ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী কর্তব্য পথতা কর্তব্য ভবন-৩ শঙ্গাবা থৌরমদা মীয়ামদা ৱা ঙাংখ্রে। থৌরম অদুদা মহাক্না হায়খি য়াওল ইহৌগী থা ওগষ্ট লাকপদা, ১৫ ওগষ্ট মাংওইননা পুৱারি ওইরবা অতোপ্পা মাইপাকপা অমা পুরক্লে। অনৌবা ভারত অমা শেমগৎপগা লোয়ননা মরুওইবা মাইপাকপশিং অমগী মথংদা অমা ভারতনা উবা ফংলে। হন্দক শিংথানিঙাই ওইবা ইনফ্রাষ্ট্রকচরশিং হায়বদি কর্তব্য পথ, অনৌবা সংসদকী বিল্দিং, অনৌবা দিফেন্স ওফিসশিংগী কমপ্লেক্স, ভারত মন্দপম, যসোভুমি, নেসনেল ৱার মেমোরিএল, নেতাজি সুভাস চন্দ্র বোসগী মীতম অমসুং হৌজিক কর্তব্য ভবন লৈরে। মখোয় অসি ইচম চম্বা অনৌবা বিল্দিংশিং নত্ত্রগা ইনফ্রাষ্ট্রকচর নত্তে, অমৃত কালদা হায়রিবা বিল্দিংশিং অসিদা বিকসিত ভারত অমগী থৌশিলশিং শেমগনি অমসুং লাক্লিবা চহিশিংদা হায়রিবা ইন্সতিতুৎশিং অসিনা লৈবাক অসিগী মাইওন লেপকনি। কর্তব্য ভবন শঙ্গাবদা মহাক মীয়ামদা হরাওবা ফোঙদোকখি অমসুং মসি শাবদা শরুক য়াখিবা ইঞ্জিনিয়ারশিং অমসুং শিন্মীশিংদা তৌবীমল খঙবা উৎখি।

প্রধান মন্ত্রীনা হায়খি কুপ্না খন্নরবা মতুংদা বিল্দিং অসি “কর্তব্য ভবন” হায়না মমিং থোনখিবনি। ভারতকী গনতন্ত্র অমসুং মসিগী সংবিধানগী ৱাখল্লোন কর্তব্য পথ অমসুং কর্তব্য ভবন অনিমক্ত মমি তারে। শ্রী কৃষ্ণনা হায়খি মদুদি কনাগুম্বা অমনা অমাংবা নত্ত্রগা তোংবগী ৱাখলশিংগী মথক্ত লৈগদবনি অমসুং থৌদাং খক্তগী খল্লগা থবক তৌগদবনি। ভারতকী চৎনবীদা ‘কর্তব্য’ হায়রিবা ৱাহৈ অসি থৌদাং খক্ত নত্তে, মসিদা থবক্ত য়ুম্ফম ওইবা ভারতকী ফিলোসোফি য়াওরি। কর্তব্যগী অশেংবা ৱাহন্থোক খঙনবা ইশা ইথন্তগী হেন্দোক্লবা অপুনবা পাক-চাউবা মীৎয়েং অমা য়েংগদবনি। কর্তব্য অসি বিল্দিং অমগী মমিং খক নত্তে, মসি ভারতকী মীয়ামগী মঙলান করোর কয়া মঙফাওনবা ঙম্নবা শেংলবা মফমনি। কর্তব্য অসি অহৌবা অমসুং পন্থুং অনিমক্নি, মীওইবগী অৱাবা মশক খঙবা অমসুং হোৎনবা কন্নবনা য়োমশিনবনি, কর্তব্য অসি থবক্কী লংলানি, মসি মঙলানশিংগী মরুপনি, ৱাশকশিংগী থাজবনি অমসুং থবক্কী অরোইবা পনখৈনি। কর্তব্য অসি পুন্সি খুদিংমক্ত থাউমৈ অমা থাল্লিবা অচেৎপা ফিরেপকী শাফুনি, কর্তব্য অসি মীয়াম করোর কয়াগী হকশিং ঙাক্নবা য়ুম্ফমনি। কর্তব্য অসি ইমা ভারতকী পুন্সিগী থৌনা পুরিবনি অমসুং নাগরিক দেবো ভবগী লাইৱা শোল্লি। কৎথোকপগা লোয়ননা লৈবাক্কী পাংথোক্লিবা থবক খুদিংমক কর্তব্যনি।

