Ka International Day of Yoga (IDY 2025) kaba 11, kaba la rakhe kylleng ka pyrthei ha ka 21 tarik Jylliew, 2025, ka la ioh ia ka jingjop kaba khraw da ka jingiashim bynta ha kylleng ka pyrthei kaba ym pat ju jia mynno mynno ruh. Hapoh ka jingialam jong u Myntri Rangbahduh ka ri u Narendra Modi, ki jingrakhe IDY ki la pynpaw ia ka jingkiew ka jingkwah ia ka yoga ha ka pyrthei bad ia ka bynta ba kongsan jong ka India ha kaba kyntiew ia ka koit ka khiah bad ka bha ka miat ba pura.

Ha kylleng ka ri, la pynrung kyrteng haduh 13.04 lak tylli ki jingïalang jong ka Yoga Sangam haduh ka 20 tarik Jylliew na ka bynta ka 21 tarik Jylliew ha ka Yoga Portal, kaba pyni ïa ka jingïatreilang kaba iar ha ki jaka nongkyndong. Ha kylleng ka pyrthei, ki jingpyni yoga ki la long ha 191 tylli ki ri ha kumba 1,300 tylli ki jaka shabar jong ka ri India, kaba la pynkut haduh kumba 2,000 tylli ki jingïalang ha ka pyrthei. Kane ka kam ha ki ri bapher bapher ka la pynskhem biang ïa ka jingïadei jong ka yoga ha ka pyrthei baroh kawei ha kaba kyntiew ïa ka koit ka khiah, ka jingïatylli bad ka bha ka miat ha ka pyrthei.

Ka India ka la ioh ruh ar tylli ki Guinness World Record kiba kongsan ha Visakhapatnam, kaba pynpaw ia ka jingrung jylliew jong ka yoga bad ka jingpdiang kaba iar. Ka jingialang kaba Nyngkong ka dei kaba heh tam na ka bynta ka jingleh yoga ha kawei ka jaka: 302,000 (3.02) lak ngut ki nongïashim bynta ki la ïassnoh kti lang ha ka 21 tarik Jylliew, 2025 bad kaba ar ka long ka Rekod jong ka jingïalang kaba heh tam kaba pyni ia ka Surya Namaskar ha kaba 22,122 ngut ki samla pule riewlum ki la ïashim bynta ha ka 20 tarik Jylliew, 2025.

Ban pyni ia ka riewspah jong ka India ha ka liang ka jaka bad ka kolshor ha ki prokram IDY, ka Tnad Ayush ka la lah ban ioh ia ki jingmih kiba phylla lyngba ka rukom treikam jong ka Sorkar Baroh kawei, bad kum ka jingmih, la pynlong khatsan tylli ki jingleh yoga ha ki jaka kiba kongsan bha bad kiba pher ha ka kolshor ha kylleng ka ri. Kine ki jingïalang ki thmu ban pyni ïa ka jingitynnad jong ka mariang, ka mynsiem ieid ri, bad ka riti dustur jong ka ri India, katba ki pynphriang ïa ka khubor jong ka jingkoit jingkhiah bad ka jingïatylli lyngba ka yoga.

Ki jingpyni Yoga ki la ban jur ïa ka bor jong ka met ban ialeh pyrshah bad ka jingshakri ïa ka ri ha ki katto katne ki jaka ba eh tam jong ka ri kum ka Siachen Glacier ha kaba ki shipai India ki la leh ïa ka yoga ha ka madan thma kaba kynjang tam ha ka pyrthei, ha Galwan Valley ha kaba la pynlong ïa ki jingïalang ha ka jingjrong palat 15,000 phut, kaba pyni ïa ka khubor jong ka India na ka bynta ka shongsuk shongsain bad ka bor jong ka, ha Rotang Pass, Sela Tunnel bad Pangong Lake: Ki shipai jong ka Border Roads Organisation (BRO) bad ki shipai Indo-Tibetan Border Police (ITBP) ki la leh yoga ha ka jaka ba jynjar bha ha kaba iadei bad ka suinbneng, ha jingkieng rel Chenab (Jammu & Kashmir): La leh ia ka yoga ha jrong jong ka jingkieng rel kaba jrong tam ha ka pyrthei, da kaba pyniadei ia ki riew shemphang bad ka jingtbit ha ki kam engineering, ha Rann and Creek sector, Kutch (Gujarat): Ka Konark Corps jong ki shipai India ka la pynlong ïa ka jingleh yoga shwa ka IDY 2025 ha ka thaiñ lamsepngi jong ka India, ha Indira Point (Andaman & Nicobar Islands): La rakhe ïa ka Yoga ha ka tduh ba shathie tam jong ka India da ki shipai jong ka Andaman & Nicobar Command, ha Mumbai Offshore Oil Rig: Ki nongtrei jong ka ONGC ki la iashim bynta ha ka Arabian Sea, ha Jingkieng Pamban kaba thymmai (Tamil Nadu): Ki ophisar jong ka Railway, ki nongtrei, ki Scout & Guides bad ki samla pule ryngkat lang ki la rakhe ia kane ka sngi, kaba pyni ia ka jingiadei bad ka jingiaid jong ka kam.

