অপুনবগী ওইবা ইনোভেসনগী মমাঙদা থোকখিদ্রিবা থৌরাং অমা ওইনা, অতল ইনোভেসন মিসন (AIM), নিতি অয়োগ না ঙসি ভারতকী খ্বায়দগী চাউবা স্কুল-বেজ তিঙ্গরিংগী থৌরম, ‘মেগা তিঙ্করিং দে’ পাঙথোক্তুনা স্তেত অমদি য়ুনিয়ন তেরিতরী ৩৫ দা লৈবা অতল তিঙ্করিং লেব (ATLs) ১০,০০০ রোমদগী মহৈরোয়শিং পুন্না শরুক য়ামিন্নখ্রে।

লৈবাক থুংনা ভর্চুএল ওইনা অমদি মতম অমত্তদা পাঙথোকখিবা থৌরম অদুদা ATL লৈবা মহৈ লোয়শঙ ৯৪৬৭ দগী মহৈরোয় ৪,৭৩,৩৫০ না শরুক য়াদুনা মখোয়গী লেবতা লায়না ফংবা পোৎলমশিং শীজিন্নদুনা DIY ভেক্যুম ক্লীনর অমা শেম-শানবা প্রোজেক্ত অমা পায়খৎখি। থবক থৌওংশিং অদু ওনলাইন্দা স্ত্রীম তৌবা মথং-মনাও নাইনা তাকপিবগী সেসন অমনা লমজিংদুনা, মহৈরোয়শিংবু সাইন্তিফিক ওইবা ৱাখল্লোনগী মরমদা খঙজিনবা অমদি মখোয়না মফম অমদা হেক্তা লৈরবসু রিএল তাইমদা পুন্না থবক তৌমিন্নবা ঙমহনখি।

লেহ, লদাখ অমদি কার্গিল, কাস্মিরগুম্বা ভারতকী অৱাং ইথং থংবা মফম, বিরুধনগরগুম্বা এস্পিরেস্নেল দিস্ত্রিক্তশিংগী খ্বায়দগী মনুং হঞ্জিনবা খুঙ্গংশিং, মনিপুর, মিজোরম, অরুনাচল প্রদেশনচিংবা অৱাং নোংপোক লমদম, অমদি কনিয়াকুমারীগুম্বা খাথংবা মফম অমসুং ভুজ অমদি কত্চনচিংবা নোংচুপ ইথং থংবা মফমশিংদা লৈবা মহৈ লোয়শঙশিংনা শরুক য়াখি। থৌরমদুদা AIM গী কাঙবুসু শরুক য়াদুনা ভারত পুম্বদগী মহৈরোয়শিংগা লোয়ননা ৱাখল পুথোক্তুনা ভেক্যুম ক্লীনর অমসু শাখি।

মঙলান চাউরবা প্রোজেক্ত অদুনা, গ্রাসরুত ক্রিএতিবিতী অমসুং পাক শন্না খুৎশম্ননা মহৈ তম্বগী মতিক উত্তুনা ভারতকী মহৈ মশিং অমসুং ইনোভেসনগী লমদা অচৌবা পন্দোল অমা ওইখি।

থৌরমদুদা ৱা ঙাংলদুনা, মিসন দাইরেক্তর, অতল ইনোভেসন মিসন, নিতি অয়োগ, দীপক বগ্লানা হায়খি, “ইকায়খুম্নরবা প্রধান মন্ত্রীগী, ইনোভেসন অমসুং নহাগী মতিক্না লৈবাক্কী অহোংবা পুরক্নবগী শাফু ওইরিবা, বিক্সিত ভারতকী মঙলান পরিংদা পাঙথোক্লিবা মেগা তিঙ্করিং দে ২০২৫ অসিনা গ্রাসরুত ইনোভেসনগী মতিক উৎলিবা পন্দোল অমনি।

লাইব ওইনা পাঙথোকখিবা থৌরম অদুদা, অতল তিঙ্করিং লেব ১০,০০০ হেনবনা চপ মান্নবা পুংফমদা পুনশিন্নদুনা, ভারত পুম্বদগী মহৈরোয় লাখ কয়ানা অমত্তা ওইনা শেম-শাখি, মহৈ তমখি, অমদি অনৌবা ৱাখল্লোন পুথোকখি। মালেমগী লৈবাক অমত্তনা মখোয়গী স্কুল ইকোসিস্তেমদা অসিগুম্বা থাক্তা ইনোভেসন মোবিলাইজ তৌখিবা লৈত্রি। মসি ভারতনা লমজিংনবখক্কী নত্তনা মতৌ করম্না মপাঙ্গল হাপ্পিরবা নহাশিংনা ঐখোয়গী লৈবাক অসিখক্কীদা নত্তনা মালেমগী ওইবা সোলুসনশিং শেমবা ঙম্মি হায়বা উৎননবা মীৎকুপ অমনি। ঙসি ঐখোয়গী ক্লাসরুমশিংদা তুংলমচৎ শেমগৎলি।”

AIM লিংখৎখিবদগী হৌনা, মসিনা মহৈ লোয়শঙশিংদা ATLs ১০,০০০ হেন্না লিংখত্তুনা মহৈরোয়শিংদা 3D প্রিন্তর, রোবোতিক কিতস, IoT দিভাইস, অমদি অতৈ পোৎলম কয়া ফংহল্লি। লেবশিং অসিনা মিদ্দলদগী হায়-স্কুল মহৈরোয়শিংদা মতমগা চুনবা তেক্নোলোজীশিং হকথেংননা শীজিন্নহল্লি অমদি তশেংনা মালেমসিদা মথৌ তাগদবা প্রোব্লেম-সোল্ভিং স্কিলশিং ফংহল্লি।

মেগা তিঙ্করিং দে অসি চুম্নগী প্রোজেক্ত শেম্নবা সেসন অমখক্তা নত্তে; মসি লৈবাক্কী ওইবা ইনোভেসনগী ইহৌ অমা থবক ওইনা পায়খৎপনি। মসিনা লাক্কদৌরিবা একাদমিক চহিগী তিঙ্করিংগী থবক থৌওংশিংগী লোঞ্চপেদ অমা ওইনা মথৌ তৌরি অমদি ভারত পুম্বগী মহৈরোয়, ওজা, মেন্তর, হাইয়র এজুকেসন ইন্সতিত্যুসনশিং, অমদি ইন্দস্ত্রীগী খোঙবুশিং পুনশিনবা মীৎকুপ অমনি।

থৌরম অসিদা ভারতপু তুংলমচৎকীদমক শেম শারিবা ক্রিএতিব থিঙ্কর, ইনোভেতর, অমদি ওন্ত্রপ্রিন্যুরশিং, অমদি তুংলমচৎপু হৌজিক, মফমসিদা ঐখোয়গী মথঙগী মীরোলনা শেম্লি হায়বা উৎলিবা মীওইশিংবু মখোঙ শোম্বিনবা থম্লিবা পান্দমগী মমি তারি।

মেগা তিঙ্করিং দে অমসুং অতল তিঙ্করিং লেব্সকী মরমদা অহেনবা খঙবিনিংলবদি, মসিদা চঙবিয়ু: https://aim.gov.in

🎊On this momentousness "Mega Tinkering Day" let's hear what our Mission Director, Mr. Deepak Bagla had to say about the occasion:-

“In line with the Hon’ble Prime Minister’s vision of Viksit Bharat, where innovation and youth are one of the driving forces of national...... pic.twitter.com/8Et2dNwsJn

— Atal Innovation Mission Official (@AIMtoInnovate) August 12, 2025

***