କେନ୍ଦ୍ରରେ ମୋର ସହଯୋଗୀ ଗଣ, ରାମମୋହନ ନାଇଡୁ ଜୀ, ମୁରଲୀଧର ମୋହୋଲ ଜୀ, ଆଇଏଟିଏ ବୋର୍ଡ ଅଫ୍ ଗଭର୍ଣ୍ଣର୍ସର ଅଧ୍ୟକ୍ଷ ପିଟର ଏଲବର୍ସ ଜୀ, ଆଇଏଟିଏର ମହାନିର୍ଦ୍ଦେଶକ ୱିଲି ୱାଲ୍ଶ ଜୀ, ଇଣ୍ଡିଗୋର  ପରିଚାଳନା ନିର୍ଦ୍ଦେଶକ ରାହୁଲ ଭାଟିଆ ଜୀ, ଅନ୍ୟ ସମସ୍ତ ମାନ୍ୟଗଣ୍ୟ ବ୍ୟକ୍ତିଗଣ, ମହିଳା ଓ ଭଦ୍ରବ୍ୟକ୍ତିମାନେ!

ଆଇ. ଏ. ଟି. ଏ. ର 81ତମ ବାର୍ଷିକ ସାଧାରଣ ସଭାରେ, ଏବଂ ବିଶ୍ୱ ବିମାନ ପରିବହନ ଶିଖର ସମ୍ମିଳନୀରେ, ମୁଁ ଆପଣ ସମସ୍ତ ଅତିଥିଙ୍କୁ ଭାରତକୁ ସ୍ୱାଗତ କରୁଛି ଏବଂ ଆପଣଙ୍କୁ ଅଭିନନ୍ଦନ ଜଣାଉଛି। 4 ଦଶନ୍ଧି ପରେ ଭାରତରେ ଏହି କାର୍ଯ୍ୟକ୍ରମ ଅନୁଷ୍ଠିତ ହେଉଛି। ଏହି 4 ଦଶନ୍ଧି ମଧ୍ୟରେ ଭାରତରେ ଅନେକ କିଛି ବଦଳିଛି। ଆଜିର ଭାରତ ପୂର୍ବ ଅପେକ୍ଷା ଅଧିକ ଆତ୍ମବିଶ୍ୱାସରେ ପରିପୂର୍ଣ୍ଣ। ଆମେ କେବଳ ବିଶ୍ୱ ବିମାନ ଚଳାଚଳ ଇକୋ-ସିଷ୍ଟମରେ ଏକ ବିଶାଳ ବଜାର ନୁହେଁ, ବରଂ ନୀତିଗତ ନେତୃତ୍ୱ, ନବସୃଜନ ଏବଂ ସମାବେଶୀ ବିକାଶର ପ୍ରତୀକ ମଧ୍ୟ ଅଟେ । ଆଜି ଭାରତ ବିଶ୍ୱ ମହାକାଶ-ବିମାନ ଚଳାଚଳ କ୍ଷେତ୍ରରେ ଏକ ଉଦୀୟମାନ ନେତୃତ୍ୱ ନେଉଛି। ବିଗତ ଦଶନ୍ଧିରେ ଭାରତର ବେସାମରିକ ବିମାନ ଚଳାଚଳ କ୍ଷେତ୍ରରେ ଯେଉଁ ଐତିହାସିକ ସଫଳତା ମିଳିଛି, ତାହା ଆପଣମାନେ ସମସ୍ତେ ଜାଣନ୍ତି।

ସାଥିମାନେ,

ଏହି ଶିଖର ସମ୍ମିଳନୀ, ଏହି ଆଲୋଚନା  ଏବଂ ବିମାନ ଚଳାଚଳ ସହିତ, ବିଶ୍ୱସ୍ତରୀୟ ସହଯୋଗ, ଜଳବାୟୁ ପ୍ରତିବଦ୍ଧତା ଏବଂ ନ୍ୟାୟସଙ୍ଗତ ଅଭିବୃଦ୍ଧିର ସହଭାଗୀ ଏଜେଣ୍ଡାକୁ ଆଗକୁ ନେବାର ମଧ୍ୟ ଏକ ମାଧ୍ୟମ। ଏହି ଶିଖର ସମ୍ମିଳନୀରେ ଆପଣମାନେ ଯାହା ଆଲୋଚନା କରୁଛନ୍ତି, ତାହା ବିଶ୍ୱ ବିମାନ ଚଳାଚଳ କ୍ଷେତ୍ରକୁ ଏକ ନୂତନ ଦିଗ ଦେବ। ମୋର ବିଶ୍ୱାସ ଯେ ଆମେ ଏହି କ୍ଷେତ୍ରର ଅସୀମ ସମ୍ଭାବନାକୁ ଉପଯୋଗ କରିବାରେ ସକ୍ଷମ ହେବୁ ଏବଂ ସେଗୁଡ଼ିକୁ ଆହୁରି ଉନ୍ନତ କରିପାରିବୁ।

ସାଥିମାନେ,

ଆଜି ଆମେ ଶହ ଶହ କିଲୋମିଟର ଦୂରତା ଅତିକ୍ରମ କରିଛୁ, ଏକ ଆନ୍ତଃ-ମହାଦେଶୀୟ ଯାତ୍ରା, ମାତ୍ର କିଛି ଘଣ୍ଟା ମଧ୍ୟରେ ନିଶ୍ଚିତ କରିପାରୁଛି । କିନ୍ତୁ, ଏକବିଂଶ ଶତାବ୍ଦୀର ବିଶ୍ୱର ସ୍ୱପ୍ନ, ଆମର ଅସୀମ କଳ୍ପନା ଗୁଡିକ ବନ୍ଦ ହୋଇନାହିଁ। ଆଜି ନବସୃଜନ ଏବଂ ପ୍ରଯୁକ୍ତିବିଦ୍ୟା ଉନ୍ନତିକରଣର ଗତି ପୂର୍ବ ଅପେକ୍ଷା ଅଧିକ ଦ୍ରୁତ ହୋଇଛି। ଏବଂ ଆମର ଗତି ଯେତେ ଦ୍ରୁତ ହେବ, ସେତେ ଅଧିକ ଦୂରର ଗନ୍ତବ୍ୟ ସ୍ଥଳକୁ ଆମେ ଆମର ଭାଗ୍ୟ ନିର୍ଦ୍ଧାରଣ କରିଛୁ। ଆଜି, ଆମେ ଏପରି ଏକ ପର୍ଯ୍ୟାୟରେ ଛିଡ଼ା ହୋଇଛୁ ଯେଉଁଠାରେ ଆମର ଭ୍ରମଣ ଯୋଜନା ଆଉ ପାର୍ଥିବ ସହରଗୁଡ଼ିକ ମଧ୍ୟରେ ସୀମିତ ନାହିଁ। ଆଜି ମଣିଷମାନେ ମଧ୍ୟ ମହାକାଶ ଉଡ଼ାଣ ଏବଂ ଆନ୍ତଃ-ଗ୍ରହ ଭ୍ରମଣର ବ୍ୟବସାୟୀକରଣ କରିବ । ଏହାକୁ ବେସାମରିକ ବିମାନ ଚଳାଚଳ ପାଇଁ  ସ୍ୱପ୍ନ ଦେଖୁଛନ୍ତି | ଏହା ସତ୍ୟ ଯେ ଏବେ ବି ସମୟ ଅଛି। କିନ୍ତୁ, ଏହା ଦର୍ଶାଉଛି ଯେ ଆଗାମୀ ସମୟରେ ବିମାନ ଚଳାଚଳ କ୍ଷେତ୍ରରେ କିପରି ପ୍ରମୁଖ ପରିବର୍ତ୍ତନ ଏବଂ ନବସୃଜନର କେନ୍ଦ୍ର ହେବାକୁ ଯାଉଛି। ଏହି ସମସ୍ତ ସମ୍ଭାବନା ପାଇଁ ଭାରତ ପ୍ରସ୍ତୁତ ଅଛି। ମୁଁ ଏହାକୁ ଭାରତର ତିନୋଟି ଶକ୍ତିଶାଳୀ ସ୍ତମ୍ଭ ଉପରେ ଆଧାରିତ କରୁଛି। ପ୍ରଥମତଃ-ଭାରତରେ ଏକ ବଜାର ରହିଛି, ଏହି ବଜାର କେବଳ ଉପଭୋକ୍ତାଙ୍କ ପାଇଁ ଏକ ଗୋଷ୍ଠୀ ନୁହେଁ, ଏହା ଭାରତର ଆକାଂକ୍ଷୀ ସମାଜର ପ୍ରତିଫଳନ। ଦ୍ୱିତୀୟତଃ, ଟେକ୍ନୋଲୋଜି ଏବଂ ନବସୃଜନ ପାଇଁ ଆମ ପାଖରେ ଜନସଂଖ୍ୟା ଏବଂ ପ୍ରତିଭା ଅଛି, ଆମର ଯୁବକମାନେ ନୂତନ ଯୁଗର ଉଦ୍ଭାବକ, ଯେଉଁମାନେ ଆର୍ଟିଫିସିଆଲ୍ ଇଣ୍ଟେଲିଜେନ୍ସ, ରୋବୋଟିକ୍ସ ଏବଂ ସ୍ୱଚ୍ଛ ଶକ୍ତି ପରି କ୍ଷେତ୍ରରେ ସଫଳତା ଆଣୁଛନ୍ତି। ତୃତୀୟତଃ, ଶିଳ୍ପ ପାଇଁ ଆମ ପାଖରେ ଏକ ଖୋଲା ଏବଂ ସହାୟକ ନୀତି ବ୍ୟବସ୍ଥା ରହିଛି। ଏହି ତିନୋଟି ଶକ୍ତିର ଶକ୍ତିରେ ଆମକୁ ଭାରତର ବିମାନ ଚଳାଚଳ କ୍ଷେତ୍ରକୁ ମିଳିତ ଭାବେ ନୂଆ ଶିଖରରେ ପହଞ୍ଚାଇବାକୁ ହେବ।

ସାଥିମାନେ,

 ବିଗତ ବର୍ଷଗୁଡ଼ିକରେ, ଭାରତ ବେସାମରିକ ବିମାନ ଚଳାଚଳ କ୍ଷେତ୍ରରେ ଅଭୂତପୂର୍ବ ପରିବର୍ତ୍ତନ ଦେଖିଛି। ଆଜି ଭାରତ ହେଉଛି ବିଶ୍ୱର ତୃତୀୟ ସର୍ବବୃହତ୍ ଘରୋଇ ବିମାନ ଚଳାଚଳ ବଜାର। ଆମର ଉଡ଼ାନ୍ ଯୋଜନାର ସଫଳତା ଭାରତୀୟ ବେସାମରିକ ବିମାନ ଚଳାଚଳ କ୍ଷେତ୍ରରେ ଏକ ସୁବର୍ଣ୍ଣ ଅଧ୍ୟାୟ ଅଟେ। ଏହି ଯୋଜନା ଅଧୀନରେ 15 ମିଲିୟନରୁ ଅଧିକ ଯାତ୍ରୀଙ୍କୁ ଶସ୍ତା ବିମାନ ଯାତ୍ରାର ସୁବିଧା ମିଳିଛି, ଅନେକ ନାଗରିକ ପ୍ରଥମ ଥର ପାଇଁ ବିମାନରେ ଯାତ୍ରା କରିବାରେ ସକ୍ଷମ ହୋଇଛନ୍ତି। ଆମର ବିମାନ ଚଳାଚଳ ସଂସ୍ଥାଗୁଡ଼ିକ ମଧ୍ୟ କ୍ରମାଗତ ଭାବେ ଦୁଇ ଅଙ୍କ ବିଶିଷ୍ଟ ଅଭିବୃଦ୍ଧି ହାସଲ କରୁଛନ୍ତି। ଭାରତୀୟ ଏବଂ ବିଦେଶୀ ବିମାନ ସଂସ୍ଥାଗୁଡ଼ିକର 24 କୋଟି ଯାତ୍ରୀଙ୍କ ସମେତ ପ୍ରାୟ 240 ମିଲିୟନ ଯାତ୍ରୀ ପ୍ରତିବର୍ଷ ଆମ ପାଖକୁ ବିମାନରେ ଆସିଥାନ୍ତି। ଅର୍ଥାତ୍, ବିଶ୍ୱର ଅଧିକାଂଶ ଦେଶର ମୋଟ ଜନସଂଖ୍ୟାରୁ ମଧ୍ୟ ବହୁଗୁଣ ଅଧିକ ଏବଂ 2030 ସୁଦ୍ଧା, ଏହି ସଂଖ୍ୟା 500 କୋଟି, ପାଞ୍ଚ ଶହ କୋଟି ଯାତ୍ରୀ ପହଞ୍ଚିବାର ସମ୍ଭାବନା ରହିଛି। ଆଜି,  ଭାରତରେ 3.5 ମିଲିୟନ ମେଟ୍ରିକ ଟନ ସାମଗ୍ରୀ ଏୟାର-କାର୍ଗୋ ଦ୍ୱାରା 5 ନିୟୁତ ମେଟ୍ରିକ୍ ଟନ୍ ସାମଗ୍ରୀ ପରିବହନ କରାଯାଇଥାଏ, ଯାହା ଚଳିତ ଦଶନ୍ଧି ଶେଷ ସୁଦ୍ଧା 10 ନିୟୁତ ମେଟ୍ରିକ୍ ଟନକୁ ଏହା ବୃଦ୍ଧି ପାଇବ।

ସାଥିମାନେ,

ଏହା କେବଳ ସଂଖ୍ୟା ନୁହେଁ, ଏହା ନୂତନ ଭାରତର ସାମର୍ଥ୍ୟର ଏକ ଝଲକ, ଏବଂ ଭାରତ ଏହି ସାମର୍ଥ୍ୟକୁ ସର୍ବାଧିକ କରିବା ପାଇଁ ଏକ ଭବିଷ୍ୟତ ରୋଡମ୍ୟାପ୍ ଉପରେ କାର୍ଯ୍ୟ କରୁଛି। ଆମେ ବିଶ୍ୱସ୍ତରୀୟ ବିମାନ ବନ୍ଦର ଭିତ୍ତିଭୂମିରେ ନିବେଶ କରୁଛୁ। ନାଇଡୁଜୀ ଯେପରି ଉଲ୍ଲେଖ କରିଥିଲେ, 2014 ମସିହା ସୁଦ୍ଧା ଭାରତରେ 74ଟି କାର୍ଯ୍ୟକ୍ଷମ ବିମାନ ବନ୍ଦର ଥିଲା। ଆଜି ସେଗୁଡିକ ସଂଖ୍ୟା ବୃଦ୍ଧି ପାଇ 162ରେ ପହଞ୍ଚିଛି। ଭାରତୀୟ ବିମାନ ଚଳାଚଳ ସଂସ୍ଥାଗୁଡ଼ିକ 2000ରୁ ଅଧିକ ନୂଆ ବିମାନ ପାଇଁ ଅର୍ଡର ଦେଇଛନ୍ତି। ଆଉ ଏହା ତ କେବଳ ଆରମ୍ଭ ମାତ୍ର। ଭାରତର ବିମାନ ଚଳାଚଳ କ୍ଷେତ୍ର ଏକ ଟେକ-ଅଫ୍ ପଏଣ୍ଟରେ ଛିଡ଼ା ହୋଇଛି, ଯେଉଁଠାରୁ ଏହାକୁ ଦୀର୍ଘତମ ଏବଂ ସର୍ବୋଚ୍ଚ ଉଡ଼ାଣ ନେବାକୁ ପଡିବ। ଏବଂ ଏହି ଉଡ଼ାଣ କେବଳ ଭୌଗୋଳିକ ସୀମା ଅତିକ୍ରମ କରିବ ନାହିଁ, ବରଂ ଏହା ବିଶ୍ୱକୁ ସ୍ଥିରତା, ସବୁଜ ଗତିଶୀଳତା ଏବଂ ନ୍ୟାୟସଙ୍ଗତ ପ୍ରବେଶ ଦିଗରେ ମଧ୍ୟ ନେଇଯିବ।

