অমগা লোয়ননা ঐখোয়না থবক তৌরি।
• ঙসিদি, সরকারনা নহাক্কী য়ুমদা সেচুরেসন এপ্রোচ অমগা লোয়ননা লাক্লি। কান্নবা ফংলবা মীওই করোর কয়া সরকারগী স্কিমশিংগী কান্নবা ফংলি, অমসুং দাইরেক্ত বেনিফিৎ ত্রান্সফর অসি তশেংনা রিভোলুস্নরী ওইবা খোংথাং অমনি।
• হৌখিবা চহি ১০দা লায়রবা মীওই কোতি ২৫ হেনবনা লায়রবা অসিদগী থোরকপা ঙমখ্রে অমসুং অনৌবা নিও মিদ্দল ক্লাস অমা শেমখ্রে।
• ঐখোয়না খুন্নাইগী শোত্থরবা কাংলুপশিংগী খক্তা খনবা নত্তনা ঐখোয়না এস্পিরেস্নেল অমসুং ব্লোক প্রোগ্রামশিংগী খুত্থাংদা শোত্থরবা লমদমশিংদা মীৎয়েং চংবা পাম্মি।
• ৱভারতনা মখা তানা মাগী নেস্নেল ইন্তরেস্তশিংদা য়াশিন্নবা তৌররোই অমসুং ওপরেসন অসিনা লৈবাক অসিনা ইন্দিজিনস তেক্নোলোজী অমসুং দিফেন্স প্লেতফোর্মশিংদা মপুং ফানা মখা পোন্দুনা অপনবা লৈতনা হৈশিংনা থবক পাংথোকপা ঙম্বগী মতিক উৎলি।
• লৈবাক অমনা অতোপ্পদা মখা পোনবগা লোয়ননা, মাগী নীংতম্বগী মতাংদা ৱাহং লাকই। মীপাল তাংবা অসি হৈনবী ওইরকপা মতমদা, খুদোংথীবা লাকই। মরম অদুনা মীপাল তাংদবা ওইনবগীদমক মীওই অমনা মতম পুম্নমক্তা চেকশিন্না লৈগদবনি। মীপাল তাংদবা হায়বসি ইম্পোর্ত অমসুং এক্সপোর্ত, নৎত্রগা রুপি, পাউন্দ অমসুং দোল্লর খক্তদা য়ুম্ফম ওইদে।
• রিফোর্মশিং অসি শেন্মিৎলোনগী মায়কৈ খক্তদা অকক্নবা ওইদ্রে। ঐখোয়না নাগরিকশিংগী পুন্সিদা লাইথোকহন্নবগীদমক রিফোর্মশিং পায়খৎলি।
• ঐখোয়গী সরকারনা লৌখৎখিবা রিফোর্মশিংনা মীচম মীয়াম্না লায়না, খেন্নবা লৈতবা অমসুং শক্তি লৈবগী এক্সপরিয়েন্স ফংনবা মোদর্ন, সিতিজেন-সেন্ত্রিক গভর্নমেন্ত অমগী খুদম ওইরি।
• স্ত্রকচরেল রিফোর্মশিং, রেগুলেতরী রিফোর্মশিং, পোলিসী রিফোর্মশিং, প্রোসেস রিফোর্মশিং, নৎত্রগা কন্সতিত্যুস্নরি রিফোর্মশিংগী তঙাইফদবা ওইগেরা, ঐখোয়না ঙসিদি মখল খুদিংমক্কী রিফোর্মশিং অসি ঐখোয়গী মিসন ওইহল্লে।
• ঐখোয়না অতোপ্পশিংবু মাং-তাকহনবদা ঐখোয়গী ইনর্জী শিজিন্নরোইদবনি। মদুগী মহুত্তা, ঐখোয়না ঐখোয়গী ইনর্জী পুম্নমকপু ঐখোয়গী ইশাগী তৌবা ঙম্বশিং অমসুং মায় পাকপশিংবু হেন্না ফগৎহনবদা শিজিন্নগদবনি।
• শেন্মিৎলোনদা ইশাগী কান্নবা য়েংবা হেনগৎলক্লিবা মালেম অমদা ভারতকী তৌবা ঙম্বশিং মপাঙ্গল কনখৎহনবা, খুদোংচাবশিং হেনগৎহনবা অমসুং প্রজাশিংদা শক্তি পীবদা ঐখোয়না মীৎয়েং থমগদবনি। রিফোর্মশিং অসি গভর্নান্স ত্রান্সফোর্মেসনগী অহৌবা তাঙ্কক অমনি মসিনা ভারতপু হেন্না মপাঙ্গল কনবা, ইনক্লুসিন ওইহনগনি।
• ভারত মচা খুদিংমক্না লৈবাক শেমগৎপদা শরুক তমগদবনি, ভারত্তা শাবা পোৎ লৈবা নত্ত্রগা সাইন্তিফিক, তেক্নোলোজিকেল অমসুং ওন্তপ্রিন্যুওরিএল ভেঞ্চরশিং ওইরবসু মসিনা নীংতম্বা ফংবগী চহি চামা শুরকপদা চাউখৎপা, শক্তি লৈবা অমসুং ভিক্সিৎ ভারত অমা ওইহনগনি।
• চাউখৎলবা ভারত অমা শেমগৎনবা, ঐখোয়না লেপকদবনি, ঐখোয়না কন্না হোৎনগনি অমসুং ২০৪৭দা ঐখোয়গী মীৎ মমাংদা চাউখৎলবা ভারত অমা শেমগৎকনি।
• ঐখোয়গী পুন্সিদা, ঐখোয়গী সিস্তেমশিংদা, ঐখোয়গী কাংলোনশিং, আইনশিং অমসুং চৎনবীশিংদা মীখা পোনবগী পোৎলম অমা ফাওবা য়াওহনবা অসি ঐখোয়না য়াহল্লোই। ঐখোয়না মখল খুদিংমক্কী মীখা পোনবগী ৱাখল্লোন অসিদগী মনীংতম্নবা ঐখোয়না চপ চানা লেপকদবনি।
• ঐখোয়না ঐখোয়গী হেরিতেজ অসিদা চাউথোকচবা পোক্কনি। ঐখোয়গী মশক মওং-মতৌগী খ্বাইদগী চাউবা লৈতেং, খ্বাইদগী চাউবা লিককোল, খ্বাইদগী চাউবা লুহুপ অসি ঐখোয়গী হেরিতেজনি, ঐখোয়না ঐখোয়গী হেরিতেজ অসিদা চাউথোকচবা পোক্কনি।
• অমত্তা ওইবসি পুম্নমক্কী মরক্তা খ্বাইদগী শক্তি লৈরবা মন্ত্রনি অমসুং মরম অদুনা অমত্তা ওইবগী লংলা অসি কনাগুম্বা অমত্তনা থদৎপা তৌরোই হায়বসি ঐখোয়গী অপুনবা ৱারেপ ওইগনি।

২. ঙাকশেল মন্ত্রালয়

• ওপরেসন সিন্দুর অসি ভারতকী ঙাকশেলগী মশা মরোমদোম লেপচবা ঙম্বা অমসুং ঐখোয়গী স্ত্রেতেজিক ওতোনোমীগী খুদম অমনি।
• ঐখোয়না ঙাকশেলগী লমদা মশা মরোমদোম লেপচনবা চহি তরা অসিদা ঐখোয়গী লেপ্পা লৈতবা মিসনগী ফলশিং অদু ওপরেসন সিন্দুরদা উৎখি।
• মেক-ইন-ইন্দিয়াগী খুৎলাইশিং শিজিন্নদুনা ওপরেসন অসিনা তেরর নেৎৱার্কশিং অমসুং পাকিস্তান-বেজ ইনফ্রাস্ত্রকচর থুগাইখি, মসিনা ভারতনা মখা তানা ফোরেন তর্মশিংদা ন্যুক্লিয়র ব্লেকমেল নত্ত্রগা থ্রেতশিংদা অকিবা পোকপা তৌররোই হায়বগী অনৌবা চহিচা অমা উৎখ্রে।
• মেক-ইন-ইন্দিয়া খুৎলাইশীং য়াওনা ইন্দিজিনসকী তৌবা ঙম্বশিংনা ভারতপু হৈশিংনা অমসুং মরোমদোম থবক পাংথোকপা ঙমহন্দুনা নেস্নেল সেক্যুরিতীদা মীরৈবাক্কী মীপাল তাংদে উৎলি।
• ভারতকী ইন্নোভেতরশিং অমসুং নহারোলশিংনা ভারত মনুংদা জেৎ ইঞ্জিনশিং দিবেলপ তৌদুনা তুংলমচৎকী দিফেন্স তেক্নোলোজী অসি লমদম অসিদা পুথোকচবা অমসুং মশা মরোমদোম লেপচবা ঙম্বা ওইহল্লি।
• ভারতনা মাগী ইনাক খুল্লবা কলচরেল অমসুং মিথোলোজিকেল হেরিতেজতগী ইথিল লৌদুনা মোদর্ন দিফেন্স ইন্নোভেসনশিং লমজিংলি। ভারতকী ওফেন্সিব অমসুং দেতেরেন্ত কেপাবিলিতীশিং মপাঙ্গল কনখৎহন্নবা ঐখোয়না য়েক্নবগী দিফেন্স ইনফিলত্রেসনশিং ন্যুত্রেলাইজ তৌনবা অমসুং ভারতকী ওফেন্সিব কেপাবিলিতীশিং হেনগৎহন্নবা পান্দম থম্মিবা “মিসন সুদর্শন চক্র” হৌদোক্লি।
• শ্রী কৃষ্ণগী সুদর্শন চক্রগা মান্ননা মিসন অসিনা স্ত্রেতেজিক ওতোনোমীগী ভারতকী ফিরেপ অদু উৎলি, মসিনা খুদোংথিবা অমা হেক্তদা থুনা, চুম্না অমসুং শক্তি লৈনা থেংনবা ঙমহল্লি।
• মীয়াম তিনবা মফম পুম্নমক ২০৩৫ ফাওবদা লৈবাক শিনবা থুংবগী সেক্যুরিতী শিল অমনা কভর তৌদুনা মসিনা লৈবাক অসিগীদমক কমপ্রিহেন্সিব প্রোতেক্সন পীরগনি, মসিনা ভারতকী ঙাকশেলদা মীপাল তাংদনবা ফিরেপ অদু উৎলি।

৩. শেল-থুম মন্ত্রালয়

• দিৱালীদা জি.এস.তি.গী নেক্স-জেনরেসন রিফোর্মশিং পুরক্তুনা নোংমগী তঙাইফদবশিংদা তেক্সশিং হন্থহনগনি, মসিনা এম.এস.এম.ই.শিং, ঐখোয়গী অপীকপা ওন্তপ্রিন্যুওরশিংনা চাউনা কান্নবা ফংগনি অমসুং হেন্না ফাবা অমসুং সিতিজেন-ফ্রেন্দলী ইকনোমী অমা শেমগনি।
• ইনকম তেক্স রিফোর্ম অমসুং ফেসলেস এসেসমেন্ত হৌদোক্তুনা তেক্স সিস্তেম ত্রান্সপরেন্ত অমসুং ইফিসিএন্ত ওইহল্লি।
• লুপা লাখ ১২ ফাওবগী ইনকম অদু ইনকম তেক্সতগী লৌথোকপা অসিনা ঐগী মিদল ক্লাসকী ইমুংশিংদা চাউনা নুংঙাইবা পোকহল্লে।
• মেন্যুফেকচরিংদা ঐখোয়গী পাঙ্গল অদু মালেমনা খঙবা পাম্লবদি, ঐখোয়না জিরো দিফেক্ত, জিরো ইফেক্ত প্রদক্তশিং অসি ঙাক্তুনা ক্বালিতীদা অনৌবা পনখৈশিং লেপ্তনা য়ৌবা তাই।
• ঐখোয়গী পোত্থোক খুদিংমক্কী ভেল্যু লৈগদবনি, অদুবু মমল হন্থগদবনি। অসিগুম্বা ৱাখল্লোন অসিগা লোয়ননা ঐখোয়না মাংলোমদা চংশিনগদবনি।
• মালেমগী তংদু লৈতাদবা মরক্তা ভারতকী ফিস্কল দিস্সিপ্লিন, ভারতকী ফাইনান্সকী ইনর্জী অসিনা ভারতকী ইকনোমীদা মালেম পুম্বনা থাজবা থম্বগা লোয়ননা আশাগী মঙাল অমা ওইরি।

৪. গৃহ মন্ত্রালয়

• ভারতকী দেমোগ্রাফিক ইন্তিগ্রিতী ঙাকশেনবা অসি খ্বাইদগী মরু ওই।
• ঙমখৈগী মফমশিংদা ইনফিলত্রেসন অমসুং ইলিগেল মাইগ্রেসন্না মরম ওইদুনা দেমোগ্রাফিক ইমব্লেলেন্স থোকহনবগী অচৌবা খুদোংথিবা অসি য়াম্না শাথি মসিনা প্রজাশিংগী হিংনবগী পাম্বৈশিংদা অকাইবা পীরি।
• ভারতকী অপুনবগী শক্তম, ইন্তিগ্রিতী, সেক্যুরিতী লৈহন্নবা, স্ত্রেতেজিক অমসুং সোসিএল চেলেঞ্জ অনিমক থেংননবা হায়-পাৱর দেমোগ্রাফী মিসন অমা হৌদোক্লগনি।
• ঐখোয়গী ত্রাইবেলগী মফমশিং অমসুং নহারোলশিং অসি মাওইজমগী অৱাবা থেংনরমখি। ঙসিদি ঐখোয়না মসিনা শোকহল্লবা জিলা ১২৫ অদু ২০দা হন্থহনখ্রে।
• হান্ননা 'রেদ কোরিদোর' হায়না খঙনরম্বা লমদমশিং অসি হৌজিক গ্রীন দিবেলপমেন্তকী কোরিদোর ওইরক্লি। মসি ঐখোয়গী চাউথোকচনীংঙাই ওইবা ৱাফম অমনি।
• ভারতকী মেপকী মফমশিং অদুদা মতম অমদা ঈগী মচুনা চুদুনা লৈরম্মি, অদুগা হৌজিক্তি ঐখোয়না সংবিধান, আইনগী কাংলোন অমসুং চাউখৎপগী মচু অহুমগী ফিরালগী মচুনা থলহল্লি।

