ಗೌರವಾನ್ವಿತ ಮೇಡಂ ಅಧ್ಯಕ್ಷರೇ,
ಉಪಾಧ್ಯಕ್ಷ,
ಪ್ರಧಾನ ಮಂತ್ರಿ,
ನಮೀಬಿಯಾದ ಗೌರವಾನ್ವಿತ ಮಂತ್ರಿಗಳೇ,
ಗೌರವಾನ್ವಿತ ಅತಿಥಿಗಳೇ,

ನಮೀಬಿಯಾದ ಅತ್ಯುನ್ನತ ನಾಗರಿಕ ಪ್ರಶಸ್ತಿಯಾದ "ದಿ ಆರ್ಡರ್ ಆಫ್ ದಿ ಮೋಸ್ಟ್ ಏನ್ಷಿಯಂಟ್ ವೆಲ್ವಿಟ್ಚಿಯಾ ಮಿರಾಬಿಲಿಸ್" ಅನ್ನು ಅಧ್ಯಕ್ಷರಿಂದ ಸ್ವೀಕರಿಸುವುದು ನನಗೆ ಅಪಾರ ಹೆಮ್ಮೆ ಮತ್ತು ಗೌರವದ ವಿಷಯವಾಗಿದೆ.

ನಾನು ಅಧ್ಯಕ್ಷರಿಗೆ, ಸರ್ಕಾರಕ್ಕೆ ಮತ್ತು ನಮೀಬಿಯಾದ ಜನರಿಗೆ ನನ್ನ ಹೃತ್ಪೂರ್ವಕ ಕೃತಜ್ಞತೆಯನ್ನು ಸಲ್ಲಿಸುತ್ತೇನೆ. 140 ಕೋಟಿ ಭಾರತೀಯರ ಪರವಾಗಿ ನಾನು ಈ ಗೌರವವನ್ನು ವಿನಮ್ರತೆಯಿಂದ ಸ್ವೀಕರಿಸುತ್ತೇನೆ.

ಸ್ನೇಹಿತರೇ,

ಈ ಪ್ರಶಸ್ತಿಗೆ ಹೆಸರಿಸಲಾಗಿರುವ ನಮೀಬಿಯಾದ "ವೆಲ್ವಿಟ್ಚಿಯಾ" ಸಸ್ಯವು ಸಾಮಾನ್ಯ ಸಸ್ಯವಲ್ಲ. ಇದು ಕುಟುಂಬದ ಹಿರಿಯರಂತೆ, ಅವರು ಸಮಯ ಬದಲಾವಣೆಯನ್ನು ನೋಡಿದ್ದಾರೆ. ಇದು ನಮೀಬಿಯಾ ಜನರ ಹೋರಾಟ, ಧೈರ್ಯ ಮತ್ತು ಸಂಸ್ಕೃತಿಯ ಸಂಕೇತವಾಗಿದೆ. ಇದು ಭಾರತ ಮತ್ತು ನಮೀಬಿಯಾ ನಡುವಿನ ಅಚಲ ಸ್ನೇಹಕ್ಕೆ ಸಾಕ್ಷಿಯಾಗಿದೆ. ಮತ್ತು ಇಂದು, ಅದರೊಂದಿಗೆ ಸಂಬಂಧ ಹೊಂದಲು ನನಗೆ ಅಪಾರ ಹೆಮ್ಮೆ ಎನಿಸುತ್ತದೆ. ನಾನು ಈ ಪ್ರಶಸ್ತಿಯನ್ನು ನಮೀಬಿಯಾ ಮತ್ತು ಭಾರತದ ಜನರಿಗೆ ಅರ್ಪಿಸುತ್ತೇನೆ; ಅವರ ನಿರಂತರ ಪ್ರಗತಿ ಮತ್ತು ಅಭಿವೃದ್ಧಿಗೆ; ಮತ್ತು ನಮ್ಮ ಮುರಿಯಲಾಗದ ಸ್ನೇಹದ ಶಾಶ್ವತ ಶಕ್ತಿಯಾಗಿದೆ. 

ಸ್ನೇಹಿತರೇ,

ನಮ್ಮ ಕಷ್ಟದ ಸಮಯದಲ್ಲಿ ಮಾತ್ರ, ನಮ್ಮ ನಿಜವಾದ ಸ್ನೇಹಿತರು ಯಾರು ಎಂದು ನಾವು ಅರಿತುಕೊಳ್ಳುತ್ತೇವೆ. ಭಾರತ ಮತ್ತು ನಮೀಬಿಯಾ ತಮ್ಮ ಸ್ವಾತಂತ್ರ್ಯ ಹೋರಾಟದ ದಿನಗಳಿಂದಲೂ ಪರಸ್ಪರ ಬೆಂಬಲಿಸಿವೆ. ನಮ್ಮ ಸ್ನೇಹವು ರಾಜಕೀಯವನ್ನು ಆಧರಿಸಿಲ್ಲ, ಆದರೆ ನಮ್ಮ ಹಂಚಿಕೆಯ ಹೋರಾಟಗಳು, ಸಹಕಾರ ಮತ್ತು ಆಳವಾದ ಪರಸ್ಪರ ನಂಬಿಕೆಯನ್ನು ಆಧರಿಸಿದೆ. ನಮ್ಮ ಹಂಚಿಕೆಯ ಪ್ರಜಾಪ್ರಭುತ್ವ ಮೌಲ್ಯಗಳು ಮತ್ತು ಉಜ್ವಲ ಭವಿಷ್ಯದ ಸಾಮಾನ್ಯ ಕನಸುಗಳಿಂದ ನಮ್ಮ ಬಂಧವು ಬಲಗೊಂಡಿದೆ. ಮುಂಬರುವ ದಿನಗಳಲ್ಲಿ ನಾವು ಅಭಿವೃದ್ಧಿಯ ಪಥದಲ್ಲಿ ಕೈ ಜೋಡಿಸಿ ನಡೆಯುವುದನ್ನು ಮುಂದುವರಿಸುತ್ತೇವೆ.

ಸ್ನೇಹಿತರೇ,

ನಮೀಬಿಯಾ ವಿಶ್ವದ ಅತಿದೊಡ್ಡ ವಜ್ರ ಉತ್ಪಾದಕರಲ್ಲಿ ಒಂದಾಗಿದೆ. ಮತ್ತು ಭಾರತವು ಅತಿದೊಡ್ಡ ವಜ್ರ ಪಾಲಿಶಿಂಗ್ ಉದ್ಯಮವನ್ನು ಹೊಂದಿದೆ - ಅದೂ ನನ್ನ ತವರು ರಾಜ್ಯ ಗುಜರಾತ್ ನಲ್ಲಿ!  ಭವಿಷ್ಯದಲ್ಲಿ, ನಮ್ಮ ಪಾಲುದಾರಿಕೆಯು ಈ ವಜ್ರಗಳಂತೆ ಪ್ರಕಾಶಮಾನವಾಗಿ ಹೊಳೆಯುತ್ತದೆ ಎಂದು ನನಗೆ ವಿಶ್ವಾಸವಿದೆ.  ಆದ್ದರಿಂದ ನಾವು ಒಗ್ಗೂಡಿ ಅಧ್ಯಕ್ಷರ ದೀರ್ಘಾಯುಷ್ಯ ಮತ್ತು ಉತ್ತಮ ಆರೋಗ್ಯಕ್ಕಾಗಿ, ನಮೀಬಿಯಾದ ಜನರ ಸಂತೋಷ ಮತ್ತು ಸಮೃದ್ಧಿಗಾಗಿ ಮತ್ತು ಭಾರತ ಮತ್ತು ನಮೀಬಿಯಾ ನಡುವಿನ ದೀರ್ಘಕಾಲೀನ ಸ್ನೇಹಕ್ಕಾಗಿ ನಮ್ಮ ಶುಭ ಹಾರೈಕೆಗಳನ್ನು ಸಲ್ಲಿಸೋಣ.

ತುಂಬ ಧನ್ಯವಾದಗಳು.

ಹಕ್ಕು ನಿರಾಕರಣೆ - ಇದು ಪ್ರಧಾನಮಂತ್ರಿ ಅವರ ಹೇಳಿಕೆಗಳ ಅಂದಾಜು ಅನುವಾದವಾಗಿದೆ. ಮೂಲ ಹೇಳಿಕೆಗಳನ್ನು ಹಿಂದಿಯಲ್ಲಿ ನೀಡಲಾಗಿದೆ.

*****