Kum ka dak jong ka jingsngew sarong na ka bynta ka kam shna phlim jong ka India, “A Doll Made Up of Clay”, ka phlim jong ki samla pule jong ka Satyajit Ray Film & Television Institute (SRFTI), ka la shah jied ha ka bynta ba pawnam jong ka La Cinef ha ka 78th Festival de Cannes 2025. Ka dei tang kane ka phlim na India kaba la rung ha kane ka thup, bad kane ka phlim ka pyni ia u mawmer ba kongsan ha ka jingiaid lynti ka jingpule ha ka liang ka phlim.

Shaphang ka phlim

Da ka jingangnud, uwei u samla nongialehkai na Nigeria u la die noh ia ka jaka jong u kpa jong u ban bud ia ka jingangnud jong u ban long u nongialehkai phutbol ba tbit ha India. Hynrei na ka jingmynsaw ka la pynthut noh ia ka kam jong u ka pynlong ia u ban duh jingkyrmen bad ban sahkut ha ka ri kaba um don jingshemphang. Lyngba ka jingshitom ha ka met, ka jingktah ki jingeh ia ka jingmut jingpyrkhat, bad ka jingeh ha ka jingithuh, u pyniasoh biang bad ki dustur ba iadei bad ka jingngeit jong ki kpa tymmen jong u, u shem ia ka jingpynim bad jingmut. Ka phlim Doll Made Up of Clay ka dei ka jingwad bniah kaba khlain ia ka jingkylla, ka jingduh, bad ka jingiaineh jong ka kolshor.

Kane ka phlim jingpyrshang kaba 23 minit, kaba la pynmih hapoh ka tnad pynmih phlim bad telebishon (PFT) jong ka SRFTI, ka pyni ia ka jingiatreilang hapdeng ki ri. La pynmih da u Sahil Manoj Ingle, u samla pule ka PFT, bad la direct da u Kokob Gebrehaweria Tesfay, u samla pule na Ethiopia hapoh ka ICCR African Scholarship, kane ka phlim ka pyni ïa ka jingaiti lut jong ka SRFTI ha ka jingsaindur thymmai ia ki kam shna phlim ha ka pyrthei.

Da kaba pdiang ia ka jingkhot ban iashim bynta ha ka La Cinef ha Cannes, ka phlim ka pyni ia ki sap kiba dang mih na ki skul ba pawnam ba iadei bad ki phlim ha ka pyrthei. Kane ka tamasa ka long ha France mynta u bnai Jymmang.

Ki jingangnud, ka jingiaineh bad ka jingithuh ha ka pyrthei

U Prof. Sukanta Majumdar (Dean, SRFTI) u la pynpaw ba “Kino kino ki jingpynpaw ha ki phlim jong ki samla pule jong ngi, haba ki ioh jingithuh ha ka rynsan ba pawnam jong ka pyrthei, ka pynlong ïa ngi ban sngew shngaiñ. Kane kalong ka khyllipmat kaba khraw jong ka jingsngew sarong na ka bynta jong ngi, bad ngi sngew sarong shibun eh ïa ki samla pule jong ngi. Nga kitbok kitrwiang ïa ki na ka bynta ka jingïakob.”

“Kane ka projek ka dei ka jingthmu ba don ha ki dewbah bapher bapher—ka khana kaba ïaid lait ïa ki pud. Ka jingshah jied sha ka Cannes ka dei ka jingphohsniew kaba la urlong bad ka jingpynshisha ïa ka jingpyrkhat shaphang ka pyrthei hapoh ki kynroh jong ka SRFTI,” la ong u nongpynmih phlim u Sahil Manoj Ingle.

U Director Kokob Gebrehaweria Tesfay u la bynrap, “Kane ka khana kaba jylliew bha ka kren shaphang ka jingïaid lynti jong ki samla ba don jingangnud kiba ïaid lyngba ki jingeh kiba thymmai, kiba pynsaindur thymmai ïalade. Ka Cannes ka rakhe ia ka jingiaineh bad ruh ia ki khana bym lah ban iathuh.”

Ka jingiatreilang ha ka pyrthei:

Ki nongak bad ki nongtrei jong ka phlim ki pyni ïa ka jingpyrshang ba kyrpang:

• Producer: Sahil Manoj Ingle
• Writer & Director: Kokob Gebrehaweria Tesfay (Ethiopia)
• DOP: Vinod Kumar
• Editor: Haru – Mahmud Abu Naser (Bangladesh)
• Sound Design: Soham Pal
• Music Composer: Himangshu Saikih
• Executive Producer: Uma Kumari & Rohit Kodere
• Line Producer: Avinash Shankar Rhurve
• Lead Actor: Ibrahim Ahmed (Nigeria)
• Casts: Geeta Doshi, Ibrahim Ahmed, Rwitban Acharya

Shaphang ka SRFTI

La seng ïa ka SRFTI ha u snem 1995, la ai kyrteng ïa u nongshna phlim ba pawnam u Satyajit Ray, da kaba bteng ïa ka pateng jong ka ban pynkupbor ïa ki pateng ba thymmai jong ki nongthuh khana lyngba ka jingtbit ha ka jingpule ha ka liang ka phlim.

*****