ইলেক্ত্রোনিক্স অমসুং আই.তি. মন্ত্রালয়
য়ু.আই.দি.এ.আই.না নীত চাংয়েংগী ফেস ওথেন্তিকেসন পাইলোত মায় পাক্না পাঙথোকখ্রে
Posted On:
05 MAY 2025 2:53PM by PIB Imphal
য়ুনিক আইদেন্ততিফিকেসন ওথোরিতী ওফ ইন্দিয়া (য়ু.আই.দি.এ.আই.) না নই দিল্লীদা নেস্নেল ইলিজিবিলিতী কম এন্ত্রান্স তেস্ত (নীত-য়ু.জি.) ২০২৫ মনুংদা ফেস ওথেন্তিফিকেসন শীজিন্নবগী মতাঙদা প্রুফ ওফ কন্সেপ্ত (পি.ও.সি.) মায় পাক্না পাঙথোকখ্রে।
থৌশিল অসি নেস্নেল ইনফোর্মেতিক্স (এন.আই.সি.) অমদি নেস্নেল তেস্তিং এজেন্সী (এন.তি.এ.) খুউৎশম্নরগা পাঙথোকখবনি অমদি মসিনা চাংয়েংগী সিক্যুরিতী হেনগৎহন্নবা অমদি এদভান্স বাইওমেত্রিক তেক্নোলোজী শীজিন্নদুনা কেন্দিদেত ভেরিফিকেসন তৌনবগী লমদা শিংথানিংঙাই ওইবা খোঙথাং অমা ওইরি।
পি.ও.সি. অসি ভারতকী খ্বায়দগী চাউবা এন্ত্রান্স একজামিনেসনশিংগী মনুংদা অমা ওইরিবা চাংয়েং অসিদা কেন্দিদেতশিংগী আইদেন্তিতী ভেরিফাই তৌনবা পাম্বৈ অমা ওইনা আধারদা য়ুম্ফম ওইবা ফেস ওথেন্তিকেসন শীজিন্নবগী ওইথোকপা অমদি লৈরিবা মতিং নৈননবা পান্দম থম্বনি।
পি.ও.সি. মনুংদা, দিল্লীগী খনগৎলবা নীত সেন্তরশিংদা আধার ফেস তেক্নলোজী শীজিন্নখি অমদি এন.আই.সি.গী দিজিতেল ইনফ্রাস্ত্রকচর , অমসুং এন.তি.এ.গী একজামিনেসন প্রোতোকোল অপনবা লৈতনা পুনশিনখি।
আধারগী বাইওমেত্রিক দেতাবেজ শীজিন্নদুনা ফেস ওথেন্তিকেসন অদু রিএল-তাইমদা শীজিন্নদুনা, থৌওং অদু কন্তেক্তলেস অমদি হেন্না মওং মরিল নাইবা ওইহনখি। পি.ও.সি.জী মহৈ অদু কেন্দিদেত ভেরিফিকেসন্দা য়াম্না চুম্বা অমদি মতিং লৈবা মতৌ উৎখি।
থৌশিল অসিনা আধার ফেস ওথেন্তিকেসনবু অচৌবা চাংয়েংশিংদা মশক খঙদোক্নবগী সিক্যুউর, স্কেলেবল, অমদি মহৈরোয়গা চুনবা পাম্বৈ অমা ওইনা শীজিন্নবগী মতিং উৎলি। মসিনা তুংদা শীজিন্নরকপা য়াবগী মতিংসু উৎলি অমদি এন্ত্রান্স একজামশিংদা মহুৎ শিল্লগা থানবা হোৎনবা থিংবদা শিংথানিংঙাই ওইবা থৌদাং কমদৌনা লৌহনগনি হায়বসু উৎলি।
পুন্না পায়খৎমিন্নখিব থৌরাং অদুনা মীয়ামগী থবক থৌরমশিংদা ত্রান্সপেরেন্সী অমদি সিক্যুরিতী হেনগৎহন্নবা দিজিতেল ইনোভেসন শীজিন্ননবা লৈঙাক্না লেপ্লিবা খোঙথাঙ উৎলি।
****
(Release ID: 2127030)
Visitor Counter : 37