|
ନୀତି ଆୟୋଗ
ଜାତୀୟ ଇନୋଭେସନ ଆନ୍ଦୋଳନରେ ଦଶ ହଜାର ସ୍କୁଲକୁ ଲାଇଭ ଯୋଡିଲା ଅଟଳ ଇନୋଭେସନ ମିଶନ
Posted On:
12 AUG 2025 12:41PM by PIB Bhubaneshwar
ସାମୂହିକ ଇନୋଭେସନର ପ୍ରଦର୍ଶନ ସ୍ୱରୂପ ଅଟଳ ଇନୋଭେସନ ମିଶନ (ଏଆଇଏମ), ନିତି ଆୟୋଗ ଦ୍ୱାରା ମଙ୍ଗଳବାର ଦିନ ଏକ ମେଗା ଟିଙ୍କରିଂ ଡେ ଶୁଭାରମ୍ଭ କରାଯାଇଛି । ସ୍କୁଲ ସମ୍ବନ୍ଧିତ ଭାରତର ଏହି ସର୍ବବୃହତ ଟିଙ୍କରିଂ କାର୍ଯ୍ୟକ୍ରମ ଦ୍ୱାରା ୩୫ଟି ରାଜ୍ୟ ଓ କେନ୍ଦ୍ର ଶାସିତ ଅଂଚଳ ଭିତରୁ ଦଶ ହଜାର ଅଟଳ ଟିଙ୍କରିଂ ଲାବ (ଏଟିଏଲ)ର ପିଲାମାନଙ୍କୁ ଏକାଠି କରାଯାଇ ପାରିଛି ।
ଏହି କାର୍ଯ୍ୟକ୍ରମ ଜରିଆରେ ଉଭୟ ଭର୍ଚୁଆଲ ମାଧ୍ୟମରେ ଓ ସ୍କୁଲରେ ପ୍ରାୟ ୯୪୬୭ ଏଟିଏଲର ୪୭୩୩୫୦ ପିଲା ଲାବରେ ବ୍ୟବହୃତ ନିତିଦିନିଆ ସାମଗ୍ରୀକୁ ନେଇ ଡିଆଇବାଇ ଭାକ୍ୟୁମ କ୍ଲିନର ତିଆରି କରିଥିଲେ । କାର୍ଯ୍ୟକ୍ରମରେ ଅନଲାଇନ ଷ୍ଟ୍ରିମ ଦ୍ୱାରା ପ୍ରେରିତ ହୋଇ ପିଲାମାନେ ବୈଜ୍ଞାନିକ ତତ୍ୱକୁ ଜାଣିପାରିବାରେ ସଫଳ ହୋଇଥିଲେ ।
ଲେହ, ଲଦାଖ, କାରଗିଲ, କାଶ୍ମୀର ପରି ରାଜ୍ୟ ଓ ଆସ୍ପିରେସନାଲ ଜିଲ୍ଲାର ସମ୍ପୂର୍ଣ୍ଣ ଗ୍ରାମାଂଚଳର ପିଲାମାନେ ବିରୁଧୁନଗର, ଉତର-ପୂର୍ବ ରାଜ୍ୟ ମଣିପୁର, ମିଜୋରାମ, ଅରୁଣାଚଳ ପ୍ରଦେଶ, କନ୍ୟାକୁମାରୀ ପରି ଦକ୍ଷିଣାଂଚଳ, ଭୁଜ, କୁଚ ପରି ପଶ୍ଚିମାଂଚଳର ପିଲାମାନେ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ସାରା ଦେଶର ପିଲାମାନଙ୍କୁ ଗୋଟିଏ ଭାକ୍ୟୁମ କ୍ଲିନର ତିଆରି କରିବାକୁ ଏଆଇଏମ ଟିମ ବି ସହଯୋଗ କରିଥିଲା ।
ଭାରତର ଶିକ୍ଷା ଓ ଇନୋଭେସନ କ୍ଷେତ୍ରରେ ଏପ୍ରକାର ଅଭିଳଷିତ ଅଭିଯାନ ଏକ ମାଇଲଖୁମ୍ବ । ତୃଣମୂଳସ୍ତରୀୟ ଇନୋଭେସନ ଓ ମିଳିତ ଶିକ୍ଷାକୁ ଏହା ପ୍ରଦର୍ଶନ କରୁଛି ।
