وزیر اعظم جناب نریندر مودی برازیلیا کے سرکاری دورے پر ہیں۔ انہوں نے برازیل کے صدر عزت مآب لوئیز اناسیو لولا ڈ سلوا سے آج برازیلیا کے الووراڈا پیلس میں ملاقات کی۔ آمد پر، صدر لولا نے ان کا پرتپاک استقبال کیا اور ان کا شاندار اور رسمی استقبال کیا۔

وزیر اعظم اور صدر لولا نے محدود اور وفود کی سطح کے فارمیٹ میں بات چیت کی اور ہندوستان اور برازیل کے درمیان کثیر جہتی اسٹریٹجک شراکت داری کے تمام پہلوؤں پر تبادلہ خیال کیا۔ انہوں نے ان مشترکہ اقدار کی توثیق کی جو ہندوستان-برازیل کے گرمجوش اور دوستانہ تعلقات کی بنیاد ہیں۔ رہنماؤں نے تجارت اور سرمایہ کاری، دفاع اور سلامتی، صحت اور دواسازی، خلائی، قابل تجدید توانائی، زراعت اور فوڈ پروسیسنگ، توانائی کی حفاظت، بنیادی ڈھانچے کی ترقی، ڈیجیٹل پبلک انفراسٹرکچر اور یو پی آئی، روایتی ادویات، یوگا، کھیلوں کے تعلقات، ثقافت اور لوگوں کے درمیان تعلقات کے شعبوں میں تعاون پر تبادلہ خیال کیا۔ انہوں نے تعاون کے نئے شعبوں جیسے کہ اہم معدنیات، نئی اور ابھرتی ہوئی ٹیکنالوجیز،اے آئی (مصنوعی ذہانت) اور سپر کمپیوٹرز، ڈیجیٹل تعاون اور نقل و حرکت میں تعاون کے مواقع بھی تلاش کیے۔

دونوں رہنماؤں نے تجارتی اور صنعتی معاملات پر بات چیت کے لیے وزارتی میکانزم کے قیام کا خیرمقدم کیا۔ انہوں نے دو طرفہ تجارت کو مضبوط بنانے کے طریقوں پر تبادلہ خیال کیا، جس میں  بھارت-مرکوسور ترجیحی تجارتی معاہدے کی توسیع شامل ہے۔ رہنماؤں نے اگلے پانچ سالوں میں دو طرفہ تجارت کو 20 بلین امریکی ڈالر تک بڑھانے کا ہدف مقرر کیا۔ توانائی کے شعبے میں جاری تعاون کا جائزہ لیتے ہوئے، دونوں رہنماؤں نے سرمایہ کاری کے مواقع تلاش کرنے پر اتفاق کیا کیونکہ دونوں ممالک میں ہائیڈرو کاربن کے ساتھ ساتھ قابل تجدید توانائی کے شعبوں میں بھی بے پناہ صلاحیت موجود ہے۔

وزیر اعظم نے اپریل 2025 میں پہلگام میں ہونے والے وحشیانہ دہشت گردانہ حملے کے بعد ہندوستان کے ساتھ کی گئی یکجہتی اور حمایت کے لیے برازیل کا شکریہ ادا کیا۔ یہ دہشت گردی کی تمام شکلوں اور مظاہر سے نمٹنے کے لیے دونوں ممالک کے پختہ عزم کی نشاندہی کرتا ہے۔ وزرائے اعظم نے اس بات پر زور دیا کہ دہشت گردی کے خلاف زیرو ٹالرنس ہونا چاہیے اور ایسی غیر انسانی کارروائیوں کو انجام دینے والوں سے سختی سے نمٹا جانا چاہیے۔ صدر لولا نے اس بات پر اتفاق کیا کہ دونوں ممالک کو دہشت گردی سے لڑنے اور شکست دینے کے لیے عالمی برادری کے ساتھ مل کر کام کرنا چاہیے۔

دونوں رہنماؤں نے باہمی دلچسپی کے علاقائی اور عالمی امور پر بھی تبادلہ خیال کیا۔ انہوں نے کثیرالجہتی اور اقوام متحدہ کی سلامتی کونسل سمیت عالمی گورننس اداروں میں اصلاحات کے لیے اپنے عزم کا اعادہ کیا۔ انہوں نے ماحولیاتی تبدیلی سے نمٹنے کے لیے عالمی کارروائی کو مضبوط بنانے کے لیے مل کر کام کرنے پر بھی اتفاق کیا۔ وزیر اعظم نے آئندہ سی او پی30 موسمیاتی تبدیلی کانفرنس کے لیے برازیل کے لیے نیک خواہشات کا اظہار کیا۔ انہوں نے گلوبل ساؤتھ کے مفادات کو آگے بڑھانے کے لیے مل کر کام جاری رکھنے پر اتفاق کیا۔

بات چیت کے بعد، انسداد دہشت گردی، سیکورٹی کے شعبے میں معلومات کے تبادلے، زرعی تحقیق، قابل تجدید توانائی، دانشورانہ املاک کے حقوق اور ڈیجیٹل تعاون [انڈیا اسٹیک] کے شعبوں میں چھ مفاہمت نامے [تفصیلات یہاں دیکھی جا سکتی ہیں] کو حتمی شکل دی گئی۔ ریاستی دورے کے موقع پر ایک مشترکہ بیان [لنک] منظور کیا گیا۔

صدر لولا نے وزیراعظم کے اعزاز میں ظہرانہ دیا۔ وزیر اعظم نے صدر لولا کی مہمان نوازی پر شکریہ ادا کیا اور انہیں ہندوستان کے دورے کی دعوت دی۔

************

ش ح۔ع و۔ ج ا

 (U: 2581)