প্ৰধানমন্ত্ৰীৰ কাৰ্যালয়
প্ৰধানমন্ত্ৰীয়ে ২৩ মে'ত নতুন দিল্লীত ৰাইজিং নৰ্থ ইষ্ট ইনভেষ্টাৰ্ছ সন্মিলন উদ্বোধন কৰিব
কেন্দ্ৰীয় খণ্ডসমূহঃ পৰ্যটন, কৃষি-খাদ্য প্ৰক্ৰিয়াকৰণ, বস্ত্ৰ, তথ্য প্ৰযুক্তি, আন্তঃগাঁথনি, শক্তি, মনোৰঞ্জন আৰু ক্ৰীড়া
সন্মিলনৰ লক্ষ্য হৈছে উত্তৰ-পূব অঞ্চলক সুযোগৰ স্থান হিচাপে চিহ্নিত কৰা আৰু বিশ্ব তথা ঘৰুৱা বিনিয়োগক আকৰ্ষিত কৰা
Posted On:
22 MAY 2025 4:13PM by PIB Guwahati
উত্তৰ-পূব অঞ্চলক সুযোগৰ দেশ হিচাপে চিহ্নিত কৰা, বৈশ্বিক আৰু ঘৰুৱা বিনিয়োগক আকৰ্ষিত কৰা, আৰু মুখ্য অংশীদাৰ, বিনিয়োগকাৰী তথা নীতি নিৰ্ধাৰকসকলক একেখন মঞ্চতে একত্ৰিত কৰাৰ লক্ষ্যৰে প্ৰধানমন্ত্ৰী শ্ৰী নৰেন্দ্ৰ মোদীয়ে ২৩ মে'ত নতুন দিল্লীৰ ভাৰত মণ্ডপমত পুৱা প্ৰায় ১বজাত ৰাইজিং নৰ্থ ইষ্ট ইনভেষ্টাৰ্ছ সন্মিলন উদ্বোধন কৰিব।
২৩-২৪ মে’লৈ দুদিনীয়াকৈ অনুষ্ঠিত হ’বলগীয়া ৰাইজিং নৰ্থ ইষ্ট ইনভেষ্টাৰ্ছ সন্মিলন হৈছে বিভিন্ন প্ৰাক-সন্মিলন কাৰ্যকলাপৰ পৰিণাম, যেনে ৰোড শ্ব'ৰ শৃংখলা, কেন্দ্ৰীয় চৰকাৰে উত্তৰ-পূব অঞ্চলৰ ৰাজ্য চৰকাৰসমূহৰ সক্ৰিয় সমৰ্থনত আয়োজন কৰা ৰাষ্ট্ৰদূতসকলৰ বৈঠক আৰু দ্বিপাক্ষিক চেম্বাৰ মিটকে ধৰি ৰাজ্যসমূহৰ ঘূৰণীয়া মেজমেল। সন্মিলনখনত মন্ত্ৰী পৰ্যায়ৰ অধিৱেশন, ব্যৱসায়ৰ পৰা চৰকাৰলৈ অধিৱেশন, ব্যৱসায়ৰ পৰা ব্যৱসায়লৈ বৈঠক, ষ্টাৰ্টআপ আৰু বিনিয়োগৰ প্ৰচাৰৰ বাবে ৰাজ্য চৰকাৰ আৰু কেন্দ্ৰীয় মন্ত্ৰালয়ে গ্ৰহণ কৰা নীতি আৰু এই সম্পৰ্কীয় পদক্ষেপৰ প্ৰদৰ্শনী অন্তৰ্ভুক্ত থাকিব।
বিনিয়োগৰ প্ৰচাৰৰ মূল কেন্দ্ৰীয় খণ্ডবোৰৰ ভিতৰত আছে পৰ্যটন আৰু আতিথ্য, কৃষি-খাদ্য প্ৰক্ৰিয়াকৰণ আৰু আনুষংগিক খণ্ড; বস্ত্ৰ, হস্ততাঁত আৰু হস্তশিল্প; স্বাস্থ্যসেৱা; শিক্ষা আৰু দক্ষতা বিকাশ; তথ্য প্ৰযুক্তি বা তথ্য প্ৰযুক্তি সক্ষম সেৱা; আন্তঃগাঁথনি আৰু লজিষ্টিকছ; শক্তি; মনোৰঞ্জন আৰু ক্ৰীড়া।
***
MJPS/SR/MK
(Release ID: 2130558)
Read this release in:
English
,
Urdu
,
Marathi
,
Hindi
,
Nepali
,
Bengali
,
Gujarati
,
Tamil
,
Telugu
,
Kannada
,
Malayalam