ନିତି ଆୟୋଗର ଅଟଳ ଇନୋଭେସନ ମିଶନ ନିର୍ଦ୍ଦେଶକ ଦୀପକ ବାଗଲା ଏହି ଅବସରରେ କହିଥିଲେ ଯେ ଏହା ପ୍ରଧାନମନ୍ତ୍ରୀଙ୍କ ବିକଶିତ ଭାରତର ଲକ୍ଷ୍ୟର ଏକ ଉପକ୍ରମ । ଜାତୀୟ ରୂପାନ୍ତରୀକରଣ କ୍ଷେତ୍ରରେ ଇନୋଭେସନ ଓ ଯୁବକମାନେ ଗୋଟିଏ ଡ୍ରାଇଭିଂ ଫୋର୍ସ । ତୃଣମୂଳସ୍ତରୀୟ ପ୍ରତିଭା ପ୍ରଦର୍ଶନରେ ମେଗା ଟିଙ୍କରିଂ ଦିବସ ୨୦୨୫ ହେଉଛି ଏକ ମାଇଲଖୁମ୍ବ । ଏହି ଲାଇଭ କାର୍ଯ୍ୟକ୍ରମରେ ଦଶ ହଜାର ଅଟଳ ଟିଙ୍କରିଂ ଲାବ ଏକାଠି ହେବାର ଅବକାଶ ଆସିଥିଲା । ସାରା ଦେଶର ହଜାର ହଜାର ପିଲା ନିଜ ଇନୋଭେସନ ଦେଖାଇବାରେ ସଫଳ ହୋଇଥିଲେ । ସମଗ୍ର ବିଶ୍ୱରେ ସ୍କୁଲର ଇକୋ ସିଷ୍ଟମ ଭିତରେ ଇନୋଭେସନ ପ୍ରଦର୍ଶନ କରିବାରେ ଭାରତ ହେଉଛି ପ୍ରଥମ । ଯୁବ ମସ୍ତିଷ୍କ ସୁଦକ୍ଷ ହେଲେ ଆମ ଦେଶ ପାଇଁ ନୁହେଁ ବରଂ ସମଗ୍ର ବିଶ୍ୱ ପାଇଁ ଏହା ହିତକର । ଆଜି କ୍ଲାସରୁମରେ ଆମ ଭବିଷ୍ୟତ ନିର୍ମିତ ହେଉଛି ।
ପ୍ରତିଷ୍ଠା ହେବା ଦିନଠାରୁ ôସ୍କୁଲଗୁଡିକରେ ପ୍ରାୟ ଦଶ ହଜାର ଏଟିଏଲ ଏଆଇଏମ ସୃଷ୍ଟି କରିଛି । ଥ୍ରୀଡି ପ୍ରିଂଟର୍ସ, ରୋବୋଟିକ୍ସ କିଟସ, ଆଇଓଟି ଯନ୍ତ୍ରପାତି ଓ ଆହୁରି ଅନେକ କିଛି ଏହି ଏଟିଏଲ ଲାବଗୁଡିକରେ ଉପଲବ୍ଧ । ମଧ୍ୟରୁ ଉଚ୍ଚ ପର୍ଯ୍ୟନ୍ତ ସ୍କୁଲ ପିଲାମାନଙ୍କୁ ଏହି ଲାବ ଆଧୁନିକ ପ୍ରଯୁକ୍ତି ବିଦ୍ୟା ପହଂଚାଇ ବାସ୍ତବ ଦୁନିଆ ସମସ୍ୟା ସମାଧାନ କରିବାର ଦକ୍ଷତା ପ୍ରତିପାଳନ କରୁଛି ।
ଏହି ମେଗା ଟିଙ୍କରିଂ ଦିବସ କେବଳ ଏକ ପ୍ରକଳ୍ପ ନିର୍ମାଣ ଦିନ ନୁହେଁ । ବରଂ ଏହା ଏକ ଜାତୀୟ ଇନୋଭେସନ ଅଭିଯାନ । ଆଗାମୀ ଶିକ୍ଷାବର୍ଷ ପାଇଁ ବିଭିନ୍ନ ଟିଙ୍କରି କାର୍ଯ୍ୟକ୍ରମ ପାଇଁ ଏହା ଏକ ଲଂଚପ୍ୟାଡ । ସାରା ଦେଶର ଛାତ୍ର, ଶିକ୍ଷକ, ଉଚ୍ଚଶିକ୍ଷା ଅନୁଷ୍ଠାନ, ଶିଳ୍ପ ଅଂଶୀଦାରମାନଙ୍କ ପାଇଁ ଏହା ଏକ ମିଳିତ କାର୍ଯ୍ୟକ୍ରମ ।
ଏପରି କାର୍ଯ୍ୟକ୍ରମ ଦେଶର ଭବିଷ୍ୟତକୁ ନିର୍ମାଣ କରୁଥିବା ସୃଜନ ଚିନ୍ତକ, ଇନୋଭେଟରସ, ଶିଳ୍ପପତିମାନଙ୍କୁ ଖୋରାକ ଦେଇଛି । ଆଗାମୀ ପିଢି ଦ୍ୱାରା ଏଇଠି ଓ ଏବେ ଭବିଷ୍ୟତ ନିର୍ମାଣ ହେଉଛି ।
PBD
(Release ID: 2155771)
|