৫. লৌউ-শিংউ অমসুং লৌমীশিংগী য়াইফ-থৌরাং মন্ত্রালয়

• ভারতকী লৌমীশিং অসি লৈবাক অসিনা মীপাল তাংবা ওইরম্বদগী মশা মরোমদোম লেপচবা ঙম্বা ওইরকপগী খোঙচৎকী য়াংলেন শরূনি।
• মীখা পোনবনা ঐখোয়বু লায়রবা ওইহনখি, অদুবু লৌমীশিং খক্তনা কন্না হোৎনদুনা লৈবাক অসিগী চীঞ্জাক মরাং কায়হনখি অমসুং লৈবাক অসিগী ফুদ সোভরেন্তী ফংহনখি।  
• ভারতনা মাগী লৌমীশিংগী য়াইফনবা থবক তৌবদা য়াশিন্নবা তৌরোই।
• “ঐহাক্না লৌমীশিং শা-ষন য়োক্লিবশিংগী মায়োক্তা অকাইবা পীগদবা পোলিসীদগী ঙাকথোক্নবা পল অমা ওইনা লেপ্পী, মখোয়গী হকশিং অমসুং হিংনবগী লম্বীশিং ঙাকশেল্লি” হায়না পি.এম.না ফোংদোকখি।
• হৌখিবা চহিদা ঐহাক্কী লৈবাক অসিগী লৌমীশিংনা হৱাই-চেংৱাই পুথোকপদা মমাংগী রেকোর্দ পুম্নমক থুগাইখি।
• ভারতকী চাউখৎ খোঙচৎতা লৌউশিংউ অসি মরু ওই, ভারত অসি শঙ্গোম, হৱাই অমসুং জুত পুথোকপদা মালেমদা মকোক ওইরে, ভারতনা চেং, গেহু, মহৈ-মরোং অমসুং মনা-মশিং পুথোকপদা মালেমদা অনিশুবা মফমদা লৈরে।
• লৌউ-শিংউগী পোত্থোক এক্সপোর্ত তৌবা অসি লুপা করোর লাখ ৪ হেনখ্রে, মসিনা লৈবাক অসিগী গ্লোবেল কম্পিতিতিবনেস অদু তাক্লি।
• ঐখোয়না লৈবাক অসিগী জিলা ১০০দা লৈরিবা লৌমীশিংবু মপাঙ্গল কনখৎহন্নবা, পি.এম. ধন-ধান্য কৃষি য়োজনা হৌদোক্লে মসিনা পি.এম.-কিসান, ইরিগেসন স্কিমশিং, অমসুং লাইবস্তোক প্রোতেক্সন প্রোগ্রামশিংদা মতেং ওইদুনা চাউখৎপা, হেন্না মপাঙ্গল কনবা ভারতকী য়াংলেনশরূ ওইরগনি।
• পি.এম. কিসান সম্মান নিধি, নোংগী ঈশিং য়োকশিনবা, ইরিগেসন স্কিমশিং, ক্বালিতী লৈয়া মরু, মহৈ-মরোং থাবগী মথৌ তাবশিং ফংহনবা অসিনা লৈবাক শিনবা থুংবদা লৌমীশিংগী থাজবা হেনগৎহল্লি।

৬. এনিমেল হসবেন্দ্রী মন্ত্রালয়

• অৱাং ভারতকী মফম অসিদা খুরপাকা হায়না খঙনবা ফুৎ এন্দ মাউথ দিজিজদগী কোকহন্নবা ঐখোয়না দোজ করোর ১২৫ পীরি অমসুং মসিসু লেম্না পীরি।

