মখা তানা পেসন ফংনবগীদমক পেন্সন্নরশিংনা চহি খুদিংগী নবেম্বর থাদা লাইফ সর্তিফিকেদ পীশিনগদবনি। মমাঙগী দি.এল.সি কেম্পেন ৩.০ নবেম্বর ২০২৪ দা সহর ৮৪৫ দা পাংথোকখ্রে অমসুং দি.এল.সি করোর ১.৬২ পীশিল্লকখি। পেন্সন অমসুং পেন্সন্নরস ৱেলফিয়ার দিপার্তমেন্তনা নবেম্বর ১ দগী নবেম্বর ৩০,২০২৫ ফাওবা লৈবাক শীনবা থুংনা দিজিতেল লাইফ সর্তিফিকেদ কেম্পেন ৪.০ পাংথোক্কনি। ও.এমগী খুৎথাংদা জুলাই ৩০,২০২৯ দা কেম্পেনগী চৎন-কাংলোনশিং দিপার্তমেন্তনা নোতিস থোকখ্রে। পেন্সন পীরিবা বেঙ্কশিং, ইন্দিয়া পোষ্ট পেমেন্ত বেঙ্ক, পেন্সন্নরস ৱেলিফিয়ার এসোসিএসন, সি.জি.দি.এ, দি.ও.তি, রেলৱেজ, দি.ও.পি, ই.পি.এফ.ও, য়ুদাই অমসুং এম.ই.আই.তি.ৱাইগা খুৎশম্নদুনা কেম্পসন অসি পাংথোক্কনি অমসুং লৈবাক অসিগী মনুং-হুঞ্জিনবা মফমশিংদা লৈবা পেন্সন্নরশিং য়ৌনবা পান্দম থম্লি।

লাক্লিবা কেম্পেন অসিগী থৌরাং তৌরিবা অসি ঙসি পেন্সন অমসুং পেন্সন্নরস ৱেলফিয়ার দিপার্তমেন্তগী সেক্রেতরি, শ্রী শ্রীনিভাসনা য়েংশিনখ্রে। ইন্দিয়া পোষ্ট পেমেন্ত বেঙ্কনা মসিগী পোষ্টমেন অমসুং গ্রামিন দাগ সেবক লাখ ১.৮ গী খুৎথাংদা দিস্ত্রিক/সব-দিবিজনেল পোষ্ট ওফিস ১৬০০ দা কেম্পশিং পাংথোক্কনি। ইন্দিয়া পোষ্ট পেমেন্ত বেঙ্কনা দি.এল.সিগী থবকশিং ফংহল্লি অমসুং মফম ৯০০ হেনবদা সহর ৩১৫ দা পেন্সন দিষ্ট্রিব্যুসন বেঙ্কশিংনসু কেম্পশিং পাংথোক্কনি। খঙদোক্লবা মফমশিংদা মরী লৈনবা মিনিষ্ট্রিশিং/দিপার্তমেন্তশিং হায়বদি তেলিকোম দিপার্তমেন্ত, রেলৱেজ মিনিষ্ট্রি, পোষ্ট দিপার্তমেন্ত, দিফেন্স মিনিষ্ট্রি অমসুং ই.পি.এফ.ওনা কেম্পশিং পাংথোক্কনি।

কেম্পশিং পাংথোক্কদবা রাজ্যশিং/বেঙ্কশিংগী অকুপ্পা মরোল মখাদা পীরি:

*****