|
য়ুমলৈ-কৈরৈ মন্ত্রালয়
ঈশিং ইচাউ, চীং নিংখায়বদগী শোকহল্লবা অসাম, মনিপুর, মেঘালয়, মিজোরম, কেরলা, উত্তরখন্দ রাজ্যশিংগী লুপা করোর লিশিং ১ হেনবগী শেনফম থাদোকপা কেন্দ্রনা অয়াবা পীখ্রে
স্তেৎ দিজাস্তর রেসপোন্স ফন্দগী মখাদা কেন্দ্রগী চাকথুংগী শরুক অমা ওইনা ফন্দ অসি কাইথোকপনি প্রধান মন্ত্রী শ্রী নরেন্দ্র মোদী অমসুং য়ুনিয়ন হোম মিনিস্তর শ্রী অমিত সাহগী লমজিং মখাদা চহি অসিদা রাজ্য ১৯ দা এস.দি.আর.এফ/এন.দি.আর.এফ ফন্দশিংদগী লুপা করোর লিশিং ৮ হেন্না থাদোকখ্রে ফিবম খুদিংমক্ত রাজ্যশিংগীদমক মোদী সরকার লেংদনা লেপ্লি শেন্থং পীরবা অসিগী মথক্ত, ঈশিং ইচাউ, চীং নিংখায়বদগী শোকহল্লবা রাজ্যশিংদা কেন্দ্রনা এন.দি.আর.এফ তিমশিং, আর্মি তিমশিং অমসুং এয়র ফোর্সকী মতেং পাংখ্রে
Posted On:
10 JUL 2025 4:36PM by PIB Imphal
ঈশিং ইচাউ, চীং নিংখায়বদগী শোকহল্লবা অসাম, মনিপুর, মেঘালয়, মিজোরম, কেরলা, উত্তরখন্দ রাজ্যশিংগী লুপা করোর ১,০৬৬.৮০ থাদোকপা কেন্দ্রনা অয়াবা পীখ্রে। স্তেৎ দিজাস্তর রেসপোন্স ফন্দগী মখাদা কেন্দ্রগী চাকথুংগী শরুক অমা ইচাউনা শোকহল্লবা রাজ্য তরুক্কী মনুংদা অসামনা লুপা করোর ৩৭৫.৬০, মনিপুরনা লুপা করোর ২৯.২০, মেঘালয়না লুপা করোর ৩০.৪০, মিজোরমনা লুপা করোর ২২.৮০, কেরলানা লুপা করোর ১৫৩.৩০ অমসুং উত্তরখন্দনা লুপা করোর ৪৫৫.৬০ ফংলে। চহি অসিগী কুমগী নোং মরক্ত নোং কন্না চুবা, ঈশিং ইচাউ থোকখিবা অমসুং চীঙ নিংখায়বদগী রাজ্যশিং অসি শোকহনখিবনি।
ঈশিং ইচাউ, চীঙ নিংখায়বা অমসুং নোং কন্না চুবদগী শোকহল্লবা রাজ্যশিংদা প্রধান মন্ত্রী শ্রী নরেন্দ্র মোদী অমসুং য়ুনিয়ন হোম মিনিস্তর শ্রী অমিত সাহগী লমজিং মখাদা কেন্দ্র সরকারনা পাংবা য়াবা মতেং পাংলে। ফিবম খুদিংমক্ত রাজ্যশিংগীদমক মোদী সরকার লেংদনা লেপ্লি।
চহি অসিদা কেন্দ্রনা রাজ্য ১৪ দা এস.দি.আর.এফতগী লুপা করোর ৬,১৬৬.০০ অমসুং রাজ্য ১২ দা এন.দি.আর.এফতগী লুপা করোর ১,৯৮৮.৯১ থাদোকখ্রে। মসিগী মথক্ত, রাজ্য ৫ দা এস.দি.এম.এফতগী লুপা করোর ৭২৬.২০ অমসুং রাজ্য ২ দা এন.দি.এম.এফতগী লুপা করোর ১৭.৫৫ থাদোকখ্রে।
ঈশিং ইচাউ, চীঙ নিংখায়বা অমসুং নোং কন্না চুবদগী শোকহল্লবা রাজ্যশিংদা রাজ্যশিংদা কেন্দ্রনা এন.দি.আর.এফ তিমশিং, আর্মি তিমশিং অমসুং এয়র ফোর্সকী মতেং পাংখ্রে। চৎলিবা কুমগী নোং মনুং অসিদা, মী কনবা অমসুং মতেং পাংনবগীদমক রাজ্য/য়ু.তি ২১ দা এন.দি.আর.এফ তিম ১০৪ থম্লে।
****
(Release ID: 2143793)
|