Ki jingïalang yoga ba kyrpang ha ki jaka ba pawnam bad kiba kongsan ha kaba iadei bad ka jingngeit ki la pynpaw ïa ka kolshor ba riewspah jong ka ri India kum ka NaMo Ghat, Varanasi: Ka 91 UP Battalion jong ka NCC ka la pynlong ïa ki jingïalang ba iphuh iphieng ha ki rud wah Ganga, kaba pynpaw ïa ka jingngeit bad ka jingïashim bynta jong ki samla, ha Kishangarh Fort, Jaisalmer: ka Seema Prahari jong ka BSF Rajasthan Frontier ka la pyniaid ïa ka jingïalang deiriti ha kane ka jaka ha ka ri shyiap, ha Pahalgam bad Sonmarg (Jammu & Kashmir): Ki nongïalehkai na ka J&K Sports Council ki la pynlong ïa ki jingïalang ha ki madan phlang ba itynnad, kiba kyntiew ïa ka jingkoit jingkhiah ha ka mariang, ha Bainang County, Tibet Autonomous Region: Ki nongleit pilkrim jong ka ri ha Kailash Manasarovar Yatra lyngba ka lynti Nathu La ki la leh yoga, kaba pyni ia ka jingsawa jong ka jingngeit ka bym sahkut ha tang u pud u sam jong ka ri.

Ha ka jingiatreilang bad ka Geological Survey of India (GSI), la pynlong ia ki jinghikai yoga ha khatar tylli ki jaka ba kongsan ha ka liang ka saian, ka mariang, bad ka kolshor. Kine ki kynthup ia ka: Rahioli Dinosaur Fossil Park (Gujarat), Bhimbetka Rock Shelters (Madhya Pradesh), Nighoj Natural Potholes (Maharashtra), Gangani River Gorge (West Bengal), Siwalik Fossil Park (Himachal Pradesh), Arwah-Lumshynna Cave (Meghalaya), St. Thomas Mount Charnockite (Tamil Nadu), Peninsular Gneiss at Lalbagh (Karnataka), Mangampeta Barytes Deposit (Andhra Pradesh), bad kiwei kiwei.

Kine ki khatsan tylli ki jingialang ba kongsan ki la pynpaw ïa ka jingïadei kaba jylliew hapdeng ka jingstad yoga ba hyndai jong ka India bad ka pateng ba kyrpang jong ka ha ka liang ka khyndew, kaba pynpaw ïa ka jingngeit jong ka ‘Yoga na ka bynta Baroh, ka Yoga Ha man la ki Jaka.’ Ki la pyni kumno kane ka rukom hyndai ka dang ïai bteng ban roi kum ka dustur kaba im, kaba pynshlur ïa ka jingïakhun, ka jingkoit jingkhiah, bad ka jingïatylli ha kylleng ki jaka bad ki shnong bapher bapher ha kylleng ka ri.

Ka Tnad Ayush ka ai khublei ïa ki tnad sorkar pdeng bad ki tnad bapher bapher, ki sorkar jylla, ki ri ka pyrthei, ki shipai India, ki jaka hikai Yoga bad ki seng, ki jaka pule, ki seng treimon sngewbha, bad ki million ngut ki nongkyrshan ia ka yoga ha kylleng ka pyrthei kiba la pynlong ïa ka IDY 2025 ka jingrakhe ba kongsan jong ka jingiatylli, ka bha ka miat bad ka shongsuk shongsain.

***

(Release ID: 2139025)