مرکزی وزیر تعلیم جناب دھرمیندر پردھان نے آج نئی دہلی میں این ای پی- 2020 کے 5 سال  مکمل ہونے پر اکھل بھارتیہ شکشا سماگم -2025 کا افتتاح کیا۔ اکھل بھارتیہ شکشا سماگم (اے بی ایس ایس) 2025، قومی تعلیمی پالیسی (این ای پی) 2020 کی پانچویں سالگرہ کے موقع پر اے بی ایس ایس 2025 پلیٹ فارم، ماہرین تعلیم، پالیسی سازوں، معلمین، صنعتی رہنما اور حکومتی نمائندوں  کو یکجا کرتا ہے جہاں وہ  این ای پی2020 کے تحت ہونے والی قابل ذکر پیش رفت کا جائزہ لینے اور آگے بڑھنے کے راستے کا خاکہ

 تیار کیا جاسکے۔

اس موقع پروزیر مملکت برائے تعلیم اور وزیر مملکت (آزادانہ چارج)، ہنرمندی کی ترقی اور صنعت کاری کی وزارت جناب جینت چودھری؛ شمال مشرقی خطے کی تعلیم اور ترقی کے وزیر مملکت ڈاکٹر سوکانت مجمدار اور 13 ریاستوں/ مرکز کے زیر انتظام علاقوں کے وزرائے تعلیم نے بھی اس  پروگرام میں شرکت کی۔ ڈاکٹر ونیت جوشی، سکریٹری، محکمہ اعلیٰ تعلیم؛ جناب سنجے کمار، سکریٹری، محکمہ اسکولی تعلیم اور خواندگی؛ ممتاز ماہرین تعلیم؛ چیئرپرسن؛ایم او ای کے تحت خود مختار اداروں کے سربراہ؛ سی بی ایس ای، کے وی ایس، این وی ایس کے علاقائی افسران؛ وی سی ایس/ڈائریکٹرز/ایچ ای آئی ایس کے سربراہان، دیگر وزارتوں کے سینئر حکام، ریاستی تعلیم کے سکریٹری، سمگر شکشا کے ریاستی پروجیکٹ ڈائریکٹر،ایس سی ای آر ٹی ڈائریکٹر، اسٹارٹ اپس کے بانی اوراسکول کے طلباء موجود تھے۔

 تقریب کا آغاز معززین نے پدم وبھوشن ڈاکٹر کے کستوری رنگن کو خراج عقیدت پیش کرنے کے ساتھ کیا، جو قومی تعلیمی پالیسی این ای پی-2020 کی ڈرافٹنگ کمیٹی کے چیئرمین تھے۔ اس موقع پر ان کی دور اندیش قیادت اور ہندوستان کی تعلیم اور خلائی شعبوں میں نمایاں تعاون اور خدمات کا اعتراف  کیا گیا۔ اس کے بعد کیندریہ ودیالیوں کے طلباء کی طرف سے پیش کردہ ایک خیر مقدمی گیت پیش کیا گیا، جس نے اس موقع پر نیا جوش بھر دیا۔ اس موقع پر وزیر مملکت جناب جینت چودھری نے این ای پی-2020 کی 5ویں سالگرہ پر وزیر اعظم کا پیغام پڑھ کر سنایا۔

اس موقع پر خطاب کرتے ہوئے جناب دھرمیندر پردھان نے کہا کہ محکمہ اسکولی تعلیم اور خواندگی (ڈی او ایس  ای ایل) اور محکمہ اعلیٰ تعلیم ( ڈی او ایچ ای) کے درج ذیل اقدامات کا آغاز کیا:

اس موقع پر بات کرتے ہوئے  جناب  دھرمیندر پردھان نے قومی تعلیمی پالیسی (این ای پی) - 2020 کے کامیاب پانچ سال مکمل ہونے پر اپنی دلی خواہشات کا اظہار کیا۔

انہوں نے کہا کہ این ای پی- 2020 وزیر اعظم جناب نریندر مودی کے تبدیلی کے ویژن کی عکاسی کرتا ہے، جو تعلیم کو ہندوستان کی ترقی کی کہانی کے مرکز میں رکھتے ہیں۔ انہوں نے مزید  کہا کہ جیسے ہی  ملک جیسے جیسے‘وکِسِت بھارت – 2047’ کے ویژن کی طرف بڑھ رہی ہے، قومی تعلیمی پالیسی ایک قومی مشن کے طور پر آگے بڑھنے کی رہنمائی کرتی ہے۔

انہوں نے اس بات پر روشنی ڈالی کہ گزشتہ پانچ  برسوں میں حکومت نے این ای پی- 2020 کو پالیسی سے عملی طور پر لے جانے میں کامیابی حاصل کی ہے - تعلیمی نظام میں ایک مثالی تبدیلی لانے اور کلاس رومز، کیمپسز اور کمیونٹیز تک رسائی شامل ہیں۔

 جناب  پردھان نے نوٹ کیا کہ ہندوستانی اخلاقیات این ای پی- 2020 کے مرکز میں ہیں۔ سائنسی تعلیم، اختراع، تحقیق، ہندوستانی علمی نظام اور ہندوستانی زبانوں پر مضبوط توجہ کے ساتھ پالیسی تعلیم کو قوم کی تعمیر کے وسیع تر مقصد کے ساتھ ہم آہنگ کرتی ہے۔

 وزیر موصوف نے زور دے کر کہا کہ ‘وکست بھارت’ محض ایک ویژن نہیں ہے بلکہ وزیر اعظم مودی کی طرف سے دی گئی ایک طاقتور کال ٹو ایکشن ہے۔ ان کے مطابق این ای پی - 2020 اس خواب کو شرمندہ تعبیر کرنے کا سب سے مؤثر ذریعہ ہے۔ انہوں نے تمام اسٹیک ہولڈرز پر زور دیا کہ وہ اس بات کو یقینی بنانے کے لیے توجہ مرکوز اور فعال اقدامات کریں کہ ہر کلاس روم بامعنی سیکھنے کی جگہ بن جائے اور ہر بچے کی صلاحیت کو پروان چڑھایا جائے۔

