પ્રધાનમંત્રીનું કાર્યાલય
પ્રધાનમંત્રી નરેન્દ્ર મોદીએ ઓસ્ટ્રેલિયાના પ્રધાનમંત્રી એન્થોની અલ્બેનીઝને તેમના ઐતિહાસિક બીજા કાર્યકાળ બદલ અભિનંદન પાઠવ્યા
નેતાઓએ ભારત-ઓસ્ટ્રેલિયા વ્યાપક વ્યૂહાત્મક ભાગીદારી (CSP) ને મજબૂત બનાવવાની તેમની પ્રતિબદ્ધતાની પુનઃપુષ્ટિ કરી
તેઓ સંપર્કમાં રહેવા અને તેમની આગામી મીટિંગની રાહ જોવા સંમત થયા
Posted On:
06 MAY 2025 2:07PM by PIB Ahmedabad
પ્રધાનમંત્રી શ્રી નરેન્દ્ર મોદીએ આજે માનનીય એન્થોની અલ્બેનીઝ સાથે ટેલિફોન પર વાતચીત કરી અને ઓસ્ટ્રેલિયાના 32માં પ્રધાનમંત્રી તરીકે તેમના ઐતિહાસિક પુનઃ ચૂંટાવા બદલ તેમને અભિનંદન આપ્યા.
પ્રધાનમંત્રીઓએ બંને દેશો વચ્ચે વ્યાપક વ્યૂહાત્મક ભાગીદારી (CSP) ને મજબૂત બનાવવાની તેમની પ્રતિબદ્ધતાની પુનઃપુષ્ટ કરી. તેમણે નોંધ્યું કે તેમના પાંચ વર્ષમાં, CSP એ વિવિધ ક્ષેત્રોમાં મજબૂત સહયોગ વિકસાવ્યો છે. તેમણે દ્વિપક્ષીય સંબંધોને મજબૂત બનાવવામાં જીવંત ભારતીય મૂળના ડાયસ્પોરાએ ભજવેલી ભૂમિકા પર ભાર મૂક્યો હતો.
બંને નેતાઓએ પરસ્પર હિતના પ્રાદેશિક અને વૈશ્વિક મુદ્દાઓ પર પણ વિચારોનું આદાન-પ્રદાન કર્યું અને મુક્ત, ખુલ્લા, સ્થિર, નિયમો-આધારિત અને સમૃદ્ધ ઈન્ડો-પેસિફિકને પ્રોત્સાહન આપવા માટે સાથે મળીને કામ કરવાની તેમની પ્રતિબદ્ધતાનો પુનરોચ્ચાર કર્યો હતો.
પ્રધાનમંત્રીએ પીએમ અલ્બેનીઝને ભારતની મુલાકાત લેવા આમંત્રણ આપ્યું જેમાં વર્ષના અંતમાં ભારતમાં યોજાનારી વાર્ષિક સમિટ અને QUAD સમિટનો સમાવેશ થાય છે. નેતાઓ સંપર્કમાં રહેવા સંમત થયા હતા.
AP/IJ/GP/JD
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(Release ID: 2127237)
Visitor Counter : 43
Read this release in:
English
,
Urdu
,
Marathi
,
Hindi
,
Bengali
,
Manipuri
,
Punjabi
,
Odia
,
Tamil
,
Telugu
,
Kannada
,
Malayalam