৭. ইলেক্ত্রোনিক্স অমসুং ইনফোর্মেসন তেক্নোলোজী মন্ত্রালয়

• চহি ৫০-৬০গী মমাংদা সেমিকন্দক্তফী ফেক্তরীশিং লিংখৎনবা হোৎনখিবা অদু হৌরকপদা মুথৎখি অমরোমদা অতোপ্পা লৈবাকশিংনা খুমাং চাউশিল্লি, ভারতনা হৌজিক সেমিকন্দক্তর মেন্যুফেকচরিংদা মিসন মোদতা চংশিল্লি।
• ২০২৫ লোইবদা ভারতনা মেদ ইন ইন্দিয়া সেমিকন্দক্তর চিপশিং পুথোক্লগনি মসিনা ক্রিতিকেল তেক্নোলোজী সেক্তরশিংদা ভারতকী হেনগৎলক্লিবা মপাঙ্গল অদু উৎলি।
• এ.আই., সাইবর সেক্যুরিতী, দীপ-তেক অমসুং ওপরেতিং সিস্তেমদা তৌবা ইন্নোভেসন অসি গ্লোবেল কম্পতিতিবনেসকীদমক তঙাই ফদে।

৮. দিপার্তমেন্ত ওফ স্পেস

• গ্রুপ কেপ্তেন শুভান্সু শুকলাগী শীংথানীংঙাই ওইরবা মায়পাকপশিংদা ভারত পুম্বনা নুংঙাইবা পোক্নরি।
• ঐখোয়না স্পেসতা মশাগী ওইনা আত্মনির্ভর ভারত গগনয়ানগী শেম-শাদুনা লৈরি। ঐখোয়না ঐখোয়গী ইশাগী স্পেস স্তেসন শেমগৎনবা হোৎনরি।
• লৈবাক অসিগী স্তার্তঅপ ৩০০ হেনবনা সেতলাইৎ, এক্সপ্লোরেসন অমসুং কত্তিং-এদজ তেক্নোলোজীদা এক্তিব ওইনা ইন্নোভেৎ তৌদুনা ভারত অসি শরুক য়াবা খক্তা নত্তনা স্পেস সাইন্স অমসুং এক্সপ্লোরেসনদা মালেমদা মাংজিল থারি।

৯. দিপার্তমেন্ত ওফ এতোমিক ইনর্জী

• ন্যুক্লিয়র ইনর্জীগী লমদা, অনৌবা রিএক্তর ১০ হৌজিক মথৌ তৌরি, লৈবাক অসিনা নীংতম্বা চহি ১০০ মপুং ফারকপা মতমদা, ঐখোয়না ঐখোয়গী ন্যুক্লিয়র ইনর্জী কেপাসিতী অসি শরুক তরা হেনগৎহল্লগনি, মসিনা ইনর্জীদা মশা মরোমদোম লেপচবা অমসুং সস্তেনেবল গ্রোথ সপ্পোর্ত তৌবগী মপাঙ্গল কনখৎহল্লগনি।
• ভারতনা হৌজিক প্রাইবেৎ সেক্তরগীদমকসু ন্যুক্লিয়র ইনর্জীগী থোঙ হাংদোক্লে। ঐখোয়না ঐখোয়গী পাঙ্গল পুনশিন্নবা পাম্মি।
• করিগুম্বা ঐখোয়না ইনর্জীদা মখা পোল্লমদ্রবদি, শেনফম অসি লৈবাক্কী লৌমীশিংগী য়াইফনবা শিজিন্নরমগনি, মসিনা লৈবাক অসিবু চাউখৎহন্নবগী য়াংলেনশরূ অসি হেন্না মপাঙ্গল কনখৎহল্লমগনি।

১০. লেবর অমসুং এমপ্লোইমেন্ত মন্ত্রালয়

• মরু ওইবা এমপ্লোইমেন্ত স্কিম অমা ওইরিবা লুপা করোর লাখ ১রোম ওইরিবা পি.এম. ভিক্সিৎ ভারত রোজগার য়োজনা  অসি হৌদোক্কনি। স্কিম অসিগী মখাদা নৌনা থবক ফংলবা নহারোলনা লুপা ১৫০০০ ফংগনি। স্কিম অসিনা ভারতকী নহারোল করোর ৩দা কান্নবা ফংহন্নবা পান্দম থম্মি, মসিনা স্বাতন্ত্রা ভারত্তগী সমৃদ্ধা ভারতকী থোং মপাঙ্গল কনখৎহল্লি।
• মসিগী থৌশিল অসিনা ভারতকী দেমোগ্রাফিক পোতেন্সিএল অসিবু তশেংবা ইকনোমিক অমসুং সোসিএলগী চাউখৎপদা ওন্থোক্কনি মসিনা স্বাতন্ত্রা ভারত্তগী সমৃদ্ধা ভারতকী থোং মপাঙ্গল কনখৎহল্লি অমসুং লৈবাক অসিগী চাউখৎ খোঙচৎতা নহারোলশিংনা চাউনা শরক তম্নবা শক্তি পীরি।

১১. মাইক্রো, স্মোল অমসুং মেদিয়ম এন্তরপ্রাইজেস (এম.এস.এম.ই) মন্ত্রালয়

• দিৱালীদা জি.এস.তি.গী নেক্স-জেনরেসন রিফোর্মশিং পুরক্তুনা নোংমগী তঙাইফদবশিংদা তেক্সশিং হন্থহনগনি, মসিনা এম.এস.এম.ই.শিং, ঐখোয়গী অপীকপা ওন্তপ্রিন্যুওরশিংনা চাউনা কান্নবা ফংগনি অমসুং হেন্না ফাবা অমসুং সিতিজেন-ফ্রেন্দলী ইকনোমী অমা শেমগনি।
• সরকারগী রিফোর্মশিংনা স্তার্তঅপশিং, এম.এস.এম.ই.শিং অমসুং ওন্তপ্রিন্যুওরশিংগীদমক কমপ্লায়েন্সকী শেনফম হন্থহন্নবা অমরোমদনা কান্নদ্রবা লিগেল প্রোভিজনশিংগী অকিবদগী নীংতম্বা ফংহন্নবা পান্দম থম্মি। মসিনা বিজিনেস গ্রোথকীদমক কন্দ্যুসিব এনভাইর্নমেন্ত অমা শেমদুনা ইন্নোভেসন অমসুং শেন্মিৎলোনদা মীপাল তাংদবা ওইনবা পুক্নিং থৌগৎলি।

১২. কেমিকেল্স অমসুং ফর্তিলাইজর্স মন্ত্রালয়

•  “মালেমগী ফার্মাসী” ওইনা ভারতনা মশাবু মপাঙ্গল কনখৎহনগদবনি।
• রিসর্চ অমসুং দিবেলপমেন্তদা হেন্না ইনভেস্ত তৌবগী অথুবদা মথৌ তাবা অমা লৈ।
• “ঐখোয়না মীওইবা খুন্নাইগী য়াইফনবা খ্বাইদগী ফবা অমসুং খ্বাইদগী হোংবা হিদাকশিং পুথোকফম থোক্তব্রা?”
• দোমেস্তিক ফার্মাস্যুতিকেল ইন্নোবভেসনদা ভারতকী মপাঙ্গল হেনগৎলক্লি, ভারত মনুংদা অনৌবা হিদাকশিং, ভেক্সিনশিং অমসুং পুন্সি কন্নবা লায়েং পথাকপশিং পুথোকপা মথৌ তাই।
• ফুদ সেক্যুরিতী অসি ইম্পোর্ত খক্তগী মীপাল তাংদুনা থম্বা য়াদে।
• অথুবদা হারশিংগী দোমেস্তিক প্রদক্সন অমসুং কী ইনপুৎশিং মথৌ তাই, মসিনা ভারতকী লৌমীশিংদা শক্তি পীগনি অমসুং ভারতকী লৌউ-শিংউনা মীপাল তাংদনা খুমাং চাউশিনবা ঙমগনি।
• অতোপ্পা লৈবাকশিংগী মীপাল তাংদনা ভারতকী মথৌ তাবশিংগী মতুং ইন্না ঐখোয়গী ইশাগী হারশিং পুথোক্নবা অনৌবা লম্বী থীবা তাই।
• মসি লৌমীশিংগী য়াইফনবা খক্তা নত্তনা লৈবাক্কী ইকনোমিক সোভরেন্তীগীদমক্তা মরু ওই।

১৩. নুপী অমসুং অঙাংগী চাউখৎ থৌরাং মন্ত্রালয়

• নুপীশিংগী সেল্ফ হেল্প গ্রুপশিংনা অঙকপা কয়া অমা তৌখি। ঙসিদি, মখোয়গী পোত্থোকশিং অসি মালেমগী কৈথেলশিংদা য়ৌরে।
• ঐখোয়গী ইচানুপীশিংনা স্তার্ত-অপশিংদগী হৌরগা স্পেস সেক্তর ফাওবদা, শান্ন-খোৎনবগী হৌরগা আর্মদ ফোর্সেস ফাওবদা, মখোয়না লৈবাক অসিগী চাউখৎপগী খোঙচৎতা শিংথানীংঙাই ওইনা শরুক য়াদুনা অমত্তা ওইনা লেপ্পী।
• নমো দ্রোন দিদিনা নুপীশিংগীদমক অনৌবা আইদেন্তিতী অমা ওইরে।
• ঐখোয়না নুপী ‘লাখপতি দিদি’ করোর অহুম শেম্নবা ৱাশক্লি।

১৪. লো অমসুং জস্তিস মন্ত্রালয়

• হৌখিবা চহিশিংদা সরকারনা দরকার লৈতবা কমপ্লাইএন্সী ৪০,০০০ হেন্না মুত্থৎখ্রে। মসি খক্তা নত্তনা ঐখোয়না মতমগা চুনদ্রবা আইন ১৫০০ হেন্না মুত্থৎখ্রে।
• ঐখোয়না পার্লিয়ামেন্তদা মীয়ামগী কান্নবশিংবু অহানবদা থমদুনা মখোয়বু লায়থোকহন্নবগীদমক আইন কয়া শেমদোক্লি।
• হন্দক্কী সেসন অসি খক্তদা প্রোভিজন ২৮০ হেন্না মুত্থৎনবা ঐখোয়না ৱারেপ লৌরে, মসিনা  ভারত মচা খুদিংমক্তা গভর্নান্স অসি হেন্না লায়থোকহল্লে অমসুং হেন্না এক্সেসিবল ওইহল্লে।
• ঐখোয়না পেনেল কোদ মুত্থৎখ্রে অমসুং ভারতীয় ন্যায়া সনহিতাবু পুরকখ্রে। মসিনা ভারতকী প্রজাশিংদা থাজবা থম্লি, লমদম অসিগী মরী লৈনবগী ৱাখল্লোন অমা উৎলি, অমসুং মসি সেন্সিতিবিতীনা মপুং ফাহল্লি।

১৫. হকশেল অমসুং য়াইফ-য়ুম্বাল মন্ত্রালয়

• ওবেসিতী অসি ঐখোয়গী লৈবাক অসিগী ওইনা য়াম্না শাথীবা ক্রাইসিস অমা ওইরক্লি।
• ইমুং খুদিংমক্না য়ুমদা অচা থাও মসি মহৌশানা শিজিন্নবা অদুদগী ১০% হন্থগদবনি

১৬. ত্রাইবেল এফিয়র্স মন্ত্রালয়

• ঙসি, মাওইজম অমসুং নক্সেলিজমদগী নীংতম্লবা মতুংদা, বাস্তরগী নহারোলশিংনা ওলিম্পিক্সতা শরুক য়াখ্রে।
• ঙসি অসি ভগবান বীরসা মুন্দাগী ১৫০শুবা মপোক কুমওননি। ত্রাইবেলগী মফমশিং অসিবু নক্সেলিজমদগী কোকহন্দুনা অমসুং ঐগী ত্রাইবেলগী ইমুংশিংগী নহাশিংগী পুন্সি কন্দুনা, ঐখোয়না মহাকপু অশেংবা ইকায়খুম্নবা উৎলি।

১৭. কলচর মন্ত্রালয়

• চহি অসিদা গুরু তেগ বাহাদুরজীগী থৱায়না পোন্থা পীখিবগী ৩৫০শুবা মপোক কুমওন পাংথোক্লি। মহাক্না ঐখোয়গী চৎনবী অমসুং মগুনশিং ঙাক শেন্নবা পুম্নমকপু কত্থোকখি।
• ঐখোয়গী কলচরগী মপাঙ্গল অসি ঐখোয়গী দাইভর্সিতীদা লৈ।
• মহা কুম্ভগী মায় পাকপা অসি ভারতকী অপুনবগী শক্তম অমসুং মপাঙ্গলগী খুদম অমনি।
• ঐখোয়না মরাথী, অসামীজ, বঙ্গলা, পালী অমসুং প্রাকৃতপু ক্লাসিকেল লোলগী থাক পীরি।
• ঐখোয়গী লোলশিং অসি হেন্না চাউখৎলকপা, হেন্না মরাং কায়না লৈরকপা, ঐখোয়গী লৌশিংগী পথাপ অসি হেন্না মপাঙ্গল কনখৎলকপা মসিনা ঐখোয়গী পাঙ্গলনি।
• জ্ঞান ভারতম মিসনগী মখাদা ঐখোয়না হৌজিক লৈবাক শীনবা থুংনা খুৎনা ইবা লাইরিকশিং, মেনুস্ক্রিপ্তশিং অমসুং চহি চা কয়াগী মমাংগী দোক্যুমেন্তশিং থিদোক্নবা অমসুং তুংগী চারোন-শুরোনগীদমক মখোয়গী লৌশিংগী লন অসি ঙাক-শেন্নবা ঙসিগী তেক্নোলোজী শিজিন্ননবা থবক পায়খৎলি
• লৈবাক অসিগী চহি চাম্মা চুপ্না সর্ভিসকী খোঙচৎ অসিদা থৌদাং লৌখিবা স্বয়মসেবক পুম্নমকপু ঐনা ইকায় খুম্নবা উৎচরি। অমসুং জাতি অসিনা রাস্ত্রিয় স্বয়মসেবক সংঘকী চাউথোকচনীংঙাই ওইবা অমসুং পুক্নিং থৌগৎনীংঙাই ওইবা খোঙচৎ অসিগীদমক চাউথোকচরি।

