য়োর এক্সিলেন্সী রাস্ত্রপতি জোন মাহামা,
লৈবাক অনিগী দেলিগেৎশিং,
মেদিয়াগী মরুপশিং,

খুরুমজরি!

চহি তরাগী খুজিং অহুমগী মতুংদা, ভারতকী প্রধান মন্ত্রী অমা ঘানাদা লাক্লি।

মসিগী খুদোংচাবা অসি ফংজবা অসি ঐহাক্কীদমক্তা চাউথোকচনীংঙাই ওইবা ৱাফম অমনি।

“অয়্যা মে অনেজে মেবোহা”

ঘানাদা ঐখোয়বু তরাম্না ওকখিবা অমসুং ইকায় খুম্নবা উৎখিবা অসিগীদমক ঐহাক য়াম্না নুংঙাইবা ফাওই।

রাস্ত্রপতি মশামক্না ঐহাকপু উনবা এয়রপোর্ত্তা লাকখিবা অসি ঐহাক্কীদমক্তা য়াম্না চাউথোকচনীংঙাই ওই।

রাস্ত্রপতি মহামানা ২০২৪গী দিসেম্বরদা পাংথোকখিবা জেনরেল ইলেক্সন্দা অনিশুবা ওইনা রাস্ত্রপতি ওইনা ৱাশক লৌখি। ঐহাক্না অমুক্কা হন্না মহাকপু মহাক্কী শিংথানীংঙাই ওইরবা মায় পাকপগীদমক থাগৎচরি।

মসিগী মায়পাকপা অসিনা ঘানাগী মীয়াম্না মহাক্কী মীৎয়েং অমসুং লুচিংবদা থম্লিবা থাজবা অদু উৎলি।

মরুপশিং,

ভারত অমসুং ঘানাগী মরক্তা লৈনরিবা মরুপ-মপাং ওইবগী মরী অসি ঐখোয়গী মান্নবা থাজবশিং, অৱাবা অমসুং ইনক্লুসিব ওইবা তুংলমচৎ অমগীদমক মান্নবা মঙলান অদুদা য়ুম্ফম ওইরি।

ঐখোয়গী লৈবাকশিংগী নীংতম্বগী লান অসিনা অতোপ্প কয়াদা ইথিল পীরি।

ঙসিসু, ঘানাগী চাউরবা দেমোক্রেসী অসি নোংচুপ থংবা আফ্রিকাদা “আশাগী মঙাল” অমা ওইনা মথৌ তৌরি।

ঙসি, রাস্ত্রপতি অমসুং ঐহাক্না ঐখোয়গী লৈবাক অনিগী মরী অসি "কম্প্রিহেন্সিব পার্তনরশিপ" অমা ওইহন্নবা ৱারেপ লৌরে।

ঘানাগী জাতি শেমগৎপগী খোঙচৎ অসিদা, ভারত অসি মতেং পীরিবা মপাং ওইবতা নত্তনা খোঙচৎ অসিদা শরুক য়ারি।

গ্রান্দ জুবিলী হাউস, ফোরেন সর্বিসেস ইন্সতিত্যুৎ, কোমেন্দা সুগর ফেক্তরী, ইন্দিয়া-ঘানা কোফি অন্নান আই.সি.তি. সেন্তর, অমসুং তেমা এমপাকাদান রেলৱে লাইন - মখোয় অসি ফুরা-ফলান খক্তমক নত্তে, মখোয় অসি ঐখোয়গী পার্তনরশিপকী খুদম অমনি।

ঐখোয়গী বাইলেতরেল ত্রেদ অসি দোল্লর বিল্লিয়ন 3 হেনখ্রে।

ভারতকী কম্পনীশিংনা চাউরাক্না প্রোজেক্ত ৯০০দা চাউরাক্না দোল্লর বিল্লিয়ন ২ ইনবেস্তমেন্ত তৌখ্রে।

ঙসি ঐখোয়না লাক্কদৌরিবা চহি মঙা অসিদা ঐখোয়গী বাইলেতরেল ত্রেদ অসি শরুক অনি ওইহন্নবা পান্দম থম্লি।

ফিনতেককী লমদা, য়ু.পি.আই. দিজিতেল পেমেন্তকী এক্সপিরিয়েন্স অসি ঘানাদা শেয়র তৌনবা ভারতনা শেম-শারি।

মরুপশিং,

দিবেলপমেন্ত পার্তনরশিপ অসি ঐখোয়গী পার্তনরশিপকী মরুওইবা য়ুম্বী অমনি।

ঐখোয়না রাস্ত্রপতি মহামাগী "ইকোনোমিক রিস্ত্রকচরিং"গী খোঙথাংশিং অসিদা ভারতনা মপুং ফানা মতেং পাংগনি অমসুং তেংবাং পীগনি হায়না থাজবা পীজরি।

ঙসি, ঐখোয়না ঘানাগীদমক আই.তি.ই.সি. অমসুং আই.সি.সি.আর.গী স্কোলারশিপ শরুক অনি হেনগৎহন্নবা ৱারেপ লৌরে।

নহারোলশিংগী ভোকেস্নেল এজুকেসনগীদমক্তা স্কিল দিভেলপমেন্ত সেন্তর অমা লিংখৎনবা থবক পায়খৎকনি।

লৌউ-শিংউগী লমদা, রাস্ত্রপতি মহামাগী "ফিদ ঘানা" প্রোগ্রামগী মায়কৈদা মতেং পাংবদা ঐখোয়না নুংঙাইবা পোক্কনি।

জন ঔশধী কেন্দ্রশিংগী খুত্থাংদা ঘানাগী প্রজাশিংদা মমল হোংবা হেল্থকেয়র অমসুং থাজবা য়াবা কেয়র ফংহন্নবা ভারতনা থৌরাং তৌরি।

