প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা ওস্ত্রেলিয়াগী প্রধান মন্ত্রী এন্থোনী অলবানিজপু মহাক্কী পুৱারী ওইরবা অনিশুবা তর্মগীদমক নুংঙাইবা ফোংদোকখ্রে
লুচিংবশিংনা ইন্দিয়া-ওস্ত্রেলিয়া কমপ্রিহেন্সিব স্ত্রেতেজিক পার্তনরশিপ (CSP) চেৎশিনহন্নবা মখোয়গী ফিরেপ অমুক হন্না ফোংদোকখ্রে
মখোয়না মখা তানা পাও ফাওননবা অমসুং মখোয়গী মথংগী মীফমগী আশা তৌরি ফোংদোকখি
Posted On:
06 MAY 2025 2:07PM by PIB Imphal
প্রধান মন্ত্রী শ্রী নরেন্দ্র মোদীনা ঙসি ওনরেবল এন্থোনী অলবানিজকা তেলিফোনদা ৱারী শাখ্রে অমসুং ওস্ত্রেলিয়াগী 32শুব প্রধান মন্ত্রী ওইনা মীখলদা মহাক্না পুরৱারী ওইনা অমুক কারকপদা নুংঙাইবা ফোংদোকখ্রে।
প্রধান মন্ত্রীনা লৈবাক অনিগী মরক্তা কমপ্রিহেন্সিব স্ত্রেতেজিক পার্তনরশিপ (CSP) মপাঙ্গল কনখৎহন্নবা মখোয়গী ফিরেপ অমুক হন্না ফোংদোকখ্রে। মখোয়না হৌখিবা চহি মঙা অসিদা CSPনা সেক্তর কয়ামরুমদা চাউনা তেংবাং পীনবা হেনগৎলকপা উবা ফংখি। মখোয়না বাইলেতরেলগী মরীশিং চেৎশিনহনবদা অচৌবা ইন্দিয়ন ওরিজিন দাইস্পোরানা লৌরিবা থৌদাং অদুদা অকনবা ৱাফম থমখি।
লুচিংবা অনিনা নাকল অনিমক্কী কান্নগদবা রিজনেল অমসুং গ্লোবেলগী হিরমশিংদা ৱাখল্লোনসু ফোংদোক্নখি অমসুং ফ্রী, ওপন, স্তেবল, রুল্স-বেজ ওইবা অমসুং চাউখৎপা ইন্দো-পেসিফিক অমা প্রমোৎ তৌনবা পুন্না থবক তৌনবা মখোয়গী ফিরেপ নৌহৌনা ফোংদোকখি।
প্রধান মন্ত্রীনা পি.এম. অলবানিজপু এন্যুএল সম্মিৎ অমসুং QUAD সম্মিৎ য়াওনা চহি অসি লোইরকপদা ভারত্তা পাংথোক্কদৌরিবা অসিদা লাকনবা বর্তন তৌখি। লুচিংবশিংনা মখা তানা পাও ফাওননবা য়ান্নখি।
***
(Release ID: 2127246)
Visitor Counter : 42
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam