ਪੈਨਸ਼ਨ ਜਾਰੀ ਰੱਖਣ ਲਈ ਪੈਨਸ਼ਨਰਸ ਨੂੰ ਹਰ ਵਰ੍ਹੇ ਨਵੰਬਰ ਮਹੀਨੇ ਵਿੱਚ ਲਾਈਫ ਸਰਟੀਫਿਕੇਟ ਜਮ੍ਹਾਂ ਕਰਵਾਉਣਾ ਹੁੰਦਾ ਹੈ। ਨਵੰਬਰ, 2024 ਵਿੱਚ 845 ਸ਼ਹਿਰਾਂ ਵਿੱਚ ਆਯੋਜਿਤ ਡੀਐੱਲਸੀ ਅਭਿਆਨ 3.0 ਵਿੱਚ 1.62 ਕਰੋੜ ਡੀਐੱਲਸੀ ਜਮ੍ਹਾਂ ਕੀਤੇ ਗਏ ਸਨ। ਪੈਨਸ਼ਨ ਅਤੇ ਪੈਨਸ਼ਨਰਸ ਭਲਾਈ ਵਿਭਾਗ (ਡੀਓਪੀਪੀਡਬਲਿਊ) ਹੁਣ ਚੌਥਾ ਰਾਸ਼ਟਰਵਿਆਪੀ ਡਿਜੀਟਲ ਲਾਈਫ ਸਰਟੀਫਿਕੇਟ ਕੈਂਪੇਨ ਆਯੋਜਿਤ ਕਰੇਗਾ, ਜੋ ਕਿ 1 ਤੋਂ 30 ਨਵੰਬਰ, 2025 ਤੱਕ ਭਾਰਤ ਭਰ ਵਿੱਚ 1850 ਤੋਂ ਵੱਧ ਜ਼ਿਲ੍ਹਿਆਂ/ਸ਼ਹਿਰਾਂ/ਕਸਬਿਆਂ (2500 ਕੈਂਪ ਲੋਕੇਸ਼ਨਾਂ) ਵਿੱਚ ਆਯੋਜਿਤ ਕੀਤੀ ਜਾਵੇਗੀ। ਵਿਭਾਗ ਨੇ 30 ਜੁਲਾਈ, 2025 ਦੇ ਦਫ਼ਤਰੀ ਪੱਤਰ ਰਾਹੀਂ ਅਭਿਆਨ ਲਈ ਵਿਆਪਕ ਦਿਸ਼ਾ-ਨਿਰਦੇਸ਼ ਨੋਟੀਫਾਇਡ ਕੀਤੇ ਹਨ। ਇਹ ਅਭਿਆਨ, ਪੈਨਸ਼ਨ ਡਿਸਬਰਸਿੰਗ ਬੈਂਕਸ, ਇੰਡੀਆ ਪੋਸਟ ਪੇਮੈਂਟਸ ਬੈਂਕ, ਪੈਨਸ਼ਨਸ ਵੈੱਲਫੇਅਰ ਐਸੋਸੀਏਸ਼ਨਾਂ, ਸੀਜੀਡੀਏ, ਟੈਲੀਕੌਮ ਡਿਪਾਰਟਮੈਂਟ, ਰੇਲਵੇ, ਡੀਓਪੀ, ਈਪੀਐੱਫਓ, ਯੂਆਈਡੀਏਆਈ ਅਤੇ ਇਲੈਕਟ੍ਰੋਨਿਕ ਅਤੇ ਸੂਚਨਾ ਟੈਕਨੋਲੋਜੀ ਮੰਤਰਾਲੇ ਦੇ ਸਹਿਯੋਗ ਨਾਲ ਦੇਸ਼ ਦੇ ਦੂਰ-ਦੁਰਾਡੇ ਦੇ ਕੋਨਿਆਂ ਵਿੱਚ ਸਾਰੇ ਪੈਨਸ਼ਨਰਸ ਤੱਕ ਪਹੁੰਚਣ ਦੇ ਉਦੇਸ਼ ਨਾਲ ਆਯੋਜਿਤ ਕੀਤਾ ਜਾਵੇਗਾ।