ସାଥିମାନେ,

 ଆଜି ଆମ ବିମାନ ବନ୍ଦରର ପରିଚାଳନା କ୍ଷମତା ପ୍ରତିବର୍ଷ ପାଞ୍ଚ ଶହ 3.5 ମିଲିୟନ ଯାତ୍ରୀଙ୍କ ନିକଟରେ ପହଞ୍ଚିଛି। ଆଜି ଭାରତ ବିଶ୍ୱର ସେହି ଅଳ୍ପ କେତେକ ଦେଶ ମଧ୍ୟରେ ରହିଛି, ଯେଉଁମାନେ ଟେକ୍ନୋଲୋଜି ମାଧ୍ୟମରେ ବ୍ୟବହାରକାରୀଙ୍କ ଅଭିଜ୍ଞତାର ନୂତନ ମାନଦଣ୍ଡ ସ୍ଥାପନ କରୁଛନ୍ତି। ଆମେ ସୁରକ୍ଷା, ଦକ୍ଷତା ଏବଂ ସ୍ଥିରତା ଉପରେ ସମାନ ଭାବରେ ଧ୍ୟାନ ଦେଉଛୁ। ଆମେ ନିରନ୍ତର ବିମାନ ଇନ୍ଧନ ଦିଗରେ ଆଗକୁ ବଢ଼ୁଛୁ, ସବୁଜ ପ୍ରଯୁକ୍ତିବିଦ୍ୟାରେ ନିବେଶ କରୁଛୁ, ଅଙ୍ଗାରକାମ୍ଳ ନିର୍ଗମନ ହ୍ରାସ କରୁଛୁ, ଆମେ ପ୍ରଗତି ଏବଂ ଗ୍ରହର ସୁରକ୍ଷା, ଉଭୟର ସୁରକ୍ଷା ସୁନିଶ୍ଚିତ କରୁଛୁ।

ସାଥିମାନେ,

ଏଠାରେ ଆମର ଯେଉଁ ବିଦେଶୀ ଅତିଥିମାନେ ଅଛନ୍ତି, ମୋର ସେମାନଙ୍କୁ ଅନୁରୋଧ  ଯେ ଆପଣମାନେ ଡିଜି ଯାତ୍ରା ଆପ୍ ବିଷୟରେ ନିଶ୍ଚୟ ଜାଣିନ୍ତୁ, ଡିଜି ଯାତ୍ରା ଆପ୍ ହେଉଛି ଡିଜିଟାଲ ବିମାନ ଚଳାଚଳ ବ୍ୟବସ୍ଥାର ଏକ ଉଦାହରଣ। ଏହି ଫେଶିଆଲ୍ ଭେରିଫିକେସନ୍ ଟେକ୍ନୋଲୋଜି ମାଧ୍ୟମରେ ବିମାନବନ୍ଦର ପ୍ରବେଶରୁ ଆରମ୍ଭ କରି ବୋର୍ଡିଂ ଗେଟ୍ ପର୍ଯ୍ୟନ୍ତ ନିରବଚ୍ଛିନ୍ନ ଯାତ୍ରା ପାଇଁ ଏହା ଏକ ସମ୍ପୂର୍ଣ୍ଣ ସମାଧାନ। କୌଣସି କାଗଜ, କାଗଜପତ୍ର, ପରିଚୟ ପତ୍ର ଦେଖାଇବା ଆବଶ୍ୟକ ନାହିଁ। ମୁଁ ଭାବୁଛି ଯେ ଭାରତର ଏହି ନବସୃଜନ ଏତେ ବଡ଼ ଜନସଂଖ୍ୟାକୁ ଉନ୍ନତ ସେବା ପ୍ରଦାନ କରିବାର ଅଭିଜ୍ଞତା ଥିବା ଅନେକ ଦେଶ ପାଇଁ ଉପଯୋଗୀ ହୋଇପାରେ। ଏହା ସୁରକ୍ଷିତ ଏବଂ ଚତୁର ସମାଧାନର ଏକ ମଡେଲ ଯାହା ଗ୍ଲୋବାଲ୍ ସାଉଥ୍ ପାଇଁ ମଧ୍ୟ ଏକ ପ୍ରେରଣା ହୋଇପାରେ |

ସାଥିମାନେ,

ଭାରତର ଦ୍ରୁତ ଗତିରେ ସମ୍ପ୍ରସାରିତ ହେଉଥିବା ବିମାନ ଚଳାଚଳ କ୍ଷେତ୍ର ପଛରେ ଆଉ ଏକ ପ୍ରମୁଖ କାରଣ ରହିଛି-ନିରନ୍ତର ସଂସ୍କାର! ଭାରତକୁ ବିଶ୍ୱ ଉତ୍ପାଦନ ହବ୍ ରେ ପରିଣତ କରିବା ପାଇଁ ଆମେ ପ୍ରତ୍ୟେକ ପଦକ୍ଷେପ ନେଉଛୁ। ଚଳିତ ବର୍ଷର ବଜେଟରେ ଆମେ ମିଶନ ମାନୁଫାକ୍ଚରିଂ ଘୋଷଣା କରିଛୁ। ନାଇଡୁଜୀ ଯେପରି ଉଲ୍ଲେଖ କରିଛନ୍ତି, ଏ ବର୍ଷ ଆମେ ଭାରତୀୟ ସଂସଦରେ ବିମାନ ବସ୍ତୁ କ୍ଷେତ୍ରରେ ସ୍ୱାର୍ଥର ସୁରକ୍ଷା ବିଲକୁ ପାରିତ କରିଛୁ। ଏହା ଦ୍ଵାରା ଭାରତରେ କେପ୍ ଟାଉନ୍ ସମ୍ମେଳନକୁ ଆଇନଗତ ଶକ୍ତି ପ୍ରଦାନ କରିଛି। ଏବେ ଭାରତରେ ବୈଶ୍ୱିକ ବିମାନ ଲିଜିଂ କମ୍ପାନୀଗୁଡ଼ିକ ପାଇଁ ଏକ ନୂଆ ସୁଯୋଗ ସୃଷ୍ଟି ହେଉଛି। ଆପଣମାନେ ସମସ୍ତେ ଗିଫ୍ଟ ସିଟିରେ ମିଳୁଥିବା ରିହାତି ବିଷୟରେ ମଧ୍ୟ ଅବଗତ ଅଛନ୍ତି। ଗିଫ୍ଟ ସିଟିର ପ୍ରୋତ୍ସାହନ ଭାରତକୁ ବିମାନ ଲିଜ୍ ପାଇଁ ଏକ ଆକର୍ଷଣୀୟ ଗନ୍ତବ୍ୟସ୍ଥଳରେ ପରିଣତ କରିଛି।

ସାଥିମାନେ,

 ନୂତନ ଭାରତୀୟ ବିମାନ ଚଳାଚଳ ଅଧିନିୟମ ଆମର ବିମାନ ଚଳାଚଳ ଆଇନକୁ ବିଶ୍ୱର ସର୍ବୋତ୍ତମ ଅଭ୍ୟାସ ଅନୁରୂପ କରୁଛି। ଅର୍ଥାତ୍, ଭାରତରେ ବିମାନ ଚଳାଚଳ କ୍ଷେତ୍ରର ଆଇନ ନମନୀୟ, ନିୟମ ନମନୀୟ ଏବଂ ଟିକସ ଢାଞ୍ଚା ସରଳ। ତେଣୁ ବିଶ୍ୱର ପ୍ରମୁଖ ବିମାନ ଚଳାଚଳ କମ୍ପାନୀଗୁଡ଼ିକ ପାଇଁ ମଧ୍ୟ ଭାରତରେ ନିବେଶ କରିବା ପାଇଁ ଏହା ଏକ ବଡ଼ ସୁଯୋଗ।