انہوں نے یہ کہتے ہوئے اپنی تقریر کا اختتام کیا کہ اکھل بھارتیہ شکشا سماگم صرف ایک کانفرنس نہیں ہے بلکہ ایک ترقی یافتہ ہندوستان کی تعمیر کے قومی عزم کا اجتماعی اظہار ہے۔ انہوں نے ہر ایک پر زور دیا کہ وہ این ای پی- 2020 کے موثر نفاذ کے  لئے دل و جان سے عزم کریں - کلاس رومز سے تخلیقی صلاحیتوں اور سیکھنے سے  ملک کی تعمیر کی  جانب۔

 جناب  دھرمیندر پردھان نے اس موقع پر محکمہ اسکولی تعلیم اور خواندگی (ڈی او ایس ایک ایل) اور محکمہ اعلیٰ تعلیم (ڈی او ایچ ای)کے درج ذیل اقدامات کا آغاز کیا:

ڈی او ایس ای ایل کا آغاز

سنگ بنیاد/ افتتاح :

1-سی بی ایس ای: پٹنہ کے دیگھا میں نو تعمیر شدہ سی بی ایس ای کے علاقائی دفتر کی عمارت

2- این وی ایس :درج ذیل جواہر نوودیہ ودیالیوں (جے این وی ایس) میں مستقل کیمپس اور سہولیات (ہاسٹل و اسٹاف کوارٹروں) کا افتتاح عمل میں آیا:

1. جے این وی، جوناگڑھ (گجرات) — مستقل کیمپس
2. جے این وی، دیو بھومی دوارکا (گجرات) —  ہاسٹل اور اسٹاف کوارٹرز
3. جے این وی، مہی ساگر (گجرات) —  ہاسٹل اور اسٹاف کوارٹرز
4. جے این وی، موربی (گجرات) —  ہاسٹل اور اسٹاف کوارٹرز
5. جے این وی، شہڈول (مدھیہ پردیش) —  ہاسٹل اور اسٹاف کوارٹرز
6. جے این وی،امریا (مدھیہ پردیش) —  ہاسٹل اور اسٹاف کوارٹرز
7. جے این وی، جش پور (چھتیس گڑھ) —  ہاسٹل اور اسٹاف کوارٹرز
8. جے این وی، لاہول و اسپیتی (ہماچل پردیش) —  ہاسٹل اور اسٹاف کوارٹرز
9. جے این وی، شوپیان (جموں و کشمیر) —  ہاسٹل اور اسٹاف کوارٹرز
10. جے این وی، فاضلکا (پنجاب) — ہاسٹل اور اسٹاف کوارٹرز
11. جے این وی، گرداس پور (پنجاب) —  ہاسٹل اور اسٹاف کوارٹرز

3. کے وی ایس: کے وی آئی ٹی بی پی شیو گنگائی (تمل ناڈو)؛ کے وی سنڈھول (ہماچل پردیش):کے وی اوڈلگری (آسام)؛ کے وی  بی ایس ایف ٹیکن پور (مدھیہ پردیش)؛ کے وی جورین (جموں و کشمیر)؛ کے وی آئی ٹی بی پی شیو گنگائی (تمل ناڈو) اورکے وی بھیم تال (اتراکھنڈ) کا افتتاح کیا گیا:

4. این سی ای آر ٹی

1. ریجنل انسٹی ٹیوٹ آف ایجوکیشن، نیلورکا بھومی پوجن
2.  سینٹرل ایڈ منسٹریٹیو بلڈنگ ، این سی ای آر ٹی ہیڈکوارٹر، نئی دہلی کے لیے سنگ بنیاد

5. (1) پی ایم جن من:

15 نومبر 2023 کو، وزیر اعظم نے پردھان منتری جنجاتی آدیواسی نیا مہا ابھیان (پی ایم جن من) کا آغاز کیا، ایک تبدیلی کی پہل جس کا مقصد خاص طور پر کمزور قبائلی گروپوں ( پی وی ٹی جی ایس) کو تعلیم اور ضروری بنیادی ڈھانچے میں 2025-2022 سے 2025-2020 تک کے فرق کو ختم کرکے ترقی دینا ہے۔ اسکولی تعلیم اور خواندگی کا محکمہ (ڈاو ایس ای اینڈ ایل) ایک اہم کردار ادا کرتا ہے، اپنی کوششوں کو سمگر شکشا اسکیم کے ساتھ جوڑتا ہے، جب کہ قبائلی امور کی وزارت (ایم او ٹی اے) بغیر کسی ہم آہنگی کے لیے نوڈل وزارت کے طور پر کام کرتی ہے۔ اس کا ایک کلیدی فوکس مشن کی مدت کے دوران 500 ہاسٹلز کی تعمیر ہے تاکہ پی وی ٹی جی طلباء کو سیکھنے کا ایک محفوظ اور معاون ماحول فراہم کیا جا سکے۔ آج تک، 492 ہاسٹلز کی منظوری دی گئی ہے جس میں38250 کی گنجائش ہے جس میں5668 غیر محفوظ پی وی ٹی جی رہائش اور  پی وی ٹی جی788349 آبادی کو1234.58 کروڑ روپے (772.01 کروڑ کا مرکزی حصہ) کے مالی اخراجات کے ساتھ اس کوشش کی حمایت کے لیے منظوری دی گئی ہے۔ 29 جولائی 2025 کو قومی تعلیمی پالیسی (این ای پی2020) کی سالگرہ کے موقع پر 8 ریاستوں میں 187.35 کروڑ روپے کی لاگت سے 75 ہاسٹلوں کا سنگ بنیاد رکھا گیا۔

(2) ڈی اے جے جی یو اے:

ڈی اے-جے جی یواے (‘دھرتی آبا جنجاتیہ گرام اتکرش ابھیان’) کا آغاز وزیر اعظم نے 2 اکتوبر 2024 کو کیا تھا جس کا مقصد 63,000 سے زیادہ قبائلی اکثریتی دیہاتوں اور خواہش مند اضلاع کے قبائلی دیہات کو مخصوص اقدامات کے ساتھ منسلک کرنا ہے۔ ڈی اے-جے جی یواے اسکیم کا 25-2024 سے 29-2028 تک کی مدت ہے، جس میں سمگر شکشا کے تحت 1000 ہاسٹلز کی تعمیر کا ہدف ہے۔ وزارت تعلیم، محکمہ اسکولی تعلیم اور خواندگی ( ڈی او ایس ای اینڈ ایل) ابھیان میں حصہ لینے والی وزارتوں میں سے ایک ہے اسےاین ای پی2020 کی روح کو مدنظر رکھتے ہوئے اس محکمہ کی سمگر شکشا اسکیم کے ساتھ ہم آہنگی کے ساتھ لاگو کیا جا رہا ہے۔ یہ اسکیم قبائلی برادریوں کو معیاری تعلیم تک بہتر رسائی کے ساتھ بااختیار بناتی ہے جس سے معیاری اور جامع تعلیم اور ہنر کی فراہمی ہوتی ہے۔ اب تک ڈی اے-جے جی یواے میں 2512.03 کروڑ روپے (1933.60 کروڑ کا مرکزی حصہ) کی لاگت کے کل 692 ہاسٹلز کو منظوری دی گئی ہے۔ 29 جولائی 2025 کو قومی تعلیمی پالیسی (این ای پی) کی سالگرہ کے موقع پر 12 ریاستوں میں 1190.34 کروڑ روپے کی لاگت سے 309 ہاسٹلوں کا سنگ بنیاد رکھا گیا۔

قوم کے لیے وقف:

1. قوم کو وقف کرنے کے لیےکے وی ایس 22 پروجیکٹوں کی نشاندہی کی گئی۔
2. پی ایم شری: 613 ہر ضلع سے ایک بہترین کارکردگی کا مظاہرہ کرنے والے اسکول، ہر علاقے سے 24 بہترین کے وی ایس ایک اور ہر علاقے سے 7 بہترین این وی ایس ایک کو قوم کے لیے وقف کرنے کے پہچان کی گئی ہے جوتمام امور کا احاطہ کرتے ہیں۔

ڈجیٹل لانچ:

تاراایپ:

تاراایپ پورٹل کا مقصد گریڈ 8-3 کے طلباء کے درمیان پڑھنے کی روانی کا اندازہ لگانے اور اسے بہتر بنانے کے لیے ایک مضبوط پلیٹ فارم فراہم کرکے تعلیمی گورننس میں ڈیٹا پر مبنی فیصلہ سازی کو فعال کرنا ہے۔ یہ اسٹرکچرڈ ٹیچنگ، ٹارگٹ ریمیڈیشن اور سیکھنے کے نتائج کی مسلسل نگرانی کی حمایت کرتا ہے۔ اہم خصوصیات میں شامل ہیں:

1. خودکاراو آر ایف اسسمنٹ: آڈیو ریکارڈنگ سے پڑھنے کی روانی کا اندازہ لگانے کے لیے اسپیچ پروسیسنگ اور مشین لرننگ کا استعمال کرتا ہے۔
2. کثیر لسانی معاونت: فی الحال انگریزی اور ہندی کو سپورٹ کرتا ہے، جس میں توسیع کے امکانات ہیں۔
3. ہولیسٹک اسکورنگ: پڑھنے کے اظہار اور سمجھ کا اندازہ لگانے کے لیے ڈبلیو سی پی ایم (الفاظ درست فی منٹ)، جملے، لہجے، اور تناؤ کی پیمائش کرتا ہے۔
4. اسکیل ایبلٹی: 1200 کیندریہ ودیالیوں میں کامیابی کے ساتھ تعینات کیا گیا، 7اس کیلئے  لاکھ سے زیادہ طلباء کا اندازہ لگایا گیا۔
5. ڈیٹا بصیرت: تدریسی حکمت عملیوں اور تدارکاتی مداخلتوں کی رہنمائی کے لیے قابل عمل ڈیٹا تیار کرتا ہے۔

اثرات:

● اہلیت پر مبنی تعلیم اور سیکھنے کے نتائج کے میٹرکس کی سہولت فراہم کرتا ہے۔

● معروضی تاثرات اور ذاتی نوعیت کے ہدایات کے منصوبوں کے ساتھ اساتذہ کی مدد کرتا ہے۔

● ثبوت پر مبنی پالیسی کی تشکیل کے ذریعہ تعلیمی نظم و نسق کو مضبوط کرتا ہے۔

مائی کریئر ایڈوائزر ایپ:

طلباء کو روزگار کے مواقع سے باخبر رکھنے اور کریئر سے متعلق فیصلہ سازی کے ساتھ بااختیار بنانے کے لیےمحکمہ اسکولی تعلیم اور خواندگی (ڈی او ایس ای ایل)، وزارت تعلیم، حکومت ہند نے  ‘‘مائی کریئر اڈوائزرایپ’’ - ایک جامع، طلبہ پر مبنی ڈجیٹل پلیٹ فارم شروع کیا ہے۔ وادھوانی فاؤنڈیشن اورپی ایس ایس سی آئی وی ای (این سی ای آر ٹی کی ایک جزوی اکائی) کے اشتراک سے تیار کردہ ایپ کا مقصد ملک بھر کے اسکولی طلباء کو ذاتی نوعیت کی کریئر گائیڈنس فراہم کرنا ہے۔ یہ ایپ 1000 سے زیادہروزگار کے مواقع  تک رسائی فراہم کرتاہے، جس میں  ملازمت کی نوعیت، تعلیمی تقاضوں، ضروری مہارتوں اور مستقبل کے امکانات کے بارے میں تفصیلی معلومات بھی شامل ہوتی ہیں۔ اس میں روزگار ڈھونڈنے سے متعلق ایک بہترین سرچ انجن  بھی ہے جو طلباء کی دلچسپیوں، اہلیت اور اقدار کی بنیاد پر کریئرسے متعلق معلومات فراہم کرتاہے، یہ رہنمائی بڑی حد تک ہر صارف کے لیے موزوں ہوتی ہے۔ کسی بھی وقت، کہیں بھی استعمال میں آسان اور قابل رسائی ہونے کے لیے ڈیزائن کیا گیا،‘‘مائی کریئر اڈوائزرایپ’’ اساتذہ، اسکول کے کونسلروں اور کریئر کے مشیروں کے لیے اپنے طلبہ کی مؤثر طریقے سے مدد کرنے کے لیے ایک قیمتی وسیلہ کے طور پر بھی کام کرتا ہے۔ ضروریات اور مواقع کے درمیان فرق کو ختم کرتے ہوئے یہ اقدام جامع، مربوط اور مستقبل کے لیے تیار تعلیم فراہم کرنے کے لیے قومی تعلیمی پالیسی (این ای پی - 2020) کے ویژن کی عکاسی کرتا ہے۔

سوچھ ایوم  ہرت ودیالیہ ریٹنگ (ایس ایچ وی آر) 2025-26

ایس ایچ وی آر نے 5-اسٹار درجہ بندی کا نظام متعارف کرایا ہے جس میں چھ زمروں میں 60 اشاریوں کا اندازہ لگایا گیا ہے: پانی، بیت الخلا، صابن سے ہاتھ دھونا، کام کاج  اور دیکھ بھال، رویے میں تبدیلی اور صلاحیت کی تعمیر اور ماحولیاتی ذمہ داری کے لیے نئی مشن لائف ای سرگرمیاں شامل ہیں۔

ایس ایچ وی آر بہتر تشخیصی ٹولز، آسان سوالنامے اوراین آئی سی، این سی ای آر ٹی اور یو این آئی سی ای ایف کے ساتھ تیار کردہ ایک مضبوط آئی ٹی پلیٹ فارم کے ساتھ مزین  و آراستہ ہے۔ نظر ثانی شدہ رہنما خطوط کے مطابق اسکول کی اسٹار ریٹنگ ہر اسکول کے لیے لاگو ہوتی ہے۔ شناخت کے لیے اسکولوں کے 4 زمرے ہوں گے (میرٹ کا سرٹیفکیٹ)، جس میں 3 دیہی زمرہ-I، 3 دیہی زمرہ-II، 1 شہری زمرہ-I، اور 1 شہری زمرہ- II، ضلعی سطح پر کل 8 اسکولوں پر مشتمل ہیں، ریاستی سطح کے لیے نامزدگی پر غور کیا جائے گا ( یعنی میرٹ کا سرٹیفکیٹ)۔

ریاستی سطح پر، مجموعی اسکور کی بنیاد پر شناخت (میرٹ کا سرٹیفکیٹ) دیا جائے گا۔ پانچ ستارہ درجہ بندی کے ساتھ زیادہ سے زیادہ 20 اسکول، 7 دیہی زمرہ-I، 7 دیہی زمرہ-II، 3 شہری زمرہ-I، اور 3 شہری زمرہ-II، جو قومی سطح کے انتخاب کے معیار کے مطابق ہیں، ہر ریاست/مرکز کے زیر انتظام سے قومی سطح کے لیے نامزدگی پر غور کیا جائے گا۔

قومی سطح پر، 70 دیہی زمرہ-I، 30 شہری زمرہ-I، 70 دیہی زمرہ-II، اور 30 شہری زمرہ-II کے طور پر منظوری کے لئے زمرہ وار اسکولوں پر غور کرتے ہوئے، 200 اعلیٰ اسکولوں کو میرٹ کے سرٹیفکیٹ کے ساتھ منظوری دی جائے گی۔

ڈی او ایچ ای کے اقدامات

1. ویب پر مبنی مقامی زبان کاپروفشینسی ٹیسٹ پورٹل

نیشنل ٹیسٹنگ سروس نیشنل ٹیسٹنگ سروس-انڈیا (این ٹی ایس-I)جانچ اور تجزیہ پر تحقیق کرتی ہے اور اس نے ایک ویب پر مبنی مقامی زبان کاپروفشینسی ٹیسٹ پورٹل تیار کیا ہے جو 22  ہندوستانی زبانوں میں سننے، بولنے، پڑھنے اور لکھنے (ایل ایس آر ڈبلیو) کی مہارتوں کا آن لائن ٹسٹ کراتا ہے۔اس میں 1,825 ٹسٹ پر مشتمل 182,480 ایل ایس آر ڈبلیو آئٹمز کا ڈیٹا بیس شامل ہے۔ مادی ترقی کے حصے کے طور پر یہ  ہندوستانی زبان میں امتحان اور تجزیہ پر تحقیقی کام بھی کر رہا ہے۔

2. نیشنل اپرینٹس شپ ٹریننگ اسکیم (این اے ٹی ایس) کے تحت اے آئی اپرینٹس شپ

وزارت تعلیم نے نیشنل اپرینٹس شپ ٹریننگ اسکیم (این اے ٹی ایس) کے تحت مصنوعی ذہانت (اے آئی) میں اپرینٹس شپ کا تصور پیش کیا ہے۔ اس اقدام کا مقصد حفظان صحت، مینوفیکچرنگ اور تعمیر، تعلیم، بی ایف ایس آئی (بینکنگ، مالیاتی خدمات اور بیمہ) الیکٹرانکس اور آئی ٹی/آئی ٹی ای ایس جیسے شعبوں میں صنعت کی بڑھتی ہوئی مانگ کو پورا کرنے کے لیے اے آئی میں طلباء کی معلومات اور مہارت کو بڑھانا ہے۔ توقع ہے کہ اس پروگرام سے تقریبا 1 لاکھ طلباء کو فائدہ پہنچے گا۔اس کے تحت گریجویٹس کو کم از کم 9,000  روپے اور ڈپلومہ ہولڈرز کو 8,000 روپے ماہانہ وظیفہ پیش دیا جائے گا۔ اس اقدام کے تحت کل تخمینہ امداد تقریبا 500 کروڑ روپے ہے، جس میں حکومت اور شریک کمپنیاں مشترکہ طور پر مالی اعانت فراہم کریں گی۔

3. آئی آئی ٹی بی ایچ یو اور آئی آئی ٹی دہلی میں نئے دور کا نصاب

آئی آئی ٹی بی ایچ یو نے ایک نئے دور کا نصاب متعارف کرایا ہے جو بی ٹیک کے طلباءکے لیے آسانی پیش کرنے اور کثیر موضوعاتی تعلیم کو فروغ دینے کے لئے ڈیزائن کیا گیا ہے۔ اس نصاب کے تحت طلباء پانچ تعلیمی اختیارات میں سے ایک کاانتخاب کرسکتے ہیں:  (اے) بی ٹیک، (بی) بی ٹیک (آنرز)، (سی) مائنر موضوع کے ساتھ بی ٹیک، (ڈی) دوسرے بڑے موضوع کے ساتھ بی ٹیک اور (ای) بی ٹیک سے ایم ٹیک میں توسیع۔ یہ پروگرام دوسرے میجر اور مائنر کے درمیان لچکدار منتقلی کی اجازت دیتا ہےاور اس میں تجربہ فراہم کرنے کے لیے صنعت، تحقیق یا اسٹارٹ اپس میں سمسٹر کی طرح طویل انٹرن شپ شامل ہے۔ اس میں قومی تعلیمی پالیسی (این ای پی) کے مطابق ایک بآسانی داخلہ، پروگرام چھوڑدینا اور دوبارہ داخلہ کی پالیسی بھی شامل ہے ۔ مزید برآں، شراکت دار اداروں کے ساتھ مفاہمت کی یادداشتوں (ایم او یو) کے ذریعے طلبا ءکی محدود سمسٹر کی طرح طویل نقل و حرکت ممکن ہے۔

ایک دہائی سے زیادہ عرصے کے بعد آئی آئی ٹی دہلی نے اپنے انڈر گریجویٹ، پوسٹ گریجویٹ اور پی ایچ ڈی نصاب میں ترمیم کی ہے جو تعلیمی سال 2025-26 سے نافذ العمل  ہے ۔ نظر ثانی شدہ ڈھانچہ میں آسانی، عملی طور پر سیکھنے، ماحولیاتی پائیداری اور اے آئی اور ایم ایل جیسی ابھرتی ہوئی ٹیکنالوجیز پر زور دیا گیا ہے۔

انڈرگریجویٹ  پروگرام کا نصاب نتائج پر مبنی ہے، جو جنرل انجینئرنگ، سائنسز اور ہیومینٹیز میں آسانی  فراہم کرتا ہے ۔ طلباء اپنےبی ٹیک کے ساتھ ساتھ مائنر، خصوصی موضوعات، یا آنرز پروگرام جاری رکھ سکتے ہیں ۔ وہ کسی بھی دستیاب پروگرام میں ایم ٹیک کے لیے درخواست دے کر پانچ سالہ دوہری ڈگری(بی ٹیک+ایم ٹیک)کا بھی انتخاب کرسکتے ہیں ۔پہلے سال کے بعد میرٹ کی بنیاد پر پروگرام میں تبدیلی کی جاسکتی ہے۔

تازی ترین ایم ٹیک / ایم ایس (تحقیق) کے نصاب میں ایک معقول اور نتائج پر مبنی نظام  میں شامل جس میں صنعت پر پوری توجہ دی گئی ہے۔اس کے اہم  اجزاء میں ٹیم ورک اور مسئلہ حل کرنے کی مہارتوں کی تعمیر کے لیے ایک انتہائی اہم منصوبہ اور بیرونی مشغولیت کو بڑھانے کے لیے موسم گرما کی انٹرن شپ شامل ہیں۔ صنعت کے اشتراک سے ماسٹرس کے مقالے کے اختیارات بھی دستیاب ہیں ۔

باضابطہ پی ایچ ڈی نصاب میں پیشہ ورانہ اور تحقیقی مہارت کو بڑھانے کے لیے تعاون، ڈومین کی ترقی اور بیرونی/صنعت کے رابطے کو فروغ دینے کے ساتھ ساتھ اخلاقی اور کثیر جہتی مہارتوں سے آراستہ غیرجانبدار محققین تیار کرنے پر توجہ دی گئی ہے۔

4. وی آئی بی ای: شامل ہوں، لطف اندوز ہوں، معلومات بڑھائیں- از آئی آئی ٹی روپڑ

وی آئی بی ای آئی آئی ٹی روپڑ میں ایجوکیشن ڈیزائن لیب کے ذریعہ تیار کردہ اے آئی سے چلنے والا ایک مسلسل فعال سیکھنے کا پلیٹ فارم ہے۔ یہ سیکھنے والوں کو اسمارٹ جانچ، تطبیقی چیلنجز اور بروقت ردعمل کے ذریعے فعال طور پر مصروف رکھ کر حقیقی مہارت کو یقینی بناتا ہے ۔

وی آئی بی ای ذہانت کے ساتھ  مختصراسباق -  دلکش حصوں میں تقسیم کرتا ہےاور سوچنے پر مجبور کرنے والے سوالات پیدا کرنے کے لیے ایک طاقتور اے آئی انجن کا استعمال کرتا ہے جو گہری تفہیم اور مستقل تجسس کو فروغ دیتا ہے۔

بڑے پیمانے پر عالمی اثرات کے لیے تیار کیا گیا وی آئی بی ای ایک ایسے تعلیمی تجربے کو فروغ دیتا ہے جو ایماندار، موثر اور خوشگوار ہو۔ اپنے اوپن ایکسیس ماڈل اور اسکیل ایبل فن تعمیر کے ساتھ وی آئی بی ای دنیا کے سیکھنے کے طریقے کو تبدیل کرنے کے لیے تیار ہے ۔

اہم بات یہ ہے کہ وی آئی بی ای معمول کی سیکھنے کی جانچ کو خودکار بنا کر اساتذہ کو بااختیار بناتا ہے، جس سے انہیں تجرباتی اور پروکٹورڈ کلاس روم لرننگ پر توجہ مرکوز کرنے کے لیے زیادہ وقت اور جگہ ملتی ہے۔ یہ تبدیلی استاد کے کردار کی نئی توضیح کرتی ہے-انہیں بہتر، زیادہ بامعنی سیکھنے کے تجربات پیدا کرنے کے قابل بناتی ہے۔

5. بھاشا ساگر

این ای پی 2020، ایک بھارت شریشٹھ بھارت (ای بی ایس بی مشن) کے اہداف اور آزادی کا امرت مہوتسو تقریبات کے ایک حصے کے مطابق یہ ایپ انگریزی سیکھنے کی ضرورت کے بغیر کسی بھی  ہندوستانی زبان کے ذریعے کسی بھی بھارتی زبان کی تعلیم کو فروغ دیتا ہے ۔

اس وقت اس ایپ میں 22  ہندوستانی زبانوں میں کل 18 گفتگو کے کورسز (485 مشترکہ موضوع کے لحاظ سے جملے) اور تمام معاون زبانوں میں 24 الفاظ سازی کے کورسز (1600 سے زیادہ الفاظ) شامل ہیں۔

جانچ کرنے اور ایپ پر مبنی تشخیصی نظام کی بنیاد پر خود ساختہ/خودکار سرٹیفکیٹ فراہم کرنے کے لیے بھی اضافی خصوصیات شامل کی جائیں گی ۔

اس میں اے آئی پر مبنی بات چیت کا سہولت کار بھی ہوگا جس کا استعمال کرتے ہوئے صارف حقیقی وقت میں دوسری زبان بولنے والوں کے ساتھ بات چیت کر سکے گا ۔

6. سینٹر آف انڈین نالج سسٹمز اینڈ انسائیکلوپیڈک ڈکشنری آف سنسکرت (آئی کے ایس-ای ڈی)

سینٹرل سنسکرت یونیورسٹی کا سینٹر آف انڈین نالج سسٹمز اینڈ انسائیکلوپیڈک ڈکشنری آف سنسکرت (آئی کے ایس-ای ڈی) دکن کالج (ڈی یو) میں سینٹرل سنسکرت یونیورسٹی اورپونے کے دکن کالج کے سنسکرت ڈکشنری پروجیکٹ کی مشترکہ کوششوں کے ذریعے حکومت ہند کی وزارت تعلیم کی منظوری سے سنسکرت ڈکشنری پروجیکٹ کی نگرانی اور آئی کے ایس انسائیکلوپیڈیا اور کریڈٹ پر مبنی آئی کے ایس-سوایام کورسز کی ترقی کے لیے قائم کیا گیا تھا۔یہ ڈکشنری  ہندوستانی علمی نظام کے شعبے میں ایک جامع انسائیکلوپیڈیا ہے کیونکہ یہ سنسکرت ادب میں دستیاب ہر لفظ، تصور، تصور کے ادبی حوالوں کو تمام مضامین اور وقت کی مدت میں محفوظ رکھتی ہے۔ انسائیکلوپیڈک ڈکشنری آف سنسکرت آن ہسٹوریکل پرنسپلز رگ وید (تقریبا 14 ویں صدی قبل مسیح) کے 1500 قدیم متون سےہسیرنوا (1850 عیسوی) کے تازہ ترین کام تک سنسکرت کے الفاظ کی لسانی نشوونما کے بارے میں بتاتی  ہے ۔ ہسیرنوا متون میں 62 موضوعات کا احاطہ کیا گیا ہے۔

یہ مختلف الفاظ میں ہونے والی تفصیلی لسانی تبدیلیاں اور ان کے مشتقات فراہم کرتی ہے اور مختلف الفاظ کی بامعنی نشوونما کا پتہ لگاتی ہے۔ یہ ویدوں اور دیگر متون میں موجود سبھی معنی فراہم کیے گئے ہیں۔ جن کا منطقی طور پر تجزیہ کیا گیا ہےاور یہ آپس میں جڑے ہوئے ہیں۔ اس میں کل 15 لاکھ سے زیادہ الفاظ اور تقریبا 1 کروڑ حوالہ جات ہیں ۔

7. کوشا شری پورٹل

سی-ڈی اے سی پونے کے تعاون سے شری اسکیم کے تحت سائنس اور ٹیکنالوجی کے محکمے (ڈی ایس ٹی) کی مالی مدد سےچلائے جانے والے کوشاشری پروجیکٹ نے انسائیکلوپیڈک سنسکرت ڈکشنری کی تمام 35 جلدوں کو ڈجیٹلائز کیا ہے۔ اس میں 62 مضامین میں 1500 قدیم متون کے 15 لاکھ سے زیادہ الفاظ اور 1 کروڑ حوالہ جات شامل ہیں ۔

کوشاشری آن لائن پورٹل اب ایڈوانسڈ سرچ، آرٹیکل تحریر کرنے اور سنسکرت فونٹ ٹولز کے ساتھ عوامی لانچ کے لیے تیار ہے، جس سے مشترکہ ڈکشنری کی تیاری اور تحقیق ممکن ہو سکتی ہے۔ جولائی 2025 میں نئی دہلی کے بھارت منڈپم میں اکھل بھارتیہ شکشا سماگم کے دوران آئی کے ایس-ای ڈی سینٹر اور کوشاشری پورٹل دونوں کا افتتاح کرنے کی تجویزپیش کی گئی ہے۔

عمارت/کیمپس کا افتتاح/ سنگ بنیاد

1) آئی آئی ٹی بامبے میں طلبا کا ہاسٹل اور دیسائی سیٹھی اسکول آف انٹرپرینیورشپ (ڈی ایس ایس ای) کی عمارت

2) آندھرا پردیش کی  سینٹرل یونیورسٹی کو قوم کے نام وقف کرنا

3) سینٹرل یونیورسٹی جموں کی عمارت کا افتتاح

4) سینٹرل یونیورسٹی پنجاب کی عمارت کا افتتاح

5) مولانا آزاد نیشنل انسٹی ٹیوٹ آف ٹکنالوجی (ایم اے این آئی ٹی)، بھوپال کے لیکچر ہال کمپلیکس کا افتتاح

6) مالویہ نیشنل انسٹی ٹیوٹ آف ٹکنالوجی (ایم این آئی ٹی)، جے پور میں چندرشیکھر ہاسٹل کا افتتاح

7) ڈاکٹر بی آر امبیڈکر نیشنل انسٹی ٹیوٹ آف ٹکنالوجی (این آئی ٹی)، جالندھر  میں  نئے آزادی کا امرت مہوتسو لیکچر تھیٹر کمپلیکس کا افتتاح

8) نیشنل انسٹی ٹیوٹ آف ٹکنالوجی کرناٹک (این آئی ٹی کے)، سورتکل میں لیکچر ہال کمپلیکس (بلاک - ڈی) کا افتتاح

9) نیشنل انسٹی ٹیوٹ آف ٹکنالوجی (این آئی ٹی)، تروچیراپلی میں پروڈکشن ، میکینکل اور میٹالرجیکل اور مٹیریلز انجینئرنگ کے محکمے کے لیے ملحقہ عمارت کا افتتاح

10)نیشنل انسٹی ٹیوٹ آف ٹکنالوجی (این آئی ٹی)، دہلی میں رہائشی ٹاور (بی + جی+ 14) کا افتتاح

11)این آئی ٹی رائے پور میں انجینئرنگ اور تکنالوجی میں اختراع اور صنعت کاری کے لیے عمدگی کے مرکز (سی او ای- آئی ای ای ٹی) کا سنگ بنیاد

اس موقع پر اہم حصولیابیوں اور قومی تعلیمی پالیسی (این ای پی)2020 کے تغیراتی اثرات اجاگر کرنے والی ایک مختصر فلم دکھائی گئی۔ بعد ازاں، ایک نمائش کا اہتمام کیا گیا جس نے اسکول اور اعلیٰ تعلیم میں اختراعی پہل قدمیوں اور بہتر طور طریقوں  کو اجاگر کیا۔ اس نمائش میں تجربے پر مبنی تدریس، اے آئی کے تابع حل، مبنی بر شمولیت بنیادی ڈھانچے، ڈجیٹل تبدیلی، پائیداری اور برادریوں کے ساتھ رابطہ کاری جیسے موضوعات کے ذریعہ قومی تعلیمی پالیسی کی تصوریت کو پیش کیا  گیا۔ پریرنا – تجربات پر مبنی تدریس  کا پروگرام، اٹل اختراعی تجربہ گاہیں- اے آئی اختراعات اور ودیانجلی اور یو ایل ایل اے ایس- برادریوں کے ساتھ رابطہ کاری  ، جیسے اسٹالوں نے ملک بھر میں اثر انگیز ماڈلوں کو اجاگر کیا۔

اس موقع پر، جناب دھرمیندر پردھان کی موجودگی میں سرکردہ غیر ملکی یونیورسٹیوں کو مندرجہ ذیل اجازت نامے (ایل او آئیز) پیش کیے گئے تاکہ یہ یونیورسٹیاں  ہندوستان  میں اپنے کیمپس قائم کر سکیں۔ یہ قومی تعلیمی پالیسی-  2020 کے تحت ہندوستانی اعلیٰ تعلیم کو بین الاقوامی سطح پر لے جانے کی سمت میں ایک بڑا قدم ہے۔

1۔ ویسٹرن سڈنی یونیورسٹی (ڈبلیو ایس یو)، آسٹریلیا – گریٹر نوئیڈا

1989 میں قائم کی گئی ڈبلیو ایس یو  ایک سرکردہ عوامی تحقیقی یونیورسٹی ہے جو سڈنی میں 13 کیمپسوں اور 49000 طلبا ء پر مشتمل ہے۔ پائیداری اور سماجی اثرات کے تئیں اپنی مضبوط عہدبستگی کے لیے مشہور ویسٹرن سڈنی یونیورسٹی (ڈبلیو ایس یو) نے  گریٹر نوئیڈا میں ایک برانچ قائم کرنے کا منصوبہ وضع کیا ہے جو مندرجہ ذیل کورسز فراہم کرائے گی:

• انڈر گریجویٹ: بزنس انالیٹکس میں بی اے، بزنس مارکیٹنگ میں بی اے
• پوسٹ گریجویٹ: اختراع اور صنعت کاری ، اور لاجسٹکس  اور سپلائی چین انتظام کاری میں ایم بی اے

 ہندوستان کے ساتھ ویسٹرن سڈنی یونیورسٹی کے اس اشتراک میں  آیوروید جدید نظام ادویہ تحقیق کے لیے اے آئی آئی اے کے ساتھ شراکت داری، زمینی پانی کی انتظام کاری کے لیے جل شکتی کی وزارت کے ساتھ شراکت داری،  خوراک سلامتی کے لیے آئی سی اے آر کے ساتھ شراکت داری اور نیورومورفک انجینئرنگ کے لیے آئی آئی ایس سی کے ساتھ شراکت داری شامل ہے۔

2. وکٹوریہ یونیورسٹی (وی یو)، آسٹریلیا- نوئیڈا

1916 میں قائم کی گئی، وکٹوریہ یونیورسٹی آسٹریلیا کے چند دوہرے شعبےوالے اداروں میں سے ایک ہے جو اعلیٰ تعلیم اور پیشہ ورانہ (ٹی اے ایف ای) دونوں پروگرام پیش کرتی ہے۔ سمندر پار کے ممالک مثلاً،  چین، ملیشیا اور سری لنکا میں اس کی مضبوط موجودگی ہے اور اسپورٹس  سائنس، کاروبار اور آئی ٹی میں اسے اپلائیڈ ریسرچ کے لیے جانا جاتا ہے۔

وکٹوریہ یونیورسٹی کا نوئیڈا کیمپس مجوزہ طور پر مندرجہ ذیل کورسز فراہم کرے گا:

• انڈرگریجویٹ: بزنس، ڈیٹا سائنس، سائبر سکیورٹی
• پوسٹ گریجویٹ: ایم بی اے، آئی ٹی میں ماسٹر ڈگری

وکٹوریہ یونیورسٹی  ہندوستان – آسٹریلیا کھیل کود شراکت داری (جس کا آغاز 2017 میں سچن تندولکر کے ذریعہ کیا گیا تھا) میں ایک فعال شراکت دار ہے  اور اس نے  ہندوستانی طلبا کے لیے پیشہ وارانہ سفارتی راستوں پر ایونیو لرننگ کے ساتھ اشتراک قائم کر رکھا ہے۔

3. لاٹروب یونیورسٹی، آسٹریلیا - بنگلور

1964 میں قائم شدہ لاٹروب یونیورسٹی اپلائیڈ ریسرچ میں عمدگی، خصوصاً چھوٹے شہروں ، مالیکیولر سائنسز اور بایوٹیک میں عمدگی کے لیے جانی جاتی ہے۔  ہندوستان کے بنگلور میں اس کا کیمپس مندرجہ ذیل کورسز فراہم کرے گا:

• انڈرگریجویٹ: بزنس (فنانس ، مارکیٹنگ، مینجمنٹ)، کمپیوٹر سائنس (اے آئی، سافٹ ویئر انجینئرنگ) اور پبلک ہیلتھ

لا ٹروب  ہندوستان  میں مندرجہ ذیل اداروں کے توسط سے مضبوط تعلیمی شراکت دار ثابت ہوا ہے:

• آئی آئی ٹی کانپور کے ساتھ ایک مشترکہ پی ایچ ڈی اکیڈمی  (صحت، پانی، شہری منصوبہ بندی)
• آئی آئی ٹی- کانپور، بی آئی ٹی ایس پلانی، اور اسمارٹ شہروں پر ٹی آئی ایس ایس کے ساتھ اے ایس سی آر آئی این نیٹ ورک
• بایوٹیک اسٹارٹ اپس کے لیے بی بی سی کی حمایت کے ساتھ ایک حیاتیاتی اختراعی  کوریڈور

4. یونیورسٹی آف برسٹل، برطانیہ- ممبئی

1909 میں قائم شدہ اور کیو ایس عالمی یونیورسٹی درجہ بندی 2026 میں 51 ویں مقام پر فائز یونیورسٹی آف برسٹل برطانیہ کی ایک سرکردہ یونیورسٹی ہونے کے ساتھ ساتھ رسل گروپ کی ایک رکن بھی ہے۔  ہندوستان کے ممبئی شہر میں قیام کے ساتھ یہ ملک میں اپنی موجودگی  درج کرائے گی۔

اہم  ہندوستانی اشتراک میں شامل ہیں:

• مشترکہ انڈرگریجویٹ  ٹو ماسٹر پروگراموں کے لیے اے ٹی ایل اے ایس اسکل ٹیک یونیورسٹی (ممبئی ) کے ساتھ 2022 میں ایک مفاہمتی عرضداشت ، طلبا کا باہم تبادلہ اور اے آئی ، ڈیزائن، اور ڈجیٹل تکنالوجیوں میں باہمی تحقیق۔
• کوریا یونیورسٹی (سری سٹی) کے ساتھ ‘‘1+3’’ ڈگری ترتیب، جو  ہندوستان  میں انڈرگریجویٹ تعلیم کی تکمیل کے لیے ہندوستانی طلبا کو سہولت فراہم کرتی ہے، اور  اختراع، پالیسی، اور انالٹیکس جیسے موضوعات میں برسٹل میں ماسٹر ڈگری کے لیے تعلیم حاصل کرنے میں تعاون دیتی ہے۔

یہ کلیدی شراکت داریاں عالمی سطح پر مربوط، مبنی بر شمولیت اور اختراع پر مرتکز اعلیٰ تعلیمی ماحولیاتی نظام تیار کرنے کے سلسلے میں ہندوستان  کی عہدبستگی کی عکاسی کرتی ہیں۔ اب جبکہ یہ کیمپس  وجود میں آرہے ہیں، ان سے توقع کی جاتی ہے کہ یہ غیر ممالک جائے بغیر  ہندوستانی طلبا کے لیے عالمی معیاری نصاب، اساتذہ، اور تحقیق دستیاب کرائیں گے۔

اے بی ایس ایس 2025 میں اہم ترجیحی شعبوں پر مرتکز چار موضوعاتی  سیشن شامل ہیں: سیکھنے اور سکھانے میں بھارتیہ بھاشا کا استعمال؛  ہندوستان  کی آنے والی نسل  کی تعلیمی اور صنعتی قیادت کو فروغ دینے کے لیے انوسندھان اور پرائم منسٹرز ریسرچ فیلوز (پی ایم آر ایف)؛ 2030 تک 100 فیصد مجموعی انرولمنٹ تناسب (جی ای آر) کی حصولیابی کے لیے ثانوی تعلیم کا ازسر نو تصور اور سیکھنے اور سکھانے میں مصنوعی ذہانت کا تغیراتی کردار شامل ہیں ۔

*******

ش ح-ک ح- ع و -ا ب ن - ع ن- ا ش ق-ظ اف-خ م

UR No.3508