ਪੈਨਸ਼ਨ ਅਤੇ ਪੈਨਸ਼ਨਰਸ ਭਲਾਈ ਵਿਭਾਗ ਦੇ ਸਕੱਤਰ ਸ਼੍ਰੀ ਵੀ. ਸ੍ਰੀਨਿਵਾਸ ਨੇ ਅੱਜ ਆਗਾਮੀ ਅਭਿਆਨ ਦੀਆਂ ਤਿਆਰੀਆਂ ਦੀ ਸਮੀਖਿਆ ਕੀਤੀ। ਇੰਡੀਆ ਪੋਸਟ ਪੇਮੈਂਟਸ ਬੈਂਕ (ਆਈਪੀਪੀਬੀ) ਆਪਣੇ 1.8 ਲੱਖ ਪੋਸਟਮੈਨਾਂ ਅਤੇ ਗ੍ਰਾਮੀਣ ਡਾਕ ਸੇਵਕਾਂ ਦੇ ਵਿਸ਼ਾਲ ਨੈੱਟਵਰਕ ਦੇ ਮਾਧਿਅਮ ਨਾਲ 1600 ਜ਼ਿਲ੍ਹਾ/ਸਬ-ਡਿਵੀਜ਼ਨਲ ਡਾਕਘਰਾਂ ਵਿੱਚ ਕੈਂਪਸ ਆਯੋਜਿਤ ਕਰੇਗਾ। ਆਈਪੀਪੀਬੀ ਘਰ-ਘਰ ਡੀਐੱਲਸੀ ਸੇਵਾਵਾਂ ਵੀ ਪ੍ਰਦਾਨ ਕਰਦਾ ਹੈ। 19 ਪੈਨਸ਼ਨ ਡਿਸਬਰਸਿੰਗ ਬੈਂਕਸ ਵੀ 315 ਸ਼ਹਿਰਾਂ ਵਿੱਚ 900 ਤੋਂ ਵੱਧ ਸਥਾਨਾਂ ’ਤੇ ਕੈਂਪਸ ਆਯੋਜਿਤ ਕਰਨਗੇ। 57 ਪੈਨਸ਼ਨ ਵੈੱਲਫੇਅਰ ਐਸੋਸੀਏਸ਼ਨਾਂ ਪੈਨਸ਼ਨਰਸ ਨੂੰ ਕੈਂਪਸਾਂ ਤੱਕ ਪਹੁੰਚਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਣਗੇ। ਟੈਲੀਕੌਮ ਡਿਪਾਰਟਮੈਂਟ, ਰੇਲਵੇ ਮੰਤਰਾਲਾ, ਡਾਕ ਵਿਭਾਗ, ਰੱਖਿਆ ਮੰਤਰਾਲਾ (ਸੀਜੀਡੀਏ) ਅਤੇ ਈਪੀਐੱਫਓ ਜਿਹੇ ਸਬੰਧਿਤ ਮੰਤਰਾਲੇ/ਵਿਭਾਗ ਵੀ ਪੂਰੇ ਦੇਸ਼ ਵਿੱਚ ਚਿੰਨ੍ਹਿਤ ਸਥਾਨਾਂ ‘ਤੇ ਕੈਂਪ ਆਯੋਜਿਤ ਕਰਨਗੇ। 

ਆਯੋਜਿਤ ਕੀਤੇ ਜਾਣ ਵਾਲੇ ਕੈਂਪਸ ਦਾ ਰਾਜ-ਵਾਰ/ਬੈਂਕ-ਵਾਰ ਵਿਸਤ੍ਰਿਤ ਵੇਰਵਾ ਇਸ ਪ੍ਰਕਾਰ ਹੈ:

*****

ਐੱਨਕੇਆਰ/ਪੀਐੱਸਐੱਮਐੱਮਕੇ