ସାଥିମାନେ,

ବିମାନ ଚଳାଚଳ କ୍ଷେତ୍ରରେ ଅଭିବୃଦ୍ଧିର ଅର୍ଥ ହେଉଛି ନୂତନ ଉଡ଼ାଣ, ନୂତନ ନିଯୁକ୍ତି, ନୂତନ ସମ୍ଭାବନା। ବିମାନ ଚଳାଚଳ କ୍ଷେତ୍ରରେ ପାଇଲଟ୍, କ୍ରିଉ ଇଞ୍ଜିନିୟର, ଗ୍ରାଉଣ୍ଡ ଷ୍ଟାଫ୍ ସମସ୍ତଙ୍କୁ  ପାଇଁ ନୂଆ ସୁଯୋଗ ସୃଷ୍ଟି ହୋଇଛି। ଆଉ ଏକ ନୂତନ ସୂର୍ଯ୍ୟୋଦୟ କ୍ଷେତ୍ର ବିକଶିତ ହେଉଛି, ଏମ୍. ଆର୍. ଓ., ଅର୍ଥାତ୍ ରକ୍ଷଣାବେକ୍ଷଣ, ମରାମତି ଏବଂ ମରାମତି-ହଲ୍। ଆମର ନୂତନ ଏମ୍. ଆର୍. ଓ. ନୀତି ଭାରତକୁ ବିମାନ ରକ୍ଷଣାବେକ୍ଷଣ ପାଇଁ ଏକ ବିଶ୍ୱସ୍ତରୀୟ କେନ୍ଦ୍ରରେ ପରିଣତ କରିବାର ଗତିକୁ ତ୍ୱରାନ୍ୱିତ କରିଛି। 2014ରେ ଭାରତରେ 96ଟି ଏମ୍. ଆର୍. ଓ. ସୁବିଧା ଥିଲା, ଆଜି 154ଟି ରହିଛି। ସ୍ୱୟଂକ୍ରିୟ ମାର୍ଗରେ ପ୍ରତ୍ୟକ୍ଷ ବିଦେଶୀ ପୁଞ୍ଜିନିବେଶ, ଜିଏସଟିରେ ହ୍ରାସ, ଟିକସ ଯୁକ୍ତିସଙ୍ଗତକରଣ ଭଳି ପଦକ୍ଷେପଗୁଡ଼ିକ ଏମ୍. ଆର୍. ଓ. କ୍ଷେତ୍ରକୁ ନୂତନ ଶକ୍ତି ପ୍ରଦାନ କରିଛି। ଏବେ ଆମର ଲକ୍ଷ୍ୟ ହେଉଛି 2030 ସୁଦ୍ଧା ଭାରତକୁ 4 ବିଲିୟନ ଡଲାରର ଏମ୍. ଆର୍. ଓ. ହବ୍ ରେ ପରିଣତ କରିବା।

ସାଥିମାନେ,

 ଆମେ ଚାହୁଁ ଯେ ବିଶ୍ୱ ଭାରତକୁ କେବଳ ବିମାନ ଚଳାଚଳ ବଜାର ଭାବେ ନୁହେଁ, ବରଂ ମୂଲ୍ୟ ଶୃଙ୍ଖଳାର ଅଗ୍ରଣୀ ଭାବେ ମଧ୍ୟ ଦେଖିବ। ଡିଜାଇନ୍ ଠାରୁ ଆରମ୍ଭ କରି ଡେଲିଭରି ପର୍ଯ୍ୟନ୍ତ, ଭାରତ ବିଶ୍ୱ ବିମାନ ଚଳାଚଳ ଯୋଗାଣ ଶୃଙ୍ଖଳାର ଏକ ଅବିଚ୍ଛେଦ୍ୟ ଅଙ୍ଗ ପାଲଟିଛି। ଆମର ଦିଗ ଠିକ୍ ଅଛି, ଆମର ଗତି ଠିକ୍ ଅଛି, ତେଣୁ ଆମର ବିଶ୍ୱାସ ଯେ ଆମେ ଦ୍ରୁତ ଗତିରେ ଆଗକୁ ବଢିବୁ ।  ସମସ୍ତ ବିମାନ କମ୍ପାନୀଗୁଡିକୁ ମଧ୍ୟ    ଭାରତରେ ଡିଜାଇନ୍ କରିବା ଉଚିତ।

ସାଥିମାନେ,

 ଭାରତର ବିମାନ ଚଳାଚଳ କ୍ଷେତ୍ରର ଆଉ ଏକ ସୁଦୃଢ଼ ଦିଗ ହେଉଛି ଏହାର ସମାବେଶୀ ମଡେଲ। ଆଜି ଭାରତରେ 15 ପ୍ରତିଶତରୁ ଅଧିକ ମହିଳା ପାଇଲଟ୍ ଅଛନ୍ତି, ଯାହା ବିଶ୍ୱର ହାରାହାରି ତୁଳନାରେ ତିନି ଗୁଣ ଅଧିକ। ସାରା ବିଶ୍ୱରେ, କ୍ୟାବିନ କ୍ରୁରେ ମହିଳାମାନଙ୍କର ହାରାହାରି ଅଂଶଗ୍ରହଣ ପାଖାପାଖି 70 ପ୍ରତିଶତ, ରହିଛି, ଆମର ଏଠାରେ 86 ପ୍ରତିଶତ ରହିଛି। ଭାରତର ଏମ୍. ଆର୍. ଓ. କ୍ଷେତ୍ରରେ ମହିଳା ଇଞ୍ଜିନିୟରଙ୍କ ସଂଖ୍ୟା ମଧ୍ୟ ବିଶ୍ୱର ହାରାହାରି ତୁଳନାରେ ବୃଦ୍ଧି ପାଉଛି।

ସାଥିମାନେ,

 ଡ୍ରୋନ ପ୍ରଯୁକ୍ତି ବିଦ୍ୟା ଆଜି ବିମାନ ଚଳାଚଳ କ୍ଷେତ୍ରର ଆଉ ଏକ ପ୍ରମୁଖ ଅଂଶବିଶେଷ। ଭାରତ ବୈଷୟିକ ପ୍ରଗତି ପାଇଁ ଡ୍ରୋନ୍ ଟେକ୍ନୋଲୋଜିର ବ୍ୟବହାର କରୁଛି, ଏବଂ ଆମେ ଏହାକୁ ଆର୍ଥିକ ଏବଂ ସାମାଜିକ ଅନ୍ତର୍ଭୂକ୍ତିକରଣ ପାଇଁ ଏକ ଉପକରଣରେ ପରିଣତ କରିଛୁ। ଡ୍ରୋନ ଜରିଆରେ ଆମେ ମହିଳା ସ୍ୱୟଂ ସହାୟକ ଗୋଷ୍ଠୀଗୁଡ଼ିକୁ ସଶକ୍ତ କରୁଛୁ। ଏହାଦ୍ୱାରା କୃଷି, ପ୍ରସବ, ସେବା କ୍ଷେତ୍ରରେ ମହିଳାମାନଙ୍କର ଅଂଶଗ୍ରହଣ ବୃଦ୍ଧି ପାଇଛି।

ସାଥିମାନେ,

 ବିମାନ ଚଳାଚଳ କ୍ଷେତ୍ରରେ ସୁରକ୍ଷା ସର୍ବଦା ଆମ ପାଇଁ ସର୍ବୋଚ୍ଚ ପ୍ରାଥମିକତା ହୋଇ ରହିଛି। ଭାରତ ଏହାର ନିୟମାବଳୀକୁ ଆସି. ଏ. ଓ. ର ବୈଶ୍ୱିକ ମାନକ ସହିତ ଯୋଡ଼ିଛି। ନିକଟରେ ଆ.ସି. ଏ. ଓ. ର ସୁରକ୍ଷା ଅଡିଟ୍ ଆମର ପ୍ରୟାସକୁ ପ୍ରଶଂସା କରିଛି। ଏସିଆ-ପ୍ରଶାନ୍ତ ମହାସାଗରୀୟ ମନ୍ତ୍ରୀସ୍ତରୀୟ ସମ୍ମିଳନୀରେ ଦିଲ୍ଲୀ ଘୋଷଣାନାମା ଗୃହୀତ ହେବା, ଭାରତର ପ୍ରତିବଦ୍ଧତାର ଏକ ପ୍ରମାଣ। ଭାରତ ସର୍ବଦା ମୁକ୍ତ ଆକାଶ ଏବଂ ବୈଶ୍ୱିକ ସଂଯୋଗକୁ ସମର୍ଥନ କରି ଦଣ୍ଡାୟମାନ। ଆମେ ଚିକାଗୋ ସମ୍ମିଳନୀର ନୀତିକୁ ସମର୍ଥନ କରୁଛୁ। ଆସନ୍ତୁ, ଆମେ ସମସ୍ତେ ମିଶି ଏପରି ଏକ ଭବିଷ୍ୟତ ନିର୍ମାଣ କରିବା, ଯେଉଁଠି ବିମାନ ଯାତ୍ରା ସମସ୍ତଙ୍କ ପାଇଁ ସୁଲଭ, ଶସ୍ତା ଏବଂ ସୁରକ୍ଷିତ ହେବ। ମୋର ବିଶ୍ୱାସ ଯେ ଆପଣମାନେ ସମସ୍ତେ ବିମାନ ଚଳାଚଳ କ୍ଷେତ୍ରକୁ ନୂତନ ଶିଖରରେ ପହଞ୍ଚାଇବା ପାଇଁ ନୂତନ ସମାଧାନ ବାହାର କରିବେ।  ମୁଁ ଆପଣ ସମସ୍ତଙ୍କୁ ବହୁତ ବହୁତ ଶୁଭେଚ୍ଛା ଜଣାଉଛି।

ବହୁତ ବହୁତ ଧନ୍ୟବାଦ।  

*****

NS/SLP