প্রধানমন্ত্রীগী লোইশঙ
প্রধান মন্ত্রীনা উজবেকিস্তানগী রাষ্ট্রপতিদগী তেলিফোন কোল অমা ওকখ্রে
লাক্লিবা ৭৯শুবা নিংতম্বা নুমিৎ থৌরমগীদমক রাষ্ট্রপতি মিরজিয়োয়েভনা প্রধান মন্ত্রী অমসুং ভারতকী মীয়ামদা য়াইফ পাউজেল পীরকখ্রে
মরুওইবা হিরম কয়াদা লৈবাক অনিগী মরী ফগৎলক্লিবা অসি লুচিংবশিংনা হন্না য়েংশিনখ্রে
চহি কয়া শুরবা ভারত অমসুং সেন্ত্রেল এসিয়াগী মরীশিং মখা তানা ফগৎহন্নবা লুচিংবা অনিনা অমুক হন্না মখোয়গী থাজবা পীখ্রে
Posted On:
12 AUG 2025 7:06PM by PIB Imphal
ঙসি প্রধান মন্ত্রী শ্রী নরেন্দ্র মোদীনা উজবেকিস্তানগী রাষ্ট্রপতি সাভকাত মিরজিয়োয়েভতগী তেলিফোন কোল অমা ওকখ্রে।
লাক্লিবা ভারতকী ৭৯শুবা নিংতম্বা নুমিৎ থৌরমগীদমক রাষ্ট্রপতি মিরজিয়োয়েভনা প্রধান মন্ত্রী অমসুং ভারতকী মীয়ামদা মহাক্কী য়াইফ পাউজেল পীরকখি।
ললোন-ইতিক, চৎথোক-চৎশিন, হকশেল, তেক্নোলোজি অমসুং মীগা মীগা লৈনবা মরীশিং য়াওনা মরুওইবা হিরম কয়াদা লৈবাক অনিগী মরী ফগৎলক্লিবা অসি লুচিংবশিংনা হন্না য়েংশিনখ্রে।
নাকল অনিনা দরকার ওইবা মালেমগী থৌদোক-ৱাথোকশিংগী মতাংদা মখোয়গী ওইবা ৱাখল্লোনশিং ফোঙদোক্নখি অমসুং চহি কয়া শুরবা ভারত অমসুং সেন্ত্রেল এসিয়াগী মরীশিং মখা তানা ফগৎহন্নবা লুচিংবা অনিনা অমুক হন্না মখোয়গী থাজবা পীখ্রে।
মখা তানা পাউ ফাওনবা হায়না লুচিংবা অনিনা য়ানখ্রে
***
(Release ID: 2155854)
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Tamil
,
Telugu
,
Kannada
,
Malayalam