সাইপ্রসকী রাষ্ট্রপতি নিকোস খৃষ্টোদৌলিদেসনা চেবাউ পীরকপদগী সরকারগী খোঙচৎ অমদা প্রধান মন্ত্রী শ্রী নরেন্দ্র মোদী জুন-১৫-জুন ১৬, ২০২৫ দা সাইপ্রসতা চৎকনি। মসি চহি ২০ গী তুংদা ভারতকী প্রধান মন্ত্রী অমনা সাইপ্রসতা চৎপা অহানবনি। নিকোসিয়াদা লৈরিঙৈদা, প্রধান মন্ত্রীনা রাষ্ট্রপতি নিকোস খৃষ্টোদৌলিদেসগা লোয়ননা ৱারি শানগনি অমসুং লিমাসোলদা ললোন-ইতিক্কী লুচিংবশিংদা ৱা ঙাংগনি। লৈবাক অনিগী মরীশিং হেন্না ফগৎনবা অমসুং মেদিতেরিয়ান লমদম অমসুং য়ুরোপিয়ান য়ুনিয়নগা ভারতকী লৈনবা মরী হেন্না ফগৎনবা খোঙচৎ অসিদা অমুক হন্না ৱারেপ লৌগনি।

মহাক্কী খোঙচৎকী অনিশুবদা, কনাদাগী প্রধান মন্ত্রী মার্ক কার্নিনা চেবাউ পীরকপদগী, জি-৭ মীফম শরুক য়ানবা প্রধান মন্ত্রী জুন ১৬-জুন ১৭ দা কনাদাগী কানানাস্কিসদা চৎকনি। হন্দক্কী অসিনা প্রধান মন্ত্রীনা জি-৭ মীফম শরুক য়াবা ৬শুবনি। মীফম অদুদা প্রধান মন্ত্রীনা জি-৭ লৈবাকশিংগী লুচিংবশিং, অতোপ্পা চেবাউ পীবদগী শরুক য়াবা লৈবাকশিং অমসুং মালেমগী লুপশিংগী লুচিংবশিংগা লোয়ননা ইনর্জি সেকুরিতি, তেক্নোলোজি অমসুং ইন্নোবেসন, এ.আই-ইনর্জিগী মরী অমসুং ক্বান্তমগা মরী লৈনবা ৱাফমশিং য়াওনা মালেমগী মরুওইবা ৱাফমশিং খন্নগনি। মীফম অসিগী নাকলদা প্রধান মন্ত্রীনা তোঙান তোঙানবা লৈবাক অনিগী ওইবা মীফমশিং পাংথোক্কনি।

মহাক্কী খোঙচৎকী অরোইবা শুরুক্ত, ক্রোএসিয়াগী প্রধান মন্ত্রী অন্দ্রেজ প্লেনকোবিক্না প্রধান মন্ত্রীদা চেবাউ পীরকপদগী, জুন ১৮, ২০২৫ দা প্রধান মন্ত্রী সরকারগী ওইবা খোঙচৎ অমদা ক্রোএসিয়াদা চৎকনি। মসি ভারতকী প্রধান মন্ত্রী অমনা ক্রোএসিয়াদা চৎপা অহানবা ওইগনি, লৈবাক অসিগী মরীদা মরুওইবা মাইপাকপগী শরুক অমনি। প্রধান মন্ত্রীনা প্রধান মন্ত্রী অন্দ্রেজ প্লেনকোবিক্কা লোয়ননা লৈবাক অনিগী মীফমশিং পাংথোক্কনি অমসুং ক্রোএসিয়াগী রাস্ত্রপতি জোরান মিলানোভিক্কা উনগনি। লৈবাক অসিনা য়ুরোপিয়ান য়ুনিয়নগা থবক তৌমিন্নবা মখা তানা ফগৎনবা ভারতনা পায়খৎলিবা থবক্কী মরুওইবা অদু ক্রোএসিয়াগী খোঙচৎ অসিনা তাক্কনি।

***