রাস্ত্রপতিগী লোইশঙ
ভারতকী রাস্ত্রপতিনা দুরান্দ কপ তোর্নামেন্তগী ত্রোফীশিং মায়খুম হাংদোকখ্রে
Posted On:
04 JUL 2025 12:25PM by PIB Imphal
ভারতকী রাস্ত্রপতি, শ্রীমতি দ্রৌপদী মর্মুনা ঙসি (জুলাই ৪, ২০২৫) রাস্ত্রপতি ভবন কলচরেল সেন্তরদা পাংথোকপা থৌরম অমদা দুরান্দ কপ তোর্নামেন্ত ২০২৫গী ত্রোফীশিং মায়খুম হাংদোকখ্রে অমসুং হৌদোকখ্রে।
থৌরম অদুদা মহাক্কী অতেনবা ৱারোলদা রাস্ত্রপতিনা হায়খি মদুদি স্পোর্তসনা দিসিপ্লিন, হোৎনবা কনবা অমসুং তীম স্পিরিৎ পুক্নিং থৌগৎলি। স্পোর্তসনা মীওইশিং, লমদমশিং অমসুং লৈবাকশিংবু শম্নহনবগী তোপ তোপ্পা শক্তি লৈ। ভারত্তা, মসিনা নেস্নেল ইন্তিগ্রেসনগীদমক শক্তি লৈরবা খুৎলাই অমা ওইরি। ওলিম্পিক্স নৎত্রগা ইন্তর্নেস্নেল ইভেন্ত অমহেক্তদা মচু অহুমগী ফিরাল উরকপা মতমদা প্রজা পুম্নমক্না নুংঙাইবা ফাওই।
রাস্ত্রপতিনা হায়খি মদুদি ফুৎবোলনা মীওই করোর কয়াগী থম্মোয়দা অখন্নবা মফম অমা কল্লি। মসি শান্ন-খোৎনবা খক্তা নত্তে, মসি পুক্নিংগী অপাম্বা অমনি। ফুৎবোল মশানা অসি স্ত্রেতেজী, এন্দুরেন্স অমসুং মান্নবা পান্দম অমগী মায়কৈদা পুন্না থবক তৌমিন্নবগী থৌওং অমনি। দুরান্দ কপকুম্বা থৌরমশিংনা শান্ন-খোৎনবগী ৱাখল্লোনবু খুমাং চাউশিলহনবতা নত্তনা মথংগী মীরোনগী শান্নরোইশিংবু চাউখৎহনবদা মতেং পাংই, মখোয়বু চাউখৎনবা প্লেৎফোর্ম অমা পী। মহাক্না দুরান্দ কপকী স্পিরিত অসি হিংহন্নবা অমসুং প্রমোৎ তৌবদা আর্মদ ফোর্সেসকী থৌদাংবু থাগৎপা ফোংদোকখি।
***
(Release ID: 2142204)
Read this release in:
English
,
Khasi
,
Urdu
,
Hindi
,
Marathi
,
Bengali-TR
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam