প্রধান মন্ত্রীনা ময়াই তাংবল লৌদুনা ফমখিবা কেবিনেৎ কম্মিতী ওন ইকনোমিক এফিয়র্সনা নবরতনা সেন্ত্রেল পব্লিক সেক্তর এন্তরপ্রাইজেস (CPSEশিং)দা চৎনগদবা হৌজিক লৈরিবা ইনভেস্তমেন্তগী চৎন-কাংলোনশিং অসিদগী NLC ইন্দিয়া লিমিতেদ (NLCIL)গীদমক অখন্নবা একজেম্পসন অমা অয়াবা পীখ্রে। মসিগী স্ত্রেতেজিক ওইবা ৱারেপ অসিনা NLCILনা মাগী মপুং ফানা মপু ওইবা সবসিদিয়রী, NLC ইন্দিয়া রিন্যুএবলস লিমিতেদ (NIRL) দা লুপা করোর 7,000 ইনভেস্ত তৌবা ঙমহল্লি অমসুং মসিগী মহৈ ওইনা পাৱর্সকী হৌজিক লৈরিবা দেলিগেসনগী মখাদা মাংজৌননা অয়াবা লৌবগী মথৌ তাদনা NIRLনা তোঙান তোঙানবা প্রোজেক্তশিংদা হকথেংননা নৎত্রগা জোইন্ত ভেঞ্চরশিং শেমদুনা ইনভেস্ত তৌবা ঙমহল্লি। মসিগী ইনভেস্তমেন্ত অসিদি দিপার্তমেন্ত ওফ পব্লিক ইন্তর্প্রাইজেস (DPE) না JVশিং অমসুং সবসিদিয়রীশিংদা CPSEশিংনা অপুনবা ইনভেস্তমেন্ত তৌবগীদমক লেপ্লিবা নেৎ ৱার্থ সিলিংগী চাদা 30গী মখা তানা একজেম্প তৌরি অমসুং NLCIL অমসুং NIRLদা ওপরেস্নেল অমসুং ফাইনান্সিএল ফ্লেক্সিবিলিতী হেনগৎহল্লি।

2030 ফাওবদা রিন্যুএবল ইনর্জী (RE) গী কেপাসিতী 10.11GW শেমগৎনবা অমসুং 2047 ফাওবদা মসি 32GW ওইহন্নবা NLCILগী এম্বিসিয়স ওইবা পান্দমদা মতেং পাংনবা একজেম্পশিং অসিনা পান্দম থম্লি। অয়াবা অসি লো-কার্বোন ইকনোমী অমদা ওন্থোক্নবা অমসুং সস্তেনেবল দিবেলপমেন্ত পুরক্নবা COP26কী মনুংদা ভারতনা “পঞ্চঅমৃত”কী পান্দমশিংগী শরুক ওইনা অমসুং লৈবাক অসিনা 2070 ফাওবগী মনুংদা নন-ফোসিল ফ্যুএল ইনর্জী কেপাসিতী 500GW শেমগৎনবা মতম শাংলবা ফিরেপ অসিগা চুন্নৈ।

মরুওইবা পাৱর য়ুতিলিতী অমসুং নবরত CPSE অমা ওইনা, NLCILনা অহোংবা অসিদা মরুওইবা থৌদাং অমা লৌরি। ইনভেস্তমেন্ত অসিগী খুত্থাংদা, NLCILনা রিন্যুএবল ইনর্জী পোর্তফোলিও অসি চাউনা পাকথোক চাউথোকহন্নবা অমসুং নেস্নেল অমসুং গ্লোবেল ক্লাইমেৎ এক্সন ওবজেক্তিবশিংদা মশক থোক্না মতেং পাংনবা হোৎনরি।

হৌজিক্কী ওইনা, NLCILনা অপুনবা ইনস্তোল তৌরবা কেপাসিতী 2GWগী ওইবা রিন্যুএবল ইনর্জী এসেত তরেৎ ওপরেৎ তৌরি, মখোয় অসি ওপরেস্নেল ওইরে নত্ত্রগা কম্মর্সিএল ওপরেসনগী মনাক নক্না লৈরে। মসিগী এসেতশিং অসি মন্ত্রী-মন্দলগী অয়াবা মতুং ইন্না NIRLদা ত্রান্সফর তৌরগনি। NIRLনা NLCILগী গ্রীন ইনর্জী ইনিসিয়েতিবশিংগী ফ্লেগশিপ প্লেৎফোর্ম ওইহল্লিবা অসিনা অনৌবা প্রোজেক্তশিংগীদমক কম্পিতিতিব বিদিং তৌবদা শরুক য়াবা য়াওনা রিন্যুএবল ইনর্জী সেক্তরদা অনৌবা খুদোংচাবশিংবু এক্তিব ওইনা থিজিল্লি।

অয়াবা অসিনা ফোসিল ফ্যুএলশিংদা মখা পোনবা হন্থহন্দুনা, কোইলা পুশিল্লকপা হন্থহন্দুনা অমসুং লৈবাক শিনবা থুংনা 24x7 পাৱর সপ্লাইগী থাজবা হেনগৎহন্দুনা গ্রীন ইনর্জীগী লুচিংবা অমা ওইনা ভারতকী থাক অসি মপাঙ্গল কনখৎহল্লগনি হায়না পানরি।

এনভাইর্নমেন্তেল ইম্পেক্তকী মথক্তা, খোঙথাং অসিনা কন্সত্রক্সন অমসুং ওপরেসন ফেজশিংদা চাউনা থবক পীরগনি – হকথেংননা অমসুং নাকোইননা অনিমক্তা - হায়না পানরি, মসিনা লোকেল কম্ম্যুনিতীশিংদা কান্নবা ফংহল্লগনি অমসুং ইনক্লুসিব ইকোনোমিক গ্রোথ শৌগৎলগনি।

****