১৮. ন্যু অমসুং রিন্যুএবল ইনর্জী মন্ত্রালয়

• নহারোলগী অফবা তুংলমচৎ অমসুং লৌমীশিংগী য়াইফনবগীদমক লৈবাক অসিবু ইনর্জীদা মশা-মরোমদোম লেপচবা ঙমহনবা অসি য়াম্না মরু ওই।
• ইনর্জীদা মশা-মরোমদোম লেপচনবা ঐখোয়গী ৱারেপকা লোয়ননা হৌখিবা চহি ১১দা, সোলর ইনর্জী অসি শরুক ৩০ হেনগৎলে।
• মিসন গ্রীন হাইদ্রোজেনগী খুত্থাংদা, ভারতনা ঙসি লুপা করোর লিশিং কয়া ইনভেস্ত তৌরি।
• মালেম্না গ্লোবেল ৱার্মিংগী মতাংদা ঙাংনরিঙৈদা ভারতনা ২০৩০ য়ৌদ্রিঙৈদা ৫০% ক্লিন ইনর্জীগী পান্দম অদু ফংবা ঙম্লে। মাগী মীয়াম্না হোৎনবনা ২০২৫ ফাওবদা পান্দম অসি ফংবা ঙমখি।
• সোলর, ন্যুক্লিয়র, হাইদ্রো, অমসুং হাইদ্রোজেন ইনর্জী অসি খুমাং চাউশিল্লে, মসিনা ইনর্জী ইন্দিপেন্দেন্সকী মাইকৈদা অচৌবা খোঙথাং অমা ওইরি।

১৯. পাৱর মন্ত্রালয়

• সোলর পেনেলশিং নত্ত্রগা ইলেক্ত্রিক ভেহিকলশিংগী মথৌ তাবা কম্পোনেন্তশিং ওইরবসু ঐখোয়না ঐখোয়গী ইশাগী কম্পোনেন্তশিং পুথোকচগদবনি।

২১. মাইন্স মন্ত্রালয়

• ইনর্জী, ইন্দস্ত্রী অমসুং দিফেন্সকী তঙাই ফদবা রিসোর্সশিং সেক্যুর তৌনবা ঐখোয়না নেস্নেল ক্রিতিকেল মিনরেল্স মিসন হৌদোক্লে। ইনর্জী, ইন্দস্ত্রী অমসুং দিফেন্সকী তঙাই ফদবা মিনরেলশিং সেক্যুর তৌনবা ঐখোয়না মফম ১২০০ হেনবদা এক্সপ্লোরেসন কেম্পেন চত্থরি।
• মিনরেলশিং কন্ত্রোল তৌবনা স্ত্রেতেজিক ওতোনোমী মপাঙ্গল কনখৎহল্লি মসিনা ভারতকী ইন্দস্ত্রিএল অমসুং দিফেন্স সেক্তরশিং মশা মরোমদোম লেপচবা ঙমহনগনি।

২১. য়ুথ এফিয়র্স অমসুং স্পোর্তস মন্ত্রালয়

• নহারোলশিংনা ভারতকী মশাগী সোসিএল মীদিয়া প্লেতফোর্মশিং অমসুং দিজিতেল ইনফ্রাস্ত্রকচর শেমগৎপা মথৌ তাই মসিনা কম্ম্যুনিকেসন, দেতা অমসুং তেক্নোলোকজিকে ইকোসিস্তেম অসি সেক্যুর অমসুং ইন্দিপেন্দেন্ত ওইহনগনি, মসিনা ভারতকী দিজিতেল ওতোনোমী মপাঙ্গল কনখৎহনগনি।
• স্পোর্তস প্রমোৎ তৌনবা ঐখোয়না নেস্নেল স্পোর্তস পোলিসী পুথোকখ্রে।
• লৈবাক অসিদা ঐখোয়না ‘খেলো ইন্দিয়া পোলিসী’ হৌদোকখি।

খঙজিনগদবা: আইতেম খরদি মন্ত্রালয় অমা খক্তগী ওইদবনা অতোপ্পা মন্ত্রালয়দা হঞ্জিন্না য়াওবসু য়াই।

***