ঐখোয়না ভেক্সিন পুথোকপদা মতেং পীননবা খন্নখ্রে।

দিফেন্স অমসুং সেক্যুরিতীগী লমদা, ঐখোয়না "সেক্যুরিতী থ্রু স্তেবিলিতী"গী মন্ত্র অসিগা লোয়ননা মাংলোমদা চংশিনগনি।

আর্মদ ফোর্সেসকী ত্রেনিং, মেরিতাইম সেক্যুরিতী, দিফেন্স সপ্লাইশিং অমসুং সাইবর সেক্যুরিতীগুম্বা লমশিংদা কোওপরেসন হেনগৎহল্লগনি।

ভারতকী কম্পনীশিংনা ক্রিতিকেল মিনরেলশিং থিদোকপা অমসুং পুথোকপদা মতেং পাংগনি।

ইন্তর্নেস্নেল সোলর এলাইন্স অমসুং কোলিসন ফোর দিজাস্তর রেসিলিয়েন্ত ইনফ্রাস্ত্রকচরগুম্বা প্লেতফোর্মশিংদা ভারত অমসুং ঘানা অসি হান্নদগী তেংবাং পীনরি।

রিন্যুএবল ইনর্জীদা, মরু ওইনা ক্লিন কুকিং গ্যাসতা ঘানাগী হোৎনরিবশিংবু মতেং পাংনবা অমসুং প্রমোৎ তৌনবা, ঐখোয়না মখোয়বু গ্লোবেল বাইওফুএল্স এলাইন্সতা য়াওনা বর্তন তৌখ্রে।

মরুপশিং,

ঐখোয় অনিমক্না গ্লোবেল সাউথকী মেম্বরশিং ওইরি, অমসুং মসিগী প্রাইওরিতিশিংদা মপুং ফানা থাজবা থম্লি।

ভোইস ওফ গ্লোবেল সাউথ সম্মিৎ অসিদা থৱায় য়াওনা শরুক য়াবগীদমক ঐখোয়না ঘানাদা থাগৎপা ফোংদোকচরি।

ঐখোয়গী জি.২০ প্রসিদেন্সীগী মতমদা আফ্রিকান য়ুনিয়ননা জি.২০দা মখোয়গী পর্মিনেন্ত মেম্বরশিপ ফংখিবা অসি ভারতকীদমক্তা চাউথোকচনীংঙাই ওই।

ঐখোয়না সাহেল রিজন য়াওনা রিজনেল অমসুং ইন্তর্নেস্নেল ইসুশিংদা খন্ন-নৈনখি। তেরোরিজম অসি মীওইবা খুন্নাইগী য়েক্নবনি হায়বা ঐখোয়গী মীৎয়েংদা ঐখোয় অমত্তা ওইনা লেপ্পী।

তেরোরিজমগী মায়োক্তা লান্থেংনবদা মতেং পাংবগীদমক ঐখোয়না ঘানাদা থমোয় শেংনা থাগৎপা ফোংদোকচরি।

হীরম অসিদা, ঐখোয়না তেরোরিজম থেংননবা হোৎনবদা ঐখোয়গী তেংবাং পীনবগী থৌওং হেন্না চেৎশিলহন্নবা ৱারেপ লৌরে। য়ুনাইতেদ নেসন্সকী রিফোর্মশিংদা লৈরিবা ঐখোয়গী মীৎয়েংসু মান্নৈ।

ঐখোয় অনিমক্না নোংচুপ এসিয়া অমসুং য়ুরোপতা চত্থরিবা চয়েৎনবশিংগী মতাংদা নুংনাংবা ফোংদোকচরি।

ঐখোয়না মপুং ফানা থাজৈ মদুদি মসি লানগী মতম নত্তে। ইসুশিং অসি দাইলোগ অমসুং দিপ্লোমেসীগী খুত্থাংদা লোইশিনগদবনি।

মরুপশিং,

ঘানাদা লৈরিবা ভারত মচাশিংনা ঐখোয়গী পিপল-তু-পিপলগী মরীদা মরুওইবা লিঙ্ক অমা ওইরি।

চহি কয়াদগী, ভারতকী ওজাশিং, দোক্তরশিং, অমসুং ইঞ্জিনীয়রশিংনা ঘানাদা থবক তৌদুনা লাক্লি।

ভারতকী কম্ম্যুনিতীনা ঘানাগী শেন্মিৎলোন অমসুং খুন্নাইগী খুমাং চাউশিল্লকপদা পোজিতিব ওইবা থৌদাংসু লৌরি। ঐহাক্না হয়েং ইন্দিয়ন কম্ম্যুনিতীগী মীহুৎশিংগা উননবা ঙাইরি।

ইকাই খুম্নরবা রাস্ত্রপতি,

অদোম ভারতকী মরু ওইবা মরুপ অমনি। অদোম্না ভারতপু নীংথিনা খঙই।

ঐনা অদোমবু ভারত্তা লাক্নবা থম্মোয় শেংনা কৌজরি। অদোমবু তরাম্না ওকপগী খুদোংচাবা অদু অদোম্না ঐখোয়দা পীগনি হায়না ঐনা থাজৈ।

অমুক্কা হন্না, অদোমগী মীয়োক মীচান ফবা মতৌগীদমক অদোম, গবর্নমেন্ত অমসুং ঘানাগী মীয়ামদা ঐহাক্না ঐহাক্কী তৌবীমল খঙবা ফোংদোকচরি।

অদোমবু হন্না-হন্না থাগৎচরি।

খঙহঞ্জবা – মসি প্রধান মন্ত্রীগী ৱারোলগী চাউরাকপা ৱাহন্থোক্নি। তশেংবা ৱারোলদি হিন্দীদা পীখিবনি।

***