اداکار اور فلمساز شاہ رخ خان نے فلم انڈسٹری کی جانب سے وزیر اعظم جناب نریندر مودی کاویوز سمٹ کو تصور کرنے اور ایک ساتھ لانے کے لیے شکریہ ادا کیا ہے جس میں تفریحی صنعت کو مزید مضبوط کرنے کی صلاحیت ہے۔ انہوں نے ذکر کیا کہ یہ پلیٹ فارم صنعت کے لیےکس قدر موزوں ہے اور یہ مختلف محاذوں پر حکومت کی جانب سے انتہائی ضروری ہم آہنگی اور مدد فراہم کرے گا۔

اداکار اور فلمساز شاہ رخ خان نے فلم انڈسٹری کی جانب سے وزیر اعظم جناب نریندر مودی کاویوز سمٹ کو تصور کرنے اور ایک ساتھ لانے کے لیے شکریہ ادا کیا ہے جس میں تفریحی صنعت کو مزید مضبوط کرنے کی صلاحیت ہے۔ انہوں نے ذکر کیا کہ یہ پلیٹ فارم صنعت کے لیے کس قدر موزوں ہے اور یہ مختلف محاذوں پر حکومت کی جانب سے انتہائی ضروری ہم آہنگی اور مدد فراہم کرے گا۔

فلم کی شوٹنگ کی منزل کے طور پر بھارت کے بے پناہ امکانات کے بارے میں بات کرتے ہوئے، خان نے بتایا کہ کس طرح بھارت بین الاقوامی فلم سازوں کے لیے ’شوٹ ان انڈیا ‘کے لیے اگلی منزل ہوسکتی ہے۔

خان نے ہندوستانی سنیما کو ٹائر2 اور ٹائر3 شہروں کے ناظرین کے لیے مزید سستی بنانے پر بھی زور دیا۔ انہوں نے ان شہروں میں سنگل اسکرین سنیما کا تجربہ لانے کاتصور پیش کیا جس سے فلموں کو زیادہ ناظرین تک پہنچنے میں مدد ملے گی۔

اداکارہ دیپیکاپدوکون نے بھی ویوز کی اہمیت کے حوالے سے اپنے خیالات کا اظہار کیا اور اسے میڈیا اور تفریحی صنعت کے مختلف ذرائع کو اکٹھا کرنے کے لیے بروقت مداخلت قرار دیا۔ انہوں نے کہا کہ اس شعبے کے مختلف عمودی اب تک کم اتصال کے ساتھ کام کر رہے ہیں جبکہ ویوز کا دائرہ وسیع ہے اور اس میں فلموں،او ٹی ٹی ،انیمیشن اور اے آئی اور دیگر عمیق ٹیکنالوجیز کو ایک ساتھ بنانے کے امکانات ہیں۔

ویوزسمٹ کے پہلے دن کے موقع پر بات کرتے ہوئے، اداکار شاہ رخ خان اور دیپیکا پدوکون نے فلمساز کرن جوہر کے ساتھ’دی جرنی: فرام آؤٹ سائیڈر ٹو رولر‘ نامی سیشن میں دلکش بات چیت کی۔ انہوں نے فلم انڈسٹری میں اپنے سفر کے بارے میں بات کی  اور اس پر غور کیا کہ کس طرح انہوں نے اپنے لیے ایک جگہ بنائی۔ شاہ رخ خان نے’ آؤٹ سائیڈر انسائیڈر‘ پر اپنے خیالات کا اظہار کیا اور نوجوانوں سے کہا کہ وہ فلم انڈسٹری کو کسی دوسرے پیشہ کی طرح سمجھیں جہاں محنت اور لگن کا کوئی متبادل نہیں ہے۔

سوشل میڈیا اور امیج مینجمنٹ کے زمانے میں انٹرٹینمنٹ انڈسٹری کی بدلتی ہوئی حرکیات کے بارے میں بات کرتے ہوئے، خان نے نئے آنے والوں کو مشورہ دیا کہ وہ محض اپنی تصویر پر توجہ دینے کے بجائے اپنی صلاحیتوں پر توجہ دیں۔پدوکون نے مزید کہا کہ یہ وقت اپنی منفرد طاقتوں اور صلاحیتوں کے ذریعے خود کو ممتاز کرنے کا ہے۔

اپنے اختتامی کلمات میں، فلم ساز کرن جوہر نے بھارت کو ایک سافٹ پاورقرار دیا جو آنے والے سالوں میں ویوزکے ساتھ اگلی چھلانگ لگانے کے لیے تیار ہے۔

* * *

(ش ح۔اص)

UR No 454