உலகளாவிய உள்ளடக்க சக்தி மையமாகத் திகழும் இந்தியாவின் எழுச்சியை மையமாகக் கொண்ட எர்ன்ஸ்ட் & யங் எழுதிய “எ ஸ்டுடியோ கால்டு இந்தியா’’ (இந்தியா என்று அழைக்கப்படும் ஒரு ஸ்டுடியோ) அறிக்கை.  வேவ்ஸ்  2025 மாநாட்டில் நாளை வெளியிடப்படுகிறது.  விரிவடையும் டிஜிட்டல் சந்தை, கலாச்சார பன்முகத்தன்மை மற்றும் மேம்பட்ட உற்பத்தி திறன்களால் இயக்கப்படும் உலகளாவிய ஊடகம் மற்றும் பொழுதுபோக்கு  துறையில் இந்தியாவின் வளர்ந்து வரும் செல்வாக்கை இந்த அறிக்கை சுட்டிக் காட்டுகிறது.

இந்தியாவின் பன்முகத்தன்மை கொண்ட கலாச்சாரம் மற்றும் மேம்பட்ட உள்கட்டமைப்பு அதை ஒரு படைப்பு சக்தி மையமாக ஆக்குகிறது

அனிமேஷன் மற்றும் விஎப்எக்ஸ் செலவுகள் இந்தியாவில் 40% முதல் 60% வரை குறைவாக உள்ளன. உலகளாவிய உற்பத்தி பணிப்பாய்வுகளை ஆதரிக்க பெரிய திறமையான பணியாளர்கள் உள்ளனர்

இந்திய உள்ளடக்கம் சர்வதேச அளவில் ஏற்றுக்கொள்ளப்படுகிறது, உலகளாவிய ஓடிடி தளங்களில் 25% வரையில் இந்தியாவிற்கு வெளியே பார்க்கப்படுகின்றன.

இந்தியாவின் ஈர்க்கக்கூடிய வளர்ச்சி மற்றும் புதுமைகளை முன்னிலைப்படுத்துவது, உலகளாவிய உள்ளடக்க உருவாக்கத்தில் நாட்டை ஒரு முன்னோடியாக நிலைநிறுத்துவதை இந்த அறிக்கை நோக்கமாகக் கொண்டுள்ளது. அதன் விரிவடையும் டிஜிட்டல் சந்தை, பல்வேறு கலாச்சாரம் மற்றும் மொழியியல் பாரம்பரியம், உலகெங்கிலும் உள்ள பார்வையாளர்களுடன் எதிரொலிக்கும் வளமான கதை சொல்லும் மரபுகள் ஆகியவற்றால் இயக்கப்படும் இந்தியா விரைவாக ஒரு உலகளாவிய உள்ளடக்க மையமாக மாறி வருகிறது.

அறிக்கையின் முக்கிய சிறப்பம்சங்கள் பின்வருமாறு:

டிஜிட்டல் மீடியா கையகப்படுத்தல்: 2024 ஆம் ஆண்டில், டிஜிட்டல் மீடியா தொலைக்காட்சியை விஞ்சி இந்தியாவின் ஊடகம் மற்றும் பொழுதுபோக்கின் மிகப்பெரிய பிரிவாக மாறியது, 800 பில்லியன் ரூபாய்க்கும் அதிகமாக  (US$9.4 பில்லியன்) ஈட்டி,  துறை வருவாயில் 32% பங்களித்தது.

உள்ளடக்க தயாரிப்பு: கடந்த ஆண்டு இந்தியா சுமார் 200,000 மணிநேர அசல் உள்ளடக்கத்தை தயாரித்தது, இதில் 1,600 திரைப்படங்கள், 2,600 மணிநேர பிரீமியம் ஓடிடி உள்ளடக்கம் மற்றும் 20,000 அசல் பாடல்கள் அடங்கும். இது இந்தியாவை உலகளவில் மிகப்பெரிய உள்ளடக்க உருவாக்கத்தைக் கொண்ட நாடுகளில்  ஒன்றாக நிலைநிறுத்துகிறது.

தொழில்நுட்ப முன்னேற்றங்கள்:  செயற்கை நுண்ணறிவு  மற்றும் புதிய தொழில்நுட்பங்கள் இந்தியாவில் உள்ளடக்கத் துறையில் புரட்சியை ஏற்படுத்தி வருகின்றன. செயற்கை நுண்ணறிவு உந்துதல் தளங்கள் உள்ளடக்க உற்பத்தியின் செயல்திறனையும் தரத்தையும் மேம்படுத்துகின்றன, இது தொழில்முறை தர வீடியோக்கள், படங்கள், உரை மற்றும் இசையை விரைவாக உருவாக்க உதவுகிறது.

நேரடி நிகழ்வுகள் எழுச்சி: 2024 ஆம் ஆண்டில் மட்டும், எட் ஷீரன் மற்றும் கோல்ட்ப்ளே போன்ற உலகளாவிய கலைஞர்கள் பங்கேற்ற இசை நிகழ்ச்சிகள் உட்பட 30,000 க்கும் மேற்பட்ட நேரடி நிகழ்வுகளை இந்தியா நடத்தியது. கடந்த ஐந்து ஆண்டுகளில் டிக்கெட்டுகளுடன் கூடிய நிகழ்வுகள் நான்கு மடங்கு அதிகரித்துள்ளன, இது நேரடி பொழுதுபோக்குக்கான வளர்ந்து வரும் ஆர்வத்தை எடுத்துக்காட்டுகிறது.

திறமையாளர் தொகுப்பின் விரிவாக்கம்: ஊடகம் மற்றும் பொழுதுபோக்கு  துறை 2.8 மில்லியன் மக்களுக்கு  நேரடியாகவும், கூடுதலாக 10 மில்லியன் மறைமுக வேலைவாய்ப்பையும் வழங்குகிறது. இந்தியாவின் அளவிடக்கூடிய திறமை, நன்மை, அதன் பன்முகத்தன்மை கொண்ட கலாச்சார மற்றும் மொழியியல் நிலப்பரப்பால் வலுப்படுத்தப்படுகிறது, இது ஒரு செழிப்பான உள்ளடக்கச் சூழல் அமைப்பை வளர்க்கிறது.

மேலும் விவரங்களுக்கு இந்த ஆங்கிலச் செய்திக் குறிப்பைக் காணவும்  https://pib.gov.in/PressReleasePage.aspx?PRID=2126107

----  

SM/PKV/KPG/SG