প্রধানমন্ত্রীগী লোইশঙ
ব্রাজিলগী রাস্ত্রপতিনা পি.এম. নরেন্দ্র মোদীদা তেলিফোন তৌরকখ্রে
পি.এম.না মমাং থাদা ব্রাজিলদা চৎখিবা মহাক্কী খোঙচৎ অদু নীংশিংখ্রে
লুচিংবা অনিনা ত্রেদ, তেক্নোলোজী, ইনর্জী, ঙাকশেল, লৌউ-শিংউ, হকশেল অমসুং পিপল-তু-পিপলগী মরীশিংদা তেংবাং পীনবা হেনগৎহন্নবা য়ান্নখি
মখোয়না নাকল অনিমক্তা কান্নগদবা রিজনেল অমসুং গ্লোবেলগী হীরমশিংদা ৱাখল্লোনশিং ফোংদোক্নখি
Posted On:
07 AUG 2025 9:34PM by PIB Imphal
ব্রাজিলগী রাস্ত্রপতি, হিস এক্সিলেন্সী, শ্রী লুইজ ইনাসিও লুলা দি সিলভানা ঙসি প্রধান মন্ত্রী শ্রী নরেন্দ্র মোদীদা তেলিফোন তৌরকখ্রে।
প্রধান মন্ত্রীনা ত্রেদ, তেক্নোলোজী, ইনর্জী, ঙাকশেল, লৌউ-শিংউ, হকশেল, অমসুং পিপল-তু-পিপলগী মরীশিংদা তেংবাং পীনবা মপাঙ্গল কনখৎহন্নবা ফ্রেমৱার্ক অমদা লুচিংবা অনিনা য়ান্নখিবা মমাং থাদা ব্রাজিলদা চৎখিবা মহাক্কী খোঙচৎ অদু নীংশিংখি।
খন্ন-নৈনবশিং অসিদা য়ুম্ফম ওইরগা মখোয়না ইন্দিয়া-ব্রাজিল স্ত্রেতেজিক পার্তনরশিপ অসিবু অনৌবা পনখৈশিংদা পুখৎনবা মখোয়গী ফিরেপ অদু অমুক হন্না ফোংদোকখি।
লুচিংবা অনিনা নাকল অনিমক্তা কান্নগদবা রিজনেল অমসুং গ্রোবেলগী হীরম কয়ামরুমদা মখোয়গী ৱাখল্লোনশিং ফোংদোক্নখি।
লুচিংবা অনিনা অদুমক পাও ফাওন্দুনা লৈনবা য়ান্নখি।
*****
(Release ID: 2153998)
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam