નવી દિલ્હીમાં નેશનલ એલિજિબિલિટી કમ એન્ટ્રન્સ ટેસ્ટ (NEET UG) 2025 દરમિયાન ફેસ ઓથેન્ટિકેશનના ઉપયોગ પર યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) એ સફળતાપૂર્વક એક પ્રૂફ ઓફ કોન્સેપ્ટ ( PoC )નું આયોજન કર્યું હતું.

આ પહેલ નેશનલ ઇન્ફોર્મેટિક્સ સેન્ટર (NIC) અને નેશનલ ટેસ્ટિંગ એજન્સી (NTA)ના સહયોગથી હાથ ધરવામાં આવી હતી, જે અદ્યતન બાયોમેટ્રિક ટેકનોલોજીનો ઉપયોગ કરીને પરીક્ષા સુરક્ષા અને ઉમેદવાર ચકાસણી પ્રક્રિયાઓને વધારવા તરફ એક મહત્વપૂર્ણ પગલું છે.

પીઓસીનો ઉદ્દેશ્ય ભારતની સૌથી મોટી પ્રવેશ પરીક્ષાઓમાંની એકમાં બેસતા ઉમેદવારોની ઓળખ ચકાસવાના સાધન તરીકે આધાર -આધારિત ચહેરા પ્રમાણીકરણની શક્યતા અને અસરકારકતાનું મૂલ્યાંકન કરવાનો હતો .

પીઓસી દરમિયાન, દિલ્હીના પસંદગીના NEET કેન્દ્રો પર આધાર ફેસ ઓથેન્ટિકેશન ટેકનોલોજીનો ઉપયોગ કરવામાં આવ્યો હતો, અને તેને NICના ડિજિટલ ઈન્ફ્રાસ્ટ્રક્ચર અને NTAના પરીક્ષા પ્રોટોકોલ સાથે એકીકૃત રીતે સંકલિત કરવામાં આવી હતી.

આધારના બાયોમેટ્રિક ડેટાબેઝનો ઉપયોગ કરીને, ચહેરાનું પ્રમાણીકરણ રીઅલ-ટાઇમમાં કરવામાં આવ્યું હતું, જેનાથી પ્રક્રિયા સંપર્ક રહિત અને વધુ સુવ્યવસ્થિત બની હતી. PoCના પરિણામોએ ઉમેદવાર ચકાસણીમાં ખૂબ જ ઉચ્ચ સ્તરની ચોકસાઈ અને કાર્યક્ષમતા દર્શાવી હતી.

મોટા પાયે પરીક્ષાઓમાં ઓળખ ચકાસણી માટે સુરક્ષિત, સ્કેલેબલ અને વિદ્યાર્થી-મૈત્રીપૂર્ણ ઉકેલ તરીકે આધાર ફેસ ઓથેન્ટિકેશનની સંભાવના પણ દર્શાવી હતી. તેણે ભવિષ્યમાં તેના ઉપયોગની સંભાવના અને પ્રવેશ પરીક્ષાઓ દરમિયાન નકલના પ્રયાસોને નોંધપાત્ર રીતે રોકવામાં તે કેવી રીતે ભૂમિકા ભજવી શકે છે તે પણ દર્શાવ્યું હતું.

આ સહયોગી પ્રયાસ જાહેર સેવાઓમાં પારદર્શિતા અને સુરક્ષા સુધારવા માટે ડિજિટલ નવીનતાનો ઉપયોગ કરવાની સરકારની પ્રતિબદ્ધતાને પ્રતિબિંબિત કરે છે.

AP/IJ/GP/JD