وزیر اعظم کے پرنسپل سکریٹری ڈاکٹر پی کے مشرا نے آج گجرات کے دھولیرا اور لوتھل میں بنیادی ڈھانچے کے کلیدی پروجیکٹوں کا جائزہ لیتے ہوئے جگہ کا معائنہ کیا اور اعلیٰ سطحی جائزہ میٹنگ کی۔ یہ منصوبے وزیر اعظم جناب نریندر مودی کے صنعتی اور اقتصادی ترقی کے نظریہ سے ہم آہنگ ہیں۔

ڈاکٹر مشرا نے زیر تعمیر احمد آباد – دھولیرا گرین فیلڈ ایکسپریس وے کا دورہ کیا، جسے نیشنل ہائی ویز اتھارٹی آف انڈیا ( این ایچ اے آئی) نے روبہ عمل لایا ہے۔ انہوں نے ایکسپریس وے کے احمد آباد اور دھولیرا کے درمیان سفر کے وقت کو 45 منٹ تک کم کرنے کی صلاحیت کو اجاگر کیا اور عالمی معیار کے سڑک کے معیارات کے ساتھ بروقت عمل درآمد پر زور دیا۔

دھولیرا اسپیشل انویسٹمنٹ ریجن (ڈی ایس آئی آر) میں، ڈاکٹر مشرا نے دھولیرا بین الاقوامی ہوائی اڈے کی ترقی کا جائزہ لیا۔ حکام نے انہیں بتایا کہ کارگو آپریشن اکتوبر 2025 تک شروع ہو جائے گا۔ انہوں نے حکام کو ہدایت کی کہ وہ ٹائم لائنس پر عمل کریں اور ایکسپریس وے کے ساتھ بغیر کسی رکاوٹ کے رابطے کو یقینی بنائیں۔

ڈاکٹر مشرا نے ٹاٹا الیکٹرانکس کے سیمی کنڈکٹر فیبریکیشن(ایف اے بی) پروجیکٹ کا معائنہ کیا، جو گھریلو چپس کی تیاری میں ایک اہم پہل ہے۔ انہوں نے اس کے پروڈکشن کے دائرہ کار کا جائزہ لیا، جس میں  موبائل ڈیوائسز، کنزیومر الیکٹرانکس، اور آٹوموٹو ایپلی کیشنز کے لیے چپس شامل ہیں۔ انہوں نے دھولیرا انڈسٹریل سٹی ڈویلپمنٹ لمیٹڈ (ڈی آئی سی ڈی ایل) کے تیار کردہ سماجی بنیادی ڈھانچے کے منصوبوں — اسکولوں، اسپتالوں اور رہائشی کمپلیکس کا بھی دورہ کیا۔ انہوں نے صارفین کے تجربے ، شراکت داروں کے تاثرات کے انضمام پر زور دیا۔

ڈاکٹر مشرا نے ڈی آئی سی ڈی ایل، ڈی آئی اے سی ایل، این ایچ اے آئی، ایئرپورٹس اتھارٹی آف انڈیا، اور انڈین ریلوے کے سینئر حکام کے ساتھ ایک جامع جائزہ میٹنگ کی صدارت کی۔ انہوں نے اہم پروجیکٹوں کا جائزہ لیا، جن میں احمد آباد-ڈھولیرا ایکسپریس وے، بھیمناتھ-دھولیرا فریٹ ریل لنک، احمد آباد-دھولیرا سیمی ہائی اسپیڈ ریل لائن، دھولیرا انٹرنیشنل ایئرپورٹ شامل ہیں۔ جناب مشرا نے عالمی معیار کے اسمارٹ صنعتی شہر کے طور پر دھولیرا کی ترقی کے لیے حکومت گجرات کے عزم کا اعادہ کیا۔ انہوں نے پروجیکٹ کی بروقت تکمیل، ہنر مند افرادی قوت کی دستیابی اور مضبوط منصوبہ بندی کی اہمیت پر زور دیا۔

ڈاکٹر مشرا نے نیشنل میری ٹائم ہیریٹیج کمپلیکس( این ایم ایچ سی) کا معائنہ کیا، جو بندرگاہوں، جہاز رانی اور آبی گزرگاہوں کی وزارت کے تحت ایک اہم اقدام ہے۔ انہوں نے جناب ٹی رام چندرن، سکریٹری،بندرگاہوں ، جہاز رانی اور آبی گزرگاہوں کی وزارت ، گجرات میری ٹائم بورڈ، محکمہ آثار قدیمہ، این ایچ اے آئی اور ہندوستانی ریلوے کے دیگر عہدیداروں کے ساتھ ایک جائزہ میٹنگ کی صدارت کی۔جناب  مشرا نے اس بات پر زور دیا کہ این ایم ایچ سی کو ہندوستان کے سمندری ماضی کو علمی خراج تحسین کے طور پر پیش کرنا چاہیے، اس میں گہرائی سے تحقیق، علمی تعاون، اور ایک سوچ سمجھ کر منصوبہ بند تجربہ کی اہمیت پر زور دینا چاہیے۔

 مشرا نے ماحولیاتی پائیداری کے اقدامات کا بھی جائزہ لیا، بشمول مقامی پرجاتیوں کے پودے لگانے اور پانی کے انتظام کے نظام۔ انہوں نے این ایم ایچ سی کے بے مثال پیمانے اور اہمیت پر روشنی ڈالی، اور ہڑپہ تہذیب کے بعد سے ہندوستان کی سمندری میراث کو بیان کرنے والے نمونے بنانے کی ضرورت پر زور دیا۔ ڈاکٹر مشرا نے فیز اے-1 کی تعمیر کا بھی معائنہ کیا، جس میں چھ گیلریاں بھی شامل تھیں، اور اسے اگست 2025 تک مکمل کرنے کی ہدایت دی۔

پی ایم او کے عہدیدار جناب ترون کپور،  وزیر اعظم کے مشیر اور جناب  منگیش گھلڈیال، ڈپٹی سکریٹری، پی ایم او بھی ڈاکٹر مشرا کے ہمراہ تھے۔

****

ش ح۔ ع و ۔ ش ت

U NO: 1793