প্রধান মন্ত্রীনা ঙসি "এনভাইর্নমেন্ত, COP-30 অমসুং গ্লোবেল হেল্থ"গী সেসন অমদা ৱা ঙাংখি। সেসন অসিদা BRICS মেম্বরশিং, পার্তনর লৈবাকশিং অমসুং বর্তন তৌখিবা লৈবাকশিংনা শরুক য়াখি। মালেমগী তুংলমচৎকীদমক অসিগুম্বা মরুওইবা হীরমশিংদা সেসন অসি শীনবগীদমক মহাক্না ব্রাজিলদা থাগৎপা ফোংদোকখি। ভারতকী ওইনা, ক্লাইমেৎ চেঞ্জ অসি ইনর্জীগী ইসুগা মরী লৈনবা খক্তা নত্তে, অদুবু মসিনা পুন্সি অমসুং মহৌশাগী মরক্তা লৈরিবা খল অদুদা ইথিল পীরি হায়না প্রধান মন্ত্রীনা ফোংদোকখি। মহাক্না হায়খি মদুদি ভারতনা ক্লাইমেৎ জস্তিস অসি মোরেলগী ওইবা থৌদাং অমা ওইনা লৌই অমসুং মসি মহাক্না মপুং ফাহনগদবনি। ভারতনা অকোয়বগী ফিভমদা অকনবা থৌদাং লৌনবগীদমক মহাক্না অমুক হন্না থাজবা থমখি। মহাক্না মীয়ামগী অমসুং গ্রহ অসিগীদমক গ্রোথ অমসুং চাউখৎপা পুরক্নবা ভারতনা লৌখৎলিবা খোঙথাংশিং হায়বদি ইন্তর্নেস্নেল সোলর এলাইন্স, কোলিজন ফোর দিজাস্তর রেসিলিয়েন্ত ইনফ্রাস্ত্রকচর, গ্লোবেল বাইওফ্যুএলস এলাইন্স, ইন্তর্নেস্নেল বিগ কেৎ এলাইন্স, মিসন লাইফ, এক পের মা কে নাম [প্লান্ত ফোর মাদর] অসিনচিংবগী মতাংদা অকুপ্পা মরোল অমা পীখি।

প্রধান মন্ত্রীনা হায়খি মদুদি ভারতনা তুং কোইগদবা চাউখৎপগী লম্বীদা চংশিল্লি। মানা খ্বাইদগী য়াংনা চাউখৎলক্লিবা অচৌবা ইকোনোমী অমা ওইরবসু, মানা মতমগী মমাংদা পেরিস কম্মিৎমেন্তশিং ফংখি। মহাক্না চাউখৎলক্লিবা লৈবাকশিংদা তেক্নোলোজী ত্রান্সফর তৌনবা অমসুং ক্লাইমেৎ চেঞ্জ এক্সন লৌখৎনবা এফোর্দেবল ফাইনান্সিং পীনবা হায়খি। মতাং অসিদা মহাক্না পনখি মদুদি গ্রুপ অসিনা এদোপ্ত তৌখিবা ক্লাইমেৎ ফাইনান্সিংগী ফ্রেমৱার্ক দিক্লারেসন অসি মরু ওইবা খোঙথাং অমনি।

গ্রীন দিবেলপমেন্তকীদমক ভারতনা লৌরিবা অচেৎপা ফিরেপ অদু পল্লদুনা প্রধান মন্ত্রীনা হায়খি মদুদি ভারতনা কোবিদ লাইচৎ মনুংদা য়াওনা লৈবাকশিংদা তেংবাং পীনবা "ৱান আর্থ, ৱান হেল্থ"গী মন্ত্র অসি লৌখৎলি। মহাক্না হায়খি মদুদি ভারতনা দিজিতেল হেল্থ স্কিমশিং মায় পাক্না পায়খৎলে অমসুং মখোয়শিং অসি গ্লোবেল সাউথকী লৈবাকশিংগা শরুক য়ামিন্নবা শেম-শারি। মসিগী মতাংদা মহাক্না দিক্লারেসন - BRICS পার্তনরশিপ ফোর ইলিমিনেসন ওফ সোসিএল্লী দিতর্মাইন্দ দিজিজকী এদোপ্সনবু তরাম্না ওকখি।

ভারতনা মথং চহিদা BRICSকী চেয়র লৌরগনি। মতাং অসিদা, প্রধান মন্ত্রীনা হায়খি মদুদি ভারতনা গ্লোবেল সাউথতা মহাক্কী এজেন্দাদা অহেনবা মীৎয়েং থমগনি অমসুং মীয়ামদা মীৎয়েং চঙবা অমসুং "হ্যুমেনিতী ফার্স্ত" এপ্রোচতা মীৎয়েং থমগনি। প্রধান মন্ত্রীনা মখা তারদুনা হায়খি মদুদি ভারতনা প্রসিদেন্সীগী মখাদা BRICSপু অনৌবা মওং অমদা পুথোক্নবা হোৎনগনি। মসিগী এক্রোনিম অসি – বিল্দিং রেসিলিয়েন্স এন্দ ইনোবেসন ফোর কোওপরেসন এন্দ সস্তেনেবিলিতী হায়বনি। মহাক্না মীফম অসি মায় পাক্না পাংথোকপগীদমক রাস্ত্রপতি লুলাবু থাগৎপা ফোংদোকখি অমসুং মহাক্কী মীয়োক মীচান ফবা মতৌগীদমক থাগৎপা ফোংদোকখি।

*****