প্রধান মন্ত্রীনা হায়খি বৃতিস লোয়লম লৈঙাক মনুংদা শারম্বা বিল্দিংশিংদগী নিংতম্বা ফংলবা মতুংদা ভারতকী লৈবাক ঙাকপগী থবকশিং পাংথোক্লি। হায়রিবা অরিবা বিল্দিংশিং অসিগী ফিবম য়াম্না শোক্লে, মফম, মঙাল অমসুং নুংশিৎ চঙফম ফজনা লৈত্রে। চহি ১০০ রোম শুরবা বিল্দিং অমা খক্তদা কমদৌনা মরুওইবা হোম এফেয়ার্স মিনিষ্ট্রিগুম্বা মিনিষ্ট্রি অমা থবক তৌরিবনো হায়বা খনবদা য়াম্না ৱাই। হৌজিক ভারত সরকারগী তোঙান তোঙানবা মিনিষ্ট্রি কয়া দিল্লিগী তোঙান তোঙানবা মফম ৫০ দা থবক তৌরি। মিনিষ্ট্রিশিং অসি ভারাগী বিল্দিংশিংদা থবক তৌরি। ভারাগী চহিগী শেনফম অসি লুপা করোর ১৫০০ য়ৌরি। সরকারগী ওফিসশিংগী ভারা পীনবা য়াম্লবা শেনফম অমা চাদিং তৌরি। অতোপ্পা খুদোংচাদবা অমনা, ওফিসশিং চাইথোক্লগা লৈবদগী মীওইশিং কয়া চৎথোক-চৎশিনগী থবক অসিনি। ইমপ্লোইয়ি ৮,০০০ দগী ১০,০০০ ফাওবা মিনিষ্ট্রিশিংগী মরক্ত নুমিৎ খুদিংগী চৎথোক-চৎশিন তৌরি, মসিনা গারি চা কয়া চেল্লি, খরচ হেনগৎহল্লি অমসুং লম্বী চিনবা হেনগৎহল্লি। মতম মাংবা অসিনা লৈবাক্কী থবক ফজনা পাংথোকপদা অপনবা পীরি। ২১শুবা চহিচাগী ভারতনা ২১শুবা চহিচাগী অনৌবা বিল্দিংশিং দরকার ওইরে। তেক্নোলোজি, সেকুরিতি অমসুং খুদোংচাবদা খুদম ওইবা য়াবা বিল্দিংশিং দরকার ওইরে। অসিগুম্বা বিল্দিংশিং অসিনা ষ্টাফগী নুংঙাইবা, য়াংনা ৱারেপ লৌবা ঙম্বা অমসুং থবকশিং ফজনা পাংথোকপা ঙম্বা ওইগদবনি। অচুম্বা পান্দম অমগা লোয়ননা কর্তব্য পথকী অকোয়বদা কর্তব্য ভবনগুম্বা অচৌবা বিল্দিংশিং শাগৎলে। অহানবা কর্তব্য ভবন শাবা লোইশিল্লে, অতোপ্পা কর্তব্য ভবন কয়া য়াংনা শাগৎলি। হান্নগী ওফিসিশিং হায়রিবা অনৌবা কমপ্লেক্সশিং অসি হোংজিনখিবা মতমদা, অফবা থবক শুবা মফম অমদা থবক শুবগী কান্নবা ইমপ্লোইয়িশিংনা ফংগনি, মসিদা মখোয় থবক ফজনা শুবা ঙমগনি। তোঙান তোঙানবা মফমশিংদা লৈরিবা মিনিষ্ট্রিগী ওফিসশিংগী ভারা পীবদা চৎলিবা লুপা করোর ১,৫০০ গী শেনফম সরকারনা কনবা ঙম্লগনি।

প্রধান মন্ত্রীনা হায়খি অনৌবা দিফেন্স কমপ্লেক্সশিং য়াওনা অচৌবা কর্তব্য ভবন অমসুং অতোপ্পা মরুওইবা ইনফ্রাষ্ট্রকচর প্রোজেকশিং অসি ভারতকী খোঙজেলগী খুদম অমা ওইবতা নত্তনা লৈবাক অসিগী মালেমগী মীৎয়েংগী মমি অমসু ওইরি। ভারতনা মালেমদা থম্লিবা পান্দম অসি লৈবাক মনুং অসিদসু চৎনরে অমসুং মসি লৈবাক অসিগী ইনফ্রাষ্ট্রকচর শেমগৎলিবা অসিদা মমি তারে। মিসন লাইফ অমসুং ‘মালেম অমা, নুমিৎ অমা, গ্রিদ অমা’গুম্বা থবকশিংনা ভারতনা মালেমগী মতেং পাংলি। হায়রিবা অনৌবা ৱাখলশিং অসিনা তুংগীদমক মীওইবা খুন্নাইগী থাজবা পুদুনা চৎলি। কর্তব্য ভবনগুম্বা অনৌবা মতমগী ইনফ্রাষ্ট্রকচর অসিদা মীয়ামগী য়াইফনবা ৱাখল য়াওরি অমসুং গ্রহ অসিগী য়াইফনবা বিল্দিং অমা ওইরি। কর্তব্য ভবন্দা রুপতোপ সোলার পেনেলশিং থম্লে। ভারত শীনবা থুংনা গ্রিন বিল্দিংশিংগী পান্দমগা লোয়ননা বিল্দিং অসিদা অফবা মখলগী অমোৎপা লোইশিন্নবা থবকশিং য়াওরে। অচুম্বা পান্দম অমগা লোয়ননা সরকারনা লৈবাক শেমৎপগী থবক পায়খৎলি। ঙসিদি চাউখৎপগী ইচেল য়ৌদবা লৈবাক অসিগী মফম অমতা লৈত্রে। দিল্লিদা অনৌবা সংসদকী বিল্দিং শাবা উরে, লৈবাক শীনবা থুংনা পঞ্চায়ত ভবন ৩০,০০০ হেন্না শারে। কর্তব্য ভবনগুম্বা অচৌবা বিল্দিংশিংগা লোয়ননা লায়রবশিংগীদমক পাক্কাগী য়ুম করোর ৪ হেন্না শাখ্রে। নেসনেল ৱার মেমোরিএল অমসুং পুলিস মেমোরিএল শারে, লৈবাক শীনবা থুংনা অনৌবা মেদিকেল কলেজ ৩০০ হেন্না লিংখৎলে। দিল্লিদা ভারত মন্দপম লৈরে, লৈবাক শীনবা থুংনা অমৃত ভারত রেলৱে ষ্টেসন ১,৩০০ হেন্না শেমগৎলে। যসোভুমিগী ফজবদা অওনবা পুরক্লিবা অসিগী পাক-চাউবগী মমি তারে। হৌখিবা চহি ১১ অসিদা অনৌবা এয়রপোর্ত ৯০ রোম শেমগৎপা উরে। 

প্রধান মন্ত্রীনা হায়খি হকশিং অমসুং থৌদাংশিং অচেৎপা মরী লৈনৈ হায়না মহাত্মা গান্ধীনা থাজখি অমসুং থৌদাংশিং পাংথোকপনা হকশিংগী য়ুম্ফমশিং মপাঙ্গল কনখৎহল্লি। মীয়ামগী থৌদাংশিংদা থাজবা থম্বগা লোয়ননা সরকারনশু মসিগী পাংথোকফম থোকপা থবকশিং থৱায় য়াওনা পাংথোক্কদবনি। সরকার অমনা থম্মোয় শেংনা সরকারগী থৌদাংশিং পাংথোকপা মতমদা, মদুগী মমি অদু সরকারগী থবকশিংদা মমি তাই। হৌখিবা চহি ১০ অসি লৈবাক অসিদা অফবা লৈঙাক লৈবগী চহি ১০ ওইরে। অওনবশিংগী তুরেল খোঙনুংদগী অফবা লৈবাক অমসুং চাউখৎপগী ইচেলশিং হৌরকই, অওনবশিং হায়বদি ফজনা থবক পাংথোকপা অমসুং অকক্নবা মতমগী মনুংদা থবক পাংথোকপা অদুবুনি, ভারতনা লেপ্তনা অচৌবা অওনবা কয়া পুরক্লি। ভারতকী অওনবশিং অসি মপুংফাবা খক নত্তনা পান্দম অমা য়াওরি। হৌজিক পায়খৎলিবা থবকশিং অসিনা সরকারগা মীয়ামগা লৈনবা মরীশিং ফগৎহল্লে, হিংবদা লাইবা হেনগৎহল্লে, লায়রবশিং লুম্না লৌরে, নুপীশিংগী ফিবম ফগৎলে অমসুং লৈবাক ঙাকপগী থবক ফগৎলে। হিরমশিং অসিদা লৈবাক অসিনা লেপ্তনা অনৌবা থবকশিং পায়খৎলি। হৌখিবা চহি ১১ দা, অরোন-অথুপ লৈতবা, থবক পাংথোকপা অমসুং মীয়ামগী য়াইফনবা থবক তৌবা লৈঙাক্কী নমুনা অমা ভারতনা শেমগৎলে।

প্রধান মন্ত্রীনা মখা তানা হায়খি মহাক্না চৎলুবা লৈবাকশিংদা জাম ত্রিনিতি-জন ধন, আধার অমসুং মোবাইল অসি খন্নরে অমসুং মালেম্না থাগৎনরে। জামনা ভারত্ত সরকারগী স্কিমশিং অরোন-অথুপ লৈতনা অমসুং হুরান্দনা মীয়ামদা ফংহল্লে। মখোয় লৈরি হায়বা ফাওবা খঙদনা বেনিফিসরি করোর ১০ রোমগী রেসন কার্দশিং, গ্যাস সবসিদিশিং অমসুং স্কোলারশিপশিংগুম্বা স্কিমশিং লৈবদা মীয়াম অঙকপা পোক্নখি। মমাঙগী সরকারশিংনা শাশিন্নবা বেনিফিসরিশিংগী মমিংশিংদা ফন্দশিং য়েন্থোকখি, মসিদগী অরোনবা একাউন্তশিংদা ফন্দশিং থৈদোকখি। হৌজিক পাল্লিবা সরকার অসিগী মখাদা, বেনিফিসরিগী লিষ্টতগী অরানবা মিং করোর ১০ ককথৎলে। হায়রিবা থবক অসিনা লৈবাক অসিনা লুপা করোর লাখ ৪.৩ অরানবা তৌবা মীওইশিংদগী কনবা ঙম্লে অমসুং শেনফম অসি হৌজিক চাউখৎ-থৌরাংগী থবকশিংদা শীজিন্নরে। অশেংবা বেনিফিসরিশিং পেল্লে অমসুং লৈবাক্কী শেনফমশিং কনবা ঙম্লে। শেঞ্জা-থুমজা অমসুং নারোন্দা লৌথোকপগী মথক্ত, মতমগা চুনদ্রবা নিয়মশিং অমসুং চৎন-কাংলোনশিং অসি মীয়াম অৱাবা পীনবা হৌরকফম ওইদুনা লাক্লি অমসুং সরকারগী ৱারেপ লৌবদা অপনবা পীরে। মসি কোক্নবা, লোয়লম লৈঙাক মতমগী অরিবা আইন ১,৫০০ হেন্না চৎনদ্রে, মখোয়না চহি কয়া মখা তানা লৈবাক ঙাকপদা অপনবা পীখি। লনাই মীওইশিং মমাঙদা চে-চাং কয়া পীশিনবা দরকার ওইখি। হৌখিবা চহি ১১ অসিদা, কমপ্লাইয়েন্স ৪০,০০০ হেন্না মুৎথৎলে অমসুং মসিগী থবক অসি মখা তানা তপ্না তপ্না পায়খৎলি।

প্রধান মন্ত্রীনা হায়খি মমাঙদা দিপার্তমেন্তশিং অমসুং মিনিষ্ট্রিশিংগী মরক্ত থৌদাংশিং য়েৎশিন্নবা থোকপদগী থবকশিং থেংথখি। মসি থোক্তনবা, দিপার্তমেন্ত কয়া পুনশিল্লে, অনি থোকপগী থবক লৈত্রে অমসুং দরকার ওইবা মিনিষ্ট্রিশিং পুনশিল্লে নত্ত্রগা অনৌবা শেম্লে। ঈশিং ফংহন্নবা জল শক্তি মিনিষ্ট্রি শেম্লে, কোওপরেতিপ মুভমেন্ত ফগৎনবা কোওপরেসন মিনিষ্ট্রি শেম্লে, ফিসরিজ মিনিষ্ট্রি শেম্লে, অহানবা ওইনা নহারোলশিংগী ফিবম ফগৎনবা স্কিল দিবলপমেন্ত অমসুং ওন্ত্রেপ্রেন্যুরশিপ মিনিষ্ট্রি লিংখৎলে। হায়রিবা অওনবশিং অসিনা লৈবাক ঙাকপগী থবক ফগৎহল্লে অমসুং মীয়ামগী থবকশিং পাংথোকপা য়াংখৎহল্লে। সরকারগী থবক শুবগী চৎনবগী ফগৎনবা থবকশিং পায়খৎলি। মিসন কর্মায়োগী অমসুং আই-গোতগুম্বা দিজিতেলগী প্লেতফোর্মশিংনা সরকারগী থবক তৌবা মীওইশিংদা তেক্নিকেল অমসুং প্রোফেসনেল ত্রেনিং পীরে। ই-ওফিস, ফাইল খোঙ্গুল লিবা অমসুং দিজিতেল এপ্রুবেলগুম্বা থবকশিংনা লৈবাক ঙাকপগী থবকশিংদা অওনবা পুরক্লে- মখোয়না থবক য়াংহনবা খক নত্তনা মরম চানা থবক তৌবা অমসুং খোঙ্গুল লিবা ঙমহল্লে। অনৌবা বিল্দিংদা হোংজিনবা অসিদা কনাগুম্বা অমগী থৌনা হেনগৎহল্লে। অনৌবা বিল্দিং অসিদা চপ মান্নবা থৌনা অমসুং কৎথোকপগা লোয়ননা ইমপ্লোইয়িশিংনা মখোয়গী থৌদাংশিং পাংথোক্কদবনি। মখোয়না পায়রিবা ফমগী পীকপা চাউবা থিদনা, মীওই খুদিংমক্না মখোয়না থবক তৌরিঙৈ মতম অদু তশেংনা নিংশিংনিঙাই ওইনবা হোৎনগদবনি। চাউথোকচবা ৱাখল অমগা লোয়ননা ইমপ্লোইয়িশিংনা লৈবাক্কীদমক মখোয়না চাদা ১০০ থবক তৌরে। 

প্রধান মন্ত্রীনা হায়খি ফাইলশিংদা য়েংলিবা মীৎয়েং হোংদোকপা দরকার ওইরে। ফাইল অমা, খুদোংচাদবা অমা নত্ত্রগা এপ্লিকেসন অমা অসি মহৌশাগী পাংথোক্তুনা লাকপা অমা থবক অমা ওইবা য়াই, অদুবু কনাগুম্বা অমগীদি, চে মচেৎ অদুদা মখোয়দগী খ্বাইদগী থাজবা থম্লিবনি। ফাইল অমগা মশিং থিঙমদ্রবা লনাই মীওইশিংগী পুন্সিশিংগা মরী লৈনরি। মীওই লাখ ১ গা মরী লৈনবা ফাইল অমা করিগুম্বা নোংম থেংথরবদি, মসিনা মীওই লাখ ১ অমগী নোংমগী মতম মাঙহল্লি। মসিগী ৱাখল অসিগা লোয়ননা ওফিসিএলশিংনা থবক তৌগদবনি। অনৌবা ৱাখল পুথোকপা অসিনা অওনবা পুরক্নবগী য়ুম্ফম থোনগনি। ইথৌ পাংথোক্নবা ৱাখলগা লোয়ননা সরকারগী ইমপ্লোইয়িশিংনা লৈবাক শেমগৎনবা থবক পায়খৎকদবনি, চাউখৎপা লৈবাক ওইনবা ভারতকী মঙলান অসি থৌদাং পাংথোক্নবা শিওম নুংদা হিংলিবনি।

প্রধান মন্ত্রীনা হায়খি ভারতনা নিংতম্বা মতম অদুদা লৈবাক কয়া নিংতম্বা ফংখি। পুৱারিগী খুদোংচাদবা কয়ানা মরম ওইদুনা ভারতকী চাউখৎপা য়াম্না তপখি। হায়রিবা খুদোংচাদবশিং অসি তুংগী মীরোলশিংদা শীন্নরমদবা অসি হৌজিক ঐখোয়গী থৌদাংনি। অরিবা বিল্দিংশিং অসিগী ফক্লাংশিংগী মনুংদা মরুওইবা ৱারেপশিং লৌবদগী মীওই করোর ২৫ লায়রবা কোক্লে।

অনৌবা বিল্দিংদা থবক ফজনা পাংথোকপা হেনগৎলকপগা লোয়ননা, বিকসিত ভারত অমগী মঙলানা মঙফাওনবা অমসুং মপুংফানা লায়রবা কোকহনবা অসি পান্দমনি। মালেমগী অহুমশুবা খ্বাইদগী চাউবা ইকোনোমি ওইহন্নবা মরী লৈনবশিং পুন্না থবক তৌমিন্নগদবনি। মেক ইন ইন্দিয়া অমসুং অত্মানির্ভর ভারতকী মাইপাকপগী ৱারি ইরবদা মীওই খুদিংমক শরুক য়ারসি। তুরিজমগী খন্নরকপা মতমদা, ভারত মালেমগী লমকোয়বফম অমা ওইরক্লে, ব্রান্দশিং পল্লকপা মতমদা, মালেম্না ভারতকী ইন্তরপ্রাইজশিংদা য়েংলক্লে  অমসুং লাইরিক-লাইশুগী খন্নরকপদা, মালেমগী মহৈরোয়শিংনা ভারত খল্লে। ভারতকী তৌবা ঙম্বশিং হেনগৎহনবা অসি ৱাশক অমা অমসুং লনাইগী পান্দম অমা ওইহনগদবনি। মাইপাক্লবা লৈবাকশিংদা মাঙলোমদা চঙশিল্লকপা মতমদা, মখোয়গী অফবা পুৱারি মখোয়না থাদোক্তে, মসি ঙাক-শেন্দুনা থম্মী। ‘বিকাস ওর বিরাসাত’ কী পান্দমগা লোয়ননা ভারত মাঙলোমদা চঙশিল্লি। অনৌবা কর্তব্য ভবনশিং শঙ্গারবা মতুংদা, পুৱারি ওইরবা নোর্থ অমসুং সাউথ ব্লোকশিং হৌজিক ভারতকী অহিংবা পুৱারিগী শরুক ওইরগনি। হায়রিবা বিল্দিংশিং অসি “য়ুগে য়ুগিন ভারত সংগ্রাহলয়” হায়না মমিং থোন্দুনা সরকারগী ম্যুজমশিং ওন্থোক্লগনি। ভারতকী ইনাকখুল্লবা সভেত্যগী খোঙচৎ মীয়াম্না য়েংবা য়ারগনি। মীয়াম্না অনৌবা কর্তব্য ভবন্দা চঙবা মতমদা, হায়রিবা মফমশিং অসিগা শাগোন্নরিবা ইথিল অমসুং চৎনবী মীয়াম্না পুখিগনি। কর্তব্য ভবন শঙ্গাবা অসিদা প্রধান মন্ত্রীনা ভারতকী মীয়ামদা থম্মোয় শেংনা হরাওবা ফোঙদোকখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা য়ুনিয়ন মিনিষ্টরশিং, সংসদকী মেম্বরশিং অমসুং ভারত সরকারগী ওফিসিএলশিং য়াওখি।

নুঙগীৱারোল

ঙসি অয়ুক প্রধান মন্ত্রী শ্রী নরেন্দ্র মোদীনা দিল্লিদা কর্তব্য পথতা কর্তব্য ভবন শঙ্গাখ্রে।

মসিনা প্রধান মন্ত্রীগী মোদর্ন, ইফিসিএন্ত অমসুং সিতিজন-সেন্ত্রিক গভর্নান্সকী ভিজনদা সরকারনা থাজবা থম্লিবা অসিদা অচৌবা মাইপাকপা অমনি। শঙ্গারবা কর্তব্য ভবন-০৩ অসি সেন্ত্রেল ভিস্তাগী হেন্না চাউবা ত্রান্সফোর্মেসনগী শরুক অমনি। মসি এদমিনিস্ত্রেতিব প্রোসেসশিং স্ত্রীমলাইন তৌনবা অমসুং মথৌ নীংথিনা পাংথোকপা ঙম্বা গভর্নান্স ওইহন্নবা পান্দম থম্লিবা শেমগৎলক্লিবা কম্মন সেন্ত্রেল সেক্রেতরিয়েৎ বিল্দিং কয়াগী মনুংদা অহানবা বিল্দিংনি।

প্রোজেক্ত অসিনা সরকারগী এদমিনিস্ত্রেতিব রিফোর্ম এজেন্দাগী মপুং ফাবা শরুক অমনি। মন্ত্রালয়শিং কো-লোকেৎ তৌদুনা অমসুং খ্বাইদগী ফবা ইনফ্রাস্ত্রকচর শীজিন্নদুনা, কম্মন সেন্ত্রেল সেক্রেতরিয়েৎনা ইন্তর-মিনিস্ত্রিএল কোওর্দিনেসন ফগৎহনগনি, পোলিসী পায়খৎপদা য়াঙখৎহনগনি অমসুং রেস্পোন্সিব এদমিনিস্ত্রেতিব ইকোসিস্তেম অমা শেমগৎকনি।

হৌজিক্কী ওইনা, মরুওইবা মন্ত্রালয় কয়ানা শাস্ত্রী ভবন, কৃষি ভবন, উদোগ ভবন, অমসুং নির্মান ভবনগুম্বা চহি য়াম্লবা বিল্দিংশিংদগী থবক তৌরি। বিল্দিংশিং অসি ১৯৫০ অমসুং ১৯৭০গী মরক্তা শাখিবনি। হৌজিক্তি মখোয় অসি স্ত্রকচরেল ওইনা মতমগা চুনদ্রে অমসুং মতিক চাদ্রে। অনৌবা ফেসিলিতীশিং অসিনা শেমজিন-শাজিনবা অমসুং মেনতেন্সনগী শেনফম হন্থহল্লগনি, প্রদক্তিবিতী হেনগৎহল্লগনি, এমপ্লোয়ীগী ৱেল-বিং ফগৎহল্লগনি, অমসুং অপুনবা সর্ভিস দেলিভরী হেনগৎহল্লগনি।

কর্তব্য ভবন-০৩ অসি হৌজিক্তি দিল্লীগী মফম কয়াদা চাইথোক্তুনা লৈরিবা তোঙান তোঙানবা মন্ত্রালয়শিং অমসুং বিভাগশিং পুনশিন্দুনা ইফিসিএন্সী, ইন্নোভেসন অমসুং কোল্লাবোরেসন হেনগৎহন্নবা দিজাইন তৌখ্রে। মসি বেসমেন্ত অনি অমসুং লেভেল তরেৎ (গ্রাউন্দ + ফ্লোর ৬) কোনশিন্দুনা চাউরাক্না স্ক্বার মিতর লাখ ১.৫গী পাক-চাউবা স্তেত ওফ দি আর্ত ওফিস কমপ্লেক্স অমা ওইগনি। মসিদা হোম এফিয়র্স, এক্সতর্নেল এফিয়র্স, রুরেল দিবেলপমেন্ত, এম.এস.এম.ই, দি.ও.পি.তি, পেত্রোলিয়ম অমসুং নেচরেল গ্যাস অমসুং প্রিন্সিপাল সাইন্তিফিক এদভাইজর (পি এস এ) গী ওফিসশিং লৈগনি।

অনৌবা বিল্দিং অসিনা আই.তি-রেদী অমসুং সেক্যুর ৱার্কস্পেসশিং, আই.দি কার্দ-বেজ এক্সেস কন্ত্রোলশিং, ইন্তিগ্রেতেদ ইলেক্ত্রোনিক সর্ভিলেন্স, অমসুং সেন্ত্রেলাইজ কমান্দ সিস্তেম য়াওবা মোদর্ন গভর্নান্স ইনফ্রাস্ত্রকচরগী খুদম ওইগনি। মসিনা সস্তেনেবিলিতীদসু মাংজিল থানা চঙগনি, দবল-গ্লাস ফেকেদশিং, রুফতোপ সোলর, সোলর ৱাতর হীতিং, এদভান্স ঐচ.ভি.এস.সি (হীতিং, ভেন্তিলেসন, অমসুং এয়র কন্দিসনিং) সিস্তেমশিং, অমসুং নোংগী ঈশিং য়োকশিনবা য়াওনা গ্রিহা-৪ রেতিং অমা তার্গেৎ তৌরি। ফেসিলিতী অসিনা জিরো-দিসচার্জ ৱেস্ত মেনেজমেন্ত, ইন-হাউস সোলিদ ৱেস্ত প্রোসেসিং, ই-ভেহিকল চার্জিং স্তেসনশিং, অমসুং রিসাইকল তৌরবা কন্সত্রক্সন মেতরিএলশিং পাক শন্না শীজিন্নদুনা ইকো-কন্সিয়সনেসপু য়োকখৎকনি।

জিরো-দিসচার্জ কেম্পস অমা ওইনা, কর্তব্য ভবন অসিনা ঈশিংগী মথৌ তাবা মরুওইবা শরুক অমা ফংহন্নবগীদমক্তা ৱেস্তৱাতর ত্রীৎ অমসুং রিয়ুজ তৌরি। বিল্দিং অসিদা রিসাইকল তৌরবা কন্সত্রক্সন অমসুং দিমোলিসন ৱেস্তশিংবু মেসনরী অমসুং পেভিং ব্লোকশিংদা শীজিন্নরি, মথক থংবা লৈমাই শীজিন্নবা অমসুং স্ত্রকচরেল লোদ হন্থহন্নবা লাইৎ ৱাইদ পার্তসনশিং শীজিন্নরি, অমসুং ইন-হাউস সোলিদ ৱেস্ত মেনেজমেন্ত সিস্তেম অমা য়াওরি।

বিল্দিং অসি চাদা ৩০ হেন্না ইনর্জী হন্থনা শীজিন্ননবা দিজাইন তৌই। বিল্দিং অদু ইংনা থম্নবা অমসুং মপান্দা থোকপা মখোল তাবা হন্থহন্নবা অখন্নবা গ্লাসকী থোঙনাওশিং পাল্লি। ইনর্জী কনবা এল.ই.দি লাইৎশিং, মথৌ তাদ্রবা মতমদা মৈ মুত্থৎপা সেন্সরশিং, ইনর্জী কনবা স্মার্ত লিফ্তশিং, অমসুং ইলেক্ত্রিসিতী শীজিন্নবগী মেনেজমেন্তকী অৱাংবা থাক্কী সিস্তেম পুম্নমক অসিনা ইনর্জী কনবা ঙমগনি। কর্তব্য ভবন-০৩ গী মথক্তা লৈরিবা সোলর পেনেলশিংনা চহি খুদিংগী ইলেক্ত্রিসিতী য়ুনিৎ লাখ ৫.৩৪ হেন্না পুথোক্লগনি। সোলর ৱাতর হীতরশিংনা নুমিৎ খুদিংগী মথৌ তাবা অশাবা ঈশিংগী ক্বার্তর অমা হেন্না ফংহল্লি। ইলেক্ত্রিক ভেহিকলশিংগী চার্জিং স্তেসনশিংসু লৈরে।

Speaking at the inauguration of Kartavya Bhavan, a state-of-the-art facility designed to enhance governance by bringing together multiple ministries and departments under one roof. https://t.co/FRsuapXkbb

— Narendra Modi (@narendramodi) August 6, 2025

Kartavya Bhavan will guide the policies and direction of a developed India. pic.twitter.com/0JXivYu265

— PMO India (@PMOIndia) August 6, 2025

Kartavya Bhavan embodies the resolve to fulfil the nation's dreams. pic.twitter.com/Q5T9qFRect

— PMO India (@PMOIndia) August 6, 2025

India is being shaped by a holistic vision, where progress reaches every region. pic.twitter.com/NcBBzpjlPU

— PMO India (@PMOIndia) August 6, 2025

In the past 11 years, India has built a governance model that is transparent, responsive and citizen-centric. pic.twitter.com/3sAJjT9o6y

— PMO India (@PMOIndia) August 6, 2025

Together, let us make India the world's third-largest economy and script the success story of Make in India and Aatmanirbhar Bharat: PM @narendramodi pic.twitter.com/jSRSY0qjMd

— PMO India (@PMOIndia) August 6, 2025

***