صدر جمہوریہ کا سکریٹریٹ
صدرجمہوریہ ہند نے ڈیورنڈ کپ ٹورنامنٹ کی ٹرافی کی نقاب کشائی کی
Posted On:
04 JUL 2025 12:25PM by PIB Delhi
صدر جمہوریہ ہند، محترمہ دروپدی مرمو نے آج (4 جولائی، 2025) راشٹرپتی بھون کلچرل سینٹر میں منعقدہ ایک تقریب میں ڈیورنڈ کپ ٹورنامنٹ 2025 کی ٹرافیوں کی نقاب کشائی کی اور ہری جھنڈی دکھائی (افتتاح کیا) ۔
اپنے مختصر خطاب میں صدر نے کہا کہ کھیل نظم و ضبط، عزم اور ٹیم ورک کو فروغ دیتے ہیں۔ کھیلوں میں لوگوں، علاقوں اور ممالک کو جوڑنے کی ایک منفرد طاقت ہوتی ہے۔ بھارت میں کھیل قومی اتحاد کا ایک مؤثر ذریعہ رہے ہیں۔ جب بھی اولمپکس یا کسی بین الاقوامی مقابلے میں ترنگا لہراتا ہے تو تمام شہری خوشی سے جھوم اٹھتے ہیں۔
صدر نے کہا کہ فٹبال لاکھوں دلوں میں ایک خاص مقام رکھتا ہے۔ یہ صرف ایک کھیل نہیں بلکہ ایک جذبہ ہے۔ فٹبال کی خاصیت حکمت عملی، برداشت اور مشترکہ مقصد کے لیے مل کر کام کرنا ہے۔ ڈیورنڈ کپ جیسے مقابلے نہ صرف کھیل کے جذبے کو فروغ دیتے ہیں بلکہ نوجوان کھلاڑیوں کی اگلی نسل کو ترقی کرنے کا موقع فراہم کرتے ہیں۔ انہوں نے ڈیورنڈ کپ کے جذبے کو زندہ رکھنے اور فروغ دینے میں مسلح افواج کے کردار کی بھی تعریف کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
(ش ح –اس ک۔ت ع)
U. No.2444
(Release ID: 2142102)
Read this release in:
English
,
Khasi
,
Hindi
,
Marathi
,
Bengali-TR
,
Manipuri
,
Assamese
,
Bengali
,
Punjabi
,
Gujarati
,
Tamil
,
Telugu
,
Malayalam