இந்திய சினிமாவுக்கு பெருமை சேர்க்கும் தருணத்தில், சத்யஜித் ரே திரைப்படம் மற்றும் தொலைக்காட்சி நிறுவனத்தின் (எஸ்.ஆர்.எஃப்.டி.ஐ) மாணவர் திரைப்படமான "A Doll Made up of Clay",  78-வது கேன்ஸ்  திரைப்பட விழாவின் மதிப்புமிக்க La Cinef பிரிவில் அதிகாரப்பூர்வ தேர்வைப் பெற்றுள்ளது. இந்தப் பிரிவில் ஒரே இந்திய நுழைவு என்ற வகையில், இந்த படம் இந்தியாவின் திரைப்படக் கல்வி பயணத்தில் ஒரு குறிப்பிடத்தக்க மைல்கல்லைக் குறிக்கிறது.

திரைப்படம் பற்றி

லட்சியத்தால் உந்தப்பட்டு, ஒரு இளம் நைஜீரிய தடகள வீரர் இந்தியாவில் ஒரு தொழில்முறை கால்பந்து வீரராக வேண்டும் என்ற தனது கனவைத் தொடர தனது தந்தையின் நிலத்தை விற்கிறார். இருப்பினும், ஒரு காயம் அவரை ஏமாற்றமடையச் செய்து அறிமுகமில்லாத நாட்டில் சிக்கித் தவிக்க வைக்கிறது. உடல் வலி, உணர்ச்சி அதிர்ச்சி மற்றும் அடையாள நெருக்கடி மூலம், அவர் தனது முன்னோர்களின் ஆன்மீக மரபுகளுடன் மீண்டும் இணைகிறார், மீட்பையும் அர்த்தத்தையும் காண்கிறார். களிமண்ணால் ஆன ஒரு பொம்மை என்ற இத்திரைப்படம் இடப்பெயர்வு, இழப்பு மற்றும் கலாச்சார பின்னடைவு ஆகியவற்றின் சக்திவாய்ந்த ஆய்வாகும்.

எஸ்.ஆர்.எஃப்.டி.ஐ-யின் திரைப்படம் மற்றும் தொலைக்காட்சி தயாரிப்பு  துறையின் கீழ் தயாரிக்கப்பட்ட இந்த 23 நிமிட சோதனை திரைப்படம், எல்லை தாண்டிய ஒத்துழைப்பைக் காட்டுகிறது. பி.எஃப்.டி மாணவரான சாஹில் மனோஜ் இங்கிள் தயாரித்து, ஐ.சி.சி.ஆர் ஆப்பிரிக்க உதவித்தொகையின் கீழ் எத்தியோப்பிய மாணவரான கோகோப் கெப்ரேஹவேரியா டெஸ்ஃபே இயக்கிய இந்தப் படம் உலகளாவிய சினிமா கண்டுபிடிப்புகளுக்கான எஸ்.ஆர்.எஃப்.டி.ஐ -யின் அர்ப்பணிப்பை விளக்குகிறது.

கேன்ஸ் திரைப்பட விழாவில் லா சினிஃப் போட்டியில் பங்கேற்க அழைப்பைப் பெற்ற இந்தத் திரைப்படம், சிறந்த உலகளாவிய திரைப்படப் பள்ளிகளில் இருந்து வளர்ந்து வரும் திறமைகளை முன்னிலைப்படுத்துகிறது. இந்தத் திருவிழா இந்த மே மாதம் பிரான்சில் நடைபெறுகிறது.

"எங்கள் மாணவர்களின் எந்தவொரு சினிமா வெளிப்பாடுகளும், ஒரு மதிப்புமிக்க உலகளாவிய மேடையில் அங்கீகரிக்கப்படும்போது, எங்களுக்கு உறுதியளிக்கின்றன. இது எங்களுக்கு பெருமைக்குரிய ஒரு பெரிய தருணம், எங்கள் மாணவர்களைப் பற்றி நாங்கள் மிகவும் பெருமைப்படுகிறோம். போட்டி சிறப்பாக அமைய அவர்களுக்கு எனது வாழ்த்துக்களை தெரிவித்துக் கொள்கிறேன்" என்று பேராசிரியர் சுகந்தா மஜும்தார் (டீன், எஸ்.ஆர்.எஃப்.டி.ஐ) கூறினார்.

"இந்த திட்டம் கண்டங்களைக் கடந்து ஒரு பகிரப்பட்ட பார்வை - எல்லைகளைக் கடந்த ஒரு கதை. கேன்ஸ் தேர்வு என்ற ஒரு கனவு நனவானது" என்று தயாரிப்பாளர் சாஹில் மனோஜ் இங்க்லே கூறினார்.

இயக்குனர் கோகோப் கெப்ரேஹவேரியா டெஸ்ஃபே கூறுகையில், "இந்த ஆழமான தனிப்பட்ட கதை புதிய சவால்களை வழிநடத்தும் கனவு காண்பவர்களின் பயணத்தைப் பேசுகிறது, அவர்கள் யார் என்பதை மறுவடிவமைக்கிறது. கேன்ஸ் நெகிழ்ச்சியையும் சொல்லப்படாத கதைகளையும் கொண்டாடுகிறது’’ என்றார்.

படத்தின் நடிகர்கள் மற்றும் குழுவினர் ஒரு சிறப்பான சர்வதேச முயற்சியை பிரதிநிதித்துவப்படுத்துகிறார்கள்:

•          தயாரிப்பாளர்: சாஹில் மனோஜ் இங்கிள்

•          எழுத்து & இயக்கம்: கோகோப் கெப்ரெஹவேரியா டெஸ்ஃபே (எத்தியோப்பியா)

•          ஒளிப்பதிவு ; வினோத் குமார்

•          படத்தொகுப்பு ; ஹரு மஹ்மூத் அபு நாசர் (பங்களாதேஷ்)

•          ஒலி வடிவமைப்பு: சோஹம் பால்

•          இசையமைப்பாளர்: ஹிமாங்ஷு சைகிஹ்

•          நிர்வாக தயாரிப்பாளர்: உமா குமாரி & ரோஹித் கோடெரே

•          தயாரிப்பு நிர்வாகி: அவினாஷ் ஷங்கர் ஹுர்வே

•          கதாநாயகன் : இப்ராஹிம் அகமது (நைஜீரியா)

•          நடிகர்கள்: கீதா தோஷி, இப்ராஹிம் அகமது, ருவித்பன் ஆச்சார்யா

எஸ்.ஆர்.எஃப்.டி.ஐ பற்றி

1995 -ம் ஆண்டில் நிறுவப்பட்ட எஸ்.ஆர்.எஃப்.டி.ஐ, புகழ்பெற்ற திரைப்பட இயக்குநர் சத்யஜித் ரேயின் பெயரில் இயங்குகிறது. திரைப்படக் கல்வியில் சிறந்து விளங்குவதன் மூலம் புதிய தலைமுறை கதைசொல்லிகளை மேம்படுத்தும் பாரம்பரியத்தைத் தொடர்கிறது.

*****

(Release ID: 2124